الصيد فى مصر - طلعة تجربة الكرال

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - طلعة تجربة الكرال (http://www.egyhunt.net/showthread.php?t=19951)

fadeel79

11-12-11 10:21 AM

طلعة تجربة الكرال

2 مرفق

يوم الجمعة انا واخويا طارق ( الدويتو ) بتاعى طلعنا العاشر واتأخرنا شوية بسبب تظبيط الاسكوب وانا علشان كنت بجرب الكرال وكانت طلعة نسبيا فشنك علشان الاسكوب بتاع طارق متظبتش كويس وانا مش واخد على الكرال لكل الحمد لله 11 فرد يمام و5 فرد وقع ومعرفناش نجيبة ده غير الى ريش وحصل موقفين جمال جدا الاول كان فرد يمام واقف فوق عمود ضربت عليه من مسافة 40 متر تقريبا وبعد بمتقفل ووقع سمعنا تسقيف من بتوع الامن جنبنا وطلعوا من المصنع وسلموا علينا والثانى مع طارق احنا قولنا الاسكوب مش متظبط لكن مع فرد يمام طارق قعد معاه اكتر من 2 دقيقة علشان كان بيتحرك كتير وطارق معاه وطارق معاه وطارق معاه وطارق معاه وطارق معاه وطارق معاه وهوب طاخ اليمامة اتقفلت بس بعد ما طلعت روح طارق من الصبر اسيبكم بقا مع الصور ايه الرغى ده .
ملحوظة 1 : الشكر واجب لعادل عبده والنجم محمود شلبى الى متعرفش على حوده يخسر اكيد .
ملحوظة 2 : محدش يترئ على العربية .

ابو مروان

11-12-11 02:24 PM

رد: طلعة تجربة الكرال

حمد اللة على السلامة وسرد ممتاز للرحلة بس فية مشكلة للاسكوب مع الكرال معروفة وهى نتيجة رد فعل الكرال القوى لازم تركب استوبر كويس للسكوب

dr_mohasan

11-12-11 02:35 PM

رد: طلعة تجربة الكرال

الأخ الحبيب Fadeel79 , تحيّاتى ليك و لطارق على هذه الطلعة الجميلة و الصيد الرائع

تحيّاتى الى أخى عادل عبده , وحبيب قلبى محمود شلبى , وربنا يجعلكم عوناً دائما لكل الزملاء

ما عاش يا باشا اللى يتّريق على العربية , الحمد لله نعمة من الله كثير منّا لا يملكها و يتمناها.

الحمد لله أنى أعرف جميع من ذكر فى الموضوع معرفة شخصية , طارق و عادل و محمود وهم أصدقاء أعزاء , وان شاء الله ربنا يكرمنى بالتعرف عليك

خالص تحيّاتى أخى الحبيب

eng.amg

11-12-11 02:45 PM

رد: طلعة تجربة الكرال

الله ينور.. طلعة جميلة وعربية أجمل :)

Masterssss

11-12-11 03:45 PM

رد: طلعة تجربة الكرال

بالتوفيق طلعه جميله

zicooo

11-12-11 07:24 PM

رد: طلعة تجربة الكرال

بسم الله ماشاء الله

أحمد السويسى

11-12-11 09:13 PM

رد: طلعة تجربة الكرال

'طلعة موفقة وجميلة _ إن شاء الله أنا نازل مصر بعد يومين

ممكن أطلع معاك أنا معايا عربية هكون فى المرج يعنى بيننا محطتين بس

لو موافق سيبلى رقمك وانا اكلمك إن شاء الله

ĴΘĶЄЯ

11-12-11 09:30 PM

رد: طلعة تجربة الكرال

ما شاء الله
ربنا يزيدك يا باشا
وبالهنا والشفا
تقبل تحياتى

amin hegazy

11-12-11 09:36 PM

رد: طلعة تجربة الكرال

تسلم ايدك ومش طلعه فشنك ولا حاجه
بس ليا سؤال مين اللى اصتطاد العربية انت ولا طارق
هههههه انا بهزر معاك
ربنا يباركلك فيها وعلى راي المثل حمارتك العرجه ولا سؤال .........

Hunter

11-12-11 10:32 PM

رد: طلعة تجربة الكرال

=========
طلعه موفقه
=========

Max.1

11-12-11 11:55 PM

رد: طلعة تجربة الكرال

اولا تسلم ايدك و الف هنا و انت فعلا قناص
تانى حاجه ايه العربيه البورش الجامده دى

tarekvb

11-12-12 08:40 AM

رد: طلعة تجربة الكرال

اقتباس:

المشاركة الأصلية كتبت بواسطة dr_mohasan (المشاركة 255822)

الأخ الحبيب fadeel79 , تحيّاتى ليك و لطارق على هذه الطلعة الجميلة و الصيد الرائع

تحيّاتى الى أخى عادل عبده , وحبيب قلبى محمود شلبى , وربنا يجعلكم عوناً دائما لكل الزملاء

ما عاش يا باشا اللى يتّريق على العربية , الحمد لله نعمة من الله كثير منّا لا يملكها و يتمناها.

خالص تحيّاتى أخى الحبيب

ازيك يا ابوحميد من زمان مشوفتكش يا ريت نتطلع مع بعض طلعة من تانى وانا سعيد جدا انك شرفت الموضوع ونورته

tarekvb

11-12-12 08:56 AM

رد: طلعة تجربة الكرال

ملحوظة 2 : محدش يترئ على العربية

يا راجل متقولش كيدا ربنا يباركلك فيها ... بس هى فين العربية اصلا ؟ هههههههههه

وبرده معلومة ليك مهمة كيدا لما تيجى تنشن الدبش بيبقى ناحيتك والماسورة ادام مش العكس عشان انت ماتتعورش (غريبة اوى الصورة اللى على الشمال) هههههههههههه

** احقاقا للحق اغلب الصيد من انتاج فضيل ... ماشاء الله عليك

big man

11-12-12 09:40 AM

رد: طلعة تجربة الكرال

بالف هناء وشفاء طلعة جميلة

fadeel79

11-12-12 09:58 AM

Re: طلعة تجربة الكرال

شكرا لكل الى رد وقال كلمة حلوه وبعد اذنكم : طارق انا فعلا بستفيد منك جدا وخصوصا فى موضوع مبادئ الامان الى انا فعلا صفر فيها ربنا يباركلك انك بتطلع معايا وانت مش محتاج انى اعرف الناس انك استاذ ولا نسيت فرد الحمام الى كان فوق الشونة يا جماعة كان فيه فرد حمام فوق هنجر وطارق ادالة وحده قفله فيها من بعد كبير هى فعلا الطلعة الى فاتت كانت مخيبة حبتين وان شاء الله الطلعة الى جاية تكون جامدة . اما دكتور محسن فطارق قال بما فيه الكفاية وطبعا انا وطارق واحد .
ملحوظة : احنا مش قولنا محدش يتريأ على العربية .

tarekvb

11-12-12 11:53 AM

رد: Re: طلعة تجربة الكرال

اقتباس:

المشاركة الأصلية كتبت بواسطة fadeel79 (المشاركة 256543)

يا باشا محدش يقدر يتريأ بس برده الغلطة غلطتك كان لازم تكتب ملحوظة هامة جدا اللى مسنود عليها اليمام هى ده العربية علشان الناس تعرفها و محدش يتكلم عليها
هههههههههههههههههه
و الكلام الكبير اللى انت كاتبه عليا ده مش صحيح ومش اده وبعدين الناس تصدقه انا ولا استاذ ولا حاجة وبالنسبة للفرد اللى مكنش باين الا دماغه جت كيدا حظ ... (وده اللى بيسموه فضل دعاء الوالدين)
والى اللقاء فى الطلعات الجاية وربنا يديم المحبة

القناص العالمي

11-12-13 04:16 AM

رد: طلعة تجربة الكرال

الله ينور عليك وعلي حبيبة قلبي الكرال

dokdok_fox

11-12-13 01:33 PM

رد: طلعة تجربة الكرال

بسم الله ماشاء الله عربيه جميله

عادل عبده

11-12-13 01:43 PM

رد: طلعة تجربة الكرال

مبروك عليك المدفع يا باشا بس المفروض كنت دخلت قفلت الموضوع وعلسه بس اول نا تتعود عليها هتولع بيها الدنيا
ومالكش دعوه بالعربيه عشان احسن من قلتها كتير جدا

والف شكر لاخى وحبيبى الدكتور محمد حسن
وطبعا عمى واللى معلمنى محمود شلبى
وتحيه لعم طارق

يونس	11-12-15 11:40 AM

رد: طلعة تجربة الكرال

بسم الله مشاء الله و طلعات موفقه باذن الله

zicooo

11-12-15 05:27 PM

رد: طلعة تجربة الكرال

بالهناء والشفاء اية الحلاوة دي

الساعة الآن 11:12 PM