|
رحلات صيد للعين السخنه على يخت 5 نجوم
جديد من القصبجى لادوات الصيد البرى والبحرى سوف يتم تنظيم رحلات صيد بحرى للعين السخنه من الساعه 6 صباحا حتى 6 مساء على يخت 5 نجوم
مواصفات اليخت هى: طول اليخت : 26متر عرض اليخت: 7متر عدد الغرف : غرفة رئيسية (2 فرد ) بها سرير مزدوج - ثلاثة غرف كل غرفة تسع (3 فرد) بها ثلاثة سرير - غرفة صغيرة (1 فرد) بها سرير عدد الحمامات: حمام رئيسى فى الصالون – مساحة الصالون: 12x5 تقريبا (60 متر مربع) الأجهزة الموجودة ب اليخت : (جهاز GPS ،جهاز Sonar, Fish Finder ، جهاز لاسلكى) رماص نجاه يسع ل 25 فرد مولد كهربائي عدد المواتير: 2 موتور. قوة الموتور: 500حصان للواحد. نوع الموتور: كاتر بيللر. عدد أفراد الطاقم : ( ريس المركب 3 بحرية ). أقصى حمولة الأفراد الرحلة : 33بالطاقم. يوجد التجهيزات الآتية: (تليفزيون 36 بوصة ، DVD ، ثلاجة ، بوتجاز ،2 تكييف ). مع توفير أفضل وأشهى وجبات الأسماك بيد افضل شيف اتوبيس مكيف من القاهرة الى العين السخنه يوجد وجبات على اليخت بالطلب للتواصل على 01203216645 او 01225588354 |
رد: رحلات صيد للعين السخنه على يخت 5 نجوم
جميل والله ربنا يوفقكم
|
رد: رحلات صيد للعين السخنه على يخت 5 نجوم
ليه بعد كل العرض اللى حضرتك كتبته مكتبتش السعر ؟؟
|
رد: رحلات صيد للعين السخنه على يخت 5 نجوم
ما شاء الله أوعدنا يا رب :)
|
رد: رحلات صيد للعين السخنه على يخت 5 نجوم
ارجو كتابة عدد افراد الرحلة و التكلفة لأن ممكن لو السعر جيد ننظم رحلة للاعضاء
|
رد: رحلات صيد للعين السخنه على يخت 5 نجوم
ياريت السعر ولو فى صوره للمركب... انا من مرتادى وادى الدوم واعرف معظم المراكب هناك
|
رد: رحلات صيد للعين السخنه على يخت 5 نجوم
السعر كام يا ابو حميد
|
رد: رحلات صيد للعين السخنه على يخت 5 نجوم
السلام عليكم ورحمة الله وبركاته
عرض رائع وننتظر التفاصيل المادية التى ستحسم القرار لدى الكثيرين والسلام عليكم ورحمة الله وبركاته |
رد: رحلات صيد للعين السخنه على يخت 5 نجوم
والله يا جماعه انا الى مأخرنى فى السعر ان بظبط اتوبيس مكيف محترم وبسعر مناسب والرحله من 130الى 150 جنيه حسب التفاوض على سعر الاتوبيس واسف على تاخيرى على اخوانى فى المنتدى وبالنسبه لليخت هوة يخت البرنس عمر يخت خمس نجوم وانشاء الله التجمع فى المعادى وهرفع لكم صور و فيديوهات من اليوتيوب بصراحه حاجه محترمه ولازم تكون حاجه ااامنه لان ديه ارواح ناس مش لعبه
|
رد: رحلات صيد للعين السخنه على يخت 5 نجوم
طبعا البرنس عمر مركب محترم وهو فى الاساس سفارى للغطس.. وهو اكبر مركب فى وادى الدوم.. السعرده للفرد مش كده؟؟ وكل واحد مسشول عن طعمه واكله وشربه؟؟؟
|
رد: رحلات صيد للعين السخنه على يخت 5 نجوم
عرض رررررررررررررررررروعه وياريت بجد ننظم هنا رحله زي كده ونطلع مع بعض هيبقي يوم جميل جداااااااا ان شاء الله
|
رد: رحلات صيد للعين السخنه على يخت 5 نجوم
احمد بك عبد العزيز العرض جميل جدا
وتستاهل اكتر من كدة وباذن الله فى امل احجز واطلع معاكم مرة |
رد: رحلات صيد للعين السخنه على يخت 5 نجوم
باشا هو العرض قائم في أي وقت ؟
و السعر دة لازم نكون عدد معين ؟ |
رد: رحلات صيد للعين السخنه على يخت 5 نجوم
انا عامل العرض على مجموعتين مجموعه من سكان المعادى مكونه من من 30 فرد ومجموعه اخرى لاعضاء الصيد فى مصر وانا بفضل ان اعضاء المنتدى نطلع اليوم دة مع بعض وانا هكون معاكم انشاء الله لاشرافى على الرحله لان وهذا يشرفنى انى اكون مع اصدقائى واخوانى بالنسبه ليه بجد هتكون رحله جميله انا على استعداد لو العدد وصل ل25 فد هتطلع مش لازم العدد يكتمل
|
رد: رحلات صيد للعين السخنه على يخت 5 نجوم
متابع لاهمية ...................
|
رد: رحلات صيد للعين السخنه على يخت 5 نجوم
جميل العرض ده حاجه محترمه ربنا يوفقك
تقبل تحياااااااااااااااتى |
رد: رحلات صيد للعين السخنه على يخت 5 نجوم
ياريت الصور والفيديو
|
رد: رحلات صيد للعين السخنه على يخت 5 نجوم
عرض جميل ويبقى أجمل بالصور
يا ريت تكتبلنا مواعيد الرحلات عشان ننظم مع بعض .. بالتوفيق ,,, |
رد: رحلات صيد للعين السخنه على يخت 5 نجوم
السلام عليكم ورحمه الله الاعضاء المحترمين اولا قمت الاربعاء من اسبوع بقيام رحله 26 فرد كان فيهم عضو واسرته من المنتدى وباقى العدد من سكان المعادى المشكله فى المنتدى وحاليا عندى 6 افراد فقط على ميعاد 31/10/2012 وفى زميل محاسب وصديقه من المنتدى يبقى الاجمالى 8 افراد والمفروض ان الرحله تطلع يوم 31 ارجو التسجيل حتى يتم اكتمال العدد قبل يوم 31/10 علشان الاتوبيس وشكرا
|
رد: رحلات صيد للعين السخنه على يخت 5 نجوم
بعد السلام عليكم ورحمة اللة وبركاتة يا ريت يا أستاذ أحمد لو الرحلة دي تبقا بدرى شوية على ثالث أيام العيد مثلا بحيث يكون يوم أجازة بدل مايكون يوم شغل زي الاربعاء 31/10/201 ودة ها يبقى صعب شوية
|
رد: رحلات صيد للعين السخنه على يخت 5 نجوم
وعليكم السلام ورحمه الله وبركاته بخصوص حضرتك انا كلمت اليخت على اساس ان يحجزو فى اى يوم يكون ناقص 3 او 5 افراد فى العيد تطلعو مع المجموعه
|
رد: رحلات صيد للعين السخنه على يخت 5 نجوم
شكرا جدا يا أستاذ أحمد ودة طبعا أن شاء اللة ها يكون فية أوتوبيس للانتقالات
|
رد: رحلات صيد للعين السخنه على يخت 5 نجوم
الرحله دى تاريخها ايه ؟؟
|
رد: رحلات صيد للعين السخنه على يخت 5 نجوم
السلام عليكم ورحمه الله طلعت مجموعه يوم الاربعاء الموافق 31/10 الماضى وكانو 16 وتم الغاء عدد 2 شخص علشان عدد الميكروباس واخدو المايكروباس على حسابهم الشخصى وتكلفه الفرد على المركب كانت 90 جنيه اقسم بالله بسعر التكلفه ولا مليم للمحل والمجموعه الى قبلها كانت طالعه فى اتوبيس سياحى و70 فى الميه من المعادى وال30 الاخرين من منتدى صيد بحرى اخر وللاسف لن القى اى اقبال فى المنتدى على الرحله مع انها بسعر التكلفه سعر المركب 3000 قيمه الايجار بدون مبيت 3500 بالمبيت والجمعه والسبت 3500 و4000 والمفروض ان المحل ليه عموله 10فى الميه من قيمه الايجار احسبوها وبالانتقلات هتلاقوها الرحله بسعر التكلفه وادخلو على اليوتيوب وارقامهم علي الاعلانات وكل دة خدمه لاعضاء المنتدى الكرام وهنا اكتر من مرة الاعضاء طلبت ولما انفذ طلب الاعضاء وانظم رحله وكمان على مركب محترمه بصراحه يجى من على المنتدى كله 3 اشخاص فقط الحمد لله ولا الله الا الله تم اغلاق موضوع رحلات للعين السخنه وارجو من الادارة غلق الموضوع وشكرا واسف على الاطاله عليكم |
| الساعة الآن 11:16 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir