الصيد فى مصر - موضوع انما اية عبقرى

الصيد فى مصر (http://www.egyhunt.net/index.php)

- صيد السمك (http://www.egyhunt.net/forumdisplay.php?f=75)

- - موضوع انما اية عبقرى (http://www.egyhunt.net/showthread.php?t=32137)

موضوع انما اية عبقرى

السلام عليكم يناس يعسل
ناس كتير اوى كل مروح حتت معينى تئلى المكان دى الصبح شب ردود و من بليل للفجر بلطى كبير ب ريم و انا بئا عمرى مشفت الريم دا ولا اعرف دا غماذ ولا حداف و شكلو عامل اية و لونو و بتشبك اذاى فى السن لو حد يفدنى بالكلام ماشى اعسل انما بئا يبئا جميل اوى لو حطات فديو هستفهم اكتر
و السلام عليكم و رحمة الله و بركاتو

رد: موضوع انما اية عبقرى

الريم دي طحال لونها اخضر بتتلف علي الخطاف وتتساب منها حته مدليه صغيره وبتطلع بلطي 10 علي 10

رد: موضوع انما اية عبقرى

سوري طحالب خطاء كتابي

رد: موضوع انما اية عبقرى

ماشى برضو محدش فدنى انا عايز اعرف دا حداف ولا غماز و شكلو عامل اذاى

رد: موضوع انما اية عبقرى

دا بيشتغل بالغماذ وبيكون غماذ صغير نسبا وبتجيبه من عند بتوع ادوات الصيد

رد: موضوع انما اية عبقرى

وعلى فكره بيلف من فوق السناره وحوليها وبيتم انذال جذا صغير من تحت السناره عند الصيد يتم تجاهل تنقير السمكه حتى تقوم السمكه بابتالع الطعم كامل ودا بيكون بان عند اهتذاذ الغماذ هذات خفيفه تتركه ولا تسحبه اما اذا غطس بالكامل بتسحب بالنطر فى عكس الاتجاه وبعدها بتقيم حجم السمكه وتتعامل معها

رد: موضوع انما اية عبقرى

بجد الف شكر يجميل بس الريم مينفعش حداف خالص

رد: موضوع انما اية عبقرى

اقتباس:

المشاركة الأصلية كتبت بواسطة محمد كابو (المشاركة 415607)

ماشى برضو محدش فدنى انا عايز اعرف دا حداف ولا غماز و شكلو عامل اذاى

دا غماز ياباشا بس غماز صغير ورصاصة تكون وزناه على الأخر والوش بيكون صغير جدا وبعيد عنن الرصاصة برضه والريم طحالب لونها اخضر بيكون موجود فى المية الراكدة اكتر زى المصارف على شكل شعر أخضر

رد: موضوع انما اية عبقرى

اقتباس:

المشاركة الأصلية كتبت بواسطة محمد كابو (المشاركة 416549)

بجد الف شكر يجميل بس الريم مينفعش حداف خالص

هى المشكلة ان غمزة الريمة خفيفة جدا مش هتحس بيها فى الحداف وكمان الريم من الطعوم اللى بتكون شبه طافية على المية

رد: موضوع انما اية عبقرى

اقتباس:

المشاركة الأصلية كتبت بواسطة احمد العوضى (المشاركة 415610)

كياد كبير يا استاذ احمد كلام سليم جدا

رد: موضوع انما اية عبقرى

الريم : هو نوع من انواع الطحالب الى بتنموا فى المياه وبياكلها السمك
وانا جبت لك صورة قريبة ليها
بتتباع الفه ( لورقه ) بحاولى 1.5 : 2 : 2.5 جنية حسب شطرتك وحسب البياع وحسب الكمية
بتكون عبارة عن ورقة جرايد مبلوله ومحفوظة فى التلاجه فيها لفه من شعر لونه اخضر
والريم يفضل عايش طول ما ورقة الجرايد مبلله بالمية وموجوده فى التلاجه

الامكان الى ينفع فيها الصيد ( هى الاماكن الى فى النيل فيها زرع اخضر ، بوص ، ورد النيل ، عشب خارج من النيل ) ،،، طب لية ؟؟ لان السمك فى الحته دى بيكون متعود ياكل من الورق الاخضر

الريم بيشتغل الصبح تمام ، وفى اوقات الصيف كمان تمام اوى

الريم بيطلع انواع معينه من السمك ، البلطى (بكثرة ) ، البنى ( فين وفين ) ، المبروكه ( نادراً)

السنون الى بنصتاد بيها لما بنصتاد بريم صغيرة ( 12 : 10 : 14 )
لان السمكه علشان تشبك معاك لازم تبلع السن كله

الغماز بيكون صغير ، والتقال بيكون مناسب بحيث أنك لما ترمى يكون مش ظاهر الشفاطه من الغماز

وزى مشرح لحضرتك باقى الاعضاء ، طريقة لف الريم و ازاى تعرف ان السمكه لضمت