|
ازاى تعــرف المصـــرى من بين 1000 واحـــد
ازاى تعــرف المصـــرى من بين 1000 واحـــد ...... ؟ . . . . ... . . . . . - لو سألت سواق تاكس على عنوان وبدل ما يدلك قالك امشي ورايا .. يبقى مصري. وعلى فكرة ساعات بيغير اتجاهه عشان عنده رغبة صادقة يوصلك وخايف تتوه - لو صليت في مكان وبعد الصلاة اللي جنبك مد ايده وقالك تقبل الله.. يبقى مصري - إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ... - لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري - لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا - لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات -و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض .. هم دول المصريين - لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر - لما تلاقي سيدة في الرايحة والجاية عمالة تدعي لأولادها وتخلى الدنيا تدعيلهم... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين - لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى ده مصرى. - لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى. -لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي أكيد مصري ابن مصري - لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري - لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني ثمن التذكرة -. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية - لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين - لما تلاقى اننا شايلين اكياس من جميع الاشكال والالوان تحت المرتبه نبقى مصريين - ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات ويضحك اللى حواليه وكل العالم يتكلم عليه وعلى خفته يبقى انت اكيد تقصد ... شعب مصر |
رد: ازاى تعــرف المصـــرى من بين 1000 واحـــد
احنا شعب مميز طول عمره و للابد :)
|
رد: ازاى تعــرف المصـــرى من بين 1000 واحـــد
لو سالتك انت مصرى تقولى ايييييييييييييييييييه
|
رد: ازاى تعــرف المصـــرى من بين 1000 واحـــد
قولي مصري وابن مصري
وصباح الفل وسمعني سلام مصر هي امي :) |
رد: ازاى تعــرف المصـــرى من بين 1000 واحـــد
الله ينور ياباشا هما دول المصريين الصح مش الصينى المضروب بتاع دلوقتى تقبل مرورى
|
رد: ازاى تعــرف المصـــرى من بين 1000 واحـــد
والله احنا شعب طيب و عشاري ........كل سنة وانتم طيبين.
|
رد: ازاى تعــرف المصـــرى من بين 1000 واحـــد
دى حالة عامة بقى !!
هههههه أنا كنت فاكر إن أنا كده بس أنا أحب أضيف .. إن احنا ساعة ما يجيلنا برد .. بنحط جرايد على صدرنا .. علشان نسلى الميكروبات بدل ما تزهق من القاعدة |
رد: ازاى تعــرف المصـــرى من بين 1000 واحـــد
اقتباس:
هههههههههههههههههههه شرفتني بالمرور العطر اقتباس:
هههههههههههههههههههههههههه نورت التوبيك اقتباس:
واسمع احلى سلام لأمنا مصر طاخ ططخ طاخ ;);););););););););) نورتني اقتباس:
انت بتكلم عن الفرز التاني ولا التالت هههههههههههههههههههههههههههه شرفني مرورك الجميل اقتباس:
وانت طيب ياكبير اقتباس:
يعني وهو يرضيك نسيبها كدا بدون مانعمل معها اي واجب دا حتى يبقى عيب في حقنا ياجدع هههههههههههههههههههههههههه نورت التوبيك |
رد: ازاى تعــرف المصـــرى من بين 1000 واحـــد
والله خلتنى ادمع من كتر الضحك
لان الكلام ده بيحصل بجد بجد خلاص طالما كدة يبقى مش هنحتاج بشهادة ميلاد هنستعمل الكياس الى تحت المرتبة وبرطمانات المربى تسلم ايدك يا باشا |
رد: ازاى تعــرف المصـــرى من بين 1000 واحـــد
اقتباس:
هههههههههههههههههههههههه نورتي ياكبير |
رد: ازاى تعــرف المصـــرى من بين 1000 واحـــد
لا فى حاجه انته نسيتها لما تلاقى واحد بتكلمه ويروح جاى قايلك كلمه انجليزى فى وسط الكلام يبقى ده اكيد مصرى
|
رد: ازاى تعــرف المصـــرى من بين 1000 واحـــد
شكرا على الموضوع بس دى تالت مرة الموضوع يتعمل
|
رد: ازاى تعــرف المصـــرى من بين 1000 واحـــد
اقتباس:
معرفش بصراحة انه اتكرر قبل كدا:confused: وعلى العموم شكرا على مرورك الجميل |
رد: ازاى تعــرف المصـــرى من بين 1000 واحـــد
ولما سواق الميكروباص يجري بسرعه وبعدين يدوس فرامل مرة وحده ويلخبط الركاب علي بعض....بس علشان يقفل الباب يبقي انت اكيد في مصر
|
رد: ازاى تعــرف المصـــرى من بين 1000 واحـــد
اقتباس:
أجرة ورى اللى مدفعش ياجدعان ياجدعان اللي طلع يبعت ههههههههههههههههههههههههههههه نورتني بمرورك |
رد: ازاى تعــرف المصـــرى من بين 1000 واحـــد
اتمنى اشوف مصر والمصريين فى اتم نعمة .
اللهم اجعل مصر بلد الامن والامان احنا كويسين |
رد: ازاى تعــرف المصـــرى من بين 1000 واحـــد
اقتباس:
ههههههههههههههههههههه اللهم امين يارب ويسلمووووو على الرد الجميل |
رد: ازاى تعــرف المصـــرى من بين 1000 واحـــد
نسيت مشهد ميكروباص ألترامكو ... يبقى انته اكيد فى مصر :)
|
| الساعة الآن 12:21 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir