استفسار من أهل الخبرة
 

السلام عليكم و رحمة الله و بركاته

سؤال لخبراء المنتدى . كنت باتصفح النت و لقيت بندقية اسمها Benjamin Trail NP XL Air Rifle سرعة الرشة حسب كل المواقع 1500 قدم /ثانية يعني تقريباً 457 متر/ثانية و أعتقد ان دي من اكبر السرعات اللي شفتها ، و معتمده على تكنولوجيا اسمها Gas Spring و السؤال هل ممكن حد يشرح لنا التكنولوجيا دي ببساطه و يوضح الفرق بينها و بين البنادق العادية

دي اللينك اللي عليها مواصفات البندقية http://www.pyramydair.com/s/m/Benjam...Air_Rifle/2052

و لكم جزيل الشكر

رد: استفسار من أهل الخبرة
 

الموضوع بسيط:
بدل سوسته بتستعمل بيستون مشحون بالغاز
جرب تجيب سيرنجه فاضيه و تشد البيستون و سد الطرف بصباعك و أكبسها و سيبها هتلاقيها طلعت لوحدها
النوع ده من البيستون موجود زيه كتير في شنطه السياره (هوه الي بيخليها تفتح لوحدها)

رد: استفسار من أهل الخبرة
 

مشكور للرد يا افندم ... علشان كده مكتوب عنها ان مافيش مشاكل لو اتسابت متعمرة من غير ما تضرب الرشه ... بس هل ده يديها القوة الجبارة دي

رد: استفسار من أهل الخبرة
 

حاجه كمان السرعه المعلن عنها بتكون متقاسه بأخف نوع رش
نوع محدش بيستعمله أصلا و الشركه مش بتكذب عليك هم بيقولولك الكلام ده
شوف السرعه المعلن عنها للديانا هتلقيها أسرع
كمان النوع ده بالذات فيه مشكله في الزناد أسماها creep (زحف يعني) ده بحصل لما تيجي تشد الزناد و تدخل في المرحله التانيه
بدل ما البندقيه تضرب على طول لأ بتتأخر شويه (يعني الدقه كده شكرا باظت) بس ممكن تتعالج ببساطه لو فكيت مجموعه الزناد و لمعت اللاقط

رد: استفسار من أهل الخبرة
 

باشا انت حضرتك بالدماغ دي المفروض تشتغل كبير المهندسين في المصنع بتاعهم . ربنا يحفظك

رد: استفسار من أهل الخبرة
 

شكرا ليك بس صدقني أنا مبتدئ :d