|
افيدوني
انا ناوي انشاء اللة اجيب بندقية بعد ما اتدربت اكثر من خمسة شهور عالشنغهاي وانا بفكر في الجامو بس يكون سعرها في رنج2500 جنية تنصحوني باية ؟
|
رد: افيدوني
السلام عليكم حضرتك السعر ده هايجيب مستعمل و انا ارشح لك الجامو هانتر 440 في عرض لها في السوق و حالتها ممتااااازة موفق ان شاء الله |
رد: افيدوني
طب هيا سعرها اية جديدة؟
|
رد: افيدوني
اقتباس:
++++++++++++++++111111111111 |
رد: افيدوني
طيب هيا سعر الجامو هنتر 440 جديدة بكام وسرعتها كام
ثانيا يستحسن بلاش المستعمل وياريت تفيدوني عن سعر الجامو شادو 1000 نمرة 2 وسرعتها هيا والنوريكا جيت وابقا شاكر ليكم جدا |
رد: افيدوني
بالنسبة للجامو شادو 1000 سرعة نمرة 2 220 م/ث و اخر سعر شوفتة ليها 3250 جنية
و بالنسبة للنوريكا جيت تقريبا نفس السرعة لنفس العيار بس هي معادش منها جديد و لو لقيت حتة جديدة بتبقي مركونة عند التاجر و الباقي الاخوة الافاضل يردو علك فية |
رد: افيدوني
طيب اني واحدة الافضل الجامو شادو 1000 ولا الجامو هنتر 440 ؟
|
رد: افيدوني
اقتباس:
هههههههههه جاو شادو والا جامو هانتر انت تتنبأ باية هههههههههههه طيب بص من غير ما تتنبأ انت اتكحرت فى الصيد خمس شهور وعاوز تعلى بتعلى لية عاوز سرعة ومسافات والا دقة والا عاوز صوت واطى طبعا انا ماقدرش اتنبأ باحتياجاتك ههههههههههه لكن فعلا كان فية هنا بندقية 440 كويس بتاعة الأستاذ محمد شوكت وبزوم بى اس وانا شخصيا لو مجبتش كرال كنت جبتها لو موجودة لحد دلوقتى بعد الفحص يبقا انت كسبتها حدد احتياجاتك واسبابك فى التغيير وبصفة عامة ابعد عن البنادق البلاستيك لأنك لو بيج مان بجد يبقا لو جبت بندقية بلاستيك وكسرتها عشان تعمرها يبقى هتكسرها حتتين يا معلم نقى موديل شديد قوى يستحمل كسر وتعمير كتير وممكن لو عاوز تعلى من غير ما تعور ميزانية الأسرة كتير تجيب بندقية كرال تكون متزبطة وتكون دبشك خشب تحياتى يا سيد المعلمين |
رد: افيدوني
انا مليش في المسافات اخري 25 متر انا عايز حاجة قوية (سرعتها اكتر من 200 متر/ثانية) وبردة عايز حاجة دقيقة والصوت مش فارقة معايا ولا الوزن
وسيبك من ام ميزانية الاسرة كلة بيجي بالذن والمحايلة الشديدة هههههههه يعني ممكن اقعد اتحايل اسبوع وانشاء اللة هتفرج يعني حضرتك تنصحني باية لو مكاني ؟ماعدا الكرال |
رد: افيدوني
اولا البنادق انواع وفى مثل بيقول اذا اجتمعت الازواق لابارت السلع اما بالنسبه للدقه فأنا افضل الجامو cf 30 او الرويال من حيث الوزن والدقه والسعر فى المعقول ومدى سرعه خروج الرش 210 متر اما من حيث القوه فالديانا جميله بس السعر عالى وما يوازيها البام 21 من حيث القوه بس ليست فى دقه الديانا بسبب رد الفعل واقل فى السعر وكما قلت كلها ازواق وحسب انتا هترتاح مع ايهما
|
رد: افيدوني
لا بلاش الجامو رويال دي سعرها غالي شوية وانا بردة عايز ابعد عن الديانات بسبب السعر
شكلها كدة هترسى على الجامو هنتر 440 |
رد: افيدوني
الجامو هنتر ممتازة............وبعدين حضرتك بتقول 25 متر وعايز هاى بور لية؟؟........هاتفرتك الطير وتبهدلة..........الهانتر ممتازة ...اتوكل على الله
|
رد: افيدوني
لان الشنغهاي بتاعت تدريب زي الرمسيس فالواحد عايز ينقل لحاجة اعلى وشكرا عالنصيحة
|
رد: افيدوني
اقتباس:
الرمسيس بتاعت تدريب ازااااااى؟؟؟؟؟؟؟؟؟؟؟دى بندقيه صيد بجد بشهادة صيادين كبار!!! |
رد: افيدوني
الرمسيس بندقية الصياد المحترف............عاملة زى مشرط الجراح انما فية ناس بتحب الشاكوش_هههههههه
|
رد: افيدوني
اقتباس:
واخيرا الرمسيس سرعتها اقل حاجة في البنادق الضغط الهواء وكمان نمرة واحد يعني اقل حاجة في كل حاجة وعشان كدة ناس معينة الي فاهماها ومش عشان هيا عملت مذابح من ناس محترمة اقولك البنادق التانية مع نفس الناس عملت مذابح انيل منها :joi::joi: وببردة المصري حاجة والاسباني او الالماني او اي حاجة اكيد افضل لاننا عمرنا ما هننتج حاجة احسن من ناس احنا متخلفين عنهم باكتر من 1000 سنة تحياااااتي |
رد: افيدوني
هانتر 440 او cf30 او cf20 او جيت نمرة 2 او نوريكا ويست
اى واحدة من البنادق دية روووووووعة |
رد: افيدوني
متشكر جدااا
|
رد: افيدوني
اقتباس:
اقتباس:
دكتور يا باشا الحق بقا اى صيدلية قبل مالليل يدخل بس ممكن نصفيلك عشان ما تحترش الهانتر اروعهم سمعتها افضل من النوريكات كلها وبعدين ويست اسرع ونشانان فسفورى على ما اذكر وبعدين الجيت. دقة وسرعة عالية وبستثنى السى افات عشان موديلات اقدم وصيانتها اصعب وعتل وخلافة طبعا كل الكلام دة من وجهة نظرى ممكن ناس كتير تختلف معايا فى ترتيبى اقتباس:
وطبعا لازم اعاتبك على استثناءك للكرال انت ازاى انت ياد انت ياد انت ياااد تقول اى حاجة ماعدا الكرال دى تفرقة عنصرية ياعم انت بتلقح على كل مالكى الكرال من دلوقتى انت محطوط على قائمة المنع من الزفر ههههههههههههه وهندفعك الفلوس اللى كنت هتشترى بيها البدقية كلها ضرايب اعقل ولو سألت المرشد نفسة هيقولك القصاص.......هههههه اقصد الكرااااااااااااال خليك فى الجامو وبعدين النوريكا وبعدين القصاص ...........اقصد الكرال تحياتى يا شريك باشا وعلى راى واحد حبيبى بالتوفيق انشاء الله هههههههههههههههه |
رد: افيدوني
هههههههههههههههههههههههههههههههههههههههههههههههههه هههههههههههههههههههههههههه هتموتني من الضحك صدقني انت ملكش حل وسبب استسنائي للكرال انها عمرها الافتراضي قصير هتقولي انت يلة يا زبلة انت اية الي يفهمك في الحاجات دي هههههه هقولك الكرال فنشها وحش في الحديد وكمان الدبشك فية عيوب يعني فية ذوايد حوالي ربع مللي ودة الي مقلقني منها جاامد لاني مقتنع انها متكروتة في الصناعة مش عارف لية انا عندي اعتقاد غريب انو ممكن بعد الضرب بها اكتر من 10 سنين القميص يوسع والماسورة تتنى والمسمار الي ماسك الماسورة هيوسع يعني انت ممكن تقول عندي حالة نفسية او عقدة من الكرال هههههههههه معرفش لية المهم اني مش مستريحلها
|
رد: افيدوني
اقتباس:
انت ازاى انت ياد انت ياد انت ياد انت ياد تتنبأ ههههههههههههههه بعمر الكرال انت ضامن عمرك هههههههههههه ممكن تشترى ديانا ووانت خارج بيها من المحل تقع من ايدك تجيب دبشك وبعدين يامفترى هههههههه لما تجيب كرال تقعد معاك 10 سنين على حسب تنبوءك تبقا زعلان ههههههههههههههههههه على فكرة الكرال عندى ولسة مصطاد بيها امبارح نزلت من 7 ل 10.30 ورجعت ب 8 يمامات الكرال الخشب الكسر حلوة ومتفنشة كويس ومافيهاش المشاكل اللى بسمعها وبعدين اللى خلى الرمسيس عايشة كل دة هيموت الكرال والله اللى انا شايفة انها كويسة وشغال وبتأدى الغرض ولو حصل واكسرت والا باظت والا اى حاجة مش هتزعل على تمنها لكن ممكن تزعل عليها عشان اكيد هتكون فحتها صيد وليك معاها ذكريات كتير وبعدين تعالى نعمل عملية حسابية بسيطة كرال متزبطة فى حدود 1300 1300 على 10 سنين دا على حسب تنبؤك يبقا 130 جنية فى السنة 130 على 12 شهر = 10.83 يعنى عشرة جنية وتلاتة وتمانين قرش فى الشهر يعنى لو بتطلع كل يوم جمعة فى الشهر تقف الجمعة ب 2.70 اتنين جنية وسبعين قرش يا سيادة القاضى..........حرام عليك يا عم اقف ورا وارفع ايديك ووشك للحيط هههههههههههههههههه ومش هتبوظ يا عم ماتقلقش وكمان قطع غيارها متوفرة ولو باظت ما تقلقش فية ناس كتير بتزبط اتخن سلاح انشالة مايكونش فاضل منة الا الناشنكاة الأمامى ههههههههههه يعنى تروح بسن نملة الدبانة للورشة يقولك فين الماسورة تقولة وقعت طب الدبشك وقع طب مجموعة الزناد وقعت طب البستم وقع طب السوستة وقعت طب المرشد وقع ههههههههههههههه يقولك طب استريح شوية معانا وساعة ساعتين تخرج بيها زى الفل هههههههههههههه بس من غير مرشد طبعا....هيقولك مالوش لازمة هههههههههههه وبعدين لما تجيب كرال هيبقا كأنك جبت بندقية مشغلاك يا معلم وعندك فرصة كمان انك لو ظهرت بندقية حديثة عجبتك تجيبها وخلى بالك نحن الأن فى زمن السبع العجاف سبع سمان يأكلهن سبع عجاف الزمن الجاى مش مضمون وبعدين هقولك نصيحة جامدة كيك مانتش ملاحظ ان ساعات ناس بتشترى بنادق وتبيعها بعدها بفترة علشان ظروف طرأت او غيرة..... حاول ان بندقيتك مايكونش ليها سعر اوى عشان لو اتزنقت اى وقت ماتبيعهاش فهمتنى يا معلم يالا امشى بقا دانت رغاى اوى هههههههههههههههههههه تحياتى يابو الضخامة |
رد: افيدوني
شكرا على الكلام الرائع والجميل والقلش الجامد هههههههههه انا فعلا مش ضامن عمري بس انا مش مقنتنع ان هيا تقدر تنافس البنادق في الخامة على الاقل الاسباني جامو او نوريكا
احكيلك قصة انا خالي معا b s a جابها وهو عندة 11 سنة يعني هيا عمرها معدي ال30 سنة ولسا الحمد للة عايشة معاة بس بندقية جااااااااااااااامدة فششششششخ قوتها مدمرة ومش مكتوب عليها غير bsa على الجلدة من تحت او يمكن يكون مكتوب على الحديد المهم تخيل لو الكرال مكانها كانت هتفلسع بعد 5 سنين من الاستعمال الطاحن مش ذي b s a الي لسا بحالتها |
رد: افيدوني
اقتباس:
اعمل مشاركة عنوانها مطلوب بى اس موديل قديم نمرة اتنين اى خدمة يا معلم حددتلك هدفك بازبط شوط يا باشا تحياتى واعتقد هتلاقيها فى حدود سعرك او اقل كمان |
رد: افيدوني
اولا هتلاقي حالتها متدمرة من الاستعمال لو موديل قديم
ثانيا استحالة سعرها يكون كدة اكيد اغلى بكتير على الاقل 2500 جنية لو حالتها تعبانة ثالثا لو فية بنادق بي اس اية بالسعر دة مكنش حد غلب وتعب ودور على اسباني مستعمل رغم ان فية الاقوى منه وهو البي اس اية بسعر رخيص وخامة احسن وقوة مفرطة وكمان بلد الصنع تقريبا انجليزي او الماني على ما اتذكر مش فاكر بالظبط المهم لو بي اس اية موديل قديم وحالة جيدة وسرعتها معدية ال 210 متر/ثانية اكيد هيبقا سعرها اكثر من 2500 جنية خلينا نسخن بالاسباني يا جامو هنتر يا رويال ادعي بس ان ربنا ييسر امري |
| الساعة الآن 08:44 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir