المشاركة الأصلية كتبت بواسطة momo44 (المشاركة 16480)

يارجالة انا لسة جديد فى الصيد وان شاء الله كنت ناوى اشترى بندقية وعايز حد يدلنى على حاجة كويسة
النوركا 56 سعرها مستعمل كام
وايه الفرق بينها وبين 61 و 73
وهل هية كويسة

المشاركة الأصلية كتبت بواسطة galal khalifa (المشاركة 16493)

الموديلات دية من نوركا تعتبر ضعيفة بالنسبة الي البنادق التي تستخدم حاليا وانا نصح اي فرد عايز يشتري بندقية الا تقل سرعتها عن 700 fps واقل من كدا ها تكون ضعيفة

المشاركة الأصلية كتبت بواسطة galal khalifa (المشاركة 16561)

سرعة النوركا 56 لا تزيد عن 160 متر / الثانية اما الاجابة التانية فممكن تجرب النوركا جت / مارفك /وست

المشاركة الأصلية كتبت بواسطة momo44 (المشاركة 16692)

والاحسن فى التلاتة دول ايه

المشاركة الأصلية كتبت بواسطة هشام سمير (المشاركة 16695)

كلهم زى بعض نفس القميص نفس السوسته نفس البستم فرق المافك عن الجت الحدافه والدبشك والسعر
والحدافه تقلل من العمر الافتراضى للسوسته

المشاركة الأصلية كتبت بواسطة gamohunter (المشاركة 16071)

انا كان عندى نوريكا مارفيك جولد وجربت نوريكا جيت ونوريكا ويست
التلاته زى بعض من حيث طول البلف اللى هوه مسؤول عن قو البندقيه وانا رايى تشتر اى نوع من التلاته دول لان باقى انواع النوريكا بيكون البلف قصير ولما السوسته الاصليه بتضعف ما بترجعش البندقيه قويه تانى لان اغلب السوست اللى فى السوق مش مضمونه والبندقيه ما ترجعش زى ما كانت
فنصيحتى انك تجيب اى نوع من التلاته دول لانك حتى لو حطيت لها اى سوسته هاترجع قويه ومش مشكله تشتريها مستعمله بشرط تكون حالتها معقوله
اما بالنسبه للجيت نمره واحد انا شايفها زيرو لم تستعمل ب 1600 عند فتح الله فى محطه مصر من حوالى تلات شهور لكن نمره اتنين افضل بكتير لانها ما بتسرقش اليمام
شىء مهم كمان ان الجيت الجلبه بتاعتها جلد مش بلاستيك ولو اتركنت فتره طويله جدا ممكن الجلد يبوظ وتيجى تضرب تلقاها ضعيفه فى الحاله دى هاتستبدلها بجلبه بلاستيك وترجع البندقيه زى ما كانت وده حل مع واحد صاحبى اشتراها جديده وبعد يومين ضعفت جدا واكتشف ان الجلبه مهريه وبايظه ولما ركبت الجلبه البلاستيك رجعت قويه تانى
لعلى اكون افدتك وتقبل مرورى

المشاركة الأصلية كتبت بواسطة galal khalifa (المشاركة 16952)

احسنهم واجملهم المارفك ولكنها ليست متوفرة في الاشواق جرب الويست ها تعجبك