|
هام للقناصين فقط
و حشتونى اجمل صيادين و اجمد قناصة النهاردة عاوزين نتكلم فى موضوع مهم جدا هو
( توافق نوع الرش مع البندقية ) الموضوع دة مفكرتش فيه الا بعد ان ظبط بندقيتى الكرال على الاسكوب بوشنيل 3\9\40 مع رش ديابلو و كانت النتيجة مرضية جدا الخمس رشات من 15 متر لحمو فى بعض و خرجو كتلة واحدة من الخشب الى كان عليه الهدف و لما خرجت الجمعة قبل الماضية ربنا كرمنى ب 41 فرد بس فيه 6 ماعرفتش اجيبهم وقعو جوه مصانع المهم كان فيه طير بيتسرق و ينزل بعد 20 متر فكرت اغير نوع الرش و فعلا نزلت جبت علبتين جامو بروماجنيم و قلت اجرب كل الضرب اعلى 10 سم شمال قعدت اظبط ب 50 رشة جمعت فى دائرة قطرها 6 سم نتيجة غير السابقة تماما بالديابلو قطر 2 سم فقط لذلك ارجو من كل قناص ان يضع من واقع تجربته الفعلية نوع بندقيته و افضل نوع رش استعمله معها ليستفيد باقى الاعضاء نظرا لان كل نوع رش له ايرو داينمك و وزن مختلف بالاضافة الى فروق قوة دفع البنادق المختلفة تجربتى \ كرال رماية مغيرة سوستة و جلبة اسبانى و قاعدة من بعد 15 متر مع الديابلو 5 رشات فى قطر 2 سم مع البروماجنيوم 5 رشات فى قطر 6 سم |
رد: هام للقناصين فقط
موضوع جميل مشكور عليه يااستاذ اشرف
|
رد: هام للقناصين فقط
معايا كرال ماجنوم فيبر
مع الديابلو المصري كل رشه بتخلف لتحت يمين الكروس بتاع الاسكوب الديابلو الالماني مممتاز بس مش لدرجة فوق بعضه الجامو ماتش كويس برضه زي الديابلو الالماني الرماية مش وحش بس زي الديابلو المصري بيشكل |
رد: هام للقناصين فقط
انا مش بصتاد من مكان بعيد يعنى ابعد هدف ممكن يعمل 30 متر
والمناسب معايا الرمايه شغال تمام وبيقفل اليمام وكمان بيعدى اوقات اما الديابلو بشغله فالمعادى بس انما مع الكرال بيسرق الطير على طول تحياتى |
رد: هام للقناصين فقط
الماتش مع الكرال ممتاز
|
رد: هام للقناصين فقط
الماتش مع ال bsa ممتاااااااااز
|
رد: هام للقناصين فقط
انا معايا نوريكا جيت نمرة 1
أفضل رش استخدمته وكان بيقفل الطير دايما و من مسافات من20 /م 30/م اسمه (marksman)انجليزى مش المرسمان المصرى العلبة ب 40 جنية مش موجود فى الاسكندرية غير عند فتح الله لى فى محطة الرمل و الماتش باردا حلو بس ال (Marksman) ممتاز |
رد: هام للقناصين فقط
الماتش ممتاز مع كل البنادق ...بس لما جربت الرش المصري الجديد اللي اسمه (هدف مان) وجهة نظري اتغيرت في الرش المصري لانها رشة مستوية جدا جدا و شديدة الشبه ب ماركس مان بس اخف حاجة بسيطة .. بس هو يصلح للبنادق اللي سرعتها بين ال 160 الي 200 مترفي الثانية .. لكن مع الهاي باور اعتقد لازم حاجة اتقل شوية ..و اعتقد الرش ده اكتر رش مستوي و مفهوش اعوجاج خالص في الانواع المصرية ..و الغريب ان سعره 4 جنيه بس
|
رد: هام للقناصين فقط
أنا كنت بستخدم الديابلو الألماني مع الكرال و كان كويس و مؤخراً بعد نصيحة الخبير و الصياد الجامد أوي/ أ. محمد محمود غيرت و إستخدمت الماتش و فعلاً تطلع ممتاز.
|
رد: هام للقناصين فقط
اقتباس:
|
رد: هام للقناصين فقط
جزاك الله خيرًا على الموضوع الجميل وأنا أحسن حاجة معايا في الكرال الجامو ماتش وتقبل تحياتي
|
رد: هام للقناصين فقط
اقتباس:
|
رد: هام للقناصين فقط
اقتباس:
|
رد: هام للقناصين فقط
احسن رش على مستوى الرش الموجود فى مصر وعن تجربة مع الكرال والتل العتلة والبى اس اية والديانا والنوريكا جيت الرش الجامو ماتش ابو علبة سودا رش مسطح وناشف الى حد ما بيقفل الطريدة فورا ودقة غير متناهية وموزون جدا جداجدا وعلى مسافات ماشى قريب بردو ماشى ما بيقولش لا حقيقى رش تحفة وده راييى الشخصى وانا استخدمت الديابلو والبروماجنوم والهوبى ماتش والماستر بوينت والجامو هانتر والرماية والهدف مان والمارسمان دول الرش المصرى وفيه رش اسمه اوسكار كل دول احسن رش جاب معايا نتيجة وبكل انواع البنادق تقريبا ونتيجة دقة وقوة الرش الجامو ماتش وتحياتى
|
رد: هام للقناصين فقط
اقتباس:
كده بقى يبقى حظوظ لاننا كنا جايبين عمود كامل ولبسناه كده |
رد: هام للقناصين فقط
انا الماتش كان كويس معايا فى اليموريكس الامانى لكن من كلامكم هجربو على الكرال و هقولكو النتيجة
و من الواضح انه متوافق مع معظم انواع البنادق و بالنسبة لحكاية رش مضروب دة مش تقليد او صينى لاء دة بيكون متخزن من سنين و بداء يتأكل و كدة يعنى تلف تماما دائما عند الشراء لازم تفتح العلبة لو لقيتها مرملة و عليها زى بودرة و لونها مطفى تعرف انها بايظة و الجيدة هتلاقيها طازة بتلمع كدة و مزيتة سنة صغيرة |
رد: هام للقناصين فقط
في رش مصري تحفة تحفة تحفة اسمه رامبو
اه والله اسمه رامبو مع البندقية النورينكو منزل 17 فرد حمام يوم الجمعة اللي فاتت الرش دا حببني ف الصيد بالنمرة 1 |
رد: هام للقناصين فقط
موضوع مفيد
|
رد: هام للقناصين فقط
ام انا بالنسبه للرش
الكرال و الرمسيس جربت عليها الرش المصرى ذى الاوسكار والديابلو والرماية والمارسمان والجامو ماتش والبرو ماجنوم وكان افضلهم بالترتيب الجامو ماتش ويليهم المارسمان المصرى والبرو ماجنوم الرماية ده فى الكرال اما الرمسيس الجامو ماتش ثم البرو ماجنوم ثم المارسمان ثم الرماية اما الاوسكار خفيف جدآ وزباله والديابلو المصرى كان نيله فى الكرال بيجيب تحت على طول ودى تجربتى وافضلهم الجامو ماتش والمارسمان المصرى تحياتى........................... |
رد: هام للقناصين فقط
موضوع ممتاز
|
رد: هام للقناصين فقط
موضوع جميل ومناقشات بجد الواحد ابتدى يتعلم منها كتير
|
رد: هام للقناصين فقط
انا جربت مع الرويال الماتش والنتيجة ممتازة وبعد كدة جربت الجامو هانتر والنتيجة اكثر من ممتازة جربت رش المانى العلبة لونها بنفسجى فيها 500 ب45 جنية طلع زبالة وبيشكل
|
رد: هام للقناصين فقط
أنا بالنسبة ليا كالتالى:
نوريكا ويست : جامو بروماجنم وبعده بمسافة جامو ماتش وهوبى وبعديهم ميلبرو كرال كاموفلاج: مارسمان مصرى و جامو ماتش جامو فالكون (مسدس نمرة واحد): جامو ماتش ومارسمان مصرى |
رد: هام للقناصين فقط
فعلا كلامكو دة اثبت ان كل نوع بندقية يكون متوافق مع نوع رش معين و ان العيب مش فى الرش لكن مسألة توافق انا برضو الرش البرو ماجنيم لما شكل معايا و ماجمعش قلت اكيد مش متوافق مع قوة و شخشان البندقية
ارجو ان يكون الموضوع افاد الاعضاء |
| الساعة الآن 05:22 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir