ادخلو شوفو مقتنياتى انا كمان مليش دعوة
 

حد منكم ممكن يقولى ‏(‏(‏(مقتنيات))) ايه يابو ‏(‏(‏(مقتنيات)))

دا انته محيلتكش غير رمسيس يتيمه و بيعتها قطع غيار كمان

اقوله لاااااااااا اقف عندك انا ان شاء الله ناوى اجيب بام ‏(بس اما تبقى ب 1000 كده ولا حاجه)
و بعدين الرك عالصياد
و بعدين البنادق غليت اوى و احنا لازم نترفع عن الحاجات البسيطه دى فى هوايتنا يعنى هوه لازم عشان الواحد يصطاد لازم يبقى عنده بندقيه

احنا نعتبر البندقيه دى من الكماليات و نطلع اى طلعه ايد ورا و ايد قدام و ربنا هيكرمنا اكيد

اصلى اعدت اقرا المواضيع القديمه لاعضاء المنتدى و لقيت ان كل شويه حد منهم يعرض مقتنياته
متفهمش بقى الناس دى بتغيظ الغلابه الى زى حالاتى ولا عاوزين يتحسدو ولا ايه


المهم

انا جيبتلكو (((المقتنيات))) و طبعا الى عاوز حاجه منها انا تحت امره و بالسعر الى عاوزه كمان
احنا لازم نساعد بعض بردو


1....السلاح الاساسى للصياد

و دى نبله انا الحمد لله قدرت اشتريها قبل ما يغلى تمنها
الواد سيد خلصهالى ب 2 جنيه و نص من ام نسمه كتر خيره
‏(بص تحت هتلاقيها)

2....السلاح الاضافى


مسدس جميل بلاستيك و مبيتكسرش و ده عشان بس يبقى اسمك مسكت حاجه من الى بتشوفها فى التلفزيون و تتعلم عليه النشان كمان يا سيدى يلا.....
‏(هتلاقيه تحت بردو و ربنا‏)

3....النظاره

دى عشان الشمس عشان تضمن ادق تصويبه و المنجهه و الروشنه بردو
(تحت بردو يا سيدى و الصور كلها تحت)


4....الزى الرسمى للصيد
و ده عشان التمويه و لو النبله مجابتش نتيجه مع اليمامه ممكن تخطف نفسك و تطير تجيبها


5....غطاء الراس
الحله دى بردو مفيده عشان ضربات الشمس و ممكن تحطلها بدره عفاريت و تبقى طاقيه الاخفا


6....شومه

دى لزوم الصياعه عشان محدش يرخم عليك و يعكنن عليك الطلعه البهيه بتاعتك
و بتنفع على فكره الشومه دى جدا
افرض مثلا قابلت واحد زى ده كده تديله بيها على دماغه بس ابقى شيل العمه من دماغه عشان تلبس صح
و لو انته بقى واد مجرم ممكن تعمل بيها كده زى نور الشريف


7....المناديل

ايه ده سورى يا جماعه دى انا صورتها بالغلط
بس و ماله اهى تنفع بردو من ضمن ‏(‏(‏(مقتنياتى)))
تمسح بيها عرقك و تروق نفسك



يا جماعه طبعا الكلام ده كله مع احترامى الشديد و الله لكل الاعضاء الى على راسى من فوق الى عرضو مقتنياتهم
و ده للهزار مش اكتر
اوعى حد يزعل منى
معلش انا معرفتش احط صوره كل حاجه تحتها

Re: ادخلو شوفو مقتنياتى انا كمان مليش دعوة
 

و ادي اخرت غلاء الاسعار الراجل اتصدم حسبي الله و نعم الوكيل في جشع التجار:eek:

رد: ادخلو شوفو مقتنياتى انا كمان مليش دعوة
 

هههههههههههههههه اه و الله

رد: ادخلو شوفو مقتنياتى انا كمان مليش دعوة
 

تصدقوا وتؤمنوا بالله أنا والله العظيم إشتريت مسدس خرز من حارة اليهود ب12 جنيه وكان عندي مسدس ساقية 6 مللي وبيعته

رد: ادخلو شوفو مقتنياتى انا كمان مليش دعوة
 

هههههههههه_حلوة جدا_ربنا يزيد ويبارك فى مقتنياتك انتة نسيت تصور تشط الغسيل لية ؟؟؟ خايف علية من العين؟

رد: ادخلو شوفو مقتنياتى انا كمان مليش دعوة
 

مجموعه رائعه يا احمد وربنا يباركلك فيها ولوتعرف تجيبلى نبله واديك 5 جنيه تبقا عملت معايا واجب النى عايز امشى بسلاح شخصى مايكونش ممنوع قانونا بس عايزها عيار دبشه65

رد: ادخلو شوفو مقتنياتى انا كمان مليش دعوة
 

لا يا باشا المناديل دي عشان تمسح الدم اللي طرطش عليك من البني ادمين اللي جثثهم مرميين في كل حتة .. بس موضوع حلو و تقبل تحياتي

رد: ادخلو شوفو مقتنياتى انا كمان مليش دعوة
 

ههههههههههههههههه
تسلم ايديك موضوع رائع

رد: ادخلو شوفو مقتنياتى انا كمان مليش دعوة
 

حاجات جمده بجد هههههههههه ربنا يكفيك شرها

رد: ادخلو شوفو مقتنياتى انا كمان مليش دعوة
 

هههههههههههههههه

رد: ادخلو شوفو مقتنياتى انا كمان مليش دعوة
 

ههههههههههههههههههههههههههه

رد: ادخلو شوفو مقتنياتى انا كمان مليش دعوة
 

هههههههههه حلوة جدا