الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   حد يعرف حاجه عن الكرال؟؟ (http://www.egyhunt.net/showthread.php?t=30917)

Griffin 12-07-01 05:02 PM
حد يعرف حاجه عن الكرال؟؟
 
ياريت يا جماعه تساعدوني علشان أنا خلاص قربت أتراجع عن فكره ال PCP و أسيب المنتدى كله من كتر ما محدش عنده أستعداد يفيد غير نفسه و بس
أنا بقالي يجي شهر بسأل عن مواسير البنادق و محدش حتى بيرد على سؤالي البسيط

عدد الشخشنات في الكرال كام؟ وهي فيها Choke ولا لأ؟؟؟؟؟؟؟؟؟

و الأعضاء الي بيبعتولي و يخلوني أضرب مشوار ساعتين علشان عاوزين يبيعوا ماسوره لا هي عدد الشخشنات الي قالوه ولا هم عارفين يعني أيه Choke أصلا هم أهم سبب أني أمشي و أمسح كل المواضيع

أنا خلاص فقدت الأمل في أن حد يقول حاجه مفيده
لا كل واحد يفتح موضوع تلاقي أول Post هو الي ليه لازمه و الباقي............
تسلم الأيادي ، مشكور ، أتفضل يا عرب ........... كلام مالوش معنى ولا لزمه
كل عضو تلاقي عنده 400 Post و مقالش فيهم معلومه واحده مفيده حاجه مستفزه فعلا

أنا أيه يخليني أفضل أحط Posts في موضوع ال PCP ولا أوجع دماغي أصلا

hossam abdo 12-07-01 06:35 PM
رد: حد يعرف حاجه عن الكرال؟؟
 
ههههههههههههههههههههههههههههههههه ماتيجي تاخدنا قلمين احسن ايه ياعم الاسلوب اللي انت بتتكلم بيه ده لازم يبقى فيه شوية زوق وادب في الكلام عن اعضاء المنتدى الافاضل وبعدين مفيش حاجه اسمها كلام مالوش لازمه الكلام اللي مالوش لازمه ده اسمه ادب الحوار ومجاملات يتبادلها الاعضاء ياريت لو تهدا شويه والاعضاء يجاوبوك بس مستحيل حد هايجاوبك وانت باسلوبك الحليوه ده

Griffin 12-07-01 06:45 PM
رد: حد يعرف حاجه عن الكرال؟؟
 
شكرا لحضرتك على التوضيح أنا فعلا كنت محتاج حد ينصحني :d

Pingz 12-07-01 06:52 PM
رد: حد يعرف حاجه عن الكرال؟؟
 

@Hossam Abdo حضرتك مش فاهم الأخ Griffin هوا معممش الأعضاء كلهم.

حكاية ان الناس يبعتوك مستفزة جداً, بس تقريباً الناس مبيكونش عندهم خبرة فبتفتي, زي الي يفتي في الطريق.

عامةً يا ا/Griffin انا بيعجبني تفكير حضرتك, ومستني فعلاً يبقا فيه الـpcp تركيب وصناعه مصرية.

وبرضه هنا في مصر عامةً مش هتلاقي خبره اوي في فك وقطع بنادق Air Riffle بس سمعت حضرتك قولت هتستورد الماسورة قبل كده؟

وعلى فكرة معظم الي في المنتدى زيي كده داخلين بيدوروا على اول بندقية وياخدوا خبرات, علشان هما اساساً معندهمش خبرات, وطبعاً منكرش ان في خبرات كبيرة بس مختفيين اليومين دول.

كمل مشوارك وتجنب الإحباطات.

Griffin 12-07-01 07:12 PM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة pingz (المشاركة 397276)

@hossam abdo حضرتك مش فاهم الأخ griffin هوا معممش الأعضاء كلهم.

حكاية ان الناس يبعتوك مستفزة جداً, بس تقريباً الناس مبيكونش عندهم خبرة فبتفتي, زي الي يفتي في الطريق.

عامةً يا ا/griffin انا بيعجبني تفكير حضرتك, ومستني فعلاً يبقا فيه الـpcp تركيب وصناعه مصرية.

وبرضه هنا في مصر عامةً مش هتلاقي خبره اوي في فك وقطع بنادق air riffle بس سمعت حضرتك قولت هتستورد الماسورة قبل كده؟

وعلى فكرة معظم الي في المنتدى زيي كده داخلين بيدوروا على اول بندقية وياخدوا خبرات, علشان هما اساساً معندهمش خبرات, وطبعاً منكرش ان في خبرات كبيرة بس مختفيين اليومين دول.

كمل مشوارك وتجنب الإحباطات.
الموضوع مش بس كده أنا كمان بعت لأعضاء قدامى في المنتدى علشان أسأل عن التصنيع و قالوا يفيدوني و بعد ما بعت الرسومات ولا ردوا ولا حتى أعتذروا ولا أي حاجه أنا حاسس أني بقيت بكلم نفسي كل لما أسأل حد في موضوع عن حاجه يتجاهلني كأني ولا قلت حاجه

أنا معنديش حاجه أقلها خلاص أنا مسحت مشاركاتي في موضوع ال pcp و ياريت الأداره تحزفه
أنا من أول ما عملت الموضوع و أنا بتمنى أن أي حد يشارك بأي حاجه لكن مافيش
المشروع ده أخد مني أكتر من شهر شغل 8 ساعات يوميا و مفيش أقل مشاركه من أي حد

يريت تحط نفسك مكاني و تقلي أيه هيكون شعورك يعني مش كفايه أنه مافيش مشاركات لا و دلوئتي كل واحد عنده حتته خرده عاوز يبعها و يلبسها لأي مغفل يضحك عليه يخليني أضربله مشوار مالوش لزمه

أنا مش بتكلم على كل الناس لكن الي شفته كده كفايه

sofyan 12-07-01 07:51 PM
رد: حد يعرف حاجه عن الكرال؟؟
 
مرحبا

أهلين ...
انا كمان بتعصب وبتنرفز لما الفكره توصل لمكان مسدود بس مجرد ما أهدا شويه علي طول تجي فكره جديدة ومش شرط حد يعطيهلك (الفكره)..
وياريت متمسحش المشاركت بتعاعك انا شخصيا استفدت منها:p
وانا تحت أمرك لو فيه حاجة حاب تسفسر عليها:confused:

تحياتي

darkshaft 12-07-01 07:55 PM
رد: حد يعرف حاجه عن الكرال؟؟
 
بالراحه شوية،الحجات الجديده دائما بتحتاج صبر و تعب شوية،و انصحك تروح عند اى محل سلاح يكون بيصلح بنادق هواء و هوه ممكن يفيدك ان شاء الله،بالتوفيق.

Griffin 12-07-01 08:06 PM
رد: حد يعرف حاجه عن الكرال؟؟
 
يا جماعه الموضوع مش طريق مسدود أو أنا محتاج مساعده في التصميم
أنا الحمد لله خلصت التصميم و الرسومات كامله مش ناقصها مسمار
لكن الفكره هي لما أسأل حد عنده بندقيه كرال عدد الشخشنات كام ولا يرد ولا يعبرني أو ممكن يقولي أستنى رائي الخبراء طب يا سيدي مأنت الكرال مرميه عندك في الدولاب طلعها و عد الشخشنات يا أخي ده من باب الفضول حتى يا أخي

بالزمه ده تسموه أيه؟؟؟؟؟؟
ده الي حصل معايا لما سألت ثلاثه أعضاء مختلفين عندهم الكرال

Griffin 12-07-01 08:16 PM
رد: حد يعرف حاجه عن الكرال؟؟
 
على فكره أنا مقررتش عدم أستكمال مشروع ال pcp أنا فقط قررت أحذو حذو الأعضاء الأفاضل ألي هو عدم المشاركه

و شكرا

sofyan 12-07-01 08:32 PM
رد: حد يعرف حاجه عن الكرال؟؟
 
عدد الزيارات علي الموضوع كان 1,753 زيارة بس حبيتك تعرف الناس اللي دخلو علي الموضوع
طبعا فيه اللي استفاد في صمت وفيه ناس كان الموضوع جديد عليهم..
يعني فيه الحاله ديه حرمان عدد من الاعضاء من الاستفادة حتى ولو بمعلومة بسيطة علي طريقة عمل بندقية PCP.

وانا بصراحة زعلت من حدفك للمواضيع:eek:
كنت حاب نعمل رابطة محبي Edgun بس فيه خيره..

تحياتي

Griffin 12-07-01 08:43 PM
رد: حد يعرف حاجه عن الكرال؟؟
 
عدد الزيارات سبب أكبر لحذف المشاركات لأن ده بيبين أد أيه كميه الناس الي عاوزه تستفيد بدون ما تشارك

طب فسرهالي يعني أيه يبقى عندك بندقيه و أسألك لو تقدر تساعدني علشان بعمل موضوع عن pcp و أديلك لينك للموضوع و أسألك عدد الشخشنات كام فتقول لي أستنى راءي الخبراء؟؟

ولا واحد بعتلي أنه عنده ماسوره فسألته عن مقاساتها و عدد الشخشنات ولا حتى رد علي أصلا

و أخيرا واحد تاني بعتلي أنه عنده ماسوره فكلمته في التليفون و سألته قالي كلام ولاما رحت أشوفها لقيتها حاجه تانيه خالص غير ألي هو قالها

فعلا حاجه تضايق جدا جدا

Dodo dababa 12-07-01 09:00 PM
رد: حد يعرف حاجه عن الكرال؟؟
 
يا جماعه دي مش أول مره حد يقول الكلام ده أحنا لازم نخلي بالنا من الموضوع ده لأن ناس كتير سابت المنتدى بسببه
أنا شايف أن الأداره معليهاش أي مسؤليه لكن أحنا الي لازم نكون ملتزمين أكتر
أنا عن نفسي حاسس أني خسرت كتير لما حضرتك مسحت المشاراكت بتعتك و بدون ذنب ليا
يعني أنا كنت متابع الموضوع بأهتمام شديد و دلوقتي بتحسر على المشاركات الممسوحه لأني فعلا أتعلمت كتير و أكيد كان لسه في أكتر
و على فكره الموضوع ده كان حصري للمنتدى بتعنا يعني مكنش موجود على المنتديات المنافسه التانيه
ده أنا كل لما أروح أشوف منتدى تاني ألاقي نفس المواضيع نسخه طبق الأصل ماعدى ال pcp المصريه ده كان فعلا موضوع متميز

sofyan 12-07-01 09:17 PM
رد: حد يعرف حاجه عن الكرال؟؟
 
ايه ياجماعه يعني علي كيده انا لازم أمسح مشاركاتي لانه الموضوع أصبح مبتور:confused:
أسف جدا لكل قراء الموضوع..

تحياتي

Champion 12-07-01 09:24 PM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة griffin (المشاركة 397326)
عدد الزيارات سبب أكبر لحذف المشاركات لأن ده بيبين أد أيه كميه الناس الي عاوزه تستفيد بدون ما تشارك

طب فسرهالي يعني أيه يبقى عندك بندقيه و أسألك لو تقدر تساعدني علشان بعمل موضوع عن pcp و أديلك لينك للموضوع و أسألك عدد الشخشنات كام فتقول لي أستنى راءي الخبراء؟؟

ولا واحد بعتلي أنه عنده ماسوره فسألته عن مقاساتها و عدد الشخشنات ولا حتى رد علي أصلا

و أخيرا واحد تاني بعتلي أنه عنده ماسوره فكلمته في التليفون و سألته قالي كلام ولاما رحت أشوفها لقيتها حاجه تانيه خالص غير ألي هو قالها

فعلا حاجه تضايق جدا جدا
صدقني اللي قالك استني اراء الخبراء ده اقولك ليه
فيه ناس معندهاش اي 30 فكره عن البندقيه غير ان هي بتضرب و بس
يعني عمرها ما فتحت البندقيه

Ahmed salama 12-07-01 09:42 PM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة champion (المشاركة 397335)
صدقني اللي قالك استني اراء الخبراء ده اقولك ليه
فيه ناس معندهاش اي 30 فكره عن البندقيه غير ان هي بتضرب و بس
يعني عمرها ما فتحت البندقيه
+1111111111111111

Ahmed salama 12-07-01 09:48 PM
رد: حد يعرف حاجه عن الكرال؟؟
 
والله أنا سبت المشاركة في الموضوع بس لأني مش لاقي حاجة أقولها
لأن بسم الله ماشاء الله عليك أفكارك تقريباً مش محتاجة تعديل ومحدش
كتير بيعرف يفهم التصميمات الي بتحطها والصور غير الناس الي بتفهم في ميكانزم
البنادق وطريقة عملها لكن معظم الناس زي ما قال أستاذ شامبيون مبتعرفش
أي حاجة عن البندقية الي في اديها غير انها تكسر وتعمر وتشد الزناد وأنا والله
لو عندي كرال أو أي ماسورة كنت أفدتك لكن التمس العذر للناس أكيد أغلبهم سكت
لعجزة عن فهم طلباتك يعني مثلا محدش كتير يعرف يعني اية Choke ولا ششخانات
أنا كنت مشرف في منتدى كبير واستقلت منة بسبب نفس الموضوع دة بس انت
متستناش مقابل للمعلومات الي بتقدمها غير انها تبقى حسنات جارية ليك باذن الله
وسامحنا على التقصير

Griffin 12-07-01 09:49 PM
رد: حد يعرف حاجه عن الكرال؟؟
 
حضرتك أنا سألت واحد من الناس الي فاهمين كويس جدا بلاش طب الأثنين التانين الي سألتهم؟؟؟؟
و الموضوع مش محتاج أكتر من أنك تكسر البندقيه و تعد
لكن تقول أيه بقى
طب نقول أنك على حق و الثلاثه مش فاهمين حاجه طب الأخ الي كلمته في التليفون و قالي كلام غير الحقيقه خالص و خلاني أضرب مشوار ما يعلم بيه ألا ربنا ده تسميه أيه؟؟
ولا الي قالي أنا أعرف حد ينفذ الرسومات و بعدين ولا عبرني أصلا؟؟؟
بلاش طب الي قالي عندي ماسوره سالته عن المقاسات مكلفش خاطره يرد؟؟

Griffin 12-07-01 09:53 PM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة ahmed salama (المشاركة 397342)
والله أنا سبت المشاركة في الموضوع بس لأني مش لاقي حاجة أقولها
لأن بسم الله ماشاء الله عليك أفكارك تقريباً مش محتاجة تعديل ومحدش
كتير بيعرف يفهم التصميمات الي بتحطها والصور غير الناس الي بتفهم في ميكانزم
البنادق وطريقة عملها لكن معظم الناس زي ما قال أستاذ شامبيون مبتعرفش
أي حاجة عن البندقية الي في اديها غير انها تكسر وتعمر وتشد الزناد وأنا والله
لو عندي كرال أو أي ماسورة كنت أفدتك لكن التمس العذر للناس أكيد أغلبهم سكت
لعجزة عن فهم طلباتك يعني مثلا محدش كتير يعرف يعني اية choke ولا ششخانات
أنا كنت مشرف في منتدى كبير واستقلت منة بسبب نفس الموضوع دة بس انت
متستناش مقابل للمعلومات الي بتقدمها غير انها تبقى حسنات جارية ليك باذن الله
وسامحنا على التقصير
صدقني أنا مكنتش مستني مقابل و واخد الموضوع ببساطه و صدر رحب بس حضرتك مش شايف أن الموضوع كده زايد شويه ولا أنا الي مكبر الموضوع على الفاضي؟؟
قولي و صححني لو أنا غلطان

sofyan 12-07-01 10:21 PM
رد: حد يعرف حاجه عن الكرال؟؟
 
الحل الوحيد.. انك اليوم تسهر للصبح وتعاود كل مشاركاتك:D
وبالنسبة groove Barrel عادتا بتكون 8 بس فيه شركات زي lothar walther بتعمل 12 بس ديه غاليه كثير يعني من 150 ال 300 دولار
http://www.lothar-walther.com/454.php

تحياتي

Bebeto 12-07-01 10:25 PM
Re: حد يعرف حاجه عن الكرال؟؟
 
يا باشا و الله انت زعلتني من الموضوع ده عشان مش سهل ان بعد التعب ده كله يضسع في الهوا .... انا بقولك اهو لو تقولي اعد عدد الشخشخانات كام اعدهم عشان انا معايا كرال .... و قوللي انت عايز العدد ولا عدد الدورانات

Griffin 12-07-01 10:32 PM
رد: Re: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة Bebeto (المشاركة 397350)
يا باشا و الله انت زعلتني من الموضوع ده عشان مش سهل ان بعد التعب ده كله يضسع في الهوا .... انا بقولك اهو لو تقولي اعد عدد الشخشخانات كام اعدهم عشان انا معايا كرال .... و قوللي انت عايز العدد ولا عدد الدورانات
يا سيدي مافيش حاجه ضاعت كله موجود بس مش موجود على المنتدى هي ديه الحكايه ببساطه و ولا تزعل نفسك خالص
أنا كنت بسأل عن عدد الشخشنات و القطر الخارجي للماسوره مش الدوارانات و كان عندي أستعداد أشتري بندقيه كامله علشان أخد المسوره بتاعتها و كنت هرمي الباقي أو أبيعه قطع غيار
و أنا عارف يا Bebeto أنك بتبيع البندقيه بتاعتك

sofyan 12-07-01 10:47 PM
رد: حد يعرف حاجه عن الكرال؟؟
 
ايه رايكم ياجماعه نرجع للموضوع الاول ونسيب المشكله اللي حصلت.. ويا دار مدخلك شر
عايز اخلص المشروع

Griffin 12-07-01 10:57 PM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة sofyan (المشاركة 397360)
ايه رايكم ياجماعه نرجع للموضوع الاول ونسيب المشكله اللي حصلت.. ويا دار مدخلك شر
عايز اخلص المشروع
يا أستاذي الفاضل مافيش مشكله أصلا بالنسبا ليا أنا مكمل زي مكنت :D لكن زي ما تحب الرسومات موجوده و ممكن أحطها تاني معمول فيها أخر التعديلات بس معلش أعذروني بالنسبه للمقاسات مش هحطها كلها و كل اللينكس بتاعت ال youtube

Bebeto 12-07-02 12:04 AM
Re: رد: Re: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة griffin (المشاركة 397354)
يا سيدي مافيش حاجه ضاعت كله موجود بس مش موجود على المنتدى هي ديه الحكايه ببساطه و ولا تزعل نفسك خالص
أنا كنت بسأل عن عدد الشخشنات و القطر الخارجي للماسوره مش الدوارانات و كان عندي أستعداد أشتري بندقيه كامله علشان أخد المسوره بتاعتها و كنت هرمي الباقي أو أبيعه قطع غيار
و أنا عارف يا bebeto أنك بتبيع البندقيه بتاعتك
و الله البندقية متغلاش عليك و لو مش مصدق جرب كده ههههههههههه و دلوقتي اجيب البندقية و اشوف عدد الخطوط بتاعة الشخشخانة من جوة كام خط من البداية ؟؟؟

Griffin 12-07-02 12:27 AM
رد: حد يعرف حاجه عن الكرال؟؟
 
1 مرفق
شكرا حبيب قلبي الله يخليك

حضرتك عد الدايره مكونه من كام خط يعني مثلا الصوره دي عدد الشخشنات 7

Bebeto 12-07-02 12:35 AM
Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة griffin (المشاركة 397406)
شكرا حبيب قلبي الله يخليك

حضرتك عد الدايره مكونه من كام خط يعني مثلا الصوره دي عدد الشخشنات 7
الدايرة 13 خط تقريبا يا باشا

Griffin 12-07-02 12:44 AM
رد: حد يعرف حاجه عن الكرال؟؟
 
شكرا جدا
ياااااهه الواحد أعصابه هديت أوي أنا بقالي شهر نفسي أعرف الأجابه دي

شكرا لحضرتك و أحب أعرفك أن بمشاركتك دي أنت ساهمت كتيير في تطوير ال pcp المصريه و أكيد أسمك هينزل مع الأسامي في أخر الفيلم
ههههههههههههه

شكرا مره أخرى

Bebeto 12-07-02 12:55 AM
Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة griffin (المشاركة 397413)
شكرا جدا
ياااااهه الواحد أعصابه هديت أوي أنا بقالي شهر نفسي أعرف الأجابه دي

شكرا لحضرتك و أحب أعرفك أن بمشاركتك دي أنت ساهمت كتيير في تطوير ال pcp المصريه و أكيد أسمك هينزل مع الأسامي في أخر الفيلم
ههههههههههههه

شكرا مره أخرى
ههههههههههه يا باشا انت تؤمر والله و لو اي استفسار تاني انا تحت امرك ...... و الكرال مرمية في الجراب لحد ما انزل اجيب رش بقي ههههههههههه يعني لما انت تطلب حاجة بتسعدني عشان بطلعها لسبب معين هههههههههه

moorey 12-07-02 01:33 AM
رد: حد يعرف حاجه عن الكرال؟؟
 
الحمد لله الاخ Bebeto ما قصرش انا بقي مش فاهم حاجه خالص في الموضوع بتاع الpcp ياريت حد يفهمني ممكن اعرف اساعدكم

Griffin 12-07-02 02:09 AM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة moorey (المشاركة 397442)
الحمد لله الاخ Bebeto ما قصرش انا بقي مش فاهم حاجه خالص في الموضوع بتاع الpcp ياريت حد يفهمني ممكن اعرف اساعدكم
طيب هحاول أشرح من الأول تابع الموضوع ده
http://www.egypthunt.net/showthread.php?t=30231&page=13

القبطان المصرى 77 12-07-02 12:30 PM
رد: حد يعرف حاجه عن الكرال؟؟
 
صباح العسل ياباشا
انا امبارح شفت الموضوع اللى حضرتك كنت عامله وبتشكى فيه من تجاهل الاعضاء ومفيش حد عاوز يساعدك
وانا اعتزر لانى مشفتش الموضوع ده غير دلوقت
اتفضل ياباشا دى مساهمه بسيطه منى لمشروعك العملاق
عدد الشخشخان للكرال 12 ان شاء الله
ومش عارف فيه حد سبقنى وجاوبك ولا لا
واى حجه تعوزها تانى انا تحت امرك

Bebeto 12-07-02 12:40 PM
Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة القبطان المصرى22 (المشاركة 397637)
صباح العسل ياباشا
انا امبارح شفت الموضوع اللى حضرتك كنت عامله وبتشكى فيه من تجاهل الاعضاء ومفيش حد عاوز يساعدك
وانا اعتزر لانى مشفتش الموضوع ده غير دلوقت
اتفضل ياباشا دى مساهمه بسيطه منى لمشروعك العملاق
عدد الشخشخان للكرال 12 ان شاء الله
ومش عارف فيه حد سبقنى وجاوبك ولا لا
واى حجه تعوزها تانى انا تحت امرك
ههههههههههه يا نهار اسود .... عدهم تاني و انا هعدعم تاني عشان عدتهم 3 مرات و النتيجة 13 و قلت لصاحب الموضوع 13 ..... الا يعلقني هههههههه

القبطان المصرى 77 12-07-02 12:54 PM
رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة bebeto (المشاركة 397645)
ههههههههههه يا نهار اسود .... عدهم تاني و انا هعدعم تاني عشان عدتهم 3 مرات و النتيجة 13 و قلت لصاحب الموضوع 13 ..... الا يعلقني هههههههه
ههههههههههههههههههههه
لاهم 12 يابيبو ان شاء الله
بس ركز جامد وانت بتعد عشان الموضوع مش ساهل ومحتاج تركيز اوى

Griffin 12-07-02 12:58 PM
رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة Bebeto (المشاركة 397645)
ههههههههههه يا نهار اسود .... عدهم تاني و انا هعدعم تاني عشان عدتهم 3 مرات و النتيجة 13 و قلت لصاحب الموضوع 13 ..... الا يعلقني هههههههه
أنا من ساعت لما أنت قلت 13 عرفت أنهم 12 لأنه مافيش غير 8 أو 12 بس أنا مرضتش أحرجك :o

Bebeto 12-07-02 01:00 PM
Re: رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة griffin (المشاركة 397673)
أنا من ساعت لما أنت قلت 13 عرفت أنهم 12 لأنه مافيش غير 8 أو 12 بس أنا مرضتش أحرجك :o
هههههههههههههه يبقي انا عديت اخر خط مرتين ........ معلش اسف اسف اسف ..... غلطة مطبعية :d

Bebeto 12-07-02 01:02 PM
Re: رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة القبطان المصرى22 (المشاركة 397668)
ههههههههههههههههههههه
لاهم 12 يابيبو ان شاء الله
بس ركز جامد وانت بتعد عشان الموضوع مش ساهل ومحتاج تركيز اوى
اه و الله صح .... معلش اصل انا لما عديتهم كنت لسة واصل من السفر 8 ساعات و منمتش و مطبق قبلها بيوم ... معلش بقي غصب عني

القبطان المصرى 77 12-07-02 01:16 PM
رد: Re: رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة bebeto (المشاركة 397678)
اه و الله صح .... معلش اصل انا لما عديتهم كنت لسة واصل من السفر 8 ساعات و منمتش و مطبق قبلها بيوم ... معلش بقي غصب عني
هههههههههههههههههه
ياباشا عادى كلنا سعات بيفوتنا حجات
وبعدين كفايه انك مهتم وعاوز تساعد
وعلى فكره مفيش عدد فردى اطلاقا فى الشخشخان
يعنى كل الاعداد زوجيه
8
12
وكده يعنى

Bebeto 12-07-02 01:20 PM
Re: رد: Re: رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة القبطان المصرى22 (المشاركة 397692)
هههههههههههههههههه
ياباشا عادى كلنا سعات بيفوتنا حجات
وبعدين كفايه انك مهتم وعاوز تساعد
وعلى فكره مفيش عدد فردى اطلاقا فى الشخشخان
يعنى كل الاعداد زوجيه
8
12
وكده يعنى
كويس اني عرفت اني قلت رقم غلط هههههههههه بدل ما كنت هبقي فرحان بقي عشان قلت حاجة جديدة

Griffin 12-07-02 01:33 PM
رد: Re: رد: Re: رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة bebeto (المشاركة 397696)
كويس اني عرفت اني قلت رقم غلط هههههههههه بدل ما كنت هبقي فرحان بقي عشان قلت حاجة جديدة
كفايه أنك حبيت تساعد

Bebeto 12-07-02 01:34 PM
Re: رد: Re: رد: Re: رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة Griffin (المشاركة 397708)
كفايه أنك حبيت تساعد
بس ساعدت برقم غلط :rolleyes: :o

Griffin 12-07-02 01:47 PM
رد: Re: رد: Re: رد: Re: رد: Re: رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة bebeto (المشاركة 397709)
بس ساعدت برقم غلط :rolleyes: :o
ياسيدي الله يكرمك المهم أنك ساعدت و أنا فهمت الرقم صح و خلاص

القبطان المصرى 77 12-07-02 05:33 PM
رد: حد يعرف حاجه عن الكرال؟؟
 
بعد الكثير من العناء والتجربه والاختبار كذا مره
ماسورة الكرال بدون choke ياباشا
اى خدمه بقى
اظن مفيش اسرع من كده رد

Griffin 12-07-02 06:54 PM
رد: حد يعرف حاجه عن الكرال؟؟
 
شكرا يا كبير

moorey 12-07-03 04:02 AM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة griffin (المشاركة 397459)
طيب هحاول أشرح من الأول تابع الموضوع ده
http://www.egypthunt.net/showthread.php?t=30231&page=13
حاضر اهو هشوف الموضوع كويس :d

محمد حافظ بك 12-07-05 10:45 AM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة القبطان المصرى22 (المشاركة 397808)
بعد الكثير من العناء والتجربه والاختبار كذا مره
ماسورة الكرال بدون choke ياباشا
اى خدمه بقى
اظن مفيش اسرع من كده رد
ايه بقي ال choke ده ؟؟

Griffin 12-07-05 10:58 AM
رد: حد يعرف حاجه عن الكرال؟؟
 
اقتباس:
المشاركة الأصلية كتبت بواسطة محمد حافظ بك (المشاركة 399246)
ايه بقي ال choke ده ؟؟
معلش أنا أسف كان المفروض الشرح ده يكون في الموضوع هنا بس سامحني و راجع الرد القبل الأخير في الصفحه دي:

http://www.egypthunt.net/showthread.php?t=30231&page=16

Angel of Death 12-07-05 01:00 PM
رد: حد يعرف حاجه عن الكرال؟؟
 
أظن يا فندم إنك لو إتكلمت بطريقة أكثر إحتراما هتلاقي اللي يرد عليك.. و على فكرة بقى أعضاء المنتدى رائعين و بيساعده الجميع حتى لو هتضرهم.. أنا عن نفسي مديون لجميع الخبراء من كثر المعلومات اللي إدوهالي.. مش معنى إنك ما لقيتش ردك يبقى الناس مطنشين.. يا أخي ممكن مشغولين.. :(

Griffin 12-07-05 02:27 PM
رد: حد يعرف حاجه عن الكرال؟؟
 
معلش أنا عملت كده بعد لما واحد محترم خلاني أضرب له مشوار أكتر من ساعه في عز الحر و بعدين لما قابلته لاقيته بيحاول ينصب عليا و بيكلمني كأني مش فاهم أي حاجه و هو بس ألي بيفهم و أني أنا غلطان
بس على فكره أنا لما قابلته كنت بتعامل معاه بكل زوق و أحترام و سبته و أنا برده بعامله بكل أحترام و قلتله هفكر و أرد عليك
بس الموضوع مستفز فعلا لما تكلم واحد مش فاهم أي حاجه و هو مقتنع تماما أنه خبره و أن أنا الي مابفهمش
بس المشكله هي أن المصريين فاهمين الخبره غلط
الخبره هي أنك تتعلم و تعمل بنفسك مش أنك تعمل بدون تعليم
كل واحد فك بنادق و شحمها فاكر أنه خبره لكن تعالى أديله بندقيه ماشتغلش عليها قبل كده يقولك "لا أنا مبشتغلش في النوع ده" ده لأنه بيشتغل منغير فهم أو تفكير
التعليم بينمي التفكير و أنا شفت صنايعيه مشهود ليهم بالكفائه و خبره أكتر من 30 سنه لكن صدقني لما أتكلمت معاه لقيته مش فاهم أي حاجه خالص

أنا مش بقول أن الناس دي غلط لا سمح الله أنا ما بحكمش على حد أنا بحترم جدا الشخص المتفاني في شغله لكن برده مابكرهش أكتر من الفتي الموجود

Griffin 12-07-05 02:39 PM
رد: حد يعرف حاجه عن الكرال؟؟
 
خليني أديلك مثل حاجه و أنا بقلب في المنتدى شفتها النهرده:

الناس بتقول أن WD-40 ماتسبهوش علي الحديد أو المعدن لأنه بيسبب التأكل لأنه فيه ماده حمضيه

ده كلام ناس معندهاش أي فكره عن الكيمياء لأن ببساطه الماده علشان تكون حمضيه أو قلويه لازم تكون بتمتزج بالمياه و ال WD-40 ده زيت يعني مش ممكن أصلا يمتزج بالمياه

طيب أنا برده ما أكتفيتش بمعلومات الكيمياء بتاعت ساته أبتدائي و قلت أجرب بنفسي أنا عندي ورق كشف الpH الي بيقيس الحامضيه المهم جربت و لأيت أنه فعلا المعلومات الي بيقولوها للأطفال في ساته أبتدائي صح

بس تعالى قول الكلام ده لأي حد مقتنع أن ال wd-40 فيه حمض هيقولك أنت مابتفهمش
محدش عنده أستعداد يتعلم

Griffin 12-07-05 02:50 PM
رد: حد يعرف حاجه عن الكرال؟؟
 
و لو مش مصدقني جرب بنفسك البيكينج بودر لو حطيته على حمض زي الخل هيفور لكن رش wd-40 على شويه بيكنج بودر و قولي أذا كان كلامي غلط

Angel of Death 12-07-05 03:31 PM
رد: حد يعرف حاجه عن الكرال؟؟
 
أولا بالنسبة لحكاية المشوار. و الله ممكن الشخص ده قالك كدة على قد فهمه للبضاعة و كان قصده كل خير. ثانيا طب ما أنا شوفت سؤالك, لكن معرفش الإجابة عنه لذلك مرديتش عشان مفتيش بحاجة غلط.. عشان ممكن الموضوع مكنش في رد عليه..
أما بالنسبة لحكاية wd-40 و الله يا فندم أنا بفهم أووووووووووووووي في الكيمياء و عارف إن ال wd-40 مش حمضي.. لكن أنا اللي بسمعه إنه مضر لمعدن بتاع الماسورة و للجلدة, ليه بقى معرفش...

Griffin 12-07-05 04:15 PM
رد: حد يعرف حاجه عن الكرال؟؟
 
هو مضر للجلده لأنه مزيب قوي و بيخليها تتأكل
تأكل الكوتش مش معناه أن الجزء الخارجي هو ألي بيتأكل لكن الكاوتش لما بيبتدي تيأكل بينفش زي السفنجه و بيتفتت
و ال WD-40 سريع الأشتعال جدا يعني لو دخل جوه الماسوره هيعمل أنفجار (أسمه dieseling)

Angel of Death 12-07-05 04:36 PM
رد: حد يعرف حاجه عن الكرال؟؟
 
ما لما الجلدة تنشف تبدأ تسرب هواء, و تضعف الالقوة.. أما Dieseling خطر جدا على الشخص لأنها ممكن تعيد تعمير السلاح من غير ما الشخص يكون دريان و ده ممكن يسبب الإصابة أو الموت (لا قدر الله على أي حد طبعا) و ممكن كمان يسبب إنفجار البندقية. لأن الهواء لما تشد الزناد يبقى قوي جداااااو ساخن جداااااااااا ( حوالي 1200 درجة مئوية) ده يخلي كافي جدا لإشعال أي ذرة مادة قابلة الأشتعال. و من قوة الإنفجار ممكن يحصل اللي أنا قلتة لحضرتك في الجزء اللي فوق.. ده طبعا بالإضافة إن الماسورة هتتوسخ بسرعة جدا من الرواسب الإشتعال و إن مع الوقت الماسورة تتضعف لأنها مش مصنوعة لأستحمال هذه الكمية المهوولة من الطاقة.. :)


الساعة الآن 06:35 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir