افضل مسدس صوت ؟؟
 

السلام عليكم ورحمة الله وبركاته
اولا انا سعيد جداً بأنضمامي معاكم فى المنتدى الجميل ده ،،
انا هاوي جديد ولكن اعشق هذه الهواية من زمان جدا ولكن للآسف لم تتاح لى الفرصة لكى امارسها بشكل فعلي .
قرأت كتير عن مسدسات الصوت وحبيت انى اشتري واحد و احترت كتير وكان عندى اسئلة كتير فى بالي اتمنى اجد الى يساعدنى فيها و يجاوبني عليها .


اسئلتي هي :
1/ ياتري ايه افضل مسدس صوت حالياً فى السوق ؟؟؟ احترت كتير بين ايكول فيرات ماجنوم و بيلو 06 ،،
ف ياتري ايه الآفضل فيهم من حيث الجودة والآداء ولو فى افضل من الآتنين المذكورين ارجو افادتكم .

2/ ماهى نسبة قوة صوت مسدس الصوت مقارنة بالحقيقي ؟ وافضل نوع طلقات يعطي اقوي صوت مقارنة بالرصاص والمسدس الحي ، وكذاك وزن مسدس الصوت مقارنة بالحقيقي؟

3/ هل امتلاك مسدس الصوت يسبب اى مشاكل مع الشرطة سواء فى كمين او اى مكان سواء كان فى العربية او متعلق فى جراب الحزام مثلاً ؟؟ وكيفية التصرف فى مثل هذه المواقف مع الشرطة ؟

Re: افضل مسدس صوت ؟؟
 

وعليكم السلام ورحمة الله وبركاته
اهلا وسهلا بحضريتك فى المنتدى ويشرفنى انى اول واحد هيرد عليك ويجاوبك
افضل مسدس صوت فى مصر هو الروم rg 96
وده موجود مستعمل فى حدود 2000 الى 2600 مستعمل وهو 9 ملى انما الى 8 مللى منه بيكون فى حدود 1200 الى 1500 مستعمل
انما لو قارنت البلو سى بالايكول فرات ماجنم فطبعا الفيرات احسن لانه مش بيحشر طلق زى البلو وقطع غياره متوفرة بكثر عكس البلو
نسبة قوة الصوت لمسدس الصوت بترجع لكذا حاجة اولها نوع الطلق المستخدم ثانيا طول او قصر الماسورة كل ما الماسورة قصرت هتلاقى الصوت عالى جدا
افضل نوع طلق طبعا بلا شك فهو الالمانى وده قليل جدا اليومين دول ويعتبر من انظف الطلقات
كل مسدس وليه وزنه وحجمه
امتلاك مسدس صوت قانونا لايوجد عقوبة جنائية فى حمله انما بقى لو ظابط مسكه معاك من حقه انه يتحفظ عليه ويبعته المعمل الجنائى والمعمل يقرر انه مسدس صوت او متعدل لاطلاق مقذوف وممكن هو يكشف عليه بنفسه وشوف اذا كان مقفول او مفتوح لاطلاق مقذوف ولو سليم ومقفول ممكن يمشيك عادى
اتمنى اكون افادتك
اخوك محمد / دمياط

رد: افضل مسدس صوت ؟؟
 

شكرا جدا ياغالى على ردك و اهتمامك .
بالنسبة ان يكون المسدس مفتوح او مقفول ،، اغلب التجار بيقولو ان المسدس مفتوح من المصدر ممكن افهم معنى الجملة دي تحديداً ؟ وبالتالى عقابها الجنائي لو الظابط لقاه مفتوح ؟ بكده يعتبر مسدس حي ؟؟؟

وبسمع ان الايكول و البلو بيكون مكتوب عليهم بالأبيض مش محفور عليه و بيبقي باين اوى انه صوت ف عاوز اسمع رأيكم في النقطة دي؟

رد: افضل مسدس صوت ؟؟
 

للرفع يا شباب

الريتاى ايجل
 

كيف افرق بين الاصدار القديم والجديد فى الريتاى ايجل وهل يوجد فى الجديد عيوب وشكراااااا