الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   سؤال عن الاستيراد لمستعمل من بلد مجاور (http://www.egyhunt.net/showthread.php?t=32309)

mr vigo 12-08-05 01:16 AM
سؤال عن الاستيراد لمستعمل من بلد مجاور
 
السلام عليكم ورحمة الله وبركاته

طبعا انا عارف موضوع الاستيراد وقصته الطويله اللي وردت في موضوع مفصل

لكن أنا سؤالي مختلف شويه

انا ليا صديق في السعوديه وعنده مسدسين

مسدس أسترا فالكون

http://farm9.staticflickr.com/8018/7...18ba8bdd_b.jpg

http://farm8.staticflickr.com/7263/7...210172d5_b.jpg


ومسدس براوننج هريستال حتجنن عليه

http://www.rofof.com/user/img3/8cvwhr4.jpg

http://www.rofof.com/user/img3/8bmthr4.jpg

http://www.rofof.com/user/img3/8wobak4.jpg

http://www.rofof.com/user/img3/8erwxg4.jpg

طبعا المسدسين ترخيص من السعوديه

أنا عاوز أشتري المسدس البراوننج لأنه عارضه عليا بسعر حلو جدا 10.000 ريال

يعني حوالي 16.000 جنيه وأكيد مستحيل يتلاقى مسدس بالقيمه دي بالسعر ده في مصر

نهاااااااااااااااااااااااا :p ااااااااااااااااااااااائيا

فإزاي أعرف أدخل المسدس ده لمصر وأسجله على ترخيص مصري ؟؟؟

والاجرائات حتبقه ايه خصوصاً أن المسدس مستعمل مش جديد زي اللي بيتعمله اجرائات الاستيراد

وكمان هل الاجرائات بتاعة المطار حتكون زي بتاعة الاستيراد ولا لازم صاحبه هو اللي يجيبه معاه لمصر ؟؟؟

ولازم موافقة الامانه العامه بتاعة القوات المسلحه برضه ولا الامر مختلف ؟؟؟؟

أحكولي بالتفصيل أرجوكم

أفيدوني ولكم جزيل الشكر


mr vigo 12-08-05 04:37 AM
رد: سؤال عن الاستيراد لمستعمل من بلد مجاور
 
للدرجه دي محدش عنده اي فكره !!!!

قناص الظلم 12-08-05 05:00 AM
رد: سؤال عن الاستيراد لمستعمل من بلد مجاور
 
مستحيل بدون الخوض فى التفاصيل يامتر - بالمختصر مش هايعرف يجيبه مصر ومش هاتعرف تشتريه هناك لانك اجنبى ومش هاينفع تنقله والموافقه الاستيراديه لازم يكون جديد

تيكا 12-08-05 05:01 AM
رد: سؤال عن الاستيراد لمستعمل من بلد مجاور
 
طيب نبقي نتكلم واقولك بتتعمل ازاي

mr vigo 12-08-05 05:33 AM
رد: سؤال عن الاستيراد لمستعمل من بلد مجاور
 
اقتباس:
المشاركة الأصلية كتبت بواسطة قناص الظلم (المشاركة 414338)
مستحيل بدون الخوض فى التفاصيل يامتر - بالمختصر مش هايعرف يجيبه مصر ومش هاتعرف تشتريه هناك لانك اجنبى ومش هاينفع تنقله والموافقه الاستيراديه لازم يكون جديد
الله يكرمك يا احماده

فتحت نفسي والله أني أبطل سلاح خالص
هههههههههههههههههههههه :d

قفلتها بالضبه والمفتاح

mr vigo 12-08-05 05:35 AM
رد: سؤال عن الاستيراد لمستعمل من بلد مجاور
 
اقتباس:
المشاركة الأصلية كتبت بواسطة تيكا (المشاركة 414339)
طيب نبقي نتكلم واقولك بتتعمل ازاي
تمام يا تيكا

أهي محاوله حتى لو فشلت نبقه نجيب وقتها من هنا

sherothebest 12-08-05 07:04 AM
رد: سؤال عن الاستيراد لمستعمل من بلد مجاور
 
اعتقد انها نفس اجراءات الموافقة الاستيرادية يعنى لازم موافقة استيرادية

mr vigo 12-08-05 12:53 PM
رد: سؤال عن الاستيراد لمستعمل من بلد مجاور
 
اقتباس:
المشاركة الأصلية كتبت بواسطة sherothebest (المشاركة 414391)
اعتقد انها نفس اجراءات الموافقة الاستيرادية يعنى لازم موافقة استيرادية
ماهو المشكله ان الاجرائات بتاعة المستورد بتتم من محلات بتبيع بالتبعيه جديد

انما لو أتجاب من شخص بره وكان مستعمل

فأكيد حيختلف الشكل بتاع الاستيراد

bodygard 34 12-08-05 09:35 PM
رد: سؤال عن الاستيراد لمستعمل من بلد مجاور
 
عندى سؤال...هى السعوديه فيها تراخيص سلاح شخصى للدفاع؟؟؟؟انا كنت هناك فى الحج السنه اللى فاتت وسألت افراد من الشرطه عن محلات السلاح واجابوا ان المحلات اللى موجوده فقط لأسلحة الصيد والرمايه وان مافيش تراخيص للطبنجات زى مصر..ولو الكلام ده صحيح يبقى الطبنجات المعروضه عليك ياسيد فيجو شمال برانى وماتجيش مصر الا تهريب وبالتالى لايمكن ترخيصها..ياريت حد يكون فى السعوديه يؤكد او ينفى المعلومه اللى انا قلتها

NILE MAN 12-08-06 04:29 AM
رد: سؤال عن الاستيراد لمستعمل من بلد مجاور
 
اقتباس:
المشاركة الأصلية كتبت بواسطة bodygard 34 (المشاركة 414709)
عندى سؤال...هى السعوديه فيها تراخيص سلاح شخصى للدفاع؟؟؟؟انا كنت هناك فى الحج السنه اللى فاتت وسألت افراد من الشرطه عن محلات السلاح واجابوا ان المحلات اللى موجوده فقط لأسلحة الصيد والرمايه وان مافيش تراخيص للطبنجات زى مصر..ولو الكلام ده صحيح يبقى الطبنجات المعروضه عليك ياسيد فيجو شمال برانى وماتجيش مصر الا تهريب وبالتالى لايمكن ترخيصها..ياريت حد يكون فى السعوديه يؤكد او ينفى المعلومه اللى انا قلتها
السعودية فيها ترخيص سﻻح و يجدد كل 10 سنين - ممنوع حمل السﻻح خارج حدود المنزل - ممنوع لغير السعوديين - مسموح باﻻسلحة اﻵلية الخفيفة يعنى ممكن ترخص رشاش هكلر او آلى روسى - حد اقصى 10 قطع سﻻح ﻻنهم شعب قبائل و يتفاخرون بالسﻻح - ممنوع ترخيص اى سﻻح مماثل ﻻسلحة الجيش و الشرطة زى الطبنجة الجلوك و نوديﻻت البندقية الهكلر بتاعة الجيش بتاعهم و كنت بسمع انهم حيوافقولهم على ترخيصهم كمان - يوجد ترخيص منفصل لحمل السﻻح خارج المنزل وشروطه صعبة زينا كده فى مصر - ممنوع حيازة صواعق و ملهاش ترخيص عندهم :) - آلى اه كهرباء ﻷ :) - قانونهم غريب واجراءاتهم سريعة جدا - ده من واقع اخر زيارة للمملكة فى 2007

mr vigo 12-08-06 01:47 PM
رد: سؤال عن الاستيراد لمستعمل من بلد مجاور
 
اقتباس:
المشاركة الأصلية كتبت بواسطة bodygard 34 (المشاركة 414709)
عندى سؤال...هى السعوديه فيها تراخيص سلاح شخصى للدفاع؟؟؟؟انا كنت هناك فى الحج السنه اللى فاتت وسألت افراد من الشرطه عن محلات السلاح واجابوا ان المحلات اللى موجوده فقط لأسلحة الصيد والرمايه وان مافيش تراخيص للطبنجات زى مصر..ولو الكلام ده صحيح يبقى الطبنجات المعروضه عليك ياسيد فيجو شمال برانى وماتجيش مصر الا تهريب وبالتالى لايمكن ترخيصها..ياريت حد يكون فى السعوديه يؤكد او ينفى المعلومه اللى انا قلتها

لا يا حج عزت

الاسلحه هناك بترخيص فعلا
وبيطلع بسهوله ليهم هما انما الاجانب _زينا _ لا :mad:
انا عشت هناك 17 سنه
لكن هناك مش بيسعو ورا الاسلحه اللي بتعجبنا احنا زي الطبنجات
هناك بيسعو ورا البنادق الخرطوش وبيسموها الشوزن
والخرطوش بتاع الذخيره اسمه فشق
وورا الالي وبيسموها بندقه وورا بنادق الطلق وبيسموها السكتون و حاجات تانيه

انما الطبنجات هناك فبتتباع في حدود 4000 ريال الى 9000 ريال :mad:

تخيل انا صاحبي لسه شاري هناك مسدس اسمه نورينكو NP22 Norinco يعتبر نسخه من المسدس سيج سوار
دي صورته

http://www.badgerarmssupply.com/imag...large/np22.jpg

أشتراه بـ4500 ريال لا ومعاه ايه
خزنه اضافي + دستين 9 ملي نيروينكو النوع بحقها والدسته سعرها بـ500 والدسته فيها خمسين رصاصه

:D
الطبنجات هناك برخص التراب
لان مافيش عليها اي اقبال عالي مجرد اقتناء لا أكتر
لكن الذخائر فبتتباع بدون ترخيص او مسئوليه على البائع
بلدان بقه مريحه أهلها مش زينا تغلب على ماتجيب السلاح وتدوخ على ماتجيب الذخيره!!!

bodygard 34 12-08-07 01:52 AM
رد: سؤال عن الاستيراد لمستعمل من بلد مجاور
 
النورينكو ده صينى..وكالعاده نسخه من ماركه معروفه زى الزيج..وكمان بتنتج السى زد بس طبعا تحت مسمى اخر..طيب حيث كده صحيح ايه المانع ان الاستيراد يتم عن طريق السعوديه طالما ان الاوراق حتكون مستوفيه ومش لازم مستعمل اشترى جديد

mr vigo 12-08-07 10:25 AM
رد: سؤال عن الاستيراد لمستعمل من بلد مجاور
 
اقتباس:
المشاركة الأصلية كتبت بواسطة bodygard 34 (المشاركة 415468)
النورينكو ده صينى..وكالعاده نسخه من ماركه معروفه زى الزيج..وكمان بتنتج السى زد بس طبعا تحت مسمى اخر..طيب حيث كده صحيح ايه المانع ان الاستيراد يتم عن طريق السعوديه طالما ان الاوراق حتكون مستوفيه ومش لازم مستعمل اشترى جديد

المشكله بلدنا يا حج عزت

انا لحد دلوقتي محدش أفادني في الموضوع ده

وكمان هناك مش حيتلاقي جديد زي ماقولتلك

لانهم بيجيبو المسدسات مستعمله أما من اليمن أو الدول المجاوره لكن الجديد بيستوردوه

من الخارج وبلدهم بتسهلهم ده مش صعب يعني

لكن لو سهل عندنا كانت الطبنجات تجيلنا بسعر 3000 جنيه وفي ظرف يومين

لان السعوديه مفيش فركة كعب

قناص الظلم 12-08-07 10:44 AM
رد: سؤال عن الاستيراد لمستعمل من بلد مجاور
 
ريح نفسك يا فيجو - هات من مصر اريح لك انت نسيت الجمارك :) يعنى لو نفع ومعلش مش هاينفع - لانى عارف خالى كان معه مسدس 22 مرخص فى هولندا ولم تسمح السلطات المصريه بادخاله بالمختصر كدا يا فيجو - دا كان مرخص ملكا له مش لسه هايشتريه ومعهوش جنسيه هات حلوان او حته ربع مؤقتا

mr vigo 12-08-07 02:11 PM
رد: سؤال عن الاستيراد لمستعمل من بلد مجاور
 
اقتباس:
المشاركة الأصلية كتبت بواسطة قناص الظلم (المشاركة 415713)
ريح نفسك يا فيجو - هات من مصر اريح لك انت نسيت الجمارك :) يعنى لو نفع ومعلش مش هاينفع - لانى عارف خالى كان معه مسدس 22 مرخص فى هولندا ولم تسمح السلطات المصريه بادخاله بالمختصر كدا يا فيجو - دا كان مرخص ملكا له مش لسه هايشتريه ومعهوش جنسيه هات حلوان او حته ربع مؤقتا
معاك حق يا قناص

الظاهر ده حلها فعلا

شكرا يا صديقي


الساعة الآن 07:39 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir