الصيد فى مصر

الصيد فى مصر (http://www.egyhunt.net/index.php)
-   البنادق الهوائيه (http://www.egyhunt.net/forumdisplay.php?f=79)
-   -   بام 21 للبيع (http://www.egyhunt.net/showthread.php?t=2840)

rock 10-08-05 04:13 PM
بام 21 للبيع
 
السلام عليكم ورحمة الله وبركاته ..... اعضاء المنتدى الكرام .
انا عارض البام 21 بتاعتى للبيع .... او البدل بحاجه اعلى مع دفع الفرق ..... البندقيه مفهاش عيب بس رغم انى عامل زى الاتوبيس البندقيه تقيله جدا ... وانا اعتقد انها اتقل من 52 بنصف كيلو ..
انا اصطدت بيها مرتين بس هى قويه جدا وبتاخد الاهداف على الثابت ..يعنى ضربت بيها يمامه متحركتش وكانها مجتش فيها وبعدين وقعت .. انا ببعها وانا اول مره ابيع بندقيه بس انا باصص لحاجه اعلى بس مش ديانا عشان الوزن برضه وممكن تبقى ديانا ماجنوم 350 لو لقيتها ....
للامانه فقط :: لما ضربت بالبندقيه اول مره لقيت النا شينكان الخلفى بيتفك هو عايز بس مسمارين جامدين وهتبقى زى الفل .... البندقيه جا يبها مع استاذ جلال من حوالى اسبوعين لتلات اسابيع ... يعنى لسه جديده بس انا هبيعها مستعمله استعمال خفيف لضياع الكرتونه ولانى طبعا استخدمتها ..... السعر مش مشكله مش هنختلف انا جايبها 1750 ج من ميشيل .
وصدقونى اللى عايزها ييجى ياخدها من غير اى حاجه .....تحياتى .

http://www.egypthunt.net/showthread.php?t=2746
وده الرابط اللى فيه الصور بتاعتها وهى اكبر واحده فى المجموعه .

المستشار 10-08-05 04:50 PM
رد: بام 21 للبيع
 
,والله ياروك خساره لما تتعود عليها مش هتسيبها من ايدك على العموم ربنا يحسن لك سوقها وتعوضها خيرا منها ان شاء الله ولمعلوماتك البندقيه دى فى خلال شهر مش هتلاقيها فى المحلات خالص وان لقيتها هتكون معديه 2000 جنيه ودى معلومه اكيده عشان خلاص الحكومه هتحظر وهتحصر المنتجات الصينيه المسموح بدخولها مصر
وتقبل تحياتى

rock 10-08-05 05:02 PM
رد: بام 21 للبيع
 
البندقيه تعبانى جدا وضربت بيها كذا مره وهى قويه جداجدا بس مش دقيقه لانها تقيله يعنى لما تيجى تنشن بتركز ثوانى فى الثوانى دى بتكون تقلها بيخليها تتهز منى .... بصراحه انا الجامو مريحانى جدا ودقيقه جدا ... واساسا البندقيه انا كنت شاريها لواحد صاحبى هديه وضرب بيها كذا مره ولما لقاها تقيله نقى من المجموعه النوركا وخدها النهارده وهى عندى مركونه مبعملش بيها حاجه وقلت المنتدى واعضاؤه اولى بيها .... انا مش خسران حاجه وبزيتها وهى بحالتها ..... تحياتى .

hoka 10-08-05 06:37 PM
رد: بام 21 للبيع
 
لعلمك يا احمد لو بندقيه قويه زى ما بيقولو وكمان شبيه بالديانا بلاااااااااااااااااااااش تفرط فيها
ولو انها تقيله العبلك شويه حديد يا عم
:d:d:d:d
وكمان غيرك اللى هاياخدها ولا اللى جابها اصلا احسن منك فى ايه؟؟
ما كلنا زى بعض والحال من بعضه
فكرلها فى حل لتقلها ما دام عيبها التقل بس
واصلا اصلا الصياد الصح يتعود ع البندقيه لان فيه بنادق اتقل من 5 كيلو بس بتتشال لانه حاببها
وكمان ديه ممكن تجيبلها مسند وتركب عليها المنظار وتقعد ع الارض وتجيب اى حاجه من اى حته
مش حكايه يعنى تقلها ده

abosamer 10-08-05 06:51 PM
رد: بام 21 للبيع
 
ربنا يبارك لك يا استاذ احمد هي حته حلوه وان شاء الله تجيب حته ديانا الماجنوم

rock 10-08-05 06:53 PM
رد: بام 21 للبيع
 
الموضوع مش كده خالص .... كن متاكدا ان كتر التركيز يفقدك تركيزك ..... واظن انك كنت معايا وشوفت الهانتر بتعمل ايه ... بندقيه وزنها مناسب جدا ودقيقه جدا ... وقارن بين الاتنين كده وشوف ... وبعدين يا حوده انت لما بتحب البندقيه بتعمل اى حاجه واسال الرمسيس ... البام بندقيه رائعه لكن انا تمام مع الجامو وبعدين فرصه لافادة عضو من المنتدى لان كمان السعر اكيد هينزل لانهامستعمله .... ومبروك عللى هياخدها وربنا يباركله فيها ...تحياتى.

coco2010 10-08-05 07:14 PM
رد: بام 21 للبيع
 
لو سمحت ممكن ايميلك؟

hoka 10-08-05 07:17 PM
رد: بام 21 للبيع
 
ههههههههههههههههههه
حلو اوى اسال الرمسيس
ماشى يا كبير بس الرمسيس فى ايدى اجدع من الديانا ولا ايه؟؟
:d:d:d:d
بس ان شاء الله تجيب اللى نفسك فيه وتكون احسن واحلى

الحاج عرفه 10-08-05 10:13 PM
رد: بام 21 للبيع
 
بسم اللة ياجماعة الراجل عارض البندقي لاخوتة فمن الواجب اننا نتفاعل معاة ونشوف مين من الاصدقاء حابب البام ونقولة لان هايجى يوم وانت تعرض وانا اعرض وابقى محتاج وقفتك وانت محتاج وقفتى ونستغنى عن الغريب ودة الى عوزين يكون فى المنتدى وتقبل تحياتى وانشاء اللة ربنا يوفقنا

هشام سمير 10-08-06 12:26 AM
رد: بام 21 للبيع
 
الله عليك يا عم عرفه بجد كنا محتجينك وسطنا شوف جملة ونستغنا عن الغريب والله حسستنى بجد ان احنا عيله واحد
احمد باشا التلسكوب اللى كان على البااام ناوى تبيعه معاها ولا ايه لا ناوى يريت تعرفنا وده طبعاً سعره لوحده يا جماعه

الحاج عرفه 10-08-06 12:49 AM
رد: بام 21 للبيع
 
بسم اللة اشكر اخى هشام واحنا الكل فى المنتدى هنكون عائلة يمكن اليمعرفناش نعملة مع الاخ الشقيق نعملة مع الصديق روب اخا لم تلدة امك

rock 10-08-06 01:46 AM
رد: بام 21 للبيع
 
السلام عليكم ..... اعضاء المنتدى الكرام .
اولا بشكر كل من قام بالرد على الموضوع .. وبعدين انا بجد محتاج مشوره .... هل ابقى طماع لو طلبت فى البندقيه 1500 ج .... حضراتكم قرأتم الموضوع ولو على العيب انا ممكن اظبطه وهما مسمارين هيحلوا المشكله بس والله انا اصطدت بيها مرتين ومكنتش لوحدها انا بندقيتى الاساسيه هانتر 440 ومضربتشبالبام كتير ... فهل يا ترى السعر ده كتير ولا ايه ..... ارجو الافاده .....تحياتى .

rock 10-08-06 02:05 AM
رد: بام 21 للبيع
 
اقتباس:
المشاركة الأصلية كتبت بواسطة hoka (المشاركة 22527)
ههههههههههههههههههه
حلو اوى اسال الرمسيس
ماشى يا كبير بس الرمسيس فى ايدى اجدع من الديانا ولا ايه؟؟
:d:d:d:d
بس ان شاء الله تجيب اللى نفسك فيه وتكون احسن واحلى
متزعلش منى يا حوده انا مقصدش حاجه .. انا قصدى لما الصياد بيحب البندقيه بيعمل بيها بلاوى بيكون فيه عشق بينهم ... زى انت والرمسيس بندقيه مش قويه بس لما بتصطاد بيها بتحس ان مفيش بندقيه احسن منها ...تحياتى .

الحاج عرفه 10-08-06 05:43 AM
رد: بام 21 للبيع
 
انا ماشى فى العتبة قابلت ابى نواس الشاعر الماجن قلتلو بقالى كتير مسمعتكش رد وقال حتسمع كتير هنا وفى الابويرا وكمان فى شارع ذكى وكمان رمسيس عن حبايبى فلتلو هو فية حدبيحب المجون وشعر الغولمانيات والعشق قال كان فى العصر الجاهلى انما ابى نواس2010حاجة تانية قولت طيب سمعنى الجديد قلى توعدنى اشوفك عند الكبير فى رمسيس قولت لوسمحولى قال اسمع ياسيدى (اكدب اسرق غش ماستطعت من البشر اونثى اكانت ام ذكر والدار اسرق عروقهاوالوالدين قلبهما حيث مصيرك الى صقر ) عروق الدار هية السوست البتيجى فى الكرتونة

abosamer 10-08-06 01:56 PM
رد: بام 21 للبيع
 
اقتباس:
المشاركة الأصلية كتبت بواسطة عرفةمحموداحمد (المشاركة 22556)
انا ماشى فى العتبة قابلت ابى نواس الشاعر الماجن قلتلو بقالى كتير مسمعتكش رد وقال حتسمع كتير هنا وفى الابويرا وكمان فى شارع ذكى وكمان رمسيس عن حبايبى فلتلو هو فية حدبيحب المجون وشعر الغولمانيات والعشق قال كان فى العصر الجاهلى انما ابى نواس2010حاجة تانية قولت طيب سمعنى الجديد قلى توعدنى اشوفك عند الكبير فى رمسيس قولت لوسمحولى قال اسمع ياسيدى (اكدب اسرق غش ماستطعت من البشر اونثى اكانت ام ذكر والدار اسرق عروقهاوالوالدين قلبهما حيث مصيرك الى صقر ) عروق الدار هية السوست البتيجى فى الكرتونة
لو سمحت يا استاذ عرفة انا مش فاهم ممكن ترجمة لو سمحت؟

الحاج عرفه 10-08-06 02:13 PM
رد: بام 21 للبيع
 
بسم اللة اخى ابو سمرة خد الطيب من كلامى وسيب الباقى لرافعى الاسعار والغش فى السلع وهو كلام فبى كلام يمكن كلمة تصحى الضمبر الخربان اما انت لك تحيانى

adel152 10-08-06 02:23 PM
رد: بام 21 للبيع
 
اقتباس:
المشاركة الأصلية كتبت بواسطة abosamer (المشاركة 22570)
لو سمحت يا استاذ عرفة انا مش فاهم ممكن ترجمة لو سمحت؟
الكلام الجميل ده مترجم نفسه ياأبوسمير
الحاج عرفه حدد أماكن معينة (العتبة-الأوبرا-شارع زكى- والكبير فى رمسيس)؟؟؟؟؟؟؟؟
أما باقى الكلام فهو مشروح فى نهاية الرسالة (عروق الدار هية السوست البتيجى فى الكرتونة).
المعنى موجود فى مضمون الرسالة.
ربنا يديك الصحة والعافية ياحج عرفة ويكتر من أمثالك.

mlmk66 10-08-06 02:44 PM
رد: بام 21 للبيع
 
البندقية قوية جدا ونا شفتها مع الاستاذ احمد ومع عدد من اعضاء المنتدي مبروك للهيشتريها وطبعا مبرك ليك لاحمد مقدما علي الديانا 350

الحاج عرفه 10-08-06 03:02 PM
رد: بام 21 للبيع
 
خش صفحة النوريكا وست ص رقم 6 واكسب معلومةصغيرة

الحاج عرفه 10-08-06 03:19 PM
رد: بام 21 للبيع
 
بسم اللة احنا مابنغلطش فى حد احنا بنشكى من الوجبعة الى المت بينا ومابنزكورش اسم حد احنا بنذكر اسماء شوارع ياعم عادل وزى مقال عمنا عينى رأت طفل على كتف امة يصرخ تهنن فية يصرخ تضمة يصرخ تقولة بابنى انطق كلام دة اليمايكلمش يكتر همة

momo44 10-08-06 11:43 PM
رد: بام 21 للبيع
 
ربنا يوفقك وتبيعها ان شاء الله

خط الصعيد 10-08-07 12:14 AM
رد: بام 21 للبيع
 
يا سلام عليك ياعرفة عندك حق و الله وانا كان فى واحد قايلى على بندقية انشاء الله اقولة عليها على رايك كل واحد بيجيلة يوم عايز يغير

هشام سمير 10-08-07 12:57 AM
رد: بام 21 للبيع
 
اقتباس:
المشاركة الأصلية كتبت بواسطة خط الصعيد (المشاركة 22615)
يا سلام عليك ياعرفة عندك حق و الله وانا كان فى واحد قايلى على بندقية انشاء الله اقولة عليها على رايك كل واحد بيجيلة يوم عايز يغير
عم عرفه عم عرفه اخى العزيز
فهو عم الجميع واكبرنا سنناً ربنا يديم عليه تمام الصحه والعافيه

هشام سمير 10-08-07 01:04 AM
رد: بام 21 للبيع
 
اقتباس:
المشاركة الأصلية كتبت بواسطة عرفةمحموداحمد (المشاركة 22556)
انا ماشى فى العتبة قابلت ابى نواس الشاعر الماجن قلتلو بقالى كتير مسمعتكش رد وقال حتسمع كتير هنا وفى الابويرا وكمان فى شارع ذكى وكمان رمسيس عن حبايبى فلتلو هو فية حدبيحب المجون وشعر الغولمانيات والعشق قال كان فى العصر الجاهلى انما ابى نواس2010حاجة تانية قولت طيب سمعنى الجديد قلى توعدنى اشوفك عند الكبير فى رمسيس قولت لوسمحولى قال اسمع ياسيدى (اكدب اسرق غش ماستطعت من البشر اونثى اكانت ام ذكر والدار اسرق عروقهاوالوالدين قلبهما حيث مصيرك الى صقر ) عروق الدار هية السوست البتيجى فى الكرتونة
ابو نواس مش عندك بس يا عم عرفه والله انا اتهيالى ان الاغلبيه سلكوا مسلكه
ومعظمهم شعاره ( ان شفت الاعمى كل عشاه هو انتا احن من اللى عماه )
وعروق الدار برده مسروقه عندنا
الله يرحم زمن الصدق والامانه

الحاج عرفه 10-08-07 02:06 AM
رد: بام 21 للبيع
 
بسم اللة انت تريدالاصلاح وانا اوريدالاصلاح واللة يفعل مايوريد علينا ان نجتهد والباقى على القدير

coco2010 10-08-07 07:03 PM
رد: بام 21 للبيع
 
استاذ روك؟
هل من جديد؟
وافينا بالاخبار

mosso 10-08-07 09:44 PM
رد: بام 21 للبيع
 
your mobil number please

rock 10-08-07 10:49 PM
رد: بام 21 للبيع
 
والله يا جماعه انا عرضت السعر ... والبندقيه لم يعد بها اى عيب ورجعت جديده زى ما كانت .... السعر 1500ج وتليفونى 0115764575
ملحوظه : انا قلت السعر عشان بحب اكون صريح .... والموضوع مش فارق كتير هتتباع دلوقتى هتتباع بعد كده ...
بس انا قلت كلمتى و والله البندقيه بحالتها زى ما جبتها من ثلاث اسابيع .

الحاج عرفه 10-08-08 12:15 AM
رد: بام 21 للبيع
 
بسم اللة البندقيةاتظبطت وانا ضربت بيهاوالنشان بقى بونو والى اجمل من البندقية اخلاق صاحبها الاستاذ احمد

خط الصعيد 10-08-08 01:22 AM
رد: بام 21 للبيع
 
الله عليك يا حاج عرفة بجد شاعر وكلامك كلة حكم يا سلام دة شعر دة ياعرفة و غزل عزرى

rock 10-08-15 08:01 PM
رد: بام 21 للبيع
 
السلام عليكم ..... العرض ما زال مستمرا ..... تحياتى .

unicorn 10-08-15 08:21 PM
رد: بام 21 للبيع
 
ربنا يبارك لك ويوفقك في بيعها

rock 10-08-20 03:23 AM
رد: بام 21 للبيع
 
العرض ده مش حلو ...... طب نقول ايه اللى عايز ياخد البندقيه ييجى ياخدها ..... تحياتى .

rock 10-08-24 12:33 PM
رد: بام 21 للبيع
 
السلام عليكم ..... اخوانى الاعزاء .
تم العدول عن فكرة البيع ............ والله الموفق ..... وعلى الاداره التكرم بغلق الموضوع . تحياتى .


الساعة الآن 12:33 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir