الصيد فى مصر

الصيد فى مصر (http://www.egyhunt.net/index.php)
-   صيد السمك (http://www.egyhunt.net/forumdisplay.php?f=75)
-   -   ماكينات صيد الاسماك banax (http://www.egyhunt.net/showthread.php?t=35421)

alfath8 12-10-29 05:13 PM
ماكينات صيد الاسماك banax
 
السلام عليكم
عاوز اشترى ماكينة صيد للسمك ماركة اسمها banax
الماركة دى كانت مشهورة عندنا جدا فى بورسعيد بس مش موجودة خالص الوقتى وكانت صناعة كورية ثم اصبحت صينية ثم اختفت نهائيا
الى يعرف مكان بيع لأنواع الماكينة دى وأسعارها يدلنى عليه

احمدفتحىمحمد 12-11-03 09:31 PM
رد: ماكينات صيد الاسماك banax
 
بتتباع فى شبرا فى القاهرة من 300 حتى 400 حسب الموديل وفى كورى
فى المظلات عند فادى بتاع ادوات الصيد

wael_samy1 12-11-08 01:40 PM
رد: ماكينات صيد الاسماك banax
 
يا باشا الماكن البانكس الصنى والكورى موجود فى مصر فى معظم المحلات
وسعره تقريباً متقارب فيهم
وتوكيل بانكس فى مصر هو محل ابو الضيف الى فى باب اللوق ورقمه 23922634
( عنده كل موديلات البانكس ، صينى وكورى )
اتاكد بس انت عاوز انهى ، الصينى ولا الكورى علشان السعر هيفرق
كمان اسئل على الى انت عاوزة فى اكتر من محل علشان توصل لسعر افضل
أخر مرة سئلت على البانكس 5000 sx الكورى كانت ب 350 وده فى شهر 9/2012

وهقولك كمان على معلومه عرفتها ،، ولن تخسر شئ لو سئلت
لنا صديق على المنتدى وصل لسعر معقول
للمكنة البانكس 5000 كوري
هو 300
وده حسب كلامه
من محل دولفين علي كورنيش المعادي عند سور الاشغال العسكريه
ولو حد وصل لسعر اقل من كده يقول
من فين وبكام

وبالتوفيق

alfath8 13-12-03 08:09 PM
رد: ماكينات صيد الاسماك banax
 
هل المكنة لسه بتتباع ولا ايه اخبارها الوقتى

shahryar33 13-12-04 01:10 AM
رد: ماكينات صيد الاسماك banax
 
البانكس طبعا من افضل انواع ماكينات الصيد و اشهرها و لكن فى الفترة الاخيرة اصبحت من الماركات النادرة يعنى صعب انك تلاقيها و قصه المكنه دى انها مكنه صناعه كوريه و نظرا لجودتها فهى انتشرت و اثبتت نفسها و لكن لخفض التكلفه الشركه نقلت المصنع الى الصين لذلك يوجد منها الكورى القدين (نادر جدا ) و منها الصينى الجديد و هو قليل بردو معرفش ليه و طبعا كما هو الحال فى اى حاجه مشهورة فهناك منها الصينى التقليد و دى اقل جودة من الاصلى لكن فى ناس جربتها و بتقول كويسه بردو بس طبعا مفيش مقارنه بينها و بين الاصلى و المكنه موجودة بس قليه شويه يعنى فى منها فى المظلات فى شبرا فى كذا محل و انا شفتها عند اكتر من واحد و اكتر من موديل بس غاليه شويه سعرها من 300 الى 450 على حسب التاجر و الموديل و موجودة بردو فى اسكندريه بس قليله شويه انما بورسعيد مش عارف ايه النظام هناك ف لو حضرتك عايزها ضورى ممكن تخلى حد ليك فى القاهرة ينزل المظلات و و تقوله على الموديل الى انت عايزة و تدورلك عليه و بردو فى محمد امين و ابو ضيف فى باب اللوق ممكن تشوف عندهم ان شاء الله تلاقى و لو ملقيتش فى الفاييكينج محترمة بردو و ارخص شويه من البانكس و فى الاكوما الصينى محترمه جدا و سعرها حلو ممكن تدور الى يناسبك لو ملقيتش البانكس

alfath8 14-01-13 09:11 PM
رد: ماكينات صيد الاسماك banax
 
اقتباس:
المشاركة الأصلية كتبت بواسطة shahryar33 (المشاركة 538386)
البانكس طبعا من افضل انواع ماكينات الصيد و اشهرها و لكن فى الفترة الاخيرة اصبحت من الماركات النادرة يعنى صعب انك تلاقيها و قصه المكنه دى انها مكنه صناعه كوريه و نظرا لجودتها فهى انتشرت و اثبتت نفسها و لكن لخفض التكلفه الشركه نقلت المصنع الى الصين لذلك يوجد منها الكورى القدين (نادر جدا ) و منها الصينى الجديد و هو قليل بردو معرفش ليه و طبعا كما هو الحال فى اى حاجه مشهورة فهناك منها الصينى التقليد و دى اقل جودة من الاصلى لكن فى ناس جربتها و بتقول كويسه بردو بس طبعا مفيش مقارنه بينها و بين الاصلى و المكنه موجودة بس قليه شويه يعنى فى منها فى المظلات فى شبرا فى كذا محل و انا شفتها عند اكتر من واحد و اكتر من موديل بس غاليه شويه سعرها من 300 الى 450 على حسب التاجر و الموديل و موجودة بردو فى اسكندريه بس قليله شويه انما بورسعيد مش عارف ايه النظام هناك ف لو حضرتك عايزها ضورى ممكن تخلى حد ليك فى القاهرة ينزل المظلات و و تقوله على الموديل الى انت عايزة و تدورلك عليه و بردو فى محمد امين و ابو ضيف فى باب اللوق ممكن تشوف عندهم ان شاء الله تلاقى و لو ملقيتش فى الفاييكينج محترمة بردو و ارخص شويه من البانكس و فى الاكوما الصينى محترمه جدا و سعرها حلو ممكن تدور الى يناسبك لو ملقيتش البانكس
الله يجازيك كل الخير
احلى حاجة فى المكنة دى ان قطع غيارها كانت متوفرة بكثرة
طيب افرق ازاى الصينى المضروب عن الصينى النضيف


الساعة الآن 10:56 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir