قانون أسلحة الصوت
 

7ad 3ando nass el kanoon ya gama3a?
i need it 3ashan metrahen ma3a zabet mesh fahem wi mesh mzaker :)

رد: قانون أسلحة الصوت
 

اه بردو انا محتاجة علشان نفس الموقف بتاع حضرتك حتي لو هشتريية بس حد يقولي المتاب اسمو ايية او الاقي فيين و حد يديني نصوووو ارجوووكوووو

رد: قانون أسلحة الصوت
 

http://www.egypthunt.net/showthread.php?t=10814
دا لينك الكود والشرح بتاعه

رد: قانون أسلحة الصوت
 

مسدس الصوت ممنوع ممنوع ممنوع ، حتى لو لقيتم ألف بند يقول غير كدة ...

رد: قانون أسلحة الصوت
 

يا جماعه بكل بساطه ممنوع لأننا أصلا مبنمشيش بالقانون المصري وانما بالقانون الحصري الخاص بأفراد السلطه وكل عام وانتم بخير

رد: قانون أسلحة الصوت
 

حضرتك من طاقم الاداره ارجو مراجعه كلامك بجديه وقانونيه ومع باقي الاداره لعدم اعطاء ايه معلومات خاطئه فيه حاجه اسمها مسدس الصوت ممنوع وانا بوريلك كود قانون الاسلحه والزخائر كامل

رد: قانون أسلحة الصوت
 

رد: قانون أسلحة الصوت
 

http://www.egypthunt.net/showthread.php?t=10814
باشا راجع الموصوع دا وارجو من الاداره تثبيته لانه بيتكلم عن تجريم كل انواع الاسلحه ونصوص القوانين

رد: قانون أسلحة الصوت
 

يخرج من النص الاسلحه الصوتيه و الضوئيه و هى اللتى لا تصلح للقتل او الايذاء و اللتى تستعمل فى التمثيل او اللأبتهاج فى المناسبات كمباريات كره القدم او الأفراح او ما نحوها , يستوى فى ذلك ان تكون تلك الاسلحه متقنه الصنع
حيث تؤدى الى تخويف من توجه نحوه او غير متقنه الصنع فيمكن اكتشافها بسهوله .
و يرجع عدم تجريم الاسلحه و المسدسات الصوت انها لم ترد فى الجدول الخاص بقانون الاسلحه و الذخيره حيث ان الجدول على سبيل الحصر لا على سبيل المثال و بالتالى لا يجوز القياس عليه او تعديله او الاضافه عليه الا بنص قانونى
ملحوظه : القانون بيعاقب على استخدم الاسلحه الصوتيه استخدام خاطئ زى التهديد و السرقه بالكراه و اثاره الرعب و الفزع

رد: قانون أسلحة الصوت
 

مع أحترامى الشديد لحضرتك ، حضرتك ليك مواضيع كتيرة أوى بتتكلم فيها عن المسدسات الصوت و طلقات البلى و كلام حضرتك فيها بيتناقض أكتر من مرة ، مش كل شوية ح أفضل أقول أنا أعرف فلان ظابط و فلان يبقى فى المباحث و عمى فلان و خالى فلان و رفعت صور الكارنيهات الخاصة أكتر من مرة ، و أنا يعتبر فى قلب كل الأحداث دى ...

بلاش حضرتك اللى تضر الناس و أتكلم بالمنطق ( المسدس الصوت ممنوع ) ، حتى لو مفيش نص فى القانون بيجرمة .. و راجع المشاركتين دول




****تحياتى ليك يا أستاذ طارق .. أنا كلامى مش سيف و لا أجبارى و لا حتمى ، دة رجاء شخصى اللى عايز ياخد بية دى حاجة ترجعلة اللى مش عايز دى حاجة ترجعلة ، حضرتك انا قلت كلام بناءا على ان بفضل الله تعالى انا عندى من العائلة شرطة و قوات مسلحة و قلت الكلام دة قبل كدة ..

- رقم 1 : المسدس الصوت حاليا بيدخل معمل جنائى معرفش حضرتك تعرف الكلام دة و لا .
- رقم 2 : الضرورة الحتمية معلش بقى يا أستاذ و حضرتك قبل لما المسدسات الصوت تنتشر حضرتك كنت بتنزل ب أر بى جي أو حاجة ؟

أنا عندى 5 مسدسات صوت و كلهم مفتوحين و كلهم بطبات أقسم بالله من يوم لما جبتهم ما نزلت بواحد فيهم لا صوت و لا بلى أحنا مش شيكاغو و لا فى ليبيا خلاص ضرب النار يعنى مش شغال 24 ساعه .. الكلام يبقى بالمنطق و بالعقل المسدس دة مينفعش يتشال 24 ساعه الضرورة الحتمية أنك بترجع بالليل متأخر شغلك يكون فى مناطق الكيلو اللى هى صحراء ، بتسافر كتير كدة ، أنما انت رايح شغلك و راجع و بتنزل بالليل مع صحابك متزعلش منى لو فى حد بيمشى بالمسدس فى التوقيت دة دى فشخرة كدابة او دة انسان عندة نقص ..


و أوعى تفكر ان كل الناس اللى بتشترى المسدسات دى بتشتريها علشان الحماية الشخصية لا مش كلة يبقى بتضحك على نفسك لو صدقت الكلام دة ، لا .. دول بيتباعوا علشان كل ممنوع مرغوب و كلة عايز يجرب .. و دى حاجة جديدة علينا ، ما أحنا قبل كدة محدش كان يعرف حاجة عن الموضوع اية يعنى متنا ؟ نقصنا أيد و لا رجل ؟ لا عايشين و زى الفل و الحمد لله و لازم تعرف ان أنتشارة زى لما حيقع فى أيديك ح يقع فى ايدين ناس زبالة ، و خلى بالك انا بحمد ربنا أن فى ناس زى أبو سيف و كريم أبو القاسم و غيرهم مش بييعوا لأى حد فى ناس جاتلهم كان سنها صغير و ناس شكلها غلط و محدش فيهم رضى يبيع ليهم ، ناس تانية ممكن تبيع و تبقى العملية سداح مداح ..

و علشان أوفر عليك .. معرفش بردة أذا كنت حضرتك تعرف الكلام دة و لا أى حاجة فى المسدس الصوت بخلاف أذن و مواصفات الأستيراد تعتبر تعديل يعنى تعتبر جناية سواء فتح مسدس أو طبة طويلة أو تعديل ماسورة أو طلق بلى أيا كان ...


و ربنا يحفظ الجميع و يعافى عن الكل ... و سامحنى فى اللى حقولة دة أنا من ساعه لما دخلت المنتدى برد على حضرتك و أتعاملت معاك بكل أدب و أحترام لكن بجد سامحنى طريقة كلامك المرة دى مش حلوة ، و أول مرة أشوف حضرتك بتتكلم كلام مش منطقى و بطريقة مش لطيفة ...


شيل المسدس 24 ساعه مش رجولة ............... دة نقص .




**** تحياتى لحضرتك .. لكن علشان منبقاش السبب فى أذى لحد ، الكلام اللى حضرتك بتقولة دة ملهوش أى أساس من الصحة ، المسدس الصوت فى حالتة الطبيعية دون أى تعديل لما حضرتك ماشى على رجلك و صادف ان حضرتك دخلت على كمين أو ماشابة الظابط حيقول لحضرتك أنا المسدس حيدخل معمل جنائى للكشف على خواصة ، و حضرتك بتروح القسم و منة المسدس بيتحول الى النيابة ثم للمعمل الجنائى بعد تحرير مذكرة ، لو سليم بتاخدة تاني لو فى حاجة تانية يبقى فية مستجدات ..

طبعا لو حضرتك فى الوقت دة فى مشوار أو رايح مكان و مش حينفع تروح القسم ، يبقى علية العوض و منة العوض فى المسدس و حتسيبة .

لو المسدس فى عربية ، مفيش أى مشكلة نهائى من وجودة ولا حد حيسألك علية الا أذا كنت على طريق سفر حيكون فيها س و ج ..

حضرتك حتقولى أشمعنا ؟ ح أقول لحضرتك أن الحكومة بتتعامل على أساس المظهر ، و هما حيبقوا شايفين أن اللى على رجلة دة بيمثل خطر ، لكن اللى فى العربية انسان محترم ..

مثال : حضرتك لو تمشى بمطوة يبقى فيها جنحة ، طيب لو حضرتك العربية أتفتشت و كان فيها مطوة ؟ كأن شيئا لم يكن ..

لو حضرتك تكرمت و دخلت أى قسم شرطة و سألت و قلت عايز أستفسر عن فتح مسدس الصوت أو الطبة الطويلة أو الماسورة اللى معدة لضرب البلى و بالتالى متعديش رصاصة حية ، أو عن الطلقات البلى ، حيقول لحضرتك أن كلهم مجرمين و يعاقب عليهم القانون و التعامل معاهم بيكون نفس التعامل مع مصادرة سلاح حى دون ترخيص ...


( الكلام دة حضرتك مش من فراغ ، و بعد سؤال ناس كتير من الشرطة و منهم من أسرتى ، و كلة عن تجارب شخصية ، و مواقف حضرتها ... )

رد: قانون أسلحة الصوت
 

ممكن حضرتك تقرأ المشاركة الأخيرة يا أستاذ أحمد و فيها المفيد كلة ..

رد: قانون أسلحة الصوت
 

تسلم يا استاذ احمد رد منطقى ومقنع جزاك اللة خيرا

رد: قانون أسلحة الصوت
 

مين قال ممنوع اساسا ؟
انا سئلت ظابط شرطة وقالى
ممنوع ويعتبر جريمة انك تمشى بيه فى الشارع لانه شبه الحى ( قال كدا بالنص )
هتتحاسب كانك ماسك سلاح وبتحاول تثبت بيه حد
لكن لو مقتنيات وكدا جوا البيت عادى
وقالى خلى بالك من الصوت المفتوح او المتعدل فيه بالذات دى يعتبر جريمة بجد
لانه بيعامل سلاح معد\ل فيه لقلبه حى

رد: قانون أسلحة الصوت
 

مناقشه حاده جدا بس الواحد معتش عارف ايع السليم وايه الى مش سليم
يعنى انا سمعت امبارح من عضو فى المنتدى انى بندقيه ضغط الهواء بقه ضمن
قائمه الاسلحه ويعاقب عليها
ياترى ده صح ولا غلط ونص القانون ايه وايه المده الى اى توضح الاكلام ده

رد: قانون أسلحة الصوت
 

انا حطيت لينك نص قانون الاسلحه والزخائر وهو علي سبيل الحصر لا المثال ولا يجوز التعديل عليه او الاضافه الا بقانون وانا مبفهمش غير في القانون ومليش اني اسال لا ظابط مباحث جايب 50 % ودخل شرطه وسقط في الجنائي وبقي في المباحث وبيعمل محاضر زي الزفت تضحك طلبه حقوق ولا هسال ظابط عادي مش فارقه معاه ولا هسال حد فيه حاجه اسمها قانون والي عايز يقتنع يقتنع والي مش عايز دي حريه شخصيه

رد: قانون أسلحة الصوت
 

هو أنا بعد الشر قلت حاجة غير كدة !!!

رد: قانون أسلحة الصوت
 

الله ينور على حضرتك ، يبقى بلاش مشاركات كتيرة بمحاولة أقناع الناس ، علشان مش تشيل ذنب حد .

رد: قانون أسلحة الصوت
 

كلامك مظبوط 100% يا استاذ avokato القانون لايجرم الصوت انا محامى وعارف انا بقول ايه واللى بيقول معمل جنائى والليله دى ده ضابط بيرخم وعايز يتسلى هو مدرسش قانونون ولا ايه ولو مش عاريف يبقى يروح ومايشتغلش وفى حاجة اسمها بطاقة شخصية وكشف عن احكام ويعرف ان الشخص محترم ولا مجرم والطلقات البلى هى دى اللى مجرمه وتعامل معاملة الحيه

رد: قانون أسلحة الصوت
 

شكرا يا جميل

رد: قانون أسلحة الصوت
 

شكرا وارجو تقبل نصيحه دارس للقانون وتستشير باقي الاداره في المنتدي حول تجريم مسدسات الصوت لكي لا يحسب علي الاداره اما قمع الاراء الصحيحه واما نشر اخطاء لا تغتفر واما صحيحه اسالوا اهل الذكر ان كنتم لا تعلمون

رد: قانون أسلحة الصوت
 

ولما يبقي معاك ظابط شرطه ويرخم ويقولك انا معرفش صوت ولا حي انا هحولك للنيابه والمعمل الجنائي تطلع للمامور او لاي ظابط اعلي منه وتقوله يعني لما عندكم حد بقاله 4 سنين في شرطه وميعرفش الحي من الصوت هيهزقوا امه ولو رحت لوكيل النيابه قول انه كان عايز يسرقه منك وضغط عليك ولما رفضت عملك بيه قضيه عشان تطلع تيت اهله ولو معملتش كده يبقي العيب ولمواخذه فيك وبرضه خلي بالك لو بتضرب واحد بطوبه لقتها في الشارع ساعتها الطوبه دي اسمها اداه جريمه يعني اتقل في استعمالك ميبقاش معاك مطوه امريكي زي مشفت في خناقه واحد عربيته خبطت في حد نزل بالمطوه عايز يضرب الي كان راكب العربيه وفي الاخر راح القسم الظابط بيتحايل علي الخصم انه يرضي تتبدل بقرن غزال الخصم مرضيش والموضوع خلص

رد: قانون أسلحة الصوت
 

أنا أسف يا جماعه .. كلة يشيل مسدسات الصوت ، مسدسات الصوت غير مجرمة و بالنسبة لكل الشرطة فى اللى فى العيلة عندنا أساسا خرجين زراعه ، و اللى يقابل ظابط يقولة أنت جايب 50 % و يقولة أنت مش بتفهم حاجة ، و ياربت اللى معاه مسدس يعلقة فى جنبة كمان ، و أبقى أطبعوا نص الأسلحه و الذخائر و خلية معاكم و أنتم ماشين ، و طلقات البلى غير مجرمة و تعديل الماسورة مفهوش مشكلة و حمل المسدس الحى بتاخد علية جوايز بسحب ان شاء الله ..


أنا أسف للجميع مرة تانية .......

رد: قانون أسلحة الصوت
 

الاولي استشاره الاداره او القانونيين اسال القنصل متدايقش المناقشه كويسه وتعتبر علم ينتفع به مدايقاك ليه انا لما اقولك كود القانون بيقول تقولي الي عندي في العيله لما يقولك ممنوع قوله بس انا حد اداني كود الاسحله والزخائر ولقيته مش ممنوع انت ايه رايك بدل متاخد معلومات من طرف واحد وانت سالتني وقلت عندي في العيله قالوا قلتلك لا رد قولهم القانون بيقول مفيش مشكله

رد: قانون أسلحة الصوت
 

- بدلة + مسدس صوت = أتفضل يا فندم

- جهة أمنية + مسدس صوت = أتفضل يا فتدم

- بدلة + عربية + مسدس صوت = أتفضل يا فتدم

- بنى ادم عادى + مسدس صوت = أية دة يا كلب

- شكل مش عاطفى + عربية + مسدس صوت = أنزلى يا حيلة ماما


........ هو دة القانون و لو بتقول غير كدة يبقى بتضحك على نفسك و على غيرك ( القتيل لة محامى ، و القاتل لة محامى ) .


نص القانون غير موجود فى مصر ، أبن الباشا براءة ، أبن الغلبان سجن ...

رد: قانون أسلحة الصوت
 

كلام زى الفل

رد: قانون أسلحة الصوت
 

ياباشا بعد الثورة بقى فى كلام تانى قبل الثورة كان فى رخامة زايدة وبالنسبة لتعليق المسدس فى الجانب دة مش لطيف دة فشخرة كدابه ولو انت محترم محدش هيكلمك لو اتفشت بمسدس صوت لكن المشكلة لو انت طلعته على حد وهددته بيه او استخدمته فى مكان ممنوع استخدامه
وانا عن نفسى كنت بروح الجامعة ومعايا مسدس وبحضر بية المحاضرات بس كان بيكون تحت الجاكت او القميص ومكانش بيطلع من جانبى او كنت بسيبه احيانا فى العربيه داخل الجامعة المشكله مش فى المسدس نفسه المشكله فى اللى شايله وبسبب ذلك ان كان بيبقى معايا مبالغ مالية كبيرة واوراق هامه خاصة بعملى

رد: قانون أسلحة الصوت
 

الشرطه زي ما هيه متغيرتش غير للاسواء

رد: قانون أسلحة الصوت
 

أي ضابط يقول إنو ممنوع يا إما حرامي طمعان فيه يا إما حمار ........ أنا بس بسأل على نص قانوني لو موجود....... لئن لو مش موجود يبقى لا يجرم .......و لما يقول حاعمل محضر اسألو محضر إيه بظبط و سيبو ياكل في نفس.... و كلو بالادب

رد: قانون أسلحة الصوت
 

بس موري جابهالك من الاخر

رد: قانون أسلحة الصوت
 

والله كلام مظبوط وزى الفل

رد: قانون أسلحة الصوت
 

وخايف اقول كل بني ادم وشخصيته في التعامل عشان محدش يفتكرني برميها عالجرح ويزعل انا دخلت جوا القسم وفتحت خنجر لظابط في النبطشيه وبساله ايه الظروف قالي اشتريلي واحد ومعرفوش اصلا

رد: قانون أسلحة الصوت
 

تسلم كلامك مضبوط وعلى راى المثل ( اللى معاه الفلوس لو كان اخرس يجى الفصيح قدامه يخرس)

رد: قانون أسلحة الصوت
 

أنا معاك فى الكلام ده يا أ. أحمد

خالص تحياتى

رد: قانون أسلحة الصوت
 

هوه ده اللى بيحصل فعلا وعن تجربة شخصية

رد: قانون أسلحة الصوت
 

يا عم متكتب بالعربي هو انت لازم تتعبنا

رد: قانون أسلحة الصوت
 

مع احترامي لكل الي بيكلم صوت اه الي ممنوع يجماع والي بيقول ان ظابط قله الكلام ده يبقا يا بيشتغله عشان يخوفه يا اما هو مبيفهمش حاجه او علي رئي الظباط ظابط تيواني اه يجماع ده انا بدخل بمسدس الصوت القسم و بشيله في كل حته وسعات بمشي معلقه في جراب عمر ما في حاجه حصلت معايا وبعدين انا اعرف ظباط القسم الي انا تابع ليه كلهم لاني ساكن قدام الاقسم ده غير اصحابي وغير المحامين عمر محد قالي حاجه زي كدهده المسدس الحي لو بايظ او مثلا ابره ضرب النار متشاله الي شايله بياخد برائه لانه مفيش نيه لاستخدامه في اذي وديه حصلت قدامي والراجل خد برائه انما البلي ماشي انا معاكو انو مجرم وممنوع لان ممكن الحاق الاذي بيه

رد: قانون أسلحة الصوت
 

bs ana mla7ez ennak fhemt :)
ana asef lil ta3ab bs sa3at bakon bastakhdem keyboard heya el moshkela :)