|
طالما bsa اكثر دقة لماذا الdiana اكثر شهرة؟
السؤال زي ما هو مكتوب في العنوان كدة اية سبب شهرة الديانا الطاغية وغلوا اسعارها طالما البي اس اكثر دقة منها؟؟ |
رد: طالما bsa اكثر دقة لماذا الdiana اكثر شهرة؟
الديانا تمتاز بالقوة وقطع الغيار متوافرة
والبي إس منتهى الجمال لكن صعب توفر سوستة أو جلبة. لكن موجودة إستيراد من الخارج فقط. بالإضافة إن صيانة الديانا أسهل بكتير |
رد: طالما bsa اكثر دقة لماذا الdiana اكثر شهرة؟
اقتباس:
الف شكر علي التوضيح .. يعني في النهاية دة حكم السوق المصري زي في العربيات مثلا الهيونداي عليها اقبال عن السوبارو او الفلوفو و في المحركات CAT اكثر شهرة من cummins رغم انة لا توجد مقارنة!! |
رد: طالما bsa اكثر دقة لماذا الdiana اكثر شهرة؟
اقتباس:
والقوة متوافرة في الديانا أعلي بكتير من البي اس. علشان كدا الديانا مطلوبة . |
رد: طالما bsa اكثر دقة لماذا الdiana اكثر شهرة؟
اقتباس:
بس انا حقيقي عاوز اوصل لنتيجة, يعني غالبية الصيد بيكون علي يمام و من مسافات اقل من 40 متر فا في الحالة دي القوة بتفيد في اية؟ يعني كان في هنا في المنتدي زميل لينا عامل موضوع انة معاة ديانا 470 "اعلي حاجة في الديانا حلم الجميع الفخامة و القوة و كل ما يتمناه اي شخص" و كان بيشتكي ان تجميع البندقية عند 72 متر غير موفق علي الاطلاق و المسافة تقريبا 14 بوصة بين الضربات لو عايز لينك للموضوع اجيبهولك ففي الحالة دي القوة فادت بأية؟ انا حقيقي بسأل مش بقلل من عظمة الديانا لان الديانا فيها تحف بصراحة كفاية شكل و قوة و امكانيات البندقية؟ بس انا بتكلم بعيد عن الابهار. |
رد: طالما bsa اكثر دقة لماذا الdiana اكثر شهرة؟
يا باشا الالماني في السلام له باريق ولمعان واسم له تاريخ
يعني الجوده والاناقه والفخامه غير كده القوه الي في موديلتها لاكن انا شخصيا افضل الدقه وليس القوه |
رد: طالما bsa اكثر دقة لماذا الdiana اكثر شهرة؟
بالنسبة لى الديانا تجميعها يتوقف على الصياد اللى ماسك البندقية وهيه بالنسبة لى قوة +دقه وخصوصآ اذا تم استخدام تليسكوب مناسب وقوى وعرف يقدر منحنى رماية البندقية اللى فى ايده _ا’فضل الديانا عن البى اس ايه والبندقية البى اس فكها سهل زى فك الديانا ( الديانا لم تخزلنى قط) رأى شخصى فقط وتحدى [/color]
|
رد: طالما bsa اكثر دقة لماذا الdiana اكثر شهرة؟
اقتباس:
هي فقط قوية 890 فيد/ثانية. وبعدين إلي بيقول تجميعها مش كويس معلش مش متعود عليها. يبقى يخليه في الإنجليزي والأسباني أحسن. زي إلي يضرب بالديانا 52 والي يضرب بالديانا 54. 52 محتاجة صياد علشان يجمع بيها. لكن 54 وهي نفس المواصفات محتاجة طفل صغير وهيا حتجمع لوحدها. أمال صاحبك بتاع 470 لو ضرب بالماجنم 350 ألي هيا تتجاوز 300 م/ث حيجمع في متر ونصف؟ :) دي فعلا محتاجة صياد علشان يعرف يجيب بيها حاجة. وإلا حتكون بالنسباله مقشة :) اقتباس:
الصياد المحترف يستغني عن الدقة في مقابل القوة. وهو يتحكم في رد الفعل. |
رد: طالما bsa اكثر دقة لماذا الdiana اكثر شهرة؟
انا ليا راي تانى فى موضوع التجميع للاسف انواع الرش الموجودة فى مصر رديئة جدا وماينفعش تجمع بيها نشال هما اربع انواع ممكن تجمع بيهم نشال فوق ٥٠ متر لحد ٢٠٠ متر وهم بالترتيب jsb rws air arms h&n وبعد كدة انسة لكن احنا فى مصر بنستعمل نوع ومنعرفش هو بيكون دقيق فىالنشال على سرعة كام وطبعا دي بتفرق كتير جدا المهم انك تعرف سرعة البندقية الى معاك كام وبعدين تشترى الرش المناسب لسرعتها الموضوع دى كبير وفى نقاط كتير وياريت اكون وضحت جزء بسيط عن التجميع انا بجمع على ١٠٠ متر داخل ٢سم
|
رد: طالما bsa اكثر دقة لماذا الdiana اكثر شهرة؟
اقتباس:
مع كامل إحترامي يا باشا بس 200 متر دي مش كتير شويه !!!!!!!!! |
رد: طالما bsa اكثر دقة لماذا الdiana اكثر شهرة؟
المختصر المفيد الصياد مش البندقيه .. البندقيه عامل مساعد بس الصياد هو اﻷساس :)
|
رد: طالما bsa اكثر دقة لماذا الdiana اكثر شهرة؟
الاخوة الاعضاء جميعا بعد التحية.
من المشاركات السابقة وجدت أجابات كثيرة وأغلبها أن لم يكن كلها صحيح فيما يخص القوة والدقة. أنا رأيى الشخصى أن أنواع الرش الموجودة فى مصر بصفة عامة حتى مايقال عنها مستوردة بالفعل رديئة للغاية والدليل على كده أنا شخصيا جربت أنواع كثيرة منها الجامو (ديابلو وماتش) وايضا الرش الالمانى العلبة الموف والعلبة الخضراء (ديابلو وماتش) 500 رشة فى العلبة والرش الانجليزى الماركس مان (ديابلو العلبة 500 رشة) ولاحظت أن اثناء تلقيم الرشة فى بيت الرش ساعات الرشة تدخل مكانها بسهولة وساعات تدخل مكانها بأحكام وساعات تدخل مكانها بالضغط عليها. للعلم ده مع نفس البندقية ومن نفس علبة الرش. وبما أن مكان بيت الرش مساحته ثابتة يبقى التغيير فى الرشة. وده بيأدى الى عدم الدقة فى النيشان حتى لو من مسافة 20 الى 25 متر. من خلال تجربتى تأكد لى تماما أن نوعية الرش غير جيدة وتأتى بنتائج سلبية فى الدقة. أما بخصوص موضوع الفرق بين الديانا والبى اس ايه فى الدقة والقوة والسعر وبرضه ده رأيى الشخصى أن لكل بندقية محبيها اللذين يدافعوا عنها وبقوة وعلشان أكون صريح أنا من محبى البى اس ايه بل من عشاق الصناعة الانجليزية عموما. بالنسبة للدقة فالبى اس بشهادة عالمية هى من احد أدق البنادق ويكمن سر دقتها فى شخشانات ماسورة البندقية المعروفة. بالنسبة للقوة تغلبت الديانا فى فترة من الفترات على البى اس ولكن لو بصينا للبنادق الموجودة حاليا على موقع بى اس هنلاقى بندقية زى Supersport SE - Lightning XL SE مثلا سرعتهم لنمرة1 305 متر/ث ونمرة2 240 متر/ث ونمرة3 230 متر/ث وأعتقد دى سرعات لا بأس بها + الدقة المتناهية. بالنسبة للسعر فالبى اس طول عمرها مظلومة فى سعرها فى مصر مقارنة بالديانا وممكن تكون الاسباب التى ذكرها الاخوة الاعضاء الافاضل مثل عدم توافر قطع الغيار وصعوبة الصيانة من اهم الاسباب التى لم نعطى هذه البنادق حقها فى مصر سواء فى المبيعات وكذلك الاسعار لكن لو حضرتك قارنت الاسعار فى الخارج ستجد أن البى اس اسعارها أغلى من الديانا (شوف حضرتك الرابطين دول ولاحظ أن فى بندقية بى اس سعرها 14700 جنيه مصرى فى الخارج وأغلى بندقية ديانا سعرها تقريبا 8000 جنيه فى الخارج مع ملاحظة وجود عيوب فى التصنيع مثل تعليق خزنة الرش وتسريب الهواء) http://www.airgunbuyer.com/Showprodu...20Air%20Rifles http://www.airgunbuyer.com/Showprodu...20Air%20Rifles دى وجهة نظرى الشخصية قد يتفق معى البعض وقد يختلف البعض الاخر ولكن فى النهاية الاختلاف فى الرأى لا يفسد للود قضية. أسف على الاطالة فى ردى. وللجميع خالص تحياتى. |
رد: طالما bsa اكثر دقة لماذا الdiana اكثر شهرة؟
200 متر مش كتير air arms pcp المهم ما يكنش في هواء والرشه تكون 25 جرين والقوه 47 جول وكده يبقي 200 متر سهل وانشاء الله انا نازل مصر قريب وهعمل الفيديو علي 200 متر
|
رد: طالما bsa اكثر دقة لماذا الdiana اكثر شهرة؟
انا من راي ا عادل لذلك انا اخترت الايتنج اكس ال تتمتع بالقوة والدقة والخامات القيمة
|
رد: طالما bsa اكثر دقة لماذا الdiana اكثر شهرة؟
موضوع مميززززززززززززززززززززززززززز
|
| الساعة الآن 10:00 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir