استفسار بسيط بخصوص التل المجرى
 

السلام عليكم يا أعضاء أحلى منتدى أنا قرأت ان التل المجرى نمره 2 ممتازه ولقيت ناس تانيه بتقول انها متوسطة القوه فبالله عليكم أفيدونى حيث انى اريد شراء بندقيه للعمر فى حدود 1500 جنيه و هل الأفضل الكسر ام الجزره وبالنسبه لقطع غيارها متوفره ام لا وأخيرا هل يمكن تركيب منظار لها ؟

رد: استفسار بسيط بخصوص التل المجرى
 

السلام عليكم

التل مجرى ماركة محترمة جدا ولكنها من الماركات القديمة وهناك موديل كسر و موديل أخر بعتلة سفلية و الأفضل فيها العتلة لأن سوستتها عبارة عن 2 سوستة داخل بعض و كل أجزائها من الحديد والخشب زان قوى جدا والناشينكان والزناد حديد فهى بندقية متينة جدا ولكن قوتها متوسطة مقارنة بالأنواع الحديثة من جامو ونوريكا وديانا وغيرهم وبالنسبة لقطع الغيار ربما تجد صعوبة نسبيا فى أيجاد قطع الغيار الأصلية لها لأن أغلب الموديلات الموجودة هى موديلات قديمة
ولكن لا نستطيع عمل مقارنة من ناحية القوة بينها وبين الموديلات الحديثة و أخيرا أتمنى من الله أن يوفقكك فى عملية الاختيار

وشكرا

رد: استفسار بسيط بخصوص التل المجرى
 

جزاك الله كل خير على المعلومات القيمه وجعله الله فى ميزان حسناتك

رد: استفسار بسيط بخصوص التل المجرى
 

متألق ديما فى معلوماتك و اخلاقك يا استاذ اشرف , و الى الامام يا بطل

رد: استفسار بسيط بخصوص التل المجرى
 

البندقية التل من اجود واحسن البنادق بشهادة جميع الذين يقتنيونها والجميع يشكر فيها بشدة
سرعتها من 180 الى 190 متر ثانية
وهية سرعة ممتازة للصيد وتساوى انواع اخرى من البنادق مثل الجامو 900 مثلا وهى افضل بمراحل من النوريكا 50 والنوريكا 61 من حيث السرعة والدقة
انصحك بها بشدة وبالاخص النوع زو العتلة
بالنسبة للمنظار فهى لا تحتاج لة لانك لن تضرب ابعد من 40 الى 30 متر
تقبل مرورى

رد: استفسار بسيط بخصوص التل المجرى
 

لو توفر 200 او 300 جنية كمان وتجيب بام 21 وهية تقليد للديانا ومن بنادق الهاى باور يبقى تمام
تقبل مرورى

رد: استفسار بسيط بخصوص التل المجرى
 

أستاذى الفاضل درويش والأستاذ محمود والأستاذ القناص بصراحه لم أكن متوقع سرعة الرد وهذا ان دل فانما يدل على جمالكم فجزاكم الله كل خير

رد: استفسار بسيط بخصوص التل المجرى
 

لا يوجد وجه مقارنه يا استاذ درويش بين التل ريلوم المجرية الصنع والبام البام لا تتميز الا بالقوه فقط ولكن التل تتميز بالدقه والعراقه والخامات والوقار وهى من اشهر البنادق عن الصيادين القدام وتحتل المركز الثانى فى الدقه بعد السلافيا وتنافس البى اي فيه

رد: استفسار بسيط بخصوص التل المجرى
 

العبره بالانجاز لو انا عايز اسافر الزقازيق هركب مواصله او سياره سريعه توصلنى المهم انى اوصل والعبره فى البندقيه بانجازها اللحظى وليس ماضيها يعنى انا لو خارج اصطاد دلوقتى وقدامى التل وقدامى البام هاخد البام من غير ما افكر وتقبل مرورى

رد: استفسار بسيط بخصوص التل المجرى
 

بسمالله اخى السائل الاخوة جميعا صح ولكن تجربتى الشخصية مع التل المجرى كما يلى اولاخامات حديد ممتازة تجميع نشان فوق الممتاز والكلام على التلlg15 ام عتلة تعالة بقا يا سبدى لقطع الغيار غيرمتوفرة بالكامل مثال على ذالك السوستة المزدوجة الاصلية غير متوفرة الاعند اثنان واحد فى الجيزة والثانى فى الاسكندرية غبر كدة متلقاش ومن باب العلم بالشيئ تمنها غالى غيركدة هتدخل فمتاهت اركبلك السوستة دى وهتشتغل ويشغلولك دماغك بالكدب اما رأى الاستاذ محمد عبد الرازق فية الكثير مما يفكر في الصياد عند امتلاكة للبندقية ايا كانت ان كنت مش محترف ضرب بعد فترة بسيطة سوف تجد نفسك احترفت وحبيت الحكاية تجد نفسك تحادث نفسك يارتنى جبت بندقية شديدة ولو حبتين فلماذا تحبر نفسك امامك حلين ان كانت المادة متوفرة بعون الله هات الشدبد اليقطع غيارة عند البقال زى مابيقولو وان لافاصبرقليلا الى ان ياتى فرج مولاك واقرب منة مفيش بدل البيع والشرى اليخسر وشكرا

رد: استفسار بسيط بخصوص التل المجرى
 

أ/ احمد شلبى
البندقيه التل المجرى بندقيه اكتر من ممتازه
بس لنت لو بدور على القوه فمتفكرش فيها لكن لو بدور على الرشاقه والدقه والاصاله فهى بندقبه اكتر من ممتازه
وبالنسبه لقطع الغيار موجوده ومتوفره
ودى صوره للبندقيه