موسوعة الرش الكاملة
 

السلام عليكم,
أكيد طبعا كثير مننا قبل ما يشتري بندقية له بعد ما يختار البندقية اللي ناوي عليها يقف أمام خيار أصعب, و نوع و عيار الرش.. عشان طدة أماحبيت أعمل موضوع عن كل أنواع و أحجام و الفرق ما بينهم من حيث الإستخدامات و الطاقة بتاعت كل نوع.. :) :)

الأعيرة:
بنادق الضغط يتم إنتاجها بأرعة عيارات و هي كالأتي:
1) 4.5 مللي أو 177. بوصة أو ما يسمى في مصر "نمرة واحد"

2) 5.0 مللي أو 20. بوصة (ليس متوافر في مصر)

3) 5.5 مللي أو 22. بوصة أو ما يسمى في مصر "نمرة إثنين"

4) 6.35 مللي أو 25. بوصة أو ما يسمى في مصر "نمرة ثلاثة" لكن وجودة نادر جدااااا لو كان موجود أصلا

http://i115.photobucket.com/albums/n...01/pellets.jpg

الفروق: نمرة واحد دائما يكون أخف و بالتالي أسرع بكثير عن باقي الأعيرة. لكن لأنة سريع يفقد دقتة كثيرا مع البنادق المتوسطة و القوية في قوة القذف. ذلك لأن غالبا تقترب الرشة إلى سرعة الصوت أو تكسر حاجز الصوت Sound Barrier مما يؤدي إلى إنفجار الموجات الصوتية Sonic Boom مما يؤدي إلى تشقلب الرسة مئات المرات في الثانية الواحدة و هذا يخرج الرشة تماما عن مسارها الأولي. يكون الرش نمرة واحد ضعيف في إسنخدامه للصيد في حيث إنه خفيف الوزن جدا و غالبا ما يصيب الطير بدون قتلة لأن الرشة تمر عبر جسد الصيد بدون تدمير أو تمزيق الأنسجة الحيوية. عندما يزيد حجم العيار يزيد الوزن و تقل السرعة و ذلك يزيد التلف في الأعضاء لزيادة الطاقة الحركية في المقذوف.

الطاقة الحركية:
الطاقة عشان تتقاس يا أساتذة ليها معادلة و هي كالأتي:
kinetic energy=½ mv²
خليني بقى أفصصها لحضراتكم.
أولا Kinetic Energy هي الطاقة الحركية. يعني كمية الطاقة بتاعت المقذوف عند قياس السرعة (خلي بالك أوي لأن مع تغير السرعة,تتغير الطاقة بناء عليه)

ثانيا: M أو Mass هو وزن المقذوف. ففي حال نمرة 1 (4.5 مم) فهو: 0.42-0.65 جرام حسب شركة التصنيع. أما بالنسبة لنمرة 2 (5.5 مم) فهو: 0.865-0.138 جرام أيضا حسب الشركة المصنعة.

ثالثا: V² في حيث V هي Velocity أو سرعة المقذوف و v² يعني مربع السرعة أو (السرعة x السرعة)

رابعا: دلوقتي لو طبقت المعادله ديه على الكرال مثلا اللي سرعة نمرة 1 (نأخد متوسط الوزن اللي هو 0.5 جرام أو 0.0005 كيلو جرام) 315 متر في الثانية تلاقي إن طاقة القذوف
kinetic energy= 0.0005*315*315*0.5
kinetic energy= 24.806
(خلي بالك تقسم الوزن على ألف عشان المعادلة ديه للكيلو جرام مش جرام)
دلوقتي يلا نجربها على رشة نمرة 2 (نأخد المتوسط الوزن اللي هو 0.112 جرام أو 0.00112 كيلو جرام ) سرعة الكرال مع نمرة 2 240 متر في الثانية مثلا
kinetic energy=0.5*0.00112*240*240
kinetic energy= 32.256

كدة إحنا عرفنا إن الرشة تمرة 2 أقوى كثير من نمرة 1 ..

خامسا:
ديه بقى أهم حتة. قوانين الفيزياء بتقول إن المقذوف الأثقل بيخسر سرعتة أسرع كثيير من المقذوف الأخف. يعني لما الرشة توصل لهدف على بعد 50 متر ممكن تلاقي الرشة نمرة 1 سرعتها210 متر/الثاني و نمرة 2 سرعتها 125 متر/الثانيه. هنا بقى عشان تختار أيهم أفضل ليك يبقى لازم نقرر المدى اللي أنت هتصطاد منه. لأنك لو هتصطاد في مسافة قريبة يبفى تاخد نمرة 2 وش عشان في المسافة القريبة نمرة 2 هتفرتك أبو و كمان أم الصيد. بس لو حضرتك عاوز بقى تعمل قناص و بتاع (زيي كدة بالظبط عامل فيها قناص ) يبقى عليك بنمرة 1. لأن نمرة هتحتفظ بسرعتها أكثر من نمرة 2 بكثيييييير لكن قد تفقد الدقة لخفة الوزن....
برده نوع الرش بيفرق.. عندك الرش المدبب زي الماستر بوينت, و ده قدرته على الإختراق رهيبة بشكل مرعب. و عندك الهولو بوينت و ده مجوف, لكن لما يرشق في صيد بينفجر (مش بنار يعني و كدة, لكن الراس بتفرد على الأخر و حجمه يزيد أضعاف و البطريقة ديه بيدمر أكبر عدد من الأنسجة اللي في الصيد) لكن قدرته الإختراقية ضعيفة..
سيتم مناقسة أنواع الرش العامة في قسم لاحق.

سادسا: كل شخص لي عيار مفضل له و مش بيعرف يعيش من غيره. يعني ممكن واحد يحب الهولوبوينت نمرة إثنين جدا و مش بيستخدم غيرة, و ممكن واحد ثاني يستخدم الماستر بوينت نمرة واحد و مش بيعرف يعيش من غيرة. اللي قصدي أقوله إن في الأخر كله بيرجع لي تفضيلك الشخصي و الطريده اللي هتصطادها لأن كل ما الطريدة تكبر كل ما تحتاج عيار أكبر.

الأنواع:
1) Match Pellets أو Wadcutter: و هو رش مسطح الرأس و يستخدم في مسابقات الرماية حيث أنه عند الإختراق يترك دائرة كاملة الشكل بحيث تسهل المعاينة. لدى هذا النوع من الرش دقة عالية جدا في حدود 10-30 ياردة (8-28 متر) لكن أبعد من هذا تبدأ الرشة بفقدان دقتها لأن الهواء يبدأ بتغيير مسار الرشة لكبر سطحها.
http://hi.atgimg.com/img/x/6140/632002554-alt.jpg

2) Domed Pellets: و هو رش لدية رأس على شكل قبة و يستخدم في جميع الإستخدامات و الصيد خصوصا. لدى هذا الرش دقة عالية جدا جدا حتى على أطول المسافات بسبب رأسة المقببة التي يجعل الرشة في قمة ال‘نسيابية حيث أنها تنزلق عبر الهواء بدون معارضة من الهواء. هذا الرأس أيضا يعطي الرشة قدرة ممتازة للإحتفاظ بسرعتها و مسارها (يعني الرشة مش هتنزل كثير على المسافات الطويلة) مما يجعلها رشة قوية جدا عند الإرتطام بالصيد و تقتلها فورا.
http://www.militaria.pl/upload/wysiw...DB_4.5_det.jpg

3) Pointed Pellets: هذا النوع من الرش يكون لدية رأس مدببة و يميزة القدرة الخارقة في الإختراق. يكون هذا الرش جيد مع البنادق الضعيفة و متوسطة القوة لكن مع البنادق الأقوى يعطي نتائج سلبية حيث إن مع السرعة العالية يفقد توازنة لشدة إنسيابيتة لأن أية فروقات كمية الهواء و لو كانت ضئيلة جدااا تدفع الرشة إلى إتجاة معين.
http://12gramco2cartridge.co.uk/imag...ted-pellet.jpg

4) Hollow Point: هذا الرش يتميز برأس مجوفة دائريا. يعطي هذا التجويف الرش ميزة أنه "ينفجر" في جسد الصيد. بكلمة أنفجر أقصد أنه عندما يخترق أي مادة أكثر كثافة من الهواء يحقن الهواء المحبوس في التجويف إلى الجسد مما يتسبب في إزدياد حجم الرش 3 أو 4 أضعاف الحجم الأصلي بسرعة فائقة مما يشبة الإنفجار. يتسبب هذا الإنفجار في إزدياد كمية الأنسجة التي يتم إتلافها لأن الرشة تكون أكبر بأضعاف حجمها الأصلي و يتلف مساحة أكبر. أيضا لدى هذا الرش دقة عالية جدا بما يساوي Domed Pellets. لكن لإسنخدام هذا النوع يجب أن يتم بإستخدام بنادق متوسطة إلى عالية القوة لكي يتم توفير السرعة الكافية لإنفجار الرشة.
http://ak.buy.com/PI/0/350/204939754.jpg

http://www.pyramydair.com/blog/images/crow-mag-web.jpg

http://www.pyramydair.com/blog/image...r-bear-web.jpg


معلش أنا في قمة الأسف على الطول لكن قلت مينفعش مقولش الكلام ده لزملائي في منتدى الصيد في مصر.. :) الموضوع مجهود شخصي 120%.. أرجو التقييم و التثبيت عشات الكل يستفيد.

ممنوع منعا باتا نقل الموضوع لأي مكان أخر.

تحياتي,
محمد قطب الدكماوي

رد: موسوعة الرش الكاملة
 

7 مشاهادات و ولا رد؟؟ إية يا جماعة الموضوع وحش ولا إية.. :(

رد: موسوعة الرش الكاملة
 

مشكووووووووووووور ونفسي في الhalow

رد: موسوعة الرش الكاملة
 

ربنا يخليك يا بيشو يا باشا.. :) :) :cool:
و لية هو مش موجود في مصر..

رد: موسوعة الرش الكاملة
 

ايه الجمال ده :)
احلي تقييم

رد: موسوعة الرش الكاملة
 

و الله يا باشا ده حضرتك اللي جميل.. :) :d

رد: موسوعة الرش الكاملة
 

موضوع جميل يا باشا
يا ريت الباقي يعني ايه المتوفر في مصر و عيب و ميزة و سعر كل نوع
و كمان مين الي ينفع مع البنادق المنتشرة في مصر
و تقبل التحية

رد: موسوعة الرش الكاملة
 

الله يخليك يا فندم.. :) و إن شاء الله لما يكون عندي خبرة كافية هاعمل كدة يا فندم.. :) ما تنسانيش في التقييم بقى و النبي.. :)

رد: موسوعة الرش الكاملة
 

طبعا احلي تقييم و كمان يا ريت يثبت

رد: موسوعة الرش الكاملة
 

موضوع مميز ومجهود ممتاز يستحق التقييم.
تحياتى.

رد: موسوعة الرش الكاملة
 

يا رب الإدارة تسمع.. :)

رد: موسوعة الرش الكاملة
 

و الله شرفتني يا أستاذ عادل.. :) المهم الموضوع عجبك يا فندم.. :)

رد: موسوعة الرش الكاملة
 

الله ينور
وتسلم ايديك
علي الموضوع الرائع جدا

رد: موسوعة الرش الكاملة
 

بعتلك ايميل.

رد: موسوعة الرش الكاملة
 

أحلى و أجمل شكر ليك يا فندم.. و فعلا وجدت أشياء رائعة.. :) باقي إني أرجع مصر.. :)
♥ بلدي ♥

رد: موسوعة الرش الكاملة
 

الحمد لله إنة عجب حضرتك يا فندم.. :)

رد: موسوعة الرش الكاملة
 

حضرتك
الموضوع فعلا مميز جدا
وفي رايي كمان انه لابد من تثبيتة

رد: موسوعة الرش الكاملة
 

اعلى تقييم_وارجو من الادارة التثبيت لان موضوع الرش فعلا موضوع مهم موش اى رشايه تنضرب مع اى بندقية_العلم اتقدم زمان ما كناش نعرف الا رش البرج وعين الشمس_هههههههههههه

رد: موسوعة الرش الكاملة
 

ربنا يخليك يا فندم و أهم حاجة إفادة السادة الأعضاء.. :)
على الله الإدارة تسمع يا فندم :cool: :rolleyes:

رد: موسوعة الرش الكاملة
 

يا باشا ده حضراتكم اللي علمتونا الحاجات ديه.. :) ربنا يخليلنا حضراتكو و يخليلك إبن حضرتك اللي زي الأمور مروان :) ;)

رد: موسوعة الرش الكاملة
 

موضوع وشرح اكثر من رائععععععععععععععععععععععععععععععععععععععععععععععع ععععععععععع

رد: موسوعة الرش الكاملة
 

موضوع وشرح اكثر من رائع

رد: موسوعة الرش الكاملة
 

يا باشا ده حضرنك اللي رائع و الله.. :) يشرفني إن الموضوع عجب حضرتك يا فندم.. :)

رد: موسوعة الرش الكاملة
 

رد: موسوعة الرش الكاملة
 

الحمد لله إن الموضوع عجب حضرتك يا أستاذ بخيت. :)
أهه ما أنا عارف إن الجراين= 0.6479 جرام.. :) و الأوزان ديه بالجرام :).. 16*0.6479= 9 جرام.. :) مع إني شاكك في الوزن ده لأن لما بمسك الرشة بحس إنها أقل من 2 جرام مع إن الحسابات بنطلع 9 جرام.. :eek: أكيد أنا ماليش في حكاية الأوزان ديه و إيدي مش مظبوطة.. :)

شطرا جزيلا على المناقشة الشيقة.. :D ;)

رد: موسوعة الرش الكاملة
 

رد: موسوعة الرش الكاملة
 

أهههههه... :) صحيح يبقى أنا قرأتها غلط.. شكرا جزيلا يا فندم على تصحيحك الأكثر من رائع؟؟ :) و أنا على فكرة هصحح الموضوع حالا.. :D ;) :p

رد: موسوعة الرش الكاملة
 

رد: موسوعة الرش الكاملة
 

ربنا يخليك لينا يا باشا.. :) شكرا لحضرتك إنك صححتلي الخطأ المهم ده يا فندم.. :)

رد: موسوعة الرش الكاملة
 

رووووووووووووعه ... محهود رائع يا كبير ...
جزاك الله خير

رد: موسوعة الرش الكاملة
 

ربنا يخليك يا باشا.. :) و الحمد لله إنه عجب حضرتك.. :)

رد: موسوعة الرش الكاملة
 

موضوع ممتاز متعوب عليه وتستاهل كل الشكر والتقدير يا استاذ محمد
بس ليا ملاحظات على ارض الواقع
حضرتك قولت
) Match Pellets أو Wadcutter: و هو رش مسطح الرأس و يستخدم في مسابقات الرماية حيث أنه عند الإختراق يترك دائرة كاملة الشكل بحيث تسهل المعاينة. لدى هذا النوع من الرش دقة عالية جدا في حدود 20-10 ياردة (18-8 متر) لكن أبعد من هذا تبدأ الرشة بفقدان دقتها لأن الهواء يبدأ بتغيير مسار الرشة لكبر سطحها.

معظم الصيادين بيستخدموا الرش الماتش ده وبيصطادوا به ويقفلوا أهداف من مسافات قد تصل الى 30 متر يبقى ازاى يبقى فقدان النوع ده من الرش للدقه نظرا لتغيير الهواء مسار الطلقه كما ذكرت حضرتك
اظن ان التغير ده فى المسار بيكون غير محسوس يعنى بالمصرى كده الطلقه لا تنحرف كثير عن هدفها هل اعتقادى صح ام خطأ ؟
ولك منى كامل التقدير والاحترام :)

رد: موسوعة الرش الكاملة
 

لا لا, حضرتك صحأنا كان قصدي لحد 30 ياردة للأسف كان خكأ كتابة و أنا في قمممة الأسف, و شكرا لتصحيح الخطأ يا فندم.. لكن يفضل في الصيد إستخدام الهولوبوينت Hollowpoint أو المقبب Domed لدقتهم على المسافات الطويلة, يعني من 45-50 ياردة و أنت طالع.. :) مرة ثانية, شكرا جدا جدا جدا للتصحيح يا باشا, و أشكرك على إهتمام حضرتك.. :) و سيتم التصحيح..

رد: موسوعة الرش الكاملة
 

موضوع جميل جدا من انسان متفاني جدا جدا

رد: موسوعة الرش الكاملة
 

رد: موسوعة الرش الكاملة
 

يا فندم حضرتك مقصرتش في الأسف ولا حاجة, هو أصلا حضرتك هتتأسف ليه, أنا المفروض أتأسف للخطأ الفادح ده.. و أشكرك للتصحيح مرة ثاني و زي ما حضرتك قلت, "كلنا إخوات" :) :) و الله يا فندم التجار ملهومش ذنب, لأن هما بيشترو الرش بنفس السعر ده من المستوردين, يعني هما مالهمش دعوة, بل بالعكس التجلر اللي في المنتدى هنا بيعمله عروض بيكسرو فيها الغلاء إلى حد ما... :) أيم زمان كانت أيم العز يا فندم, أنا والدي بيحكيلي إن الرمسيس على أيامه كانت كثيرها ب30 جنيه :eek: :eek: :o :cool: :(
تخيل 30 جنيه؟؟؟... أخيرا أحب أقول لحضرتك طالما الموضوع عجبك يا فندم, أنا كنت عامل كمان موضوعين أفيد من ده كمان (موجودين في التوقيع يا فندم)
http://www.egypthunt.net/showthread.php?t=30113

http://www.egypthunt.net/showthread.php?t=30140
دول برده مهمين جدا و كلهم دسم (دسم معلومات طبعا هههههههههههههههه :) :) )
شكرا للتصحيحك يا فندم و جزاك الله خيرا و ربنا يباركلك يا فندم.. :) :)

رد: موسوعة الرش الكاملة
 

موضوع اكثر من ممتاز و يستحق احلى تقيم.

رد: موسوعة الرش الكاملة
 

البندقة الكرال اية رايك فيها ونوع الرش المناسب ليها اسمة اية وشكرا اخى الفاضل

رد: موسوعة الرش الكاملة
 

جزاك الله خير يا برنس

رد: موسوعة الرش الكاملة
 

ربنا يخليك يا فندم.. :) أي حاجة عشان أفيد السادة الأعضاء.. :)

رد: موسوعة الرش الكاملة
 

أهلا بيك يا فندم في منتدى الصيد في مصر و شكرا لقراءة الموضوع و أتمنى يمون عجب سيادتك
أولا:
الكرال يا فندم بدأت تتصنع في 2007 و نزلت مصر 2010. يعني بقالها في مصر حوالي سنتين. الكرال يا فندم بقت من أشهر البنادق في مصر إن لم تكن أشهرهم. أيضا الكرال عليها طلب عالييي جدااااا و تداولها رهيب في مصر.. السبب إن مواصفات الكرال جيدة حتى مقارنتا مع الكبار زي الديانات و ال bsa الجامو. الكرال هي نسخة عن الجامو شادو 1000 و هي من أكثر البنادق مبيعة عالميا و شركة كرال إختارت البندقية الصح للتقليدها. لما أقول تقليد مش أصلي شغل صيني, لا يا باشا أنا بس قصدي خده الشكل بتاع الجامو... سرعة الكرال هي 305 م/ث و 240م/ث حسب العيار, و على فكرة السرعات ديه هي بداية الهاي باور.. أما السعر رائع حوالي 1200-1300 جنيه مصري.. لكن لما تشتري الكرال لازم هتعمل عليها شوية تعديلات عاجلا اما أجلا. التعديلات بسيطة, لكن أثرها كبيييييير. التعديلات هي تغيير جلبة و سوستة و قاعدة و بتكلف حوالي 300 جنيه.. لكن بعدها هتبقى مدفع.. :) ممكن برده بدل ما تجيب سوستة عادية تجيب تايتن و هي شركة عالمية رائدة في سوست البنادق و السوستة ديه هتكثر من قوتها بمراحل و هي سوستة رائعة على فكر بحوالي 250 جنيه.. الكرال هي رائعة بالنسبة للسوق المصري نظرا لتخلف الأسعار.. لكنها أيضا جيدة جدا جدا جدا جدا جدا بالنسبة لأي حاجة سواء سعرها أو خصمها و أنا عن نفسي إن شاء الله هجيب واحدة كمان أسبوع إن شاء الله.. :) :)


ثانيا و الله يا أستاذ فتحي, كل بندقية ليها رش مفضل ليها حتى لو نفس الموديل. يعني ممكن لو عندي كرال تكون بتحب الجامو ماستر بوينت, لكن الكرال بتاعت حضرتك تكون بتعشق الجامو هنتر؟؟ السبب في ده لأن كل جزء في سلاح في يختلف عن مثيلة في قطعة أخرى.. أيوة الفرق صغييييير جدااااااااااا لكن موجود و ده السبب إن كل بندقية ممكن تفضل نوع رش معين.. الحل إن حضرتك تجرب بنفسك.. و لو عاوز تسهلها على حضرتك شوية ممكن تسأل ملك الكرال أستاذ عادل عبده و هو ممكن يسهلها شوية عليك يا فندم.. :)

رد: موسوعة الرش الكاملة
 

مشكور اخي الكريم على المجهود الرائع
لك مني خالص الاحترام والتقدير
تقبل مروري

رد: موسوعة الرش الكاملة
 

ربنا يخليك يا فندم.. :) قليلا منما عندكم يا فندم و الله.. :)

رد: موسوعة الرش الكاملة
 

عفوا يا أستاذ.. :) أهم حاجة إنه عجب حضرتك :)

رد: موسوعة الرش الكاملة
 

رد: موسوعة الرش الكاملة
 

موضوع رائع وجهد مشكور علية يستحق التقييم وارجو من الادارة تثبيت الموضوع لتعم الفائده

رد: موسوعة الرش الكاملة
 

رد: موسوعة الرش الكاملة
 

الله يخليك يا باشا.. :) أكيد طبعا الخبرة اللي زيك بيحتاجه الحاجات ديه تسلية بس.. :) هههههههههههههههههههههه

أي حاجة عشان أساعد الناس اللي لسة بتبدأ يا باشا... :)

رد: موسوعة الرش الكاملة
 

و الله ده حضرتك اللي رائع يا أستاذ بدر.. :)

رد: موسوعة الرش الكاملة
 

بنورك يا أستاذ.. و يا رب الموضوع يتثبت عشان الفائدة تعم.. :)

رد: موسوعة الرش الكاملة
 

رد: موسوعة الرش الكاملة
 

موضوع جميل ومفيد
الف شكر