|
طلعة لييلية فراخ و يمام على ما قسم
السلام عليكم و رحمة الله و بركاته
أنا بصراحة كل ما أخش على المنتدى و أشوف الصيد الجميل بتاع الإخوة الأفاضل أصمم أخرج أصطاد أشيل البندقية و أجى خارج يدوب أطلع و الشمس تلسعنى من على الباب أروح راجع جرى و حموت إذا ما إصطدت و خاصة إن المصارف إتملت مية و معنتش بلاقى سمك قلت لازم ترجع ريمة لعادتها القديمة صيد الليل و أنا ملك الليل و عندى عدتى الكاملة لليل عندى كشافات شحن شديدة بيقعد الكشاف الواحد 6 ساعات لكنى عارف المشكلة الوحيدة عندنا إن معدش فيه حاجة تصطادها المهم سيبكم من المقدمة خرجت أنا و واحد صحبى وكنت مظبط البندقية على الهيد شوت زى ما بتقولوا يعنى كل حاجة تمام و لله الحمد الطلعة كانت جميلة بالرغم من قلة الحصيلة جبنا 6 فرخات مية و ضربت 3 و معرفناش نجبهم حاولنا لكن بدون فايدة و غرابين قابلونا طبعا ما كدبتش خبر و ضربتهم بس دول ما صورتهمش الغريب بقا فى الطلعة دى اليمام مشينا على شوية شجر على شط ترعة صغيرة و كان اليمام أكتر من العصافير و ضربت فى حدود 30 وحدة و كلهم ماتو لكن للأسف ما جبناش غير 8 بس مع العلم إن الى بتقع ما بيكونش بينك و بينها أكتر من مترين بس شط الترعة كله غاب طويل جدا و مشبك فى بعضه و ما جبناش غير الى كان بيقع فى المية لكن فى النهاية الحمد لله بارك الله فى ما رزق بالرغم إنها مش دى طلعات الليل الى متعودين عليها و عزرا على الإطالة لأنى عارف إنى مش حقدر أطلع قريب فقلت أشبع من الموضوع دا لحد ما ربنا يفرجها بطلعة تانية الى الله واحده يعرف حتكون أمتى و أسيبكم للصور http://img269.imageshack.us/img269/2457/dscf2521y.jpg http://img100.imageshack.us/img100/7560/dscf2520n.jpg http://img23.imageshack.us/img23/2112/dscf2519e.jpg |
رد: طلعة لييلية فراخ و يمام على ما قسم
تسلم ايدك يا ابو صفيه ربنا يباركلك فى رزقك فعلا اكتر حاجه بتزعل الواحد انك تضرب الطير ومتعرفش تجيبه والواحد بيتمنى انه ميكونش ضربه احسن لما يضربه وميعرفش يجيبه .نصيحه منى تبداء الصيد على الساعه خمسه يعنى تكون موجود فى مكان الصيد واخرك يكون الساعه 8.30 علشان الشمس بقت جامده جدا . هيا البندقيه الى فى الصوره ديه cfx تحياتى ليك.
|
رد: طلعة لييلية فراخ و يمام على ما قسم
الله يسلمك يا أستاذ أيمن و شكرا على النصيحة أنا بصراحة حاولت أخرج الفجر ما نابنى غير صحيت بدرى و لفيت كتير لكن اليمام برده لقيته حذر جدا
|
رد: طلعة لييلية فراخ و يمام على ما قسم
الله ينور :)
بس نصيحه خد معاك كاب و قزازه لتر تلج و صدقني مش حتحس بحاجه :) |
رد: طلعة لييلية فراخ و يمام على ما قسم
اقتباس:
البندقية جامو cf 20 |
رد: طلعة لييلية فراخ و يمام على ما قسم
تسلم ايدك فعلا صيد اليل ممتاز بس خلى بالك من مشاكله الناس بتخاف اليومين دول
|
رد: طلعة لييلية فراخ و يمام على ما قسم
بتصطاد بليل ازاي
|
رد: طلعة لييلية فراخ و يمام على ما قسم
.طلعه موفقه :)
ربنا يبارك |
رد: طلعة لييلية فراخ و يمام على ما قسم
معلش سؤالين هو دا كشاف ولا اليكتريك ؟؟ والبندقية دى جامو cf20 صح ؟؟
|
رد: طلعة لييلية فراخ و يمام على ما قسم
ملك الليل ابو صفية _طلعة ممتازة وبالتوفيق_نفسى اصتاد فراخ الميه دى _وهل النوريكا 73 تقفلها والا هاتبقى ضعيفة_وسؤال لملك الليل _ايه احسن وقت لصيد فراخ الميه
|
رد: طلعة لييلية فراخ و يمام على ما قسم
اقتباس:
|
رد: طلعة لييلية فراخ و يمام على ما قسم
اقتباس:
|
رد: طلعة لييلية فراخ و يمام على ما قسم
اقتباس:
بالنسبة لأنسب وقت لصيد الفراخ هوا الليل و يا ريت تكون الليالى غير القمرية لآن الفراخ بتنام على وش المية ما بتنمش فى الغاب من جوا يعنى لو بتشوف فى منطقة فراخ بالنهار تروح تدور فى مكانها على وش المية مش فى الغاب أو على أول النباتات المائية من ناحية المية مش من ناحية البر و الوضع دا بيتعكس لو الفرخة صاحية بتكون ناحية البر و بصفة عامة الزغاليل بتاعتها بتلاقيها نايمة على الغاب أرجو أكون أفدت و الله الموفق |
رد: طلعة لييلية فراخ و يمام على ما قسم
تسلم يا ابو صفيه شرح وافى كافى جزاك الله خيرا
|
رد: طلعة لييلية فراخ و يمام على ما قسم
رهييييييييييييب يابو صفيه والله
الله ينور وانا كمان باعمل زيك كده لما اليمام بيقل بالنهار ومش بنلاقيه باقوم عامل كبسه عليه بالليل هههههههههههههههههههه لكن قوللى صحيح الكشاف ده نوعه ايه وسعره كام وبيتباع فين |
رد: طلعة لييلية فراخ و يمام على ما قسم
اقتباس:
بالنسبة للكشاف و الله الى أعرفة إنه مش موجود فى مصر خالص و أنا كنت جيبهم من قطر و دا منه أنواع كتير زى سانفورد و بريلينت و بناسونيك المهم لو لك حد مسافر الخليج قوله الكشاف الى اللمبة بتاعته ما بتتحرقش و نوره أبيض |
رد: طلعة لييلية فراخ و يمام على ما قسم
اقتباس:
|
رد: طلعة لييلية فراخ و يمام على ما قسم
بسم الله ما شاء الله وبألف هنا وشفا
|
رد: طلعة لييلية فراخ و يمام على ما قسم
الله يبارك و يخلى الجميع على المرور الطيب و الكلمات الجميلة و ربنا يباركلكم فى صيدكم و يوفق الجميع
|
رد: طلعة لييلية فراخ و يمام على ما قسم
انا دلوقتى متأكد أن انت يحيى عشان انا فاكر ان انت جبت بنت وسمتها صفية ربنا يخليهالك اية يا باشا الطلعات الجبارة دى ما شاء الله منور مصر يا يحيى
انا محمد رمضان فصيح بتاع قطر اتمنى اشوفك قريب ونطلع مع بعض اعلى فكرة انا بطلع بردة يا يحيى احيانا بطلع طلعات صغيرة هنا فى العزب والكفور اللى جنب الزقازيق وبتكون يمام وفراخ غيط واحيانا بطلع الصالحية وبتكون طلعات كبيرة حمام برى وقمرى وبط وبنضرب خرطوش حسب الموسم اللى موجود فيه الطير وعلى العموم حمد الله ع السلامة ودة رقم تليفونى 01117593179 01020797865 |
| الساعة الآن 11:22 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir