|
انا اتنصب عليا و الله من شخص تافه
ارجوا من الاداره عدم حذف الموضوع و تثبيته حتي لا يقع احد فيما و قعت انا فيه
اول حاجه لو عايز تستفيد من التجربه دي لازم تقرا الموضوع للآخر هحكي لكم حكايه العضو اللي اسمه (TOP) و هو صياد جديد و عدد مشاركاته لا تتعدي ال 20 او 30 مشاركه و هو لسه مشترك في (22/11/2011) التفاصيل دي معرفتهاش غير بعد الماساه المهم دخلت علي المنتدي اول امبارح دخلت علي سوق المنتدي في مقتنيات الاعضاء و لقيت موضوع تحت اسم(خنجر برازيلي بجراب شمواه (هند ميد)للتقييم) المهم دخلت علي الموضوع و لقيت خنجر برازيلي فعلاً ههههههههههههههههههه آسف هو مش خنجر خالص هو عباره عن سكينة مطبخ من التوحيد و النور من ام 6.50 ج وعلي فكره مش انا بس اللي بقول عليها كده اغلب الناس اللي شاركت في الموضوع بتاعه قالت عليها نفس الكلام بس مش ب 6.50 ج فيه اللي قال ب 10 ج و 20 ج و 80 ج المهم الخنجر ده مش موضوعنا الموضوع اللي انا عايز اقوله هو الموضوع الغريب ده برده لقيت في نفس الاعلان مطواه سوسته المهم عجبتني و قولت اشتريها اتصلت بيه علي الرقم ده (0118486243) الرقم ده هو كان حاتطه في الاعلان و كلمته و قال لي انت منين قلت له انا من الجيزه و قال لي انا من مدينة نصر قولت له خلاص اقابلك و نخلص في المطواه دي قال لي خلاص اوكي بكره اللي هو امبارح اتصل بيا و نرتب مع بعض قولت له خلاص ماشي و قفلت السكه اتصلت بيه امبارح زي ما هو قال لي حوالي الساعه 3.30 و قولت له ايه الاخبار قال لي هتيجي امتي قولت له علي بالليل قال لي خلاص ماشي اتصلت بيه في نفس اليوم حوالي الساعه 6.30 و قولت له اجيلك قال لي تعالا قولت له ماشي و انا رايح له في الطريق لقيته بيتصل بيا و بيقول لي انت بترد علي موضوعي اللي هو (خنجر برازيلي بجراب شمواه (هند ميد) للتقييم) بترد و بتقول (المطواه دي بتاعتي) قولت له بحسن نيه طبعاً (آه) قال لي بتاعتك ازاي يعني هو انا سرقتها منك و لا هي و قعت منك و انا لاقيتها و لا ايه بالظبط قولت له ياعم لأ بتاعتي يعني انا هشتريها منك يعني من نصيبي و بالاماره انا حاتط لك رقم تليفوني قالي آه معلش انا فهمتك غلط انتي فين دلوقتي قولت له انا جايلك في الطريق و قفل معايا المهم رحت عند منصة السادات بمدينة نصر و اتصلت بيه بناءاً علي اتفاقنا رد عليا بعد ما رنيت حوالي 6 او 7 مرات و قال لي انت فين قولت له انا عند المنصه زي ما اتفقنا قال لي معاك عربيه ايه قولت له عربيه مرسيدس c180 لونها اسود قال لي خلاص انا جايلك علي طول عند المنصه بعديها بشويه لقيت واحد بيتصل بيا من الرقم ده (01125409570) و بيقول لي معلش مش هيقدر يجيلك علشان الحاجه اتمسكت في اسماعليه مش عارف و لا ايه حاجه زي كده و قال لي كمان ان لما الحاجه تيجي هجيلك لحد بيتك و اجيبهالك المهم شويه كده و اتصلت بنفس الرقم اللي كان في الاعلان رد عليا نفس الراجل و قعد يضحك طيب نفرض مع بعض ان الحاجه في الاسماعليه فعلاً ازاي قال لي انا جايلك عند المنصه حالا و ازاي برده قال لي الحاجه موجوده و تعالا من قبل ما اروح له اصلاً آه نسيت اقول لكوا حاجه مهمه اني انا كنت كل ما بكلمه او هو بيكلمني كنت بسمع صوت كميات ضحك متناهيه من اشخاص في المكان اللي هو كان فيه بس كنت بقول عادي يعني تلاقي صحابه مبسوطين شويه معرفش بقي انهم بيعملو لي حوار و انا شربته زي الجردل انتو عارفين ان اكتر حاجه عصبتني في الموضوع ده اني انا تعبان جداً و مبخرجش من البيت بقالي حوالي 5 ايام . الله لا يسامحك . خلاني رحت مشوار من الجيزه لمدينة نصر في عز الزحمه وعز البرد و انا مش قادر اسوق اساساً بس علشان ارتبط معاه بكلمه اول امبارح و قولت له هجيلك بكره هو باين عليه شاب من بتوع اليومين دول اللي هما العيال السيييييييس و قاعد فاضي و مش لاقي حاجه يعملها هو و اصحابه فنقلوا شويه صور من صور المطاوي اللي علي المنتدي وبيعملوا بيها اعلان علي اساس ان الحاجه دي موجوده عندهم فعلاً و علي فكره برده حتي لو كنت تاجر انا مش تاجر يعني انا مش كاتب الموضوع ده علشان متفتكرش اني بقطع عليك رزقك و لا حاجه لأ ده علشان اعرفك يعني ايه لما تقول كلمه يتكون قدها يئما اوعي تطلعها من فمك هي دي بقي الرجوله .......... عارف الرجوله ؟؟؟؟؟؟ استرجل و اشرب بريل ههههههههههههههههههههههههههه انا عملت الموضوع ده علشان اعرفكوا مين هو الشخص القذر ده (top ) علشان محدش يتدبس زيي علي فكره انا لسه مكملتش كلامي روحت البيت و انا تعبان جدا جدا و مرهق جدا من المشوار و قعدت علي النت و دخلت المنتدي في الموضوع (خنجر برازيلي بجراب شمواه (هند ميد) للتقييم) لقيته كاتب (برجاء غلق الموضوع ...... لتعرضي للسرقه و النصب من بعض الاشخاص .....و حسبي الله و نعم الوكيل) ههههههههههههههههههههههههههههه ده هو اللي بيتحسبن فيا امال انا اعمل فيه ايه اروح ادام الكعبه و ادعي عليه حسبي الله ونعم الوكيل فيك يا (top) ايه رأيك يا بشمهندس (اسلام) اكتوبر وانت ايه رأيك يا بشمهندس (و آم) الهرم و انت ايه رأيك يا بشمهندس (احمد مصطفي) حدائق الاهرام و انتو ياللي كل اللي عارفني و اتعاملتوا معايا ايه رأيكوا هل انا نصاب و لا محتاج لفلوس اصلاً (الحمد لله) مره تانيه و ليست بأخيره حسبي الله ونعم الوكيل فيك يا (TOP) و الله انت لا توب و لا حاجه انت المفروض يبقي اسمك بوبي مش توب هي دي بقي الاعلانات الوهميه حسبي الله ونعم الوكيل وعلي فكره يا جماعه النصب مش ان شخص يا خد فلوس من واحد و ميوفيش و عده لأ النصب الحقيقي و الكدب الحقيقي هو ان الواحد يوعد وعد و ميوفيش بوعده |
رد: انا اتنصب عليا و الله من شخص تافه
شخص تافه اللى يعمل جاجة زى كدة بصراحة و اتمنى من الأدارة اتخاذ اجراء قوى ضدة
|
رد: انا اتنصب عليا و الله من شخص تافه
معلش يا عم ( القناص العالمى ) الناس اللى زى كده بيبقوا مغيبين مش عارفين الدنيا فيها ايه .... ناس رايحة تموت عشان حال البلد ينصلح وناس بتعمل مقالب فى الناس ........ بكره يجيى اللى يخلص منه اللى عمله فيك ما هوش برم قوى يعنى ...... انصحة بانه ؟؟؟ بلاش يروح التحرير ؟؟؟ يتفرج علىالتليفزيون جايز يسترجل ده لو عنده دم
|
رد: انا اتنصب عليا و الله من شخص تافه
حاول دايما تخلى كل تعاملاتك مع الناس القدامى
عارف لما بحب اشترى او حتى ابيع حاجه لحد على النت لازم ادخل اقرأ مشاراكاته واشوف الناس بتقوله ايه ولو جديد لسه بناقص التعامل معاه ولو حتى ببلاش |
رد: انا اتنصب عليا و الله من شخص تافه
وارجو من الادارة تعليق عضويته
|
رد: انا اتنصب عليا و الله من شخص تافه
معلهش وكويس انها جت على كدة وكتر خيرك انك عملت الموضوع دة والمفروض الشخص الى يجى منة شكاوى الأدارة تعرف الأى بى بتاعو وتعمل كل الشكاوى منة فى موضوع واحد وتنبة بأسمائة المختلفة فى المنتدى ( طبعا لأنة ممكن يدخل كل مرة بأسم تانى ) وتضع اسماء التجار الى الأدارة تعرف عناونهم وتليفونتهم الشخصية ولهم تعاملات محترمة فى موضوع خاص علشان الى بيشترى يشوف ممكن يثق فى مين من هذا الموضوع ونقطع الطريق على المتلاعبين
|
رد: انا اتنصب عليا و الله من شخص تافه
اقتباس:
وانا اتمني ايضاً ان الاداره تتخذ معه اجراء قوي |
رد: انا اتنصب عليا و الله من شخص تافه
اقتباس:
|
رد: انا اتنصب عليا و الله من شخص تافه
اقتباس:
ده مش عبط و لا حاجه ده مجرد حسن ظن في الناس مجاش في دماغي بقي انه بيشتغلني يا الله الحمد لله علي كل شئ و قل لن يصيبنا الا ما كتبه الله لنا |
رد: انا اتنصب عليا و الله من شخص تافه
ما هو انت دخلت امبارح المطبخ خلصت كل الاكل اللى فيه باين عليك كنت جعان شوية ....... يمكن هو ده اللى غاظة عشان ما لقاش اكل يتعشى ( فكها بقى ) ما يستاهلش والله
|
رد: انا اتنصب عليا و الله من شخص تافه
اقتباس:
|
رد: انا اتنصب عليا و الله من شخص تافه
اقتباس:
و الله ضحكتني عادي بقي يا عم ما يقع الا الشاطر |
رد: انا اتنصب عليا و الله من شخص تافه
يا اخي باينه جدي ... واحد بيبيع سكينة مطبخ علي اساس انها خنجر يبقي ايه ... وعلي العموم نصيحة لكل افراد المنتدي القدام لاتشتروا الا من اللي تعرفوه من اعضاء قدام وفيه ناس عارفاهم وعارفه شخصيتهم .. الحمد لله انها جت سليمة
|
رد: انا اتنصب عليا و الله من شخص تافه
اقتباس:
|
رد: انا اتنصب عليا و الله من شخص تافه
اقتباس:
بس عندي اقتراخ ان يتعمل موضوع يتكتب فيه اسماء و ارقام تجار المنتدي المحترمين بشهاده الاداره و الاعضاء و ان شاء الله محدش يقع تاني و ياباشا حرص ولا تخونش |
رد: انا اتنصب عليا و الله من شخص تافه
طيب بالله عليك شوف رده ايه علي موضوع (كرنيهات المنتدي) الصفحه الثالثه
يوم أمس, 03:11 PM Top صياد جديد معدل تقييم المستوى: 1 تاريخ التسجيل: Nov 2011 المشاركات: 15 السلاح : فيرات ماجنوم رد: كرنيهات المنتدى -------------------------------------------------------------------------------- يا جماعه صدقونى كل دى أحلام ...... ازاى انا هدى رقمى القومى او صوره البطاقه بتاعتى لواحد معرفهوش ...... وبعدين فى تضليع فى الشروط ..... وفعلا فكره مش سليمه من الاساس ... النت مليان منتديات للاعلانات ببلاش والاعلان ممكن يفضل فى الموقع لمده سنه كامله وولا بيطلبوا حاجه ... ليه التعقيد ده .... بجد يعنى يبقا واحد مجنون فعلا اللى يدى صوره من بطاقته لواحد ميعرفهوش ..... والحمد لله بانت اهى .. اول ما لمنتدى شد حيله اتحجج بحجج وهميه ان فى مشاكل ومش عارف ايه ... واصلا الموضوع دخل فى الاستثمار مش اكتر ( زيى بالظبط الادمان افضل ادى لواحد ببلاش لحد ما يبقا مدمن واول ما يولى محتاج اقوله فين فلوسك ) سياسه غريبه جدا مش كويسه ... واظن ان فى اعضاء كتير هيفكرو الف مره قبل ما حد يدى التانى بطاقته او بيانات عنه عشان فى الأول وفى الاخر ده انسان ومنعرفش ممكن بعد كده يستغلها فى ايه .... وفعلا انا مش داخل المنتدى ده تانى خالص ... ومتشكرين يا ادراه على التعقيد بس فعلا هيا فكره مش متوازنه وهتطفش اغلب الناس هنا ..... وحسبى الله ونعم الوكيل تانى __________________ ( قَالَ هَلْ آمَنُكُمْ عَلَيْهِ إِلاَّ كَمَا أَمِنتُكُمْ عَلَى أَخِيهِ مِن قَبْلُ فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ ) ده باين عليه عبيط فعلاً ههههههههههههههههههههه و باين عليه عيل صغير برده سكة 15 او 14 سنه |
رد: انا اتنصب عليا و الله من شخص تافه
اقتباس:
عندك حق و الله في كل اللي قلته و كلام منطقي جدا بس يارب الاداره توافق عليه |
رد: انا اتنصب عليا و الله من شخص تافه
+++++++++++++++++++1
|
رد: انا اتنصب عليا و الله من شخص تافه
اقتباس:
شكرا يا باشا :) و ان شاء الله الاداره لازم توافق |
رد: انا اتنصب عليا و الله من شخص تافه
اه الناس ديه والله عالم واطيه وانا الي كنت مفكرك شمتان فيه انا اسف علي سؤ ظني بيك بس المشكله الي زي ده مش هتهمه العضويه وهيعمل غيرها المفروض ياخد باند علي الايبي بتاعه عشان ميعرفش يدخل المنتدي تاني
|
رد: انا اتنصب عليا و الله من شخص تافه
اقتباس:
|
رد: انا اتنصب عليا و الله من شخص تافه
اقتباس:
يا اخى استغفر الله العظيم ......... حد اتهمك وقال عليك كلمه وحشه حد وجهلك اى كلام او اتهام ........ انا اتنصب عليا من شخص تانى ( المورد) ليا .... مش اكتر ...... ايه بقا القصه والفيلم الهابط اللى انت كاتبه ده .... حد وجهلك كلام ...... اصلا .... حشرت نفسك ليه فى الموضوع وقولت انى قولت عليك انت اللى نصبت عليا يا اخى اتقى الله انت وباقى الاعضاء اللى بيدخلوا يتكلموا من غير ما يعرفوا ايه اللى حصل .... انا اتنصب عليا من المورد اللى بيجيبلى الحاجه مش اكتر وعشان كده طلبت غلق الموضوع عشان محدش يتعشم .... انا غلطت كده فى ايه يا اخى بجد انت انسان مغيب وعقلك صغير ( حد اتهمك بحاجه ولا انت اصلا حد وجهلك كلام ....... وبعدين لو كلامك صح ... هدخل ليه وهلغى الموضوع ما هخلى الموضوع ماشى وهنصب على باقى الاعضاء كمان على حد قولك .... فعلا مش مسامحك انت وباقى الاعضاء اللى اتهمونى من غير ما حد يعرف اى حاجه ... وعلى فكره انا شخص محترم ولو فعلا انت زيى ما بتقول انا نصاب يبقا كنت هكمل الموضوع تمام وهتلبس منى احلى خازوق ........ ماشى ..... وفعلا انا مش مسامحك وحسبى الله ونعم الوكيل فيك عشان تتهمم الناس بالباطل كده من غير محد اصلا يوجهلك كلام |
رد: انا اتنصب عليا و الله من شخص تافه
وبعدين انت بتحلف انك اتنصب عليك ...... اتنصب عليك فى ايه .؟؟؟؟ وعمال تحلف وحسست الناس انك فعلا اتنصب عليك ...... وبعدين يا اخى خلى عندك شوية ضمير دا حتى لما اتصلت بيا وقولتى انا وصلت كلمتك واعتذرتلك بشده ... يعنى حتى مسبتكش تتصل وخلاص .... انت فعلا انسان غريب وصدقنى عمرى ما هسامحك على الكذب والأفترا ء بتاعك ده ....... اتصلت بيك واعتزرتلك...... وطلبت غلق الموضوع .. هل كل ده برضوا وتتهمنى بالنصب ..... حسبى الله ونعم الوكيل صدقنى انا لو نصاب زبى ما انت بتقول كنت معبرتكش لما تتصل واسيبك ملطوع كده .... واسيب الموضوع شغال كمان عشان اجيب كام فريسه كمان .... فعلا منتدى غريب واحد يقول كلمه ويعمل قصه غريبه ومن غير ما نعرف الحقيقه نتهم ونغلط ونشتم ....... وولا نكون عارفين ايه اللى حصل ( اتصلت واعتذرتلك ودخلت وطلبت حذف الموضوع ) ليه كل الأتهامات دى ........ استغفر الله العظيم ...... والمهم ان انت محدش قربلك ولا اتهمت بحاجه فعلا شخص غريب .. وعملت موضوع من لا موضوع وكمان باقى الاعضاء دخلوا ولعوها .... وانا النصب اللى حصلى من ( المورد) مش منك ولا اصلا حد وجهلك اى اتهام .... صدقنى عمرى ما هسامحك وفعلا ربنا يوقعك فى واحد من اللى انت اتهمتنى انى زيهم ده عشان يعرفك فعلا ان الله حق ومترميش بلاويك على الناس لأن محدش خصك بأى شئ ولا اتهمك فى اى حاجه ولا وجهلك كلام من الاساس ... حسبى الله ونعم الوكيل واطلب من الادراه حذف موضوعى ..... وحذف الردود الغير لائقه اللى باقى الأعضاء الموقرين ( المغيبين اللى بيتكلموا من غير ميعروفا اى شئ ) اللى وجهت ليا ...... وحسبي الله ونعم الوكيل فيك انت واللى غلطوا فيا بدون وجه حق
|
رد: انا اتنصب عليا و الله من شخص تافه
معلش يا عبد الرحيم متزعلش (معرفة الرجال كنوز) واللى بيعمل كده من أتباع وديع و تهامى وعلى العموم أنت راجل محترم فمتتوقعش أن كل الناس ذيك وأحمد ربنا انها جت على أد كده لأن باين أن كان فى دماغه حاجه تانيه يعملها معاك وأتردد فى اللحظة الأخيرة:(:(:(:(
|
رد: انا اتنصب عليا و الله من شخص تافه
الحمد لله انها جات على قد كدا والمفروض من الادارة انها تعمل حاجة فموضوع العروض الوهمية
يعنى مثلا ممنوع العروض تماما للى اقل من 100 مشاركة او اى حاجة زى كده للحد من النصب والعروض الوهمية والاشتغالات |
رد: انا اتنصب عليا و الله من شخص تافه
كمان كان فى دماغى حاجه وترددت فى اللحظه الأخيره ....... حسبى الله ونعم الوكيل فيك
|
رد: انا اتنصب عليا و الله من شخص تافه
الاخوه الافاضل الاعلانات التجاريه المدفوعه ستقطع الطريق على اى عروض وهميه وبعدها تضمن الاداره المصداقيه
ادارة المنتدى |
رد: انا اتنصب عليا و الله من شخص تافه
اقتباس:
شكر خاص للسيد المشرف العام على أتخاذه الأجراءات اللازمه لوقف عمليات الغش والخداع التجارى |
رد: انا اتنصب عليا و الله من شخص تافه
ربنا يكون في عونك ويرزقك ومعلش فيه برده ناس كويسه برده
|
رد: انا اتنصب عليا و الله من شخص تافه
ارجو من الادارة الموقرة المحترمة معرفة ايبي الاستاذ الفاضل ) top ( واعطاء الايبي باند حتي لا يقدر ان يسجل في المنتدي باسم اخر
علشان محدش يقع في الخطا دا تاني لان الناس مش فاضية اصلا علشان الاستاذ يروح من الجيزة لحد مدينة نصر المنصة وفي الاخر يطلع حوار دا حرام بجد شكرا |
رد: انا اتنصب عليا و الله من شخص تافه
[QUOTE=~__e__~;241573]ارجو من الادارة الموقرة المحترمة معرفة ايبي الاستاذ الفاضل ) top ( واعطاء الايبي باند حتي لا يقدر ان يسجل في المنتدي باسم اخر
علشان محدش يقع في الخطا دا تاني لان الناس مش فاضية اصلا علشان الاستاذ يروح من الجيزة لحد مدينة نصر المنصة وفي الاخر يطلع حوار دا حرام بجد شكرا[/QUOTE صحيح انك فعلا انسان منافق كل ده عشان منزلتلكش فيها غير 10 جنيه ..... اعوذو بالله |
رد: انا اتنصب عليا و الله من شخص تافه
نرجو الالتزام باداب الحوار من الطرفين وواضح جدا ان الخطأ عند الاستاذ توب ولكنه غير مقصود وقد اعتذر عنه
ارجو من حضرتك يا استاذ توب ماتبيعش حاجه الا لو كانت فى ايد حضرتك عشان مايحصلش الموقف ده تانى وربنا يوفقكم انتم الاثنان الى ما يحب ويرضى دائما |
رد: انا اتنصب عليا و الله من شخص تافه
هوا دا كلام الناس العاقلين مش المنافقين والمطيبتيه والله انك راجل محترم
|
رد: انا اتنصب عليا و الله من شخص تافه
اقتباس:
|
رد: انا اتنصب عليا و الله من شخص تافه
حصل خير اخوانى والموضوع جايز كان سوء تفاهم وان شاء الله حد يتعامل مع الاخ توب وهيغير النظرة اللى اتخذت عليه وربنا يسهل
|
رد: انا اتنصب عليا و الله من شخص تافه
حصل خير ياجماعه قدر الله ما شاء فعل
يمكن كدا خير |
رد: انا اتنصب عليا و الله من شخص تافه
اقتباس:
علي فكره اللي انت متعرفوش اني انا مرخص طبنجه 9 ملي حي لاني انا مدير حسابات في شركة والدي و لو كنت جيت و حاولت تفتشني في العربيه كنت هتشوف انت بقي الخازوق اللي انت بتقول عليه ههههههههههههههه بس هقوللك ايه نصاب بجح صحيح عادي بقي |
رد: انا اتنصب عليا و الله من شخص تافه
اقتباس:
شكراً علي ردك العظيم ده و خصوصاً لفظ (ولو فعلا انت زيى ما بتقول انا نصاب يبقا كنت هكمل الموضوع تمام وهتلبس منى احلى خازوق ) بص حضرتك ان من محافظة قنا من مركز دشنا من قبيلة هواره (عرباوي) يعني انا عمر مفيه حد عندنا في البلد و لا في الدنيا كلها عرف يقول لي الكلمه دي علي فكره اللي انت متعرفوش اني انا مرخص طبنجه 9 ملي حي لاني انا مدير حسابات في شركة والدي و لو كنت جيت و حاولت تفتشني في العربيه كنت هتشوف انت بقي الخازوق اللي انت بتقول عليه ههههههههههههههه بس هقوللك ايه نصاب بجح صحيح عادي بقي |
رد: انا اتنصب عليا و الله من شخص تافه
و بعدين انا احسن لي اموت و لا احلف و اقسم بالله كدب اللي بيكون كداب بيبقي شايف الناس كلها كدابه
|
رد: انا اتنصب عليا و الله من شخص تافه
و بعدين انا بقول كفايه بقي قلة ادب لحد كده لأن النتدي ده للصيد و التعارف علي الصيادين المحترمين مش علشان تصفية حسابات و ناس تشتم في بعضيها و الفاظ خارجه زي ما انت بتقول كده في الاقتباس
(ولو فعلا انت زيى ما بتقول انا نصاب يبقا كنت هكمل الموضوع تمام وهتلبس منى احلى خازوق ) ده اللي انت قولتهالي في الاقتباس بتاعك مش ده برده كان ردك عيب اوي بقي الصيد و الرمايه دي رياضه و الرياضه اخلاق مش شتايم وقله ادب و عدم وجود احترام انت دلوقتي هتقول لي طب ما انت اللي بدات هقول لك و الله انا عامل الموضوع ده مش قصدي اهينك و لا حاجه بس علشان مينفعش اقع انا في موضوع نصبه او حوار و منبهش اصحابي اللي في المنتدي و بعدين حضرتك لا تتعرض لنصب و لا حاجه من المورد انت اغلقت الموضوع علشان حاجه من اللي اتنين 1 يا امه كنت هتقول اني انا نصبت عليك و دي طبعا اغلب الناس اللي في المنتدي اللي عارفاني مكنتش هتصدقك خااااااااااااالص لانهم هما عارفين مين عبدالرحيم و اللي عنده و عند ابوه قد ايه الحمدلله علي النعمه اللي اعطاها الله لنا 2 يا امه اانت قولت اعمل كده علشان احسسه اني فعلا كنت صادق معاه لاخر لحظه و بعد كام يوم تعمل موضوع وهمي تاني و توقع فيه حد من الاعضاء تاني و تغلق الموضوع و تعمل الموضوع تاني و هكذا تقعد بقي تتسلي علينا و انت بتقول اني انا رميت بلايا عليك انا برمي بلايا علي الناس روح يا شيخ الله لا يسامحك انت فعلا و الله ابجح شخص شو فته في حياتي و في الاخر احب اقول لك او اعرفك معني (حسبي الله و نعم الوكيل) اولاً دي مش دعوه دي معناها يارب هات لي حقي من الظالم المفتري اللي ظلمني و نصب عليا او بمعني اخر بيقولها المظلوم وانا لو كنت ظالمك يبقي فعلا حسبي الله و نعم الوكيل فيا حسبي الله و نعم الوكيل |
رد: انا اتنصب عليا و الله من شخص تافه
المهم الحمد لله علي سلامتك أهم من كل شيء - تحياتي
|
رد: انا اتنصب عليا و الله من شخص تافه
لا حول ولا قوه الا بالله يا ريت الاداره تستبعد الناس دى من المنتدى
|
رد: انا اتنصب عليا و الله من شخص تافه
البريل مش بيأثر فى النوع ده
الصراصير يا باشا بيطلع لها مناعة ضد المبيدات والعيال السيس طلع لها مناعة ضد البريل مش عارف نعمل فيهم ايه تانى الله يحرقهم بوظو سمعتنا الحمد لله انها جت على اد كدة يا باشا |
Re: انا اتنصب عليا و الله من شخص تافه
ربنا يعوض عليك في وقتك والحمد لله انها جت على قد كدة
|
رد: انا اتنصب عليا و الله من شخص تافه
اقتباس:
|
رد: انا اتنصب عليا و الله من شخص تافه
أحسن حاجه أنك تدي مواعيد مع ناس قديمه وسنها كبير انا بصراحه لما بلاقي الي بيكلمني صوته شكله سنه صغير بقله تعلالي قدام البيت عشان وجع الدماغ والمشاوير
بس بصراحه في شباب سنهم صغي رومحترمين في المنتدي بعتله المطوه البك وجه في ساعتها وأشتراها وكان شب في ثانويه عامه أحسن حاجه شوف حد الناس أتعاملت معاه قبل كدا الواحد دلوقتي وقته ثمين ولو عنده وقت فراغ يدوبك بحياول يشوف نفسه ويعد يتيس ولا حاجه في البلكونه ولا يلعب بالبندقيه ولا أي حاجه الناس الي فاكره أن وقت الناس فاضي زيهم بصراحه حاجه بتبقا مقرفه جدا ربنا يهديه |
رد: انا اتنصب عليا و الله من شخص تافه
السلام عليكم ورحمة الله وبركاته انا اشتريت عدد 2 بندقية ( رمسيس + كرال ) فلما نويت اشترى فكرت فى الناس المحترمة الى ممكن اشترى منهم ولما كنت بشوف اعلان من حد كنت بحاول استفسر عنه ارجوا ان الناس الى هتشترى حاجة تحاول تستفسر عن التاجر حتى لا نقع فى المشاكل وربنا سيترها معانا ديما
|
رد: انا اتنصب عليا و الله من شخص تافه
جزاك الله خير على التوعية حقيقى المنتدا لم ناس موش ولاة بد
تحياتى خالدحامد |
رد: انا اتنصب عليا و الله من شخص تافه
اهو النهارده الصبح توب ده بيتكلم كلام جارح قوى على عضو شكله محترم وما شفناش منه حاجه لسه شوفو موضوع فى سوق السلاح النارى تحت عنوان الى جرب طبه مازنجر مش عارف هانعمل ايه فى الناس دى
|
| الساعة الآن 02:33 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir