مطلوب مساعدة خبراء المنتدى رجاءاً
 

السلام عليكم ورحمة الله وبركاته ... اود ان اقدم كل احترامى للاخوة الأعضاء بالمنتدى وللإدارة القائمة على مراقبة المنتدى واود ان أشكر كل من ساهم بنشر معلومة عامة او خاصة لجميع الأعضاء ... وشكر وامتنان وعرفان للمنتدى لانى خبرتى اكتسبتها منكم وتعلمت اشياء كثيرة فى ايام قليلة جدا ولكم جزيل الشكر ....
واريد ان اطرح سؤال مهم للغاية للميتدئين مثلى >>>>انا اشتريت بندقية كرال نمرة 2 فيبر وضبط الناشكان وبسم الله ماشاء الله جميلة ولكننى ضابط الناشينكان على مسافة عشرة امتار حيث هذه هى المساحة المتاحة لى حيث استطيع ضبط النيشان بجدارة وضبط سليم .... وبعد ذلك اشتريت اسكوب بوشنال 3/7 #20 والاسكوب رؤيته ممتازة وضبط الاسكوب على النيشان بالقاعدة المعروفة لضبط نيشان الاسكوب لان ضربت طلقة وبعدها ضبط الاتجاهات عليه وبالتالى النيشان كان عشرة على عشرة وفى منتصف الهدف بس ولكننى عندما ضبطت الاسكوب كنت جايب مؤشر الزووم على 3 وهو طبعا مرقم من 3وحتى 7 يعنى وانا بضرب على الهدف والزووم عى 3 ومن على مسافة 10 أمتار بيجى منتصف الهدف وعندما أغير الزووم الى اربعة او خمسة تصاعدياً رشة بعد رشة تبدأ الرشة فى الارتفاع اعلى منتصف الهدف وفى مؤشر رقم 7 تاتى الرشة على بعد 10 سم من منتصف الهدف ... فسؤالى الان هل الاسكوب الذى اشتريته به عيب او هذا هو طبيعة عمله ....ولو كانت دى طبيعة عمله كيف اضبط الاسكوب على الرش على مسافات بعيدة مثل 50 متر ارجو من حضراتكم ان توجهونى وترشدونى ..أصل انا بصراحة زهقت من الاسكوب ومكنتش متوقع انه ممكن يكون مقرف اصل اللى انا اعرفه ان المفروض الزووم يكون فى الرؤية ولا يغير فى اماكن الضرب مع العلم ان الصليبة الموجودة داخل الاسكوب سليمة جدا واننى ارها بوضوح جدا جدا وعندما ازيد مدى الرؤية لا ارى او الاحظ اى تحرك للصليبة ...... منتظر مساعدتكم وارائكم ولكم جزيل الشكر

Re: مطلوب مساعدة خبراء المنتدى رجاءاً
 

لا ياباشا مفيهوش عيب ولا حاجة ان شاء الله .............. لما تظبط نشان السكوب اظبطه علي زووم 7 يعني اعلي زووم و ساعتها تقدر تقلل الزووم و تزوده عادي

Re: مطلوب مساعدة خبراء المنتدى رجاءاً
 

انا عملت كده فعلا والمشكلة انى لما قللت الزوم الى 3 او اربعة نفس المشكلة انه بيكون فيه تغيير فى مكان الرش ولاتاتى فى الهدف

رد: مطلوب مساعدة خبراء المنتدى رجاءاً
 

الاسكوب سليم و احسن ظبط للبنادق الهاى بور من 17 الى 20 متر الظبطة دى المثالية فى الصيد هتجيب معاك من 15 متر الى 40 متر و انتا مع التعود هتلاقى نفسك بتظبط الزوم على كل مسافة باتقان لازم تكون الروئية واضحة جدا على الهدف علشان تضمن الاصابة و الكرال دى انا جبت بيها فى يوم واحد 42 فرد ربنا يبارك للى اخدها و اصبر و جرب كتير هتكتسب خبرة اكتر و اكيد هتفيدنا بيها

Re: رد: مطلوب مساعدة خبراء المنتدى رجاءاً
 

شكرا جزيلا لرد حضرتك ... الحمد الله انا صبور شوية بس المشكلة انى دلوقت مش فاهم ايه سبب تغيير مكان الضرب حتى بعد ضبط الاسكوب مش هو المفروض ان الزووم للرؤية فقط ..... وبعدين ربنا يبارك ليك ... انا طلعت اليوم الجمعة فى طلعة صيد بس لوحدى والحمد الله رجعت صفر الايدى .... المشكلة ان الغربان بقت كتير وبتحذر بعضها وكمان بتطير اليمام والحمام ... شكرا لردك

Re: مطلوب مساعدة خبراء المنتدى رجاءاً
 

لا شكر علي واجب يا باشا ........ و الصيد رزق و نصيب و لو ليك رزق هتاخده و بالنسبة للغربان اضربها من بعيد مش لازم تقرب ... انت معاك كرال يعني بتجيب مسافات كبيرة ... و نفس الكلام بالنسبة للباقي ....و برنا يوفقك ... و لو في اي استفسار تاني انا تحت امرك

Re: مطلوب مساعدة خبراء المنتدى رجاءاً
 

ربنا يوفقك يابفندم ومع الوقت هاتظبط الاسكوب لوحدك انا املك نفس البندقيه

رد: مطلوب مساعدة خبراء المنتدى رجاءاً
 

حاول برضه تبص بكل عين و تشوف أنهى أريحلك و أنهى بتظبط معاك . ده مهم جداً على فكرة علشان تظبط توجيه البندقية

Re: رد: مطلوب مساعدة خبراء المنتدى رجاءاً
 

شكرا جزيلا لرد حضرتك ....