الصيد فى مصر - لسه شاري كرال جديدة و اول مشاركة لي

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - لسه شاري كرال جديدة و اول مشاركة لي (http://www.egyhunt.net/showthread.php?t=30041)

tmme1978

12-06-12 05:32 PM

لسه شاري كرال جديدة و اول مشاركة لي

بسم الله الرحمن الرحيم

من 16 سنة كده و انا بطلت الصيد لزوم الشغل و السفر و قلة الوقت بس من كام شهر كده و رجعت تاني احن للصيد ففجئتني زوجتي من كام يوم بهدية عيد ميلادي ببندقية كارل تركي نمرة 2 بصراحة شكل البندقية عجبني و جربت ضربة علي الفاضي لاقيت صوتها و رد فعلها شديد بس معجبنيش الناشنكان الخلفي الفبر اللي بيلق ده و بصراحة مش فاهم ايه لزمت النقط الفسفوي اللي عليه و علي الامامي انا مجربتهاش علشان سافرت بعديها بيومين و انا قاعد في الصحراء اهو قلت اقراء تاني و افتكر الصيد و البنادق و الحاجات دي فلقيت منتداكم و عجبني و بقالي 5 ايام بقراء فيه و فهمت اشياء كثيرة و فكرتوني باشياء كنت نسيتها فقلت لازم اشارك معاكم و انضم ليكم و اهوه اتعلم منكم شوية علشان اول ما انزل اسكندرية لازم اجرب البندقية ف حروح اجيبلي علبة رش مستوردة و اشوفلي حتة كدة اجرب فيها حتي لو ملقتش حاجه اصطادهها حضرب علي ازايز ولا خشب اهو تدريب , المهم طبعا المدام دفعت فيها 1800 جنية طبعا اتشليت في عقل بالي اصل اخر بندقية جبتها كانت ب 90 جنية و اللي كنت حموت عليها كانت ب 150 جنيه المهم بلعت الصدمة ما كده كدا انا اللي حدفع :) و بصراحه كان نفسي في واحدة , انا شايف ان البندقيه ناعمة اه صوتها عالي حبة و بتطلع دخان علشان مليانة زيت بش شديده فيارت حد يفدني بايه موضوع النشان الفسفوري ده و لزمته اية و هل ممكن اغير الناشنكان الخلفي بواحد معدن احسن من البلستك اللي بيلعب ده و احسن رش مستورد متجرب معاها ايه و اي معلومة علي البندقية دي حتكون فائدة عظيمة و لكم جزيل الشكر و اقبلوني صديق جديد معكم .

darkshaft

12-06-12 06:05 PM

رد: لسه شاري كرال جديدة و اول مشاركة لي

اولا المفروض نشكر المدام انها ضمت معانا صياد قديم فى المنتدى،ثانيا الف مبروك البندقيه ثالثا هيه البندقيه الدبشك بتاعها فيبر عادى و لا رماية و لا خشب؟ و النشان الفسفورى انا مش عارف مديئك ليه بس هوه المفروض عشان يبين الهدف افضل،و على فكره البندقيه ده سرعتها ٢٤٠ متر/سنيه و ان شاء الله الخبراء هنا فالمنتدى يردوا على كل اسألتك،و لو محتاج اى حاجه بخصوص الكرال ففى الباشا ملك الكرال عادل عبده و هوه متخصص فى صيانتها و عضو معانا و حيقدر يفيدك ان شاء الله.

Angel

12-06-12 06:22 PM

رد: لسه شاري كرال جديدة و اول مشاركة لي

اولا الف مبروك على البندقية و نورت المنتدى ‏

الكرال بندقية جميلة لاكن محتاجة شوية شغل قبل ماتبداء تصطاد بيها زى تشيل روايش اثر التصنيع و كدة

الناشينكاة كويس الى حد ما مش وحش و النشانات الفسفورية رائعة فى التصويب و هتجربها ان شاء الله تعجبك

افضل رش ضربت بية بالكرال الرش الماستر بوينت جميل فى المسافات البعيدة بس ساعات بيسرق الطير

الرش البرو ماجنوم جميل جداا جداا بيقفل الطير من مسافات متوسطة

tmme1978

12-06-12 07:18 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة darkshaft (المشاركة 385381)

اولا المفروض نشكر المدام انها ضمت معانا صياد قديم فى المنتدى،ثانيا الف مبروك البندقيه ثالثا هيه البندقيه الدبشك بتاعها فيبر عادى و لا رماية و لا خشب؟ و النشان الفسفورى انا مش عارف مديئك ليه بس هوه المفروض عشان يبين الهدف افضل،و على فكره البندقيه ده سرعتها 240 متر/سنيه و ان شاء الله الخبراء هنا فالمنتدى يردوا على كل اسألتك،و لو محتاج اى حاجه بخصوص الكرال ففى الباشا ملك الكرال عادل عبده و هوه متخصص فى صيانتها و عضو معانا و حيقدر يفيدك ان شاء الله.

---------------------------------------------------------------------------------------------------------
الله يبارك فيك و شكرا علي ردك , البندقية كسر الدبشك بتاعها فيبر اسود بس شيك لا فيه غلطات و لا اي حاجة تعور مش فاهم قصدك ايه ب دبشك رماية ياريت تفيدني ؟

tmme1978

12-06-12 07:23 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة angel (المشاركة 385392)

--------------------------------------------------------------------------------------------
شكرا اخي علي الرد بس انا مفتحتهاش علشان انظفها بس اكيد الموضوع مش صعب علي مهندس فك و ركب 10000 حاجة قبل كده اصعب منها بس السوسته هي اخطر حاجة فياريت حد يفيدني في الطريقة ولا هي محتاجة منجلة او زرجينة علشان ارجعها مكانها ؟

Angel

12-06-12 07:33 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة tmme1978 (المشاركة 385431)

تمام يا بشمهندس انتا كدة كدة هتحتاج تفكها عشان تشحمها و تزيت و تظبط الدنيا و يفضل و مش لازم انك تغير السوستة بتاعتها بسوستة اخري اسبانى بتاعت الجامو شادو او ‏cfx royal لانها افضل من السوستة التركى

بالنسبة للسوستة فى ناس بتعملها زرجينة و فى ناس بتعملها باديها بتختلف بس لو حضرتك شوفت المواشيع المثبتة هتلاقى طريقة جميلة جدا لعمل زرجينى تغيير سوستة

smsm saber

12-06-12 07:37 PM

رد: لسه شاري كرال جديدة و اول مشاركة لي

حضرتك اختارت زوجة صالحة و ربنا يبارك ليكم وعليكم .

pooforever_2010

12-06-12 07:38 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة tmme1978 (المشاركة 385431)

السلام عليكم
اسمحلى اتطفل
لو حضرتك قريب منى
يا ريت تتنازل وتشرفنى
واورى حضرتك طريقه الفك والتركيب
ونشحمها سوا
ويا ريت حضرتك متضربش على الفاضى او برش عشان لو فيه رايش
الكانون ميتجرحش لا قدر الله
اتمنى انك تتنازل وتوافق
تحياتى

tmme1978

12-06-12 08:18 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة angel (المشاركة 385437)

--------------------------------------------------------------------------------------------------------
طالما في ناس بتعملها باديها يبقي اكيد حعرف انا كمان خلاص اول ما حرجع حفتحها و اللي يحصل يحصل تشكر يا باشا

tmme1978

12-06-12 08:21 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة smsm saber (المشاركة 385438)

حضرتك اختارت زوجة صالحة و ربنا يبارك ليكم وعليكم .

-----------------------------------------------------------------------------------------------
اميييييين يارب و يارب يصلح حال جميع نسائنا يارب تسلم يا كبير

tmme1978

12-06-12 08:25 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة pooforever_2010 (المشاركة 385439)

---------------------------------------------------------------------------------------------------
الله يخليك و الله انا من اسكندرية من بحري لو انت في اسكندرية اكيد حيشرفني اني اجيلك و نفكها سوا ان شاء الله اول ما ارجع من جبل الزيت بعد ما اخلص شغل وعد ان شاء الله

pooforever_2010

12-06-12 08:26 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة tmme1978 (المشاركة 385460)

للاسف يا كبير انا نحس انا من القاهرة
يا بخت اللى حيقابل شخصيه محترمه زيك
ورجالنتا فاسكندريه كتير

tmme1978

12-06-12 08:29 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة pooforever_2010 (المشاركة 385461)

للاسف يا كبير انا نحس انا من القاهرة
يا بخت اللى حيقابل شخصيه محترمه زيك
ورجالنتا فاسكندريه كتير

------------------------------------------------------------------------------------------------------
ده من سوء حظي انا علي العموم اعتبر ليك اخ في اسكندرية و اكيد ممكن المنتدي يظبط رحلة صيد جماعية في مكان يكون كويس و نطلع كلنا و نتعرف علي بعض ان شاء الله

Angel

12-06-12 08:35 PM

رد: لسه شاري كرال جديدة و اول مشاركة لي

حضرتك من اسكندرية يبقى حظك حلو لانك تبع الخبير الكبير الاستاذ ‏adel 152
الراجل دة استاذ بجد و انسان محترم و قمة فى الذوق و الاخلاق

tmme1978

12-06-12 08:39 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة angel (المشاركة 385466)

-----------------------------------------------------------------------------------------------
اكيد لازم اتعرف عليه اديني مستني يرد علي البوست بتاعي و اتعرف عليه تسلملي اوي علي مساعداتك دي

Angel of Death

12-06-12 09:00 PM

رد: لسه شاري كرال جديدة و اول مشاركة لي

أولا: مبروك البندقية الرائعة اللي هي الكرال, زوجة حضرتك زين ما إختارت, شكلها كانت صيادة قديمة يا فندم.. :)
ثانيا: أهلا بيك في منتدانا الغالي يا فندم, و هي إضافة خبرة رائعة بجانب الخبرات الفذة اللي في المنتدى.. :)
ثالثا: يا فندم النشان الفسفوري ده من أحلي مميزات الكرال. لأن شركة كرال دخلت النظام ده اللي يسمى TruGlo في معظم إن لم يكن في جميع منتجاتها لما لقيت إن المحترفين أحبوه جدا. و أكبر شركات تصنيع بنادق ضغط الهواء بتستخدمه. :)
رابعا: و النبي يا خبراء حد يعمل فيديو لفك الكرال من الأول للأخر مرورا بالتشحيم لحسن أنا هاموت و ألاقيه.. الفيديو الوحيد اللي موجود في العالم الإنترنتاوي (حلوه ديه :) ) مش ولا بد يعني لأن الشخص مش بيتكلم عن اللي بيعمله, و تصوير سيئ و مش مصور العملية كاملة..
خامسا: إن شاء الله يا فندم ترجع لمجد صيدك القديم اللي من 16 سنه, و تغيير الأسعار غصب عن التجار الحلويين اللي فالمنتدى الله يجازي المستوردين اللي بيكسبو 100% من ثمن البضاعة اللي بتدخل الموانئ المصرية.. :)

تقبل مروري.. :)

hafez

12-06-12 09:11 PM

رد: لسه شاري كرال جديدة و اول مشاركة لي

باشا المنتدي نور بوجودك انا بروح اسكندريه شغل و صيد لو كده انشاء الله مسير الحي يتلاقايا

adel152

12-06-12 11:40 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة tmme1978 (المشاركة 385468)

الاخ العزيز بعد التحية.
مبروك على حضرتك البندقية الكرال ومبروك علينا وجود اخ جديد فى المنتدى مثل حضرتك.
اخوك عادل احمد من اسكندرية بالعجمى البيطاش وانا تحت أمرك فى اى استفسار على العام او الخاص.
من قرأتى لمشاركات حضرتك حسيت انك بتحب تعمل الحاجة بأيديك يعنى عايز تحل وتنظف وتشحم البندقية بنفسك طالما اى حد تانى يعرف يعمل كده ليه ماتعملهاش حضرتك.
ده رابط فيه خطوات حل هذه البندقية بالتفاصيل بالصور
http://www.egypthunt.net/showthread....1%DF%EC&page=3
ويوجد مواضيع أخرى كثيرة عن هذه البندقية وفيديوهات لحلها ايضا.
فى الوقت الحالى انصح حضرتك بحاجة واحدة مهمة جدا لما تيجى تفك البندقية وهو عامل الامان خاصة عند خروج السوستة من مكانها.
خالص تحياتى.

tmme1978

12-06-13 10:37 AM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة angel of death (المشاركة 385481)

أولا: مبروك البندقية الرائعة اللي هي الكرال, زوجة حضرتك زين ما إختارت, شكلها كانت صيادة قديمة يا فندم.. :)
ثانيا: أهلا بيك في منتدانا الغالي يا فندم, و هي إضافة خبرة رائعة بجانب الخبرات الفذة اللي في المنتدى.. :)
ثالثا: يا فندم النشان الفسفوري ده من أحلي مميزات الكرال. لأن شركة كرال دخلت النظام ده اللي يسمى truglo في معظم إن لم يكن في جميع منتجاتها لما لقيت إن المحترفين أحبوه جدا. و أكبر شركات تصنيع بنادق ضغط الهواء بتستخدمه. :)
رابعا: و النبي يا خبراء حد يعمل فيديو لفك الكرال من الأول للأخر مرورا بالتشحيم لحسن أنا هاموت و ألاقيه.. الفيديو الوحيد اللي موجود في العالم الإنترنتاوي (حلوه ديه :) ) مش ولا بد يعني لأن الشخص مش بيتكلم عن اللي بيعمله, و تصوير سيئ و مش مصور العملية كاملة..
خامسا: إن شاء الله يا فندم ترجع لمجد صيدك القديم اللي من 16 سنه, و تغيير الأسعار غصب عن التجار الحلويين اللي فالمنتدى الله يجازي المستوردين اللي بيكسبو 100% من ثمن البضاعة اللي بتدخل الموانئ المصرية.. :)

تقبل مروري.. :)

--------------------------------------------------------------------------------------------------
تسلم علي ردك يا باشا انا معاك في ان لازم فيديو كويس يتحط احسن من اللي موجود ده يكون بالتفصيل و من غير لا منجلة ولازرجينة و حاجة خطوة بخطوة بالشرح الصوتي .

tmme1978

12-06-13 10:40 AM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة hafez (المشاركة 385487)

باشا المنتدي نور بوجودك انا بروح اسكندريه شغل و صيد لو كده انشاء الله مسير الحي يتلاقايا

---------------------------------------------------------------------------------------------------------
المنتدي منور بوجودكم انتم ,,, طبعا اكيد حنتلاقي

tmme1978

12-06-13 10:44 AM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة adel152 (المشاركة 385555)

الاخ العزيز بعد التحية.
مبروك على حضرتك البندقية الكرال ومبروك علينا وجود اخ جديد فى المنتدى مثل حضرتك.
اخوك عادل احمد من اسكندرية بالعجمى البيطاش وانا تحت أمرك فى اى استفسار على العام او الخاص.
من قرأتى لمشاركات حضرتك حسيت انك بتحب تعمل الحاجة بأيديك يعنى عايز تحل وتنظف وتشحم البندقية بنفسك طالما اى حد تانى يعرف يعمل كده ليه ماتعملهاش حضرتك.
ده رابط فيه خطوات حل هذه البندقية بالتفاصيل بالصور
http://www.egypthunt.net/showthread....1%df%ec&page=3
ويوجد مواضيع أخرى كثيرة عن هذه البندقية وفيديوهات لحلها ايضا.
فى الوقت الحالى انصح حضرتك بحاجة واحدة مهمة جدا لما تيجى تفك البندقية وهو عامل الامان خاصة عند خروج السوستة من مكانها.
خالص تحياتى.

-----------------------------------------------------------------------------------------------------
اخي العزيز شكرا علي ردك و اكيد حتواصل معك في حاجات كثير و شكرا علي الفيديو و ان شاء الله اول ما حرجع البيت يعني بعد اسبوع او اتنين لما اخلص شغلي هنا اكيد حفكها و اضبط الاداء ان شاء الله

Angel of Death

12-06-13 01:11 PM

رد: لسه شاري كرال جديدة و اول مشاركة لي

اقتباس:

المشاركة الأصلية كتبت بواسطة tmme1978 (المشاركة 385729)

هو ده اللي أنا بطلبو من أساتذتنا الكرام.. :) ربنا يهنيك بالكرال يا فندم.. :)

الساعة الآن 09:47 AM