الصيد فى مصر - سؤال فنى عاوز خبرة جامدة

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - سؤال فنى عاوز خبرة جامدة (http://www.egyhunt.net/showthread.php?t=17450)

إيزى موزو

11-10-25 09:59 PM

سؤال فنى عاوز خبرة جامدة

انا مرخص طبنجة 9 مللى و روحت عملت طلب إضافة و حصلت على ترخيص تانى
و جبت موافقه إسترادية من الأمانة العامة
السؤاااااااااااااااااال بقى :

هل ينفع استورد قطعتين بنفس الموافقة الإسترادية ؟
هو الجيش مش حيدينى موافقة إسترادية تانية
بس من باب المنطق كده
لما القانون بيدينى الحق فى ترخيص طبنجتين
و انا معايا موافقة إسترادية
ايه المانع انى استورد القطعتين من الخارج

hema777h

11-10-25 10:02 PM

رد: سؤال فنى عاوز خبرة جامدة

اسال محامي في الموضوع داا وهو هيفيديك اكتر مننا في الموضوع

فرج محمد

11-10-26 03:48 AM

رد: سؤال فنى عاوز خبرة جامدة

الاخ الفاضل ايزي موزو الاستيراد مرتبط حتما بضرورة الموافقة من الداخلية واذا كان ما تمت الموافقة عليه هو قطعة واحد ة اضافية فلا يجوز ان تستورد قطعتين لان الذي لديك هو اذن شراء واحد فقط والف مبرو ك علي القطعتين ونرجو الافادة عن سعر الحلوان 8 طلقات حاليا مستعمل

Zouki

11-10-26 05:05 AM

رد: سؤال فنى عاوز خبرة جامدة

سنة 1995 تم وقف تصاريح استيراد الطبنجات للتجار. و تم تحديد استيراد قطعتين لكل مواطن ينقسمان الى عدد ثانية طبنجة و عذ واحد بندقية خرطوش مدى الحياة و كل ده علشان مصنع حلوان الحربى كان هيقفل خط انتاج الحلوان لعدم قدرته على منافسته الطبنجات المستوردة فكانوا هيقفلو خط انتاجه لو مكانوش عملوا كده...و لكن البنادق الخرطوش. لسه الستيراد مفتوح للتجار عشان كده سعرها مش فى السماء زى الطبنجات

Zouki

11-10-26 05:07 AM

رد: سؤال فنى عاوز خبرة جامدة

معلش للتصحيح كل مواطن حاصل على تصريح شرا7 من حقه استيرا عدد 1 طبنجة و عدد 1 بندقية خرطوش

إيزى موزو

11-10-26 11:26 AM

رد: سؤال فنى عاوز خبرة جامدة

بالنسبة للأستاذ فرج : انا معايا تصريح شراء عن القطعة الإضافية و استطيع الحصول على تصريح شراء أخر عن القطعة الأولى المرخصه إذا عملت إستبدال
لكن انا عاوز أتاكد الأول انه يجوز لى الإستيراد على نفس الموافقة الإسترادية و بعدين أعمل استبدال و أخد التصريح و أمشى فى الإجراءات
بس انا التصريحين على طبنجتين 9 مللى و انا عاوز استورد الإتنين من الخارج يعنى لا انا معايا تصريح لخرطوش و لا انا عايز خرطوش اصلا
ياريت حد يفيدنا بالإجابة من ذوى الخبرة أو التجار اللى على الموقع
انا سمعت ان شريف أبو ضيف عضو فى المنتدى هنا
ياريت يفيدنا بالمعلومة و نكون شاكرين

Zouki

11-10-26 03:52 PM

رد: سؤال فنى عاوز خبرة جامدة

اقتباس:

المشاركة الأصلية كتبت بواسطة إيزى موزو (المشاركة 223763)

ا...ز.مينفعش تستورد اكتر من. طبنجة واحدة مدى الحياة

mosa_mody

11-10-26 05:25 PM

رد: سؤال فنى عاوز خبرة جامدة

السلام عليكم ..الموافقة تأتى بطبنجة واحدة وتأتى الموافقة بتحديد العدد وبالتوفيق وتقبل تحياتى

avokato

11-10-26 05:28 PM

رد: سؤال فنى عاوز خبرة جامدة

الموافقه بقطعه واحده وقلنا نوعها ايه وبكام من بره

ahmedsaid

11-10-27 09:50 PM

رد: سؤال فنى عاوز خبرة جامدة

انا رايي للاخ الكريم الحق واستورد قبل ضياع الوقت لان معلوماتي ان الاستيراد اصلا حيوقف اخر السنة وكمان عقبال متعمل استبدال وتصريح تاني الحق وخلص ونصيحتي استورد مسدس ب3 يعني حتة تعوضك لو بعتهاوتجيبلك مسدس تاني كويس وخلص كلة مع التاجر الي حيستوردلك:)

ahmedsaid

11-10-27 09:54 PM

رد: سؤال فنى عاوز خبرة جامدة

نسيت اقوللك انك ممكن تدفع كتير في الجمرك لان 2 غير1
:)

diaabendary

11-10-27 10:49 PM

رد: سؤال فنى عاوز خبرة جامدة

بتاخد اد ايه موافقة وزارة الدفاع على الاستيراد ؟ وهل بتحتاج واسطه ولا اجراءتها بتمشي عادي
ولو محتاجه واسطه تبقى في وزارة الدفاع ولا الامن العام

إيزى موزو

11-10-27 10:58 PM

رد: سؤال فنى عاوز خبرة جامدة

انا أخدت 5 شهور على ما أخدت موافقة وزارة الدفاع و من غير واسطة
اما او فيه واسطة فتبقى حد تقيل قوى فى الجيش

Compact

11-10-29 03:25 AM

رد: سؤال فنى عاوز خبرة جامدة

انا استوردت 9 طبنجات فى 20 سنة وكلهم قانونى, بس عمرى مجربت طبنجتين على الموافقة الواحدة ,و اسهل حاجة تسأل الامانة العامة لوزارة الدفاع

ابو عمر وحنين

11-10-29 02:10 PM

رد: سؤال فنى عاوز خبرة جامدة

ازاي الكلام ده

إيزى موزو

11-10-29 11:49 PM

رد: سؤال فنى عاوز خبرة جامدة

كومبكت :
الأمانة العامة للدفاع بتقول موافقة واحده فقط
و روح اسئل فى الأمن العام
و فى الأمن العام كله موظفين و كله بيفتى مش لاقى حد يجاوبنى و أطمن لإجابته
و ده سؤال مينفعش فيه فتى عشان لو بعت جبت حاجه و معرفتش ادخلها حلبسها
عاوز اوصل لحد من الى شغلهم فى الحاجات ديه يفهمنى ينفع ولا لأ
بس ازاى انت استورت 9 طبنجات عن طريقة موافقات إسترادية لناس تانية ؟؟؟؟؟

diaabendary

11-10-30 07:17 PM

رد: سؤال فنى عاوز خبرة جامدة

اقتباس:

المشاركة الأصلية كتبت بواسطة إيزى موزو (المشاركة 224774)

انا أخدت 5 شهور على ما أخدت موافقة وزارة الدفاع و من غير واسطة
اما او فيه واسطة فتبقى حد تقيل قوى فى الجيش

شكرا يا موزو على الرد
بس عملت ايه بعد خمس شهور وانت معاك 6 شهور لترخيص السلاح خلص منهم خمسه
ولا كان نمعاك سلاح مرخص وهتمعل استبدال لما تستورد
ارجوا الرد

Compact

11-11-01 01:12 AM

رد: سؤال فنى عاوز خبرة جامدة

اقتباس:

المشاركة الأصلية كتبت بواسطة إيزى موزو (المشاركة 225544)

عشان الاستيراد بصفة مدنية غير الاستيراد بصفة عسكرية او دبلوماسيه

إيزى موزو

11-11-01 09:23 PM

رد: سؤال فنى عاوز خبرة جامدة

اقتباس:

المشاركة الأصلية كتبت بواسطة diaabendary (المشاركة 225990)

بص ياسيدى انا عملت إيه :
أول ما أخدت التصريح تانى يوم روحت قدمت على الموافقة الإسترادية
مكنتش اعرف انها حاطول كده
ولما المدة الأولى خلصت روحت جددتها
و لما أخدت الموافقة الإسترادية لقيت باقى شهر واحد بس
و خفت أروح أستورد مستحيل يجى السلاح فى شهر واحد بس
روحت شارى طبنجة و عملت طلب إضافة تانى يوم
و أول ما أخدت الترخيص روحت و اخد عليه كل الأختام فى يومين و ترجمت فى يومين كمان
و خلال إسبوع بعت الورق أمريكا وربنا يسهل

diaabendary

11-11-01 10:46 PM

رد: سؤال فنى عاوز خبرة جامدة

معلش يا موزو باشا أنا وقعت منك في الاخر
طلب الاضافه للطبنجه اللي اشترتها ولا ده طلب لحته تانيه. وايه اللي دخل الأختام والرخصه في الاستيراد ياريت توضحلي اكثر
شكرًا مقدما

كفافى1

11-11-01 11:22 PM

رد: سؤال فنى عاوز خبرة جامدة

الموافقة الاستيرادية للسلاح تكون لقطعة واحدة فقط ومرة واحدة طول العمر
وتقبل مرورى
تحياتى

الساعة الآن 07:03 PM