|
حادث مؤسف لاحد اقاربي
السلام عليكم احبابي ف المنتدي
مش هطول عليكم و هدخل ف الموضوع علطول .. احد اقاربي حصله حادث مؤسف هو شغال عالتاكسي بتاعه و ركب معاه 3 .. اتنين ورا و احد قدام جنبه .. المهم .. ودينا المكان الفلاني لا ودينا هنا لا هنا و عمالين يلففوه كل الاماكن عشان يدوه مكان مقطوع و هو مش راضي و كل ما يقف بيهم يقف ف مكان في ناس و نور المهم ف الاخر قالوله ودينا المستشفي و علي اول طريق البوابه راحوا مكتفينه و ضاربينه الاتنين اللي ورا و اللي جنبه رش ف وشه الرذاذ و اخد العربيه و طبعا طلبوا يجي نص تمنها عشان يرجعوها تاني .. حادث مؤسف بصراحه بس المؤسف اكتر ان لما راح يبلغ المباحث كان الرد مفاجيء .. قالوله شوفهم عايزين كام و ادفع و لما يجد جديد ابقي قولنا .. و من كام شهر برده اخويا اتثبت و انضرب ب سنجه علي كتفه و اتاخد منه لاب توب ب 4000 جنيه اذا كانت الشرطه مش هتحمينا .. مين هيحمينا .. انا عن نفسي بنزل بالايجل و البلي .. يطلع بقي البلي ممنوع او مش ممنوع مش هتفرق .. ماعدش يفرق .. و ماعدش مهم اني اهتم و انزل ب صوت عشان ماتحصليش مع الشرطه مشكله لالالا .. اذا كان الشرطه مش هتحميني طيب اهتم و امشي قانوني ليه بقي .. ساعه التثبيت مفيش ظابط هيلحقني ولا امين شرطه يحجز او يحمي اهلي او عربيتي .. اللي هيحميني هو سلاحي سواء بلي او حي او استيك او اليكتريك .. كل واحد والحاجه اللي معاه بقي ساعتها .. بس تاكدوا ان البلطجي مش هيسمي علي حد و الفرصه لو جاتله مش هيفوتها .. ف انا مش هفوت الفرصه - فرصه الدفاع عن نفسي - لو جاتلي و هخاف من شرطه ولا قانون اللي هما اصلا غضوا الطرف عن حمايتي و لو لاقدر الله حصل حاجه و اتمسكت ب مسدس بلي يبقي عالاقل عالاقل دافعت عن نفسي و البلطجي ماقتلنيش او خطف اهلي او زوجتي او اختي او ثبت اخويا او حتي سرق عربيتي و المحامين ماشاءالله عندهم بدل الثغره طرق صحراويه ف القانون المصري يقدروا يطلعوا اي حد من اي حد حسب الموقف و الواقعه و الحادث و ملابساته و تصرفات الشخص و التحريات عنه هل مسجل او مسالم |
رد: حادث مؤسف لاحد اقاربي
عندك حق والله في كل كلمه دلوقت انت لو ما مشيتش بسلاح يعتبر خلاص يااتسرقت يا اتقتلت يااتخطفت
بيشجعو البلد ع الفوضي انا فعلا هجيب طبنجه واقلبها بلي |
رد: حادث مؤسف لاحد اقاربي
لا الله الا الله
والله يا احمد الدنيا مبقاش فيها امااان والله يا هندسة ربنا يرحمنا برحمتة |
رد: حادث مؤسف لاحد اقاربي
الناس التانين ههههههههههههههههههههههههه
كلامك ولو انة جدى فكرنى بنكتة الناس التانيين انت معانا والا مع الناس التانيين انا معاكواااااااااااااااااااا طب احنا بقا الناس التانيين ههههههههههههههههههه يعنى تشيل السلاح يبقابلك النفر من دول ماتعرفلوش شرطة والا بلطجى هههههههههه ياترى تقولة انا معاكوا والا مع الناس التانيين انا شخصيل بشيل سكينة مالهاش دعوة بالتذكية ووانا بصطاد لايمكن ادى ضهرى لحد الا وايدى على السكينة دى لدرجة انى فكرتلها فى فكرة وهنفذها انشاء الله لما تختمر فى ذهنى كويس تحياتى لولاد مصر ولصاحب التوكتوك اللى كان كاتب الحكومة سابتنا والبلطجية استلمتنا |
Re: حادث مؤسف لاحد اقاربي
ربنا يستر علينا
|
رد: حادث مؤسف لاحد اقاربي
البلد خربت واللي كان كان
|
رد: حادث مؤسف لاحد اقاربي
اولا شكرا لكل من رد و قرا الكلام و فعلا الموضوع مهم لان دي ارواح و ممتلكات و من الاخر كده يا تحمي نفسك يا تتقلب و تخسر بضاعتك و احتمال تخسر حياتك و حياه الناس اللي بتحبهم ... رجاء كل واحد فينا ياخد الحيطه و الحذر و دايما يكون حذر و هو خارج من البيت حتي لو كان نازل يجيب عيش عشان يتعشي هو و اهل بيته لانه ما يضمنش ايه اللي مستنيه تحت ف الشارع ف الخمس دقايق اللي هيقضي فيهم مصلحته و يرجع بيته ... ممكن ف ال 5 دقايق دول حياته تروح و يموت و مشكورين مره اخري
|
رد: حادث مؤسف لاحد اقاربي
برجاء الالتزام بمحتوى الموضوع و عدم التطرق الى المواضيع الساسية !
|
رد: حادث مؤسف لاحد اقاربي
انا هجيب طبنجة حي وامشي بيها والتخين بقي يقابلني ويفتح بقه :)
|
رد: حادث مؤسف لاحد اقاربي
الحمدلله على سلامة قريبك ياسايكو
وكش عارف اقولك ايه بصراحه بس زي ما انا بعمل هشيل اي حاجه ادافع بيها عن نفسي وعن بيتي |
رد: حادث مؤسف لاحد اقاربي
السلام عليكم ، رغم رفضى لقانون الغابة ده لكن للأسف مفيش حل تانى ربنا يستها علينا كلنا والف سلامة على اخو حضرتك
|
رد: حادث مؤسف لاحد اقاربي
شكرا لحضراتكم و جزيتم خيرا يارب
|
رد: حادث مؤسف لاحد اقاربي
حمدلله على سلامتهم يا باشا وعندك حق فى كلامك وربنا يستر علينا
|
رد: حادث مؤسف لاحد اقاربي
لا حول ولا قوة الا بالله
ربنا يصبركم ويصبرنا ع اللى احنا فيه يا بشمهندس سيد وان شاء الله ترجع العربية باقل الخسائر وان كنا لا نتمنى اى خسارة من الاساس |
رد: حادث مؤسف لاحد اقاربي
لا حول ولا قوة الا بالله
|
| الساعة الآن 07:36 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir