|
تحذير هام للي بيدخلو علشان المطاوي بس
بسم الله الرحمن الرحيم دي اول مشاركة ليا بالمنتدى الكريم بتاعكوا بصراحة كنت لاحظت ان اول حاجة الناس بتدخل علشانها في المنتدى هي المطاوي لما بيكتبوا كلمة "مطاوي" على جوجل محرك البحث بيجيبوا في المنتدي هنا ، وللاسف كل الناس خصوصا الشباب الصغير عاوز يشتري مطواة و يقتنيها بس مش بيبقى معاه 250 جنيه يجيب واحدة الماني او امريكاني فبيلجأ للصيني و الهندي اللى تمنها بيتراوح بين 25 و 30 جنيه للخشب و بتبقى تعبانة جداااااا و مش عاوز اقولكوا لو جيتوا تفتحوها بعنف شوية السلاح هيطير منها و ممكن يعور اللى قدامه فدي شوية نصايح مني ياريت تقبلوها , اولا : متشتريش حاجة من اللى بيقعدوا بيهم على الرصيف في العتبة او ميدان رمسيس , او شارع 26 يوليو او ميدان طلعت حرب او اللى في حلوان قدام محطة المترو دي كلها حاجات تعبانة و لو عرفت تخرج بيها من اللي قاعدين و ماحدش كلمك علشان ياخدها منك ، ممكن تلاقي واحد بتاع جيش او شرطة جاي و بيفتشك , ثانيا : فكر انتا عاوز تجيبها ليه اصلا ، منظر مثلا ؟ لو منظر ومش هاتمشي تقول بيها شكل للبيع يبقى اوك ، لو هتجيبها علشان الخناقات و كدا يبقى بلاش منها احسن علشان هتقويك على اللي قدامك و ممكن تجيبلك مشاكل ، ثالثا : لو هتجيبها من العتبة خد حد معاك وانتا رايح و بردو يستحسن متجيبهاش من هناك لا مطاوي ولا اليكتريكات و ربنا يكفيكوا شرهم يارب :) |
رد: تحذير هام للي بيدخلو علشان المطاوي بس
مشكور على النصيحه الغاليه
يا رب الناس تعمل بيها ولكن احب اوضحلك ان الهدف من وجود بيع مطاوى فالمنتدى اولا التزكيه للطيور وثانيا حب الاقتناء ليس الا وان شاء الله محدش يحتاج اى سلاح لمشكله او خناقه تحياتى |
رد: تحذير هام للي بيدخلو علشان المطاوي بس
شكرا ياباشا ع المرور بس انا لسة جديد في الصيد فلو تفهمني يعني ايه التزكية للطيور ابقى شاكر ليك
|
رد: تحذير هام للي بيدخلو علشان المطاوي بس
التزكيه للطيور
هى رحمه الطير من الالم عند اصابته وفيه الروح يجب ذبحه فورا لرحمته من الالام اما لو نزل مقفول اى من غير روح فاكله حلال برضه شرط التسميه عند ضرب الرشه تحياتى |
رد: تحذير هام للي بيدخلو علشان المطاوي بس
ااااااااااااااااه بصراحة انا كنت عمال فاكر ان المنتدي بيبيع الحاجات دي شمال يعني غير شرعي بس انتا فهمتني اعذرني على فهمي الخاطئ ومتشكر ياباشا
|
رد: تحذير هام للي بيدخلو علشان المطاوي بس
اقتباس:
ولو المنتدى بيبيع بطريقه غير شرعيه كنت حتلاقى اعلانات لخرطوش او سلاح غير مرخص راجع المواضيع وخصوصا قسم الاسلحه الناريه حتلاقى كل الاعلانات اصحابها كاتبين شرط وجود رخصه سلاح تحياتى واهلا بيك وسط اخواتك |
رد: تحذير هام للي بيدخلو علشان المطاوي بس
اكيد ياباشا و ربنا يوفقكوا يارب
|
Re: تحذير هام للي بيدخلو علشان المطاوي بس
استاذ محمد سعيد وضح لحضرتك كل حاجة
شكرا |
رد: تحذير هام للي بيدخلو علشان المطاوي بس
شكرا ياغالي
ربنا يبكفي الناس شر الغشم اللي بيشيلو أسلحه هما مش أهل لحملها اصلا |
رد: تحذير هام للي بيدخلو علشان المطاوي بس
نورت يا باشا ..... اهلا بيك بين اخوتك :)
|
رد: تحذير هام للي بيدخلو علشان المطاوي بس
اقتباس:
|
رد: تحذير هام للي بيدخلو علشان المطاوي بس
هو ايه الللى بيحصل بالظبط فى العتبة انا واحد صاحبى وسنو مش كبير اوى راح لوحده واشترا 3 اليكتريكات ومحدش كلمو ولا عيال بتبيع ولا جيش ولا اى حاجة
|
رد: تحذير هام للي بيدخلو علشان المطاوي بس
والله يا جماعه انا اول ما دخلت المنتدى عرفت بصراحه ان شراء المطاوى او الخناجر هو حب اقتناء ليس الا. (انا عن نفسى عاااااااااااااااشق لحاجه اسمها خناجر وسكاكين كولومبيا )غير كده اعتقد انه مستحيييييييييييييييل يكون فى حد لسه بيتخانق بمطاوى لغايه دلوقتى (علشان مظلمش انا بتكلم عن اسيوط)
|
رد: تحذير هام للي بيدخلو علشان المطاوي بس
عادي والله يمكن هوا كان نازل في وقت امان شوية انا في موقف حصل معايا كنت نازل لوحدي واحد حطلي مطوة ف جيبي و عاوز 20 جنيه بلطجة كدا من غير ما اكلمو قالى لو اتحركت هاعورك و اتخانقت معاه وكان موال
ربنا يرحمنا شرها يارب |
رد: تحذير هام للي بيدخلو علشان المطاوي بس
مطاوى الصيد سلاحها مفهوش فتحات تفريغ هواء ... انما اللى فيها فتحات تفريغ هواء دى غير مصنفة كمطواة او سلاح صيد فهى سلاح قاتل ... و غير مصنفة كسلاح صيد لا فى مصر ولا بره مصر
|
| الساعة الآن 04:31 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir