الصيد فى مصر

الصيد فى مصر (http://www.egyhunt.net/index.php)
-   صور وفيديو الصيد ورحلاته (http://www.egyhunt.net/forumdisplay.php?f=47)
-   -   طلعة يوم محاكمة المخلوع ... (http://www.egyhunt.net/showthread.php?t=29543)

Ahmed salama 12-06-03 04:03 AM
طلعة يوم محاكمة المخلوع ...
 
بما ان دة أول موضوع ليا في المنتدى حبيت انو يكون صور للطلعة الأخيرة ليا
كانت طوارئ عشان محاكمة المخلوع والبلد كانت مرشقة جيش وخفت حد
يوقفني وندخل في س و ج
المهم طبعاً قبل الطلعة بيوم ظبطت السكوب ونضفت البندقية وكلة تمام
تاني يوم نزلت الساعة 3 تقريباً لسة رايح أحط عدة الصيد في العربية سمعت
عصفور قريب فضلت وراة لحد ما جبتة بهد شوت قلت الحمد لله فتحة خير
أخدت العربية وماشي على الدولي لقيت شوية عصافير ركنت وجبت منهم 5
فيهم اتنين غريبين شوية هتشوفوهم في الصور المهم مشيت شوية ووصلت
للشط أول حاجة لمحتها 2 عساكر بالسلاح اضطريت ألف لفة أم العروسة عشان
أبعد عنهم وفي طريقي لأداء لفة أم العروسة لقيت طائر غريب شوية لونة بني
في أبيض و أسود هتشوفوه في الصور الي عجبني فية انو مبيخافش
زي الغربان واليمام يعني قربت منة لقيتة واقف .. شديت الهاند وأخدت
وضعية الاطلاق من الشباك وأنا جوة العربية وهبااا هيد شوت نزلت من العربية
عشان أجيبة لقيت جمبة واحد كمان كل ما أقرب من الطائر الي اصطدتة عشان
أجيبة التاني يقرب مني قلت مبدهاش هجمت عليه هجمة رجل واحد طبعاً طار
بس فضل يحوم فوقي ويطير قريب مني وينزل فوقي بسرعة كأنة صقر وأنا الفريسة
مكدبش عليكم شجاعة الرجل الواحد اختفت وأخدتها جري لحد العربية :)
كمان لفة على البحر لقيت واحد كمان جبتة بنفس الطريقة بس الطلقة في
صدرة والتالت كان بنفس النظام بس نزل صاحي اضطريت اني أفصل راسة بإيدي
ودي الطريقة الي بفضلها شخصياً رغم الاختلاف عليها ولو في طريقة أصعب
كنت عملتها ((أصلي دموي شويتين))صادفني بعدها كام غراب
بس معرفتش أنزل ولا واحد كلهم بياخدو الطلقة ويطيرو ..

طولت عليكم قوي معلش على القر بس ياريت حد يقولي نوع الطائر البني دة ايه
وبيتاكل ولا لا وايه الشوكة الغريبة الي في طرف الجناح دي وبيستخدمها لايه؟؟

((البندقية المستخدمة :شنجهاي صيني نمرة2))
الرش المستخدم :مارس مان .. و تارجت مان

لاحظو الشوكة في طرف الجناح
http://desmond.imageshack.us/Himg20/...pg&res=landing

هنا باينة أكتر
http://desmond.imageshack.us/Himg825...pg&res=landing


http://desmond.imageshack.us/Himg12/...pg&res=landing


العصفورين التاني والتالت من الشمال
http://desmond.imageshack.us/Himg820...pg&res=landing


http://desmond.imageshack.us/Himg23/...pg&res=landing


http://desmond.imageshack.us/Himg59/...pg&res=landing

Bebeto 12-06-03 04:10 AM
Re: طلعة يوم محاكمة المخلوع ...
 
طلعة جميلة يا باشا ... بس عشان خاطر اي حد بلاش الطلعات في الوقت ده عشان القلق و كدة .... طبعا لو حد اتكلم معانا في الصيد في الوقت ده كلمة ملهاش لزمة ... طبعا محدش هيسكت و هتقلب مشكلة ...
طلعة موفقة بس بلاش الوقت ده

Ahmed salama 12-06-03 04:12 AM
رد: Re: طلعة يوم محاكمة المخلوع ...
 
اقتباس:
المشاركة الأصلية كتبت بواسطة bebeto (المشاركة 378775)
طلعة جميلة يا باشا ... بس عشان خاطر اي حد بلاش الطلعات في الوقت ده عشان القلق و كدة .... طبعا لو حد اتكلم معانا في الصيد في الوقت ده كلمة ملهاش لزمة ... طبعا محدش هيسكت و هتقلب مشكلة ...
طلعة موفقة بس بلاش الوقت ده
شكراً لمرورك يا باشا وفعلاً مكنش المفروض اطلع بس انت عارف الكيف يحكم

M.Hatem 12-06-03 04:14 AM
Re: طلعة يوم محاكمة المخلوع ...
 
موفق ان شاء الله

Bebeto 12-06-03 05:44 AM
Re: رد: Re: طلعة يوم محاكمة المخلوع ...
 
اقتباس:
المشاركة الأصلية كتبت بواسطة ahmed salama (المشاركة 378781)
شكراً لمرورك يا باشا وفعلاً مكنش المفروض اطلع بس انت عارف الكيف يحكم
هههههههه يا باشا لا شكر علي واجب و الحمد لله ان اليوم عدي علي خير .....

حاتم يحى 12-06-03 08:49 AM
رد: طلعة يوم محاكمة المخلوع ...
 
احييك على الصيد وعلى لون البندقيه فعلاً شكلها جميل

moataz mohamed 12-06-03 09:16 AM
رد: طلعة يوم محاكمة المخلوع ...
 
دة طائر مش بيتاكل هو نوع من انواع ابو قردان والشوكة اللى فى جنااحة دى بيستخدمها فى قتل فريسته بس حضرتك تتأكد بردة عشان انا مش واثق اوى
والبندقية اللى حضرتك استخدمتها دى تشبه للرمسيس اوى

mohamed2010habib 12-06-03 02:32 PM
رد: طلعة يوم محاكمة المخلوع ...
 
طلعه جميله و تحياتى,,, ولى تعليق بسيط بالنسبه لفصل الراس باليد:
هذا ذبح منكر، المذبوح يكون ميتة ولا يحل؛ لقول النبي -صلى الله عليه وسلم-: (ما أنهر الدم وذكر اسم الله فكل، ليس السن والظفر) فلا يجوز فصل الرأس باليد، لا بد من المحدد ينهر الدم، فأما مثل هذا فيسمى خنقاً مثل الخنق يعتبر خنقاً، تكون به ميتة، فلا بد من كونه يذبحها السكين، ونحو السكين من المحددات، إلا العظام والسن فلا، كما بينه النبي عليه الصلاة والسلام.


من كتاب (توجيه وتنبيه إلى هواة الصيد ومحبيه)

Ahmed salama 12-06-03 06:47 PM
رد: طلعة يوم محاكمة المخلوع ...
 
اقتباس:
المشاركة الأصلية كتبت بواسطة حاتم يحى (المشاركة 378813)
احييك على الصيد وعلى لون البندقيه فعلاً شكلها جميل
شكرا أستاذ حاتم على المرور

Ahmed salama 12-06-03 06:50 PM
رد: طلعة يوم محاكمة المخلوع ...
 
اقتباس:
المشاركة الأصلية كتبت بواسطة moataz mohamed (المشاركة 378834)
دة طائر مش بيتاكل هو نوع من انواع ابو قردان والشوكة اللى فى جنااحة دى بيستخدمها فى قتل فريسته بس حضرتك تتأكد بردة عشان انا مش واثق اوى
والبندقية اللى حضرتك استخدمتها دى تشبه للرمسيس اوى
أنا عملت سيرش سريع كدة هو مش من فصيلة أبو قردان خالص دة اسمة طائر القطقاط وفي خلاف على امكانية أكلة أو لا لان محدش متأكد اذا كان بياكل لحوم أو لا وفي ناس جربتة لقت طعمة مش قد كدة فيستحسن بلاش صيدة وربنا يسامحني

وشكراً على مرورك ياباشا

Ahmed salama 12-06-03 07:10 PM
رد: طلعة يوم محاكمة المخلوع ...
 
اقتباس:
المشاركة الأصلية كتبت بواسطة mohamed2010habib (المشاركة 378922)
طلعه جميله و تحياتى,,, ولى تعليق بسيط بالنسبه لفصل الراس باليد:
هذا ذبح منكر، المذبوح يكون ميتة ولا يحل؛ لقول النبي -صلى الله عليه وسلم-: (ما أنهر الدم وذكر اسم الله فكل، ليس السن والظفر) فلا يجوز فصل الرأس باليد، لا بد من المحدد ينهر الدم، فأما مثل هذا فيسمى خنقاً مثل الخنق يعتبر خنقاً، تكون به ميتة، فلا بد من كونه يذبحها السكين، ونحو السكين من المحددات، إلا العظام والسن فلا، كما بينه النبي عليه الصلاة والسلام.


من كتاب (توجيه وتنبيه إلى هواة الصيد ومحبيه)
بص يا دكتور محمد أنا لفيت النت كلة ومطلعتش بحاجة أكييييدة

بس أعتقد انة مكروة لكن الاغلب بيقول انة حلال أكلة مش ميتة ولا حاجة
ودة من ردود الشيوخ

"""
حكم فصل رأس الطير
شخص اصطاد طيراً ولكي لايشكّ في قطع الأوداج يفصل رأسهُ، فما الحكم؟
***
مكروه ذلك.
"""

أما فصل الرأس أثناء التذكية فليس بحرام ولا كفارة فيه، لكن الأولى عدم ذلك كما أشرنا إلى ذلك في الفتوى رقم: 17801، وقد ذكر بعض الفقهاء كراهة تعمد إبانة الرأس حال الذكاة، قال خليل بن إسحاق في مختصره في الفقه المالكي وهو يذكر ما يكره في باب الذكاء: وتعمد إبانة رأس. انتهى.

والله أعلم.

"""

ودي المراجع
http://www.islamweb.net/fatwa/index....ang=A&Id=17801

http://s-alshirazi.com/masael/subjec...eh/letter7.htm

http://www.islamweb.net/fatwa/index....twaId&Id=93893


وبجد شكراً انك نبهتني للنقطة دي لأني عارف من زمان ان في خلاف عليها بس متأكدتش بنفس

ابو مروان 12-06-03 10:29 PM
رد: طلعة يوم محاكمة المخلوع ...
 
طلعة موفقة ويجب ان يكزن مع حضرتك سكين حاد للتزكية لاتقاء الشبهة اما بخصوص العصفورين اعتقد انهم حسون اسمة كدا حسون_اما القطقاط الشوكى فهناك خلاف فى مسالة اكلة واعتقد انة ليس طير جارح من شكل منقارة وهناك اخوة اكله واخرين لا ياكلوة _انا لم اكله_بس ممكن وحضرتك بتنضف حصالته تشوفه واكل ايه

محمود القاضى 12-06-03 10:57 PM
رد: طلعة يوم محاكمة المخلوع ...
 
"""

أما فصل الرأس أثناء التذكية فليس بحرام ولا كفارة فيه، لكن الأولى عدم ذلك كما أشرنا إلى ذلك في الفتوى رقم: 17801، وقد ذكر بعض الفقهاء كراهة تعمد إبانة الرأس حال الذكاة، قال خليل بن إسحاق في مختصره في الفقه المالكي وهو يذكر ما يكره في باب الذكاء: وتعمد إبانة رأس. انتهى.

والله أعلم.

"""

الاخ الفاضل
برجاء مراجعه المقصود من الفتوى
الفتوى تقول
فصل الرأس اثناء التزكيه
و التزكيه يعنى الذبح
و هو قطع الرأس بسكين
و الله اعلم
و ليس قطعها باليد
راجع الفتوى

وليد سعد زغلول 12-06-04 05:54 AM
رد: طلعة يوم محاكمة المخلوع ...
 
الله ينور عليك يا قناص
أنا للأسف زمان كنت بافصل الرأس بأيدي بس لما عرفت أنه حرام بقيت أذبح بسكينة الحمد لله

fidodido 12-06-04 10:17 AM
رد: طلعة يوم محاكمة المخلوع ...
 
طلعه موفقه
و بالنسبه للفصل باليد فيه شبهه و الاحسن اتفاء الشبهات
و موفق في الطلعات القادمه

LionHeart 12-06-15 04:14 PM
رد: طلعة يوم محاكمة المخلوع ...
 
بسم الله ماشاء الله

salas0010 12-06-15 04:30 PM
رد: طلعة يوم محاكمة المخلوع ...
 
اقتباس:
المشاركة الأصلية كتبت بواسطة mohamed2010habib (المشاركة 378922)
طلعه جميله و تحياتى,,, ولى تعليق بسيط بالنسبه لفصل الراس باليد:
هذا ذبح منكر، المذبوح يكون ميتة ولا يحل؛ لقول النبي -صلى الله عليه وسلم-: (ما أنهر الدم وذكر اسم الله فكل، ليس السن والظفر) فلا يجوز فصل الرأس باليد، لا بد من المحدد ينهر الدم، فأما مثل هذا فيسمى خنقاً مثل الخنق يعتبر خنقاً، تكون به ميتة، فلا بد من كونه يذبحها السكين، ونحو السكين من المحددات، إلا العظام والسن فلا، كما بينه النبي عليه الصلاة والسلام.


من كتاب (توجيه وتنبيه إلى هواة الصيد ومحبيه)

احسنت اخى العزيز وجزاك الله كل الخير

واتمنى ان ياخذ كل المنتدى حذو صاحب الموضوع حيث انه ذكر الاتى


((البندقية المستخدمة :شنجهاي صيني نمرة2))
الرش المستخدم :مارس مان .. و تارجت مان

لتوعيه ومعرفه الاعضاء بنوع البندقيه ومدى قدرتها على اصابه الاهداف واحسب انها قد تنفع كثير من الاعضاء
وصيد مبارك ان شاء الله


الساعة الآن 10:54 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir