مشكلة رش
 

السلام عليكم و كل عام و أنتم طيبين

النهارده بعد ما قعت تلات ساعات أفرز في الرش الجامو برو ماجنوم قولت أضرب مجموعه كده و أشوف

فصفرت التليسكوب على مسافه 25 متر و الرش كان بيجي فوق بعضه
و أكتشفت أكتشاف رهيب
أن الديانا 350 كلاسيك ما بتتأثرش بطريقه المسك
يعني hold insensitive و ما بتفرقش أذا كنت ما سكها artillery hold ولا متبت فيها

قولت الحمد لله أهي بدايه مبشره

فأتشجعت و قولت أضرب مجموعه على مسافه 72 متر (google earth) ألي هي سطح الجيران بزاويه 20 درجه أنحدار رياح خفيفه من أتجاه الشرق

فضربط مجموعه و طلعت في حجم البطيخه
و قولت أصورهالكم علشان ألي عنده فكره عن السبب في المجموعه الزباله دي يقولي



http://i1240.photobucket.com/albums/...psadeb5fde.jpg









http://i1240.photobucket.com/albums/...pscda2492b.jpg










هو الرش أكيد هو الرش

يا خساره فلوسي

رد: مشكلة رش
 

صفر الإسكوب تانى واضبط على 40 متر وشوف النتيجة

رد: مشكلة رش
 

يا باشا طب ماهو حتى لو السكوب مش مضبوط المفروض المجموعه تطلع كويسه بغض النظر عن التصفير

أنا ألي بيخليني أقول المشكله في الرش هو أن كل رشتين قريبين من بعض يعني تقريبا دول نفس المقاس

لأني و أنا بفرزهم عملت تلات مجموعات من مقاسات رأس الرش:

4.3-4.5

4.7-4.9

5.0-5.5

و ألي ضربت بيهم المجموعه هم المقاس 4.7-4.9

ملحوظه مهمه ده حجم رأس الرش مش مقاس الرش
الرش كله نمره 2 (5.5) 14.5 gr


تم تجربه الرش أبو رأس مقاس 5.0-5.5 و كان تجميعهم أحسن لدرجه أن رشتين جوم على بعض

رد: مشكلة رش
 

امممممممممممممممم
كلام منطقى جدا
خد بالك فعلا ان الرش المضروب منتشر جدااااااااااااااااا ممكن نعرف اشتريت الرش دة منين
اعتقد ان الرش اللى ماضربش لسة هو الماستر بوينت و الديابلو الالمانى ممكن تجربهم برضة
سؤال اخر الرش اللى فى العلبة 3 اوزان؟؟؟؟؟؟؟؟؟؟؟؟؟

رد: مشكلة رش
 

باشا معلش هو نوع التلسكوب ايه

رد: مشكلة رش
 

السلام عليكم

احب ادى نصائح لحضرتك انا شوفتها بنفسى فى فيديوهات اجنبيه .

1_ ادق رش فى كل أنواع الرش هو الماتش بمركاته ودليل على كلامى انه هو الرش الرسمى فى الرمايات الدوليه وأدق نوع رش اسمه h&n target بس للاسف مش موجود هنا .
2 _ ال artillery hold نتائجها الفعليه تأتى فى المسافات البعيده فأنصحك بتجربتها مره أخرى على المسافات البعيده وشوف التجميع أخباره ايه .
3_ لكل بندقيه رش مختلف يعمل معها فأنصحك بتجربه أنواع كتيره من الرش لحد اما تعرف انه رشه هى الى بتجمع كويس مع بندقيتك واثبت عليها , اتمنى ان نصائحى تيجى بفائده معاك .

رد: مشكلة رش
 

الرش مشتريه من الزيتون من عند واحد أسمه ياسر

بالنسبه للوزن ما عرفش لكن ما أعتقدش مختلف لأن تصنيع الرش بيتم على مرحلتين

أولا الصب بوزن ثابت (علشان كده ما يتهيأليش أن الوزن مختلف)
ثانيا الكبس (swaging) و ده بيستعملوا فيه قوالب مختلفه (عدد كبير من القوالب) علشان الأنتاج يكون أسرع

الشركات زي JSB بتكتب رقم القالب على علبه الرش لأن ممكن زبون يلاقي بندقيته بتجمع حلو أوي مع القالب ده و مش التاني
الفرق بمقدار 0.01 مم هو السبب في عدم التجميع ده

رد: مشكلة رش
 

النشان من 72 متر بيكون بمسند يا باشا مش free hand البندقيه بترتد نفس الأرتداد كل مره لأنها مسنوده مش ممسوكه أصلا

و الرش الماتش مش هو المستعمل في المباريات لأنه الأدق
الماتش أو ال wad-cutter هو المستعمل لأنه بيقطع دايره مضبوطه في الورق
و هو دقيق في السرعات القليله بتاعت المباريات ال 400 ق/ث و الكلام ده

و برده أنا جربت ال gamo match في حوالي متر بين كل رشه و التانيه على المسافه بتاعت ال 72 متر دي

التليسكوب بريرا 3-9 * 40 AO
Mil-dot reticle

رد: مشكلة رش
 

يا باشا انت بتقول جربت بتليسكوب و انا بصراحة مش بثق في التليسكوبات الصيني بجميع انواعها...جرب بالناشنكاة و حاتلاقي البندقية بتجمع...و اجيد حضرتك مركب تليسكوب صيني و الصيني دايما التصفير بتاعو بيبوظ بعد 10 رشات تقريبا و بيخلف و مش بيجمع خاصا انت مركبه علي بندقية رد فعلها شديد .... و يا عم فلوسك ماراحتش ولا حاجة الديانا ديانا برضو العيب في التليسكوب ان شاء الله....الافضل انك تجيب واحد اصلي لو عرفت يبقا احسن

رد: مشكلة رش
 

طب أنا ما بشوفش أبعد من 50 متر

هضرب بالنشنكان أزاي من 72 متر؟؟؟؟؟؟؟؟؟

لو السكوب بايظ كان برده مايجمعش من مسافه 25 متر ألي متصفر عندها

لو قولنا أن الرياح ساعدت شويه في تبويظ المجموعه فهي برده لسه مجموعه كبيره أوي 14 سم تقريبا

رد: مشكلة رش
 

اصلا مسافة ال72 متر دي مسافة كبيرة و مش مسافات صيد اصلا و التجميع الي جمعته ده اي بندقية تانية سوستة حاتعمل كده....الا اذا كان عندك بقا بندقية pcp .....ده ممكن يبقا بسبب رد فعل البندقية و ده طبيعي جداا مافيش بندقية حاتجمع نقطة في نقطة من المسافة دي ابدا

رد: مشكلة رش
 

للأسف أغلب الرش الموجود عندنا سواء محلى او مايقال عليه مستورد محتاج يترمى فى الزبالة لو أستعملته على بعد أكثر من 15 او 20 متر.

رد: مشكلة رش
 

++++++++++++++++1

رد: مشكلة رش
 

كل الرش الديابلو التركى و الجامو الاسبانى فى مصر مضرووووووووووووووووووووووووووووووووووووووب

رد: مشكلة رش
 

يا جماعة و الله مش مشكلة رش انا اتحدي اي حد في المنتدي انو يضرب مسافة 70 متر و رشاية فوق رشاية

رد: مشكلة رش
 

يا باشا ده ملوش دعوة ان الرش مضرووووووووب
70 متر رشاية فوق الرشاية ده مش اى بى سى بى كمان تعمله و مش بالرش المضروب بتاعنا ده

رد: مشكلة رش
 

أدي تجميع بندقيه ديانا 34 من مسافه 30 متر


https://lh6.googleusercontent.com/-3...2/IMG_2417.JPG


https://lh6.googleusercontent.com/-4...0/IMG_2419.JPG



البنادق السوسته تجميعها ممتاز
خصوصا الديانا
و أنا بصتاد من مسافه 50 متر

رد: مشكلة رش
 

موضوع مهم جدا ومحير كمان ما بين رد فعل البندقية وبين نوع الرش ومابين الاسكوب ... ومازالت المتابعة مستمرة

رد: مشكلة رش
 

سعتك بص تاني على الصوره
هتلاقي أن كل رشتين قريبين أوي من بعض ده معناه أنهم مقاس واحد و لو كانوا كلهم نفس المقاس كانوا جم فوق بعض

و أنا أمبارح ضربت مجموعه تانيه أحسن من دي كان فيهم رشتين فوق بعض

رد: مشكلة رش
 

دي مجموعه لسه مضروبه حالا طاظة

و أنا المره دي أخترت الرش من المجموعات ألي تم فرزها قبل كده
أخترت الرش على أساس الشكل
يعني كل رشه بتفرق عن التانيه من عند الجزء بتاع علامه القوالب (الخط الطولي الموجود مكان القالب) بمقدار بسيط

يعني دلوقتي الرش تم فرزه مرتين مره على أساس قطر الرأس و مرة تانيه بعدها على أساس الشكل
و أنا بعمر الرش في البندقيه حسيت أن الرشه رقم 3 دخلت بسهوله شويه أكتر من الباقي
و فعلا الرشه رقم 3 طلعت (flyer)


و الصور للمجموعه بتأكد أن الرش هو السبب في عدم التجميع



http://i1240.photobucket.com/albums/...psdf090a68.jpg





http://i1240.photobucket.com/albums/...ps34cab95e.jpg





http://i1240.photobucket.com/albums/...psd6055145.jpg







طيب شويه أستنتاجات مهمه جدا:

أولا الرش الجامو رش زباله
ثانيا الرش الماتش ماينفعش لأكتر من 10 متر
ثالثا البندقيه الديانا 350 بتاعتي بتفضل رأس الرش يكون بقطر 5.5
رابعا الشئ الوحيد الي فاضل و هو ألي بيسبب عدم الدقه هو ال wobbling أو لف الرش حولين نفسه في دوائر حلزونيه أثناء الطيران و ده بيكون بسبب خفه وزن الرش مقارنه بسرعه البندقيه

الرش البرو ماجنوم وزنه 14.35 gr
أنا متأكد أن التجميع هيكون أحسن ب 18 gr أو 20 gr

أنا عاوز رش تقيل الله يكرمكوا

رد: مشكلة رش
 

بس عمرك ماحتعمل رشة فوق رشة من 70 متر ابدااااااااااا

رد: مشكلة رش
 

مجموعات من 10 متر


http://i1240.photobucket.com/albums/...ps18669150.jpg




http://i1240.photobucket.com/albums/...psa252b43e.jpg




طبعا واضح أن الفرز بيفرق كتير
ده معناه رش زباله

جدير بالزكر أن المجموعات ال 10 ضربات بتاعت الماتش أحسن من البرو ماجنوم
ده لأن أحجام الرش الماتش متقاربه
و لو بصيتوا في الصوره التانيه المجموعه الفوقانيه بتاعت الرش الماتش فيهم تلات رشات على بعض

التلاته دول وقعوا مني بعد ما حطيتهم في بيت الرش لأنهم صغيرين

كل رش كانت توقع و أنا بعمرها كنت بحطها على جنب و في الأخر ضربتهم مع بعض جم في نفس الخرم
ده لأنهم نفس المقاس

أنا بصراحه تعبت من الرش المقرف ده حد يدلني على مكان أجيب منه رش نضيف

رد: مشكلة رش
 

استحاله طبعاً تركيب رشايه فوق رشايه من مسافة 70 م حتى لو الرش اسطورى ودا لعدة اسباب
اولاً _ وسبب رائيسى ان معدل الدفع ( كبس الهواء) بيختلف فى كل ضربه فى اى بندقيه اسبرنج فى العالم تقدر تتأكد بالكرونو كل ضربه برقم الفرق دا بيكون مش مهم فى المسافات القريبه ومش مؤثر بس مع المسافات البعيده بيكون مؤثر جداً
ثانياً اختلفات الرش فى العلبه الواحده كما بين الاستاذ كريم
ثالثاً الارتداد (رد الفعل )
كل دا طبعاً على اساس ان البندقيه مثبته بطريقه غير بشريه ام لو بطريقه بشريه هيكون الكلام عبث

رد: مشكلة رش
 

ينصر دييييييييينك يا استاذ هشام ماهو ده الي انا اعيد بهاتي فيع من الصبح و محدش مصدق ان مافيش رشة فوق رشة من مسافة 70 متر ...........

رد: مشكلة رش
 

يا معالى الباشاى احنا بنتعلم منك
ربنا يخليك

رد: مشكلة رش
 

والله يا باشا الكلام اللى الناس بتقوله مش مخليين الواحد عارف يقول نص كلمه
وخصوصا واحد بخبره الاباشا عادل152 والاستاذ هشام سمير ونجم الاوبن سايد sniperff


اما انت برده لو عاوز تجرب وتحاول
هات رش من خارج مصر
عندك الرش الماتش ال1 جرام الجديد
والبرو ماجنوم برده فوق الممتاز وكان جربهوم اندريا فى مجاميع كويسه جدا وماسفات حلوه


الناس طبعا والكلام اللى قلوه فى اختلاف الضغط والكبس كلام صحيح جدا جدا جدا
والكلام اللى انت قولته فى احجام ومقاسات الرش فوق الممتاز
والخلاصه اللى هتخدها منى لانى شوفت تجميعات رهيبه وقياسات على الكرونو
هات رش نضيف وثبت بندقيتك تثبيته قويه وجرب

او حاول تقيسها على الكونو قبل الكلام ده واعرف الفروقات
لو كانت بتنزل اكتر من 40 فيت اعرف ان بندقيتك اكيد هتشكل ومش هتعملك مجموعه فى 1 بوصه

تحياتى واسف لانى كنت فىفترخ انشغال بقالى فتره ومش بدخل نت خالص

رد: مشكلة رش
 

http://i1240.photobucket.com/albums/...ps34cab95e.jpg




يا باشا بص علي الرشه رقم 1 و 2 أنا هكون سعيد جداً بمجموعه زي دي

و أنا عارف أن الموضوع مش سهل يعني لو بصيت على اول مجموعه هتلاقي أن كل رشتين جنب بعض يعني مش عيب بندقيه أو الرامي ده عيب رش

و ما تنساش إحنا بنتكلم عن ديانا

رد: مشكلة رش
 

يا باشا انا حجيبلك من الاخر علشان ماتتعبش نفسك و تيأس من بندقيتك ...
1-بنادق الاسبرنج تقدر تجمع رش فوق بعضه اخرها مسافة 30 او 35 متر...و ده بسبب رد فعل السوستة و كل ضربة بتختلف عن الضربة الي قبليها..مش زي البنادق البي سي بي ضرباطها ثابتة
2-انت بتقول السبب في نوع الرش...بس الرش الفروقات الي فيه بسيطة جدا و لا تذكر..فا لو حندي نسبة خطاء للرش فهي لا تتعدي ال 5%...
3-تجميعة زي الي انت مجمعها دي من مسافة 72 و الرش نازل في دايرة قد البطيخة دي حاجة كويسة جدا و دقتها كويسة اوي...و لو عايز تتأكد ادخل علي اليو تيوب و شوف الاجانب بيضربو من مسافات 15 و 20 متر و الرش مش بيجي فوق بعضو ...مش دوول الي عندهم رش نضييف؟؟
4-انت كمان بتضرب في مكان مفتوح يعني الرشة و هي ماشية حتقابل نسبة رياح يمين او شمال...و انت بتقول السبب في كده ان الرشة بتلف حولين نفسها دي بتديها عدم دقة ...مع ان الدوران ده هو الي بيديها ثبات في الهواء
5-كل العوامل الي فاتت دي السبب في هذا التجميع...و اخر صورة انت حاططها انا علقلك عليها علشان مابقاش سيبت حاجة انت مش عارفها....انت بتقول في رشتين مجمعين جنب بعض و الباقي لأ....هما دوول الرشتين بقا الي ساعتها البندقية ضربت بالصدفة مرتين زي بعد بنفس السرعة و نفس الطاقة جوول...و دي بتتكرر في البندقية السوستة...لكن لو جيت تشوف سرعات البندقية ديانا 52 حتلاقي مثلا 235 234 234.5 235.5 متر في الثانية...و ده بيخليها كدا زي منتا شايف....

علشان كده اخترعو الجاز رام بتدي نفس الطاقة كل مرة زي االي قبليها

رد: مشكلة رش
 

تمام يا باشا أنا من 25 متر بضرب الرش فوق بعضه لدرجه أني بجيب الطوب الأحمر
و كلامك عن الفرق ده أنا عارفه كويس
و دي كانت محاوله قبل ما أجيب حاجه كده من بره أسمها Vortek kit ده عباره عن سوسته و دليل و حدافه و جلبه
ال kit ده كل الناس ألي جربوه بيقولوا أنه بيحسن تجميع البندقيه جدا لأن البندقيه بتضرب بفروق قليله جدا في السرعات بعد تركيب السوسته و الدليل دول
و هم غالين أوي (أغلى من السوسته الأصليه بكتير) بس أنا هأستنى أجرب أنواع رش مختلفه الأول

بالنسبه لقطر المجموعه من مسافه ال 72 متر فهو 14.6 سم و يبعد عن منتصف الهدف 7 سم

الأرقام محسوبه بأستعمال برنامج OnTarget



http://i1240.photobucket.com/albums/...g?t=1351889593

رد: مشكلة رش
 

بعيد عن الكلام دا كله بئا يا كرم باشا
هى الحيطه اللى انتا بهدلتها دى ملهاش اهل يسألوا عليها :)

رد: مشكلة رش
 

موضوع جامد

رد: مشكلة رش
 

بعض البنادق زي الديانا 54 مش بتحتاج Artillery Hold لأنها فيها نظام أمتصاص رائع بيخلي البندقية من غير أي نقطة Recoil لأن في داخل الدبشك الماسورة نفسها مع الضربة محطوطة علي مزلقان بحيث غنها ترجع للوراء كل مره بنفس الكمية من غير ما الرامي يحس بيها..
تقبل مناقشتي يا أستاذ أحمد :)

رد: مشكلة رش
 

مع الاسف الرش كله وحش كان عندى رش ماتش وانا بظبط الاسكوب على مسافة 12 متر "انا عارف انها مسافه غلط"
الرش كان بيجمع على نقطه ولكن كل شوية آلاقى رشه تبعد بتاع 3 سم والباقى يكمل على نفس النقطه بس لقيت شكل الرش اللى بيبعد ده مختلف شوية