الصيد فى مصر - اماكن الصيد فى الاسكندرية

الصيد فى مصر (http://www.egyhunt.net/index.php)

- صيد السمك (http://www.egyhunt.net/forumdisplay.php?f=75)

- - اماكن الصيد فى الاسكندرية (http://www.egyhunt.net/showthread.php?t=39859)

اماكن الصيد فى الاسكندرية

اولا الشواطىء
نبدأ بلوران امام المحروسه والصيد هناك بالبوصه اليد والماكينه والسمك بطاطا ومرمار وشراغيش
ثانيا السرايه واحد امام كافتريا نانا الصيد ايضا بالبوصه اليد والماكينه وهناك ايضا بطاطا وشراغيش ومرمار والصيد هناك ليا ونهارا والمكاينه تفضل ليلا لوجود الدنيس
ثانيا لسان جليم الاخير وده الصيد ايضا بالبوصه اليد والماكينه ولكن يفضل البوصه اليد وايضا الصيد من ناحيه البحر سان سيتفانو بطاطا وشراغيش لكن من ناحيه البحيره او الجانب الاخر جالانفيش وبورى واحجام كويسه اما البطاط والشراغيش صغيره الحجم
ثالثا سبورتينج امام فندق قاعود وامام كافتريا سبورتينج قدام الباركينك بتاع العربيات يفضل البوصه اليد عشان الوعر هناك جامد جدا فى النهار بطاطا وشراغيش وموزه وفى وميرا وفى موسم الاسكامتيشا توجد هناك بوفره وايضا بورى احجام كبيره لان هناك كام بلوكه غرقانه جيدين وهناك غرق حوالى 5 متر وبالليل شراغيش ودنيس احجام ممتازه
رابعا شواطىء سته اكتوبر ما عليك انك تدخل على اى حاجز من هناك وتقوم بالصيد بوصه يد فقط شراغيش وميرا احجام جيده جدا جدا ودنيس ايضا
خامسا الساحل الشمالى تقوم بالدخول لاى من القرى السياحيه الى هناك والصيد هناك بالماكينه فقط والصيد مرمار من المقام الاول وشراغيش ودنيس اساسى ايضا
سادسا مارينا الصيد هناك بالبوصه اليد والماكينه تفضل ليلا الصيد و الصيد بالبوسه اليد بورى ودنيس ومرمار وبطاط والبطاطا اكتر عند المينا الى هناك امام بورتو مارينا اما الماكينه تفضل ليلا من على الكبارى وبالاخص من كوبرى الوزراء وده الدخول هناك من بوابه 5 وطبعا افضل البوابات للصيد 5 او 6
ثانيا الجزر
اولا جزر ابو قير
نبدا بالجزر الخمسه تقوم بالذهاب الى ابو قير و تركب الكاريته من هناك توصلك على الشاطىء وتسال على محمد السفاح او على ابو وليد لان دول حاليا الى بيدخلوا الجز بس واجره المركب 5 جنيه الدخول 6.30 صياحا والخروج 5 العصر وده فى الصيف فى الشتاء الخروج 4 بالنسبه للجزر
1-الجزيره الاولى : افضل الجزر ولكن اوطاهم وتحتاج يكون البحر مريح ويوجد بها كحله وبطاطا وشراغيش وبورى وتيوس وميرا وموزه وحلاليف بوفره
2_ الجزيره التانيه : فى المقام الاول شراغيش ثم بطاطا ثم حلاليف
3-الجزيره التالته نفس الجزيره التانيه
4-الجزيره الرابعه؛ نفس التانيه والتالته ولكن بتوافر عليها الزنجاريا بكثره فى الموسم الخاص بها
5_الجزيره الخامسه:ودى شبه الاولى وتحتاج ايضا يكون البحر مريح ودى بطاطا وشراغيش وتيوس وحلوف من المقام الاول
نيجى باه لجزيره نيلسون : ودى بطاطا بطاطا بطاطا ثم شراغيش وحلاليف وكحله ومرزبان احيانا بورى ودنيس ودى يفضل الدخول مع مراكب الحاج ابو سعيد او هانى
ثانيا جزر ميامى
ودى طبعا الدخول اليها من ميامى وتسأل على الحاج ابو شامه وهناك جزيرتين
اولا السادات : ودى عباره عن فيلا فى المياه وهناك بطاطا وشراغيش ودنيس وبورى وحلاليف وتيوس والصيد بالبوصه اليد افضل
ثانيا جريشه :دى تحتاج البحر انه يكون مريح او مشخشخ ولا يفضل البحر عالى لانها واطيه ودى باه شراغيش كبيره وحلاليف كبيره بوفره ومرمار وبورى وبطاطا وتيوس جيده