|
رفقااا بالفقراء !
بسم الله الرحمن الرحيم من يومين كنت نزلت السوق أشتري سمك وخضار، الجو كان برد جداً .. إشتريت السمك وسبته يتشوي وطبعاً المحل كبير وليه تسعيرته ومحدش بيقول بم بتدفع وإنت ساكت .. رحت أجيب الخضار وإذ بست عجوزة في سن جدتي قاعدة على الأرض وحواليها الخضار .. جاءت ست تانية تشتري "بكام الجرجير ؟" ... "الإتنين بجنية يا حبيبتي" وإذ بالست راحت مطوحة وشها وماشية .. وفي نبرة المستعطف تجد الست كبيرة السن تقول "طب خدي الأربعة بجنية" .. تلتفت الست الى كانت ماشية وتحس على وشها ملامح المُنتصر .. رغم إن الست دي ممكن تعدي على الراجل بتاع السمك الى أنا كنت لسه عنده وتدفع 50 جنية وممكن تدفع تبس كمان وتمشي :( المشهد ده بيتكرر كتير رغم إني مش بأنزل السوق كتير إلا في حالات سفر أهلي رفقاً بالفقراء رجاءاً ... دي مش شطارة إنك تجيب حاجة رخيصة من السوق ... إنت ممكن تكون بتروح تشرب حاجة دافية في الجو ده في كافية نضيف شوية وتلاقي الحساب 70 جنية وتدفعهم ورجلك فوق رقبتك وبتعمل فيها إبن ناس وبتسيب تبس كمان .. لـيـه النـاس بتـعمـل شـاطـرة وتـحــــب تفـــــاصـــــل مع الفقراء !!!!!! |
رد: رفقااا بالفقراء !
ياهاشم ياحبيب قلبى دى اخلاق الناس اللى معندهاش ضمير ولا قلب ولا احساس
هو اينعم فيه ناس كتير بتعمل كده وتتشطر على الغلابه وبس لكن مش كل الناس كده انا عن نفسى لما باشوف واحد غلبان بيبيع حاجه باديلو السعر اللى يقول عليه وبابقى عاوز اديلو اكتر كمان من لم يرحم لايرحم احيييك على طرحك للموضوع القيم ده |
رد: رفقااا بالفقراء !
موضوعك أثر فيا أخى الفاضل وفعلا دا اللى بيحصل وكما قال الفلاسفة العظماء
الرحمة والعطف اللغة التى يسمعها الأصم ويقرأها الأعمى مع خالص الأحترام والتقدير |
رد: رفقااا بالفقراء !
تسلم ايدك يا هاشم وجزيت خيرا الراحمون يرحمهم الرحمن وقال رسول الله صلى الله عليه وسلم
" أهل الجنة ثلاثة إمام مسقط و رجل رحيم رقيق القلب لكل ذي قربى و مسلم ، ورجل غني عفيف متصدق " |
رد: رفقااا بالفقراء !
ياعم هاشم دا بيحصل كل يوم هي في ناس كده مابتجيش غير على الغلبان والضعيف ويعملوا ادام الناس كلها انهم اسود وهما اصلا خرفااان
جزاك الله خيرا ياهاشم على اللمحه دي ويارب الناس تتعظ |
رد: رفقااا بالفقراء !
اقتباس:
|
رد: رفقااا بالفقراء !
اقتباس:
الله ينور يا باشا و حكمة عظيمة بس الناس تفهمها تقبل تحياتى و شرفنى مرورك الكريم :) |
رد: رفقااا بالفقراء !
اقتباس:
ربنا يجعلنا من اهل الجنة يا محمد باشا ان شاء الله شرفنى مرورك الكريم :) |
رد: رفقااا بالفقراء !
اقتباس:
|
رد: رفقااا بالفقراء !
عفوا اصبحا فى زمن لا احد يشعر باحد ما هو لو كان قاعد قعدته ديه او مر بالايام ده كان حس بيه
|
رد: رفقااا بالفقراء !
اقتباس:
|
رد: رفقااا بالفقراء !
تحياتى
فعلا بيحصل كتير حجات زى كده بنشوفها لما بنكون فى مصر بس هى المسألة بالضبط مسألة اخلاق زى ما قال القبطان والحمد لله لما نشترى ونمن على حد بما من الله به علينا بعض الناس يقلولنا دى طيبة لحد العبط ولكن لا والله انه بيكون جود وعطاء بما من به الله علينا |
رد: رفقااا بالفقراء !
مش هقول اكتر من الي اتقال قبل كده
من لا يرحم لا يرحم |
رد: رفقااا بالفقراء !
بصراحة هو دة طبع فى المصريين عامة إنه لازم يفاصل في سعر أي شىء بيشتريه سواء غالي أو رخيص سواء من حد غلبان أو من تاجر جشع بس هو مابيتكيفش الا اذا اخد الحاجة باقل من سعرها والتاجر بيكون عامل حسابه على كدة وبيرمي سعر دايما اعلى من قيمة المنتج حتى بتوع الخضار واللى واقفين على فرش فى السوق احب اقولك ياهاشم ان الست الغلبانة دي لو كانت هتخسر ماكانتش عمرها باعت ابدا لان فيه مئات بيعدوا عليها على مدار اليوم فلو واحدة زي الست اللى سابتها ومشيت دي ماشترتش فافيه غيرها كتير هيشتري وربنك بيعوضهم على فكرة ومابيسبش حد واكيد هيرزقها بحد محترم يشتري بسعر أعلى كمان من اللى هي بتطلبه وحصلت كتيييييييييير .. فى الاول وفى الاخر دي ارزاق والناس بتوع السوق دول ماشيين بمبدء (( عصفور في اليد .. خير من ألف على الشجرة )) أو بالبلدي كدة الخسارة القريبة احسن من المكسب البعيد وفى الاخر نرجع ونقول ربك مابينساش حد وتقبل خالص تحيااااااااااااااااتي ياهاشم على موضوعك الجميل دة واسف لو طولت شوية |
رد: رفقااا بالفقراء !
المشكلة ان الفصال بقى عادة عندنا سواء الشيء غالى او رخيص يعنى مثلا كنت قاعد مع واحد صاحبى عندو محل ملابس فواحدة بتسال البجامة دى بكام قالها 280 تقريبا سمعتها 82 وقالتلو مامشيش 70 يعنى على سمعها البجامة نزلت 200 جنيه ومش عاجبها كمان وبتفاصل والمضحك انها اشترتها برضو ب270
|
رد: رفقااا بالفقراء !
عندك حق فيه ناس كتير كده ,,, الواحد بيشوف ناس والله بتخلى عنيه لا اراديا تدمع من حالهم والاصعب انك تشوفه بيجى على كرامة نفسه عشان يمشى حاله ورزقه ما ينقطعش
خالص تحياتى على موضوعك الرائع يا انجل واحساسك الرائع |
رد: رفقااا بالفقراء !
جزاك الله خيرأ يا هاشم
كلأم واقعى وبيحصل اكثرمنة بكتير لأسف والله بشوف من هم على غير الأسلأم و بيكون عندهم عطف و رحمة . اتمنى ان يسود الرفق و العطف و الحب بين الناس |
رد: رفقااا بالفقراء !
السلام عليكم ، من لا يرَحم لا يرُحم
|
رد: رفقااا بالفقراء !
ربنا يخليكو يا رجااالة و نورتو الموضوع كلة
|
رد: رفقااا بالفقراء !
كلامك مظبوط احنا شعب يحب الى يخمنا ويدينا على قفانا
|
رد: رفقااا بالفقراء !
اقتباس:
|
رد: رفقااا بالفقراء !
اخيرا شوفنالك موضوع عدل هههههههههههههه :lf::lf::lf::lf::lf::lf::lf::lf::lf::lf::lf::lf: :rir::rir::rir::rir::rir::rir::rir::rir: حبيبى يا اتش واحشنى والله |
رد: رفقااا بالفقراء !
اقتباس:
محمد باشا انا ببعت السلأم على طول مع هاشم يارب يكون بيوصل واتمنى تشرفنى فى اقرب فرصة |
رد: رفقااا بالفقراء !
اقتباس:
الله يكرمك ويخليك يا باشمهندس والله واحشنى كتير هاشم ده اى كلام ولا بشوفه اصلا:pleur::pleur::pleur: تحياتى واللقاء قريب يا باشا |
رد: رفقااا بالفقراء !
اقتباس:
المهم شوف الوقت المناسب لحضرتك واكيد هيكون يوم جميل ان شاء الله |
| الساعة الآن 01:16 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir