الصيد فى مصر - جميع مشاكل الكرال ماجنم

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - جميع مشاكل الكرال ماجنم (http://www.egyhunt.net/showthread.php?t=18041)

جميع مشاكل الكرال ماجنم

السلام عليكم و رحمة الله و بركاته

أحلي صباح علي أحلي صيادين بالمنتدي

انا من قيمة شهرين و نص ولا 3 شهور كدا

اشتريت بندقية كرال ماجنم 5.5 من عند أ / شريف أبوضيف

من محل بوندي فرع شبرا

و المحل معاملته كويسة جدا و الله و ناس غاية في الاحترام

المهم البندقية رائعة جدا

والله من أحلي البنادق بالنسبة لتمنها

لكن فيها بعض العيوب كباقي البنادق الهوائية

انا هكتب العيوب التي واجهتني معها

و أرجو من الخبراء الرد علي

بسبب العيوب و كيفية حلها

لان انا بصراحة معنديش خبرة في صيانة البنادق

و أرجووووو من أي عضو عنده بندقية كرال يكتب كل المشاكل التي واجهته معها

علشان نقدر نجمع مشاكل الكرال و كيفية التعامل معها

نبدأ بسم الله

المشكلة الأولي

أظن دي سببها السوستة

لما باجي أعمر البندقية ( أكسرها )

التكة اللي في الآخر دي مبتجيش من أول مرة

يعني مبتتعمرش من أول شدة كدا لازم بعد شدتين تلاتة عشان تتعمر

دي سببها ايه و ازاي أصلحها

المشكلة الثانية

الناشنكاه

السوستة بتاعته بتضرب كدا كل كام يوم

و بحتاج افكها و اركب المسمار من جديد

و بحتاج اظبط النشان من جديد و دي مشكله مجنناني

ايه سببها و ازاي اصلحها

المشكلة التالتة

الدبشك متلخلخ كدا من الجزء الحديد

من ثابت و لما واحد ربطهالي

كام يوم كدا و رجعت زي ما كانت

و المشكلة دي بسببها البندقية ساعات بتخلف نشان

و بيقولو غلط علي الفايبر

ازاي اصلحها بطريقة دائمة؟

المشكلة الرابعة

اللوك بتاع الماسورة بيفتح بسهولة

لدرجة اني لما بضرب الرشة الماسورة بتتفتح سنة بسيطة كدا

و المشكلة دي ظهرت بعد ما زييت البندقية بشكل واضح

دي المشاكل اللي اانا افتكرتها

ياريت بأة حد من الخبراء يرد عليا

و ياريت اي حد عنده كرال يكتب مشاكله

و شكرا لكم