بالله عليكم افيدوني
 

باذن الله انوي شراء بندقيه كرال ماجنوم دبشك فيبر 2

لكن بعد ما عرفت موضوع السوسته اللي بتتكسر خفت من البندقيه
فا ياريت اي حد عندو اي معلومه عن موضوع السوسته دي زي مثلا بتتباع فين وبكام ومين ممكن يغيرها اي حاجه لان انا موقف موضوع الشراء كله بسبب الحكايه دي

رد: بالله عليكم افيدوني
 

عندك الاستاز عادل عبده خبير فى الكرال يفيدك والسوسته بتاعه جامو احسن من بتاعتها كله بيعدل سوسته وجلبه وبعد كدا انساها

رد: بالله عليكم افيدوني
 

استاذ محمد الكرال بندقيه مش وحشه هاى باورسرعتها 230 م ث سعرها بالنسبه لمثيلاتها
معقول جدا وبالنسيه لموضوع كسر السوسته فهى بتتغير بسهولة عند استاذ شريف فى 100 شارع شبرا وهى عندى بقالها اكتر من سنه وشغاله وما زعلتنيش فى الصيد و بعدين ما فيش
بندقيه صيد ما بتحتاجش صيانه حتى الانواع المحترمه منها وفى نقطه تانيه فى الكرال انها بعد كل طلعه صيد بتحتاج ضبط النيشان لان رد فعلها قوى وانا اتغلبت على العيب ده انى ركبتلها سكوب وبرضه مش غالى وكنت جايبه من المنتدى من الاستاذ كريم وهو تاسكو 3-7-28 وبعد ما ركبته انتهت المشكله وارجوا ان اكو ن قد افدتك ولك التحيه

رد: بالله عليكم افيدوني
 

اولا السلام عليكوم ورحمه الله وبركاته
ثانيا شكرا للاخ قناص الظلم

بص يا اخى العزيز
الكرال بندقيه تقليد البندقيه الجامو
بس فى فرق فى الجامات منقدرش ننكره
طب انت معاك فلوس الكرال وخايف هى حلوه ولا لاء؟
اقولك
هى بندقيه صيد محترمه وبنت ناس بس عاوزه اللى يفهمها
هتقولى انا لسه مبتدء
هقولك هات البندقيه وانا من عنيا الاتنين بأذن الله احللك كل مشاكلها
هتقولى السوسته بتاعتها موجوده ولا لاء
هقولك موجود المصرى اللى بيتقال عليه اسبانى من 50 الى 70 جنيه وابن حلال ومش بيقول لاء
وموجود الصينى اللى بيتقال عليه اسبانى وبيعمل 100 او 120 جنيه وبرده شغاااااااااال
وموجود الاسبانى الاصلى بيعمل بتاع 170 جنيه بس هتدور عليه شويه
وممكن تركب الالمانى وده غالى شويتين بس ابن جنيه بمعنى الكلمه
وفى بقى شويه حاجات كده ممكن تعملها كأبداع وتعديل على البندقيه ومقتبس من بنادق اخرى
يعنى هى بندقيه بنت حلال ولو عاوز تجيبها وقلقان من حاجه
اتوكل على الله ولو قفت قدامك حاجه وفى ايدى المساعده مش هتأخر عليك بأذن الله

رد: بالله عليكم افيدوني
 

الله يباركلك با استاذ عادل

رد: بالله عليكم افيدوني
 

يافندم ربنا يخليك
الواحد بيحاول يساعدالناس لانه كان بيبقى فى عرض اى حد يساعده او يوجهه
وبعدين كلنا اخوات يعنى

رد: بالله عليكم افيدوني
 

الف الف الف شكر انا كنت قلقان فعلا منها بس بعد الكلام ده هتوكل علي الله واجبها

رد: بالله عليكم افيدوني
 

علي بركة الله .. بالتوفيق

رد: بالله عليكم افيدوني
 

او هاتها من محل محمود شلبى و هو يعملك صيانتها و رخيص

رد: بالله عليكم افيدوني
 

انا برجح كفه محمود شلبى ( الاستاذ ) انا جايب منه واحده بصراحه عشرة على عشرة قوه ايه ودقه ايه وكمان ركبت عليها اسكوب 3*9 /32 قمة فى الدقة وصدقنى كنت بنشن على مربعات 1*1سم من مسافة 20 متر فتوكل على الله واتصل بيه وعقبال من شوف صورك فى المنتدى منورة وانت صايد 60 جوز كده ولا حاجه .

رد: بالله عليكم افيدوني
 

طيب بعد اذنك عنوان الاستاذ محمود شلبي او رقمو

رد: بالله عليكم افيدوني
 

للأسف ضاعت منى بس ممكن الاستاذ عادل عبده يدهالك طبعا علشان حوده حبيبه وربنا يديم المعروف

رد: بالله عليكم افيدوني
 

لاء هوه مش حبيبى



عشان حبيبى ديه قليله جدا
عم محمود اخويا الكبير وليه افاضل كثيره عليا
نمرته 01002075115
عنوانه محطه مارجرجس بتاعه المترو
اول ماتخرج منها هتلاقى بتاع عصير قصب هوه جنبه
بس امانه عليك بقى توصله السلام