الصيد فى مصر - كيف تسقط هدف بإحترافية

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - كيف تسقط هدف بإحترافية (http://www.egyhunt.net/showthread.php?t=30113)

كيف تسقط هدف بإحترافية

السلام عليك,
عاملين إيه يا أحسن قناصين مصر.. أكيد طبعا الناس المتمرسة مش محتاجة الكلام ده, بس الموضوع للناس اللي مبتعرفش تقفل هدف بسهوله و بتلاقي الرش دائما بعيد عن الهدف..
الطريقة:

1) أول حاجة لكن محدش يتريق عشان ديه خطوه مهمة جدا جدا جدا. هذه خطوة كل صياد هيعملها مرة واحدة في حياته و بتفضل معاه طول العمر إمسك البندقية لكن تتأكد إنها فارغه. جرب تمسك البندقية بكافة الطرق و شوف أريح و أنسب طريقة لحضرتك و ديه بتفرق من صياد لأخر.. طبعا متجيش تقولي انا بارتاح و أنا متشقلب و ماسك البندقية بصباع رجلي الصغير عشان ديه مش عملية. مثلا في ناس بترتاح و هي مربعه و ساندة البندقية على الفخد أو الركبة.. المهم إمسك البندقية شوية في وضعك المفضل و إتعود عليه و إرتاح فيه. ممكن تقعد كده يومين ثلاثة عشان لو معملتش كدة مش هتعرف تصطاد و مش هترتاح مع البندقية. مع الوقت الصياد و البندقية و الرشة هيبقو جسد واحد.. لازم قبل كل حاجة ترتاح جسديا و نفسيا للسلاح..

2) لما توصل لمنطقة الصيد المرادة خد عشر دقائق تعرف منطقتك و خلفية المنطقة كويس و حاول دائما تخلي الرياح عكسك. يعني الرياح تخبط وجهك مش ظهرك. ده مهم مع الحيوانات الأكبر شوية ليها حاسة شم قوية جدا جدا. فلازم الرياح تبقى عكسك عشان لو الرياح جاية من ورائك هاتشيل رائحتك و توصل للصيد و يهرب. و يبقى Game Over ... :) :)

3) طلع البندقية من الجراب أو الشنطة و لو كنت بتعمل نشاط خد 4-5 دقائق عشان نبضات قلبك يهدأ عشان كل ما النبض يسرع كلما هيقلل دقة لإصابة الهدف.

4) إبحث عن هدفك أو صيدك و إتخذ مكانك حسب الرياح و الخلفية.. في ناس كثير جالها إصابات عشان صائدين غير حذرين بيضيعة الصيد, لكن الرشة بتكمل و بتعور شخص ملهوش أية دعوة بالصيد.. لازم تخلي بالك إن خلفية الهدف/الصيد مافيش منطقة سكنية أو مأهولة أو سيارات, إلخ, إلخ, إلخ..

5) خد نشان أولي على الهدف سواء بالسكوب أو عن طريق النشان باع البندقية.

6) عمر البندقية و إتخذ وضعك المفضل سواء واقفا, جالسا, أو منبطحا .

7) خدلك نظرة على الهدف عن طريق العين (يعني ولا سكوب ولا نشان.. :) ) و أتأكد إن الخلفية سالمة و إن الإرتداد مش هيصيب في حاجة أخرى مرة ثانية. الأمان ببلاش يا رجالة.. :)

8) نشن عبر نشان البندقية أو عبر السكوب و أهم حاجة الراحة المطلقة. خد نفس بهدوء (شهيق) عن طريق الفم (لكن ما تطلعش الهوء دلوقتي) ثبت جسمك خالص لكن من غير توتر. قول بسم الله و الله أكبر و توكل على الله (تذكر قوله تعالى " وما رميت اذ رميت ولكن الله رمى " ) . أعصر الزناد بقوة ثابتة لكن بهدوء و تروي, عشان ديه اللي كثير من الصيادين بيغلطو فيها. أي حركة مفاجئة ممكن تحرك الماسورة و تبوظ الدقة. دلوقتي طلع الهواء من الفم بهدوء و تروي و ثبات. (طريقة التنفس هذه تسمى Tactical Breathing و يجب أن يستخدمها كل قناص عاوز يبقى دقيق عشان التنفس الخاطئ هيخلي الماسورة تتحرك و لا تصيب الهدف.. :)

بهذه الطريقة إن شاء الله هتبقى أحسن قناص و هتقفل كل حاجة في مرة واحدة.. :)

شكرا لحسن الإستماع و أتمنى التقييم و التثبيت عشان الفائدة تعم.. :)