الصيد فى مصر - عاوز اعرف راى الخبراء

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - عاوز اعرف راى الخبراء (http://www.egyhunt.net/showthread.php?t=16629)

mohamad

11-10-05 02:06 AM

عاوز اعرف راى الخبراء

ايهما افضل فى ضرب البلى الايكول فولجا ام الايكول ماجور وسعرهم جديد وعند مين يكون عنده الحاجه نظيفه فى الفنيشنج بتاعها

old hunter

11-10-05 02:22 AM

رد: عاوز اعرف راى الخبراء

الفولجا من احسن المسدسات الي بتضرب بلي ده بشهده الجميع ومش محتاج طبه بيضرب نمره 3 اتومتك بس يسلام لو وسعت الماسوره علي مقاس البليه نمره 4 اعتبر نفسك معاك مسدس حي من غير مبالغه والله البليه نمره اربعه مدمره يمكن اقوي من الحيه كمان

TITODJ

11-10-05 02:29 AM

رد: عاوز اعرف راى الخبراء

حبيبى محمد انا كنت متوقع انك اتنزل موضوع تشوف انهو الاحسن والاقوى هههههههههههههه بس جدع تمام هوة دة الصح وابقى ابعتلى اميلك على الخاص ومتسمعشى كلام حد ولما تجيب مسدس انشاء اللة ومتلعبشى فى الماسورة والكلام الاهبل دة لان اى لعب فى الماسورة بيعرضك للخطر وبيعرض المسدس للخراب وانت شايف الاخ ديزل ومشكلتو لعب فى الماسورة والمسدس باظ خالص واللى يقول ان البلية نمرة اربعة اقوى من الحلى يبقى مش بيفهم اى حاجة بيفدى وخلاص وعايز يودى الاعضاء فى داهية وربنا يهدى ولما تجيب مسدس ابقى قولنا جبت مسدس اية وبكام ونوعو اية ونين وعامل معاك اية وربنا يوفقكك يارب

mohamad

11-10-05 02:33 AM

رد: عاوز اعرف راى الخبراء

ازيك استاذ تيتو مش انا قوتلك هسال وافكر وبعدين اشترى متشكر قوى على مروورك

old hunter

11-10-05 02:40 AM

رد: عاوز اعرف راى الخبراء

ليه بس قله الادب انا موجهتلكش كلام وبعدين ياستاذ انا وانا في ابتدائي كنت بلعب بالحي واتعلمت ضرب النار وانا في تانيه اعدادي وعندي بدل المسدس الحي اربعه وبعدين الكلام الي انا بقلهوله ده عن تجربه البليه قوه اختراقها اكبر من الرصاصه بسبب انها حديد اما الرصاصه في من الرصاص المغلف بنحاس ولما بتصطدم بمكان صلب بتتطبق طبعا بترد كون انها تتطبق ده بيقلل من قوتها في التاثير لان البور معظمه راح في التطبيق اما البليه مستحيل تتطبق وانا بقول قوتها في الاختراق احسن طبعا في المسفات الصغيره لانها مفهاش سبات الطلقه الي بتخرج بتلف فبتوصل الي ابعد اما البليه مدها بعيد برده بس تاثيره بيضعف جدا في المدي البعيد لان الطلقه لما تكون بتلق ده بيديها قوه اختراق عاليه وانا قصدي من الموضوع ان البليه نمره اربعه قويه بس مش اكتر وده تشبيه او استعاره مكنيه ومحدش يفهم غلط انا دوران الطلقه هو الي يخلي مدها اكبر عشان من كلامي تتفهم كده انا حبيت اوضح بس

mohamad

11-10-05 02:41 AM

رد: عاوز اعرف راى الخبراء

انا عاوز اقوللك حاجه يا استاذ تيتو ومتزعلشى منى انا بقولها بعشم انتى ليه بتدخل فى اى عضو فى المنتدى شمال على طول ومبتصبرشى على حد مع انى قابلتك ولقيتك محترم جدا

mohamad

11-10-05 02:43 AM

رد: عاوز اعرف راى الخبراء

معلشى يا استاذ اولد هانتر هوا ميقصدشى

old hunter

11-10-05 02:47 AM

رد: عاوز اعرف راى الخبراء

ولا يهمك يباشا كلنا اخوات

pooforever_2010

11-10-05 02:49 AM

رد: عاوز اعرف راى الخبراء

اقتباس:

المشاركة الأصلية كتبت بواسطة mohamad (المشاركة 212080)

++++++++++++++++++++++++1
ربنا يجازيك خير على شهاده الحق
فعلا تيتو ليه ردود كتير هجوميه

pooforever_2010

11-10-05 02:50 AM

رد: عاوز اعرف راى الخبراء

اقتباس:

المشاركة الأصلية كتبت بواسطة mohamad (المشاركة 212081)

معلشى يا استاذ اولد هانتر هوا ميقصدشى

حقك عليا انا كما ن يا باشا

mohamad

11-10-05 02:53 AM

رد: عاوز اعرف راى الخبراء

ربنا يخليك يا استاذ pooforeverبس هوا اكيد هيتقبل النصيحه من اخوه فى الله

TITODJ

11-10-05 02:56 AM

رد: عاوز اعرف راى الخبراء

اقتباس:

المشاركة الأصلية كتبت بواسطة old hunter (المشاركة 212079)

واللة حضرتك انا مش وجهت ليك كلام علشان تقول لفظ قلة الادب دى انا بفيد العضو بحجات لازم يخلى بالو منها علشان جديد وانا مالى بالكلام اللى انت بتقولو دة من حضانة ولا من ابتدائى وارجو من الادارة اتخاز الازم لان هوة كدة زودها اوووووى ودى تالت مرة يغلط فيها وانا مستنى قرار الادارة المحترمة لانى بحترم قوانين المنتددى لانى محترم وبعتلى رسايل خاصة الان يوجد بها الفاظ خارجة جدااااااااا وغلط بالاهل وسب بالدين ومستعد اثبت كلامى والرسايل لسة موجودة عندى لان المرة الجاية من بعد قرار حضرتكم الادارة المحترمة انا اللى اتصرف معاة

pooforever_2010

11-10-05 02:59 AM

رد: عاوز اعرف راى الخبراء

اقتباس:

المشاركة الأصلية كتبت بواسطة mohamad (المشاركة 212091)

ربنا يخليك يا استاذ pooforeverبس هوا اكيد هيتقبل النصيحه من اخوه فى الله

ان شاء الله
ربنا يهدي الجميع
اخى الكريم

old hunter

11-10-05 03:01 AM

رد: عاوز اعرف راى الخبراء

اقتباس:

المشاركة الأصلية كتبت بواسطة pooforever_2010 (المشاركة 212087)

حقك عليا انا كما ن يا باشا

يباشا ولا يهمك وكفايه زوقك بس يخلي الوحد ينسي اي حاجه انا عارف ان بيهاجم الكل مش انا بس عمه مش مهمالمهم انه خلاني اتكلم مع واحد محترم زيك حتي لو عن طريق التعليقات واتمني اني اتعرف علي حضرتك وشكرا

pooforever_2010

11-10-05 03:01 AM

رد: عاوز اعرف راى الخبراء

اقتباس:

المشاركة الأصلية كتبت بواسطة titodj (المشاركة 212092)

يا باشا احنا منعرفش اللى على الخاص ده بينكم وربنا اعلم بيه
بس اللى حصل قصادنا على العام
حضرتك غلطان فيه لانك بدأت بالغلط اولا
يا ريت تتقبل كلامى
وشكرا

pooforever_2010

11-10-05 03:02 AM

رد: عاوز اعرف راى الخبراء

اقتباس:

المشاركة الأصلية كتبت بواسطة old hunter (المشاركة 212096)

والله الشرف ليا يا باشا
وصدقنى لو جت فرصه والله لاسافر لحضرتك واتشرف بمعرفتك
تحياتى

TITODJ

11-10-05 03:02 AM

رد: عاوز اعرف راى الخبراء

اقتباس:

المشاركة الأصلية كتبت بواسطة old hunter (المشاركة 212079)

pooforever_2010

11-10-05 03:04 AM

رد: عاوز اعرف راى الخبراء

اقتباس:

المشاركة الأصلية كتبت بواسطة titodj (المشاركة 212099)

لا تعليق
انا مش شايف لزمه لاعاده الكلام
ومتزعلش منى انت حتى نكدت على صاحبك اللى عاوز يشترى المسدس وسكته
وكمان زمان ابو سيف زعل منكم
صلى على النبى واهدا بقى
تحياتى يا باشا

old hunter

11-10-05 03:05 AM

رد: عاوز اعرف راى الخبراء

اقتباس:

المشاركة الأصلية كتبت بواسطة pooforever_2010 (المشاركة 212098)

والله الشرف ليا يا باشا
وصدقنى لو جت فرصه والله لاسافر لحضرتك واتشرف بمعرفتك
تحياتى

تنور المحله يباشا ويزدني شرف اني اتعرف بحضرتك

pooforever_2010

11-10-05 03:07 AM

رد: عاوز اعرف راى الخبراء

اقتباس:

المشاركة الأصلية كتبت بواسطة old hunter (المشاركة 212102)

تنور المحله يباشا ويزدني شرف اني اتعرف بحضرتك

والله منورة باهلها الطيبين
اهدوا بقى ده انتم بلديات
المفروض تعملوا حزب سوا وتقفولنا
ههههههههههههههههههههه

TITODJ

11-10-05 03:09 AM

رد: عاوز اعرف راى الخبراء

اقتباس:

المشاركة الأصلية كتبت بواسطة mohamad (المشاركة 212080)

على فكرة انا غلطان يا محمد لان هوة كان ايوديك وراء الشمس وبيقل كلام مش مظبوط وانا حبيت اوضلحك لاانك قابلتك ولقيتك لسة جديد وعايز تفهم الصح واحنا لسة نمخلصناش من مشكلة ديزل مع الكفافى من مشكلة اللعب فى الماسورة وانا كنت بنصحك مش اكتر من كدة وانا اهاجم علية لية هوة انا اعرفو وبيقولك وسع الماسورة وبتاع وطبعا الكل عارفو انو غلط فى غلط اللعب فى الماسورة وبيقول لو شرب بلية اربعة ايكون زى الحى يا جماعة الخير انا عايز اعرف حاجة الكلام دة يقولو واحد بيفهم بس انا عازرو لانو شكلو لسة جديد وشكلو مستعملشى مسدس حى او سمع صوت وانا بكرر يا محمد انا غلطان انى نصحتك وصدقنى انا احزف مشاركتى ومعدش انصح حد تانى علشان فى الاخر بطلع انا غلطان ولما قالى انت بتقول قلة ادب دة كويس مهو انت لو شوفت الرسايل اللى بعتهالى من نصف ساعة وبعتلى فيها رسايل خاصة فيها كلام مش كويس وسب بالدين وغلط فى الاهل تعرفو لو مكنشى غلط كنت صورت الرسايل دى وحطتها شوفتها فى الموضوع

pooforever_2010

11-10-05 03:13 AM

رد: عاوز اعرف راى الخبراء

اقتباس:

المشاركة الأصلية كتبت بواسطة titodj (المشاركة 212109)

يا باشا
الكمال لله وحده
ممكن معلومه غلط عند او عنده
مش ده المهم
المهم لغه الحوار
احنا اكترنا مشفش بعض بس بيتمنى يشوف بعض من حبنا فبعض
فاكيد مش عاوزين نزعل ونغلط فبعض عشان معلومه والاسم بنساعد اخ
اكيد اخونا ده زعل لانه حاسس انه السبب
ولو المعلومه الغلط من عندك او من عنده يبقى واجبك وواجبه انكم تنصحوا بعض
بما يرضى الله ولوجه الله
تحياتى

TITODJ

11-10-05 03:26 AM

رد: عاوز اعرف راى الخبراء

واللة من ردودكم شايف انكم اصحاب وبتجاملو بعض لانى مغلطش فى حد وبتتاسفلو على اساس انى غلط فية بجد طبعا الكلام دة كلو لا تعليق علية لانو مفهوم وباين كويس اوى وبعدين انا بنصح محمد لانى قابلتو اليوم فى محل فى طنطا وكان عايز يشترى مسدس فباين علية جديد المفروض ندية معلومة صح ونقولو اية المسدسات الكويسة مش نقولو من اولها تفتح الماسورة وتضرب بلية نمرة 4 وصوتها اقوى من الحى والكلام دة لو حضرتك pooforever_2010
يعجبك الكلام دة فانت حر واللهم انى بلغت

لان اللى خلانى اتكلم كدة من موضوع اخونا ديزل المسدس الى باظ بسبب اللعب فى الماسورة والفلوس اللى جاب بيها المسدس كان تحويشة عمرو فخسرها فلازم لما نشوف حد بيقول كلام غلط لعضو جديد عايز يفهم معلوات صحيحة لازم نرد ونقول الكلام اللى يستفيد بية مش وسع الماسورة واضرب بلية نمرة اربعة وصوتها اقوى من الحى والكلام الفارغ دة وانا مش ارد تانى واسيب الادارة تشوف الموضوع دة وتحكم عيا بنفسها وانا راضى بحكمها لان عارف انها محترمة وبتاعمل ربنا فى تعاملها

وبجد انا بندم وال مرة اندم انى نصحت الاستاز محمد صاحب الموضوع لانو هاجمنى وقالى انت غلطان علشان قولتلو الكلام الصحيح واتااسف للعضو اللى قالو الكلام الغلط وانا اول مرة اندم انى قدمت نصيحة لاحد لان اتقلبت ضدى دة حتى انا اتكلمت مع صاحبى محل الاسلحة بعد لما مشى وقولتلها دة من المنتددى لازم تعملى معاة الواجب وقالتلى ماشى انزلو 100 جنية من تمن المسدس ودة اول مرة تعملها مع حد دة جزاتى يعنى على العموم شكرا يا استاز محمد

old hunter

11-10-05 03:27 AM

رد: عاوز اعرف راى الخبراء

حصل خير يجماعه انا من نحيتي مفيش حاجه وبنسبه لموضوع رساله الشتيمه ايو انا فعلا شتمته لما بعتلي رساله بيهددني فيه وطبعا مفهمتش هو بيهدد علي اساس اه ده كل الي يعرفو عني النيك نيم بتاعي فطبعا لازم ارد وانا عامه مفيش من نحيتي حاجه لاني الحمدلله دماغي اكبر من كده عامه نصلي علي النبي ونشوف الاستاذ صاحب الموضوع عايزاه احسن كده زمانه زعل لما قلبنالو الموضوع بتاعه حلبه منقشه وتحياتي للجميع بما فيهم تيتو واسف علي الاطاله

pooforever_2010

11-10-05 03:33 AM

رد: عاوز اعرف راى الخبراء

اقتباس:

المشاركة الأصلية كتبت بواسطة titodj (المشاركة 212120)

يا فندم اولا اقسم بالله اللى اغلى منى ومنك
انى مش صاحب اى حد فالموضوع ده ( مع انه شرف انى اصاحب اى حد فالمنتدى )
ثانيا احنا مش بنهاجمك ولا حاجه بس حضرتك ردودك ناشفه شويه وبتزعل منك الناس مش اكتر
وده اللى بيخلينا نتكلم معاك لاانا اخوه فالله مش اكتر
والمنتدى قايم على النصيحه لوجه الله ومساعده الغير
وابقى امسك اعصابك شويه مش اكتر
ولازم نقول للاخ حقك علينا لان اللى شفنا ان حضرتك اللى غلط فيه انما والله انا لسه متشرفتش بمعرفتك ولا رؤيته
ولا بينى وبينه مصلحه
والله على ما اقول شهيد
يا ريت تصدقنى
وشكرا

mohamad

11-10-05 03:34 AM

رد: عاوز اعرف راى الخبراء

يا عم تيتو احنا كلنا اخوات وانا والله مبتكلمشى على المشاركه دى انا متابع المنتدى من زمان زى ماقولتللك انتى بس يمكن بتفهم الناس غلط يعنى انا قصدى بس تصبر عليهم وعموما دى نصيحه لوجه الله وطبعا كلنا فينا اغطاء وعيوب محدش منزه من الخطأ وطبعا شكرا على اهتمامك

old hunter

11-10-05 03:35 AM

رد: عاوز اعرف راى الخبراء

ياسيدي اسف انا غلطان اوعي تفتح المسدس وتضرب بيه بلي وبعدين علي فكره انا بقول اختراقه اعلي في المسفات القصيره وديه والله العظيم حقيقه وعن تجربه شخصيه والي عايز اثبات ممكن يجيلي وانا اجربله ديه واجربله التانيه وهو يحكم للامانه برده انا فتحت المسدس التونا مش الفولجا وعلي فكره هو فعلا صوته اعلي من الحي واسئل اي واحد بيفهم هيقولك الكلام ده لان ماسورته قصيره ثانيا صوت الحي بيبقا مكتوم عن المسدس الصوت بسسب ان المقذوف بيكتم جزء من الصوت وشكرا

pooforever_2010

11-10-05 03:36 AM

رد: عاوز اعرف راى الخبراء

اقتباس:

المشاركة الأصلية كتبت بواسطة old hunter (المشاركة 212122)

ليا عتاب اخى الكريم عليك ارجو ان تتقبله
لانى وقت فكده اول دخولى المنتدى
وغلط زيك كده بس مشتمتش حد بس كنت بثور شويه فحدود الادب
والحمد لله بعد كده كنت ببفهم غلطى والموضوع يخلص
عتابى بس على اخويا
انه ميغلطش ولا يشتم
يا عم اللى يغلط فيه
قله ربنا يسامحك عن ايمان وليس ضعف
تحياتى
وتفهم موقفى
وشكرا

pooforever_2010

11-10-05 03:37 AM

رد: عاوز اعرف راى الخبراء

خلاص بقى يا عم تيتو
الراجل اعتذر اهو
رد التحيه وخلص الموضوع بقى

mohamad

11-10-05 03:43 AM

رد: عاوز اعرف راى الخبراء

خلاص بقى ياعم تيتو متنكدشى علينا قبل ماننام صالح الراجل

pooforever_2010

11-10-05 03:54 AM

رد: عاوز اعرف راى الخبراء

رحت فين يا عم تيتو عاوزنا ننام زعلانين يعنى

TITODJ

11-10-05 04:04 AM

رد: عاوز اعرف راى الخبراء

واللة العظيم وتعب امى اللى تعبانة تلؤدى وبقالها اسبوغ فى اللعناية المركزة منا زعلان من اى حد خالص وانا مش بحب الاعتزار لااننا كلنا اخوت ومش محتاجة اعتزار ولو انا هاجمت شوية محدش يزعل منى لانى مضغوط جدا من تعب والددتى لانها فى حالة خطرة جدا وعايزكم تددعولها ان يعدى عليها بكرة علشان تستجيب للعلاج لان عندها جلطة فى المخ وربنا يستر وسامحونى انا مضغوط وحاسس ان الدنيا والبيت ملهوش طعم من غير والددتى انا قولتلكم الكلام دة وحبيت افتفت معاكم لانى كنت حابس وحسيت انى لو كنت نمت زعلان كدة ممكن مقومشى من النوم

pooforever_2010

11-10-05 04:08 AM

رد: عاوز اعرف راى الخبراء

اقتباس:

المشاركة الأصلية كتبت بواسطة titodj (المشاركة 212157)

الف مليون سلامه على الحاجه وان شاء الله تقوم بالسلامه وتبقى احسن منى ومنك كمان
ان شاء الله خير تفائل خير يا اخى
معلش كلنا بنمر بظروف بس ربك كبير وان شاء الله خير
تحياتى يا باشا لاستجابتك
بس من غير زعل
متشيلش فنفسك كده يا عم عشان متخسرش حد
وقبل كل ده عشان نفسك
تحياتى ومشكور انك فتحت قلبك
اخوك / محمد

TITODJ

11-10-05 04:20 AM

رد: عاوز اعرف راى الخبراء

واللة يا اخويا محمد حاسس انى ارتحت شوية واقدر انا شوية علشان اروحلها الصبح لانى حكيت لكم وفتفت شوية لانى كنت كاتم فى قلبى جامد وحابس فى دمى بس اعمل اية دى امى اغلى حاجة فى حياتى ومفيش غيرها معاية وشكرا لدعوتك الجميلة اللى ريحتنى نفسيا ويارب ما يحرمنا من بعض وتانى مرة متزعلوش منى لانى مضغوط جدااااااا ومستحمل حجات فوق اى بنى ادم وبحاول افك شوية علشان منمشى زعلان اقوم يحصلى حاجة بس مش عارف وربنا يستر ويعفى عم كل مريض يارب دة انا شفت هناك حالات استغفر اللة العظيم يارب دى دنيا تانية جوة يارررررررررب يعفى على الكل وشوفت بقى يا محمد قدرة ربنا ان يحصل تاتش ومشكلة بينا علشان نتعرف على بعض وتددعو لوالددنى واحكم معاكم وارتاح نفسيا قبل ما انم شوفت قدرة ربنا يا سبحان اللة ولا حبة الا بعد عداوة ووربنا ما يجبل عداوة يارب وانا مسحت كل الرسايل الخاصة عندى علشان نبدا صفحة جديدة جميلة مع بعض كلها حب ومودة واخوية

pooforever_2010

11-10-05 04:25 AM

رد: عاوز اعرف راى الخبراء

يا باشا مفيش اى حاجه والله
والله انت اخ وولدتك امنا طبعا
واكيد اى حد فينا لو فنفس الموقف كنت حتبقى معاه وان شاء الله تقمولك بالسلامه وتتطمنا عليها
وربنا يحفظهالك ويخليها يا رب
وقوم بقى ريح شويه يا باشا
تصبح على خير ان شاء الله
تحياتى

محمود امجد محمد

11-10-05 09:28 AM

رد: عاوز اعرف راى الخبراء

الف الف الف سلامه على الست الوالده يا استاذ تيتو ويارب يطمنك عليها ....... امين امين امين

محمود امجد محمد

11-10-05 09:45 AM

رد: عاوز اعرف راى الخبراء

يا ريت جميع الاخوه يقوموا بمسح كل التعليقات التى فيها تجاوز ...

وده اقل شىء نعمله ابتغاء مرضاة الله

tarekvb

11-10-05 10:04 AM

رد: عاوز اعرف راى الخبراء

ليه حصرت نفسك فى دول بس ؟

mohamad

11-10-05 12:33 PM

رد: عاوز اعرف راى الخبراء

عاوز حاجه حجمها صغير

الحضري

11-10-05 03:50 PM

رد: عاوز اعرف راى الخبراء

اقتباس:

المشاركة الأصلية كتبت بواسطة titodj (المشاركة 212157)

الف سلامه علي الست الوالده وربنا يشفيها ويعطيها طول العمر

محمود امجد محمد

11-10-05 03:58 PM

رد: عاوز اعرف راى الخبراء

اقتباس:

المشاركة الأصلية كتبت بواسطة mohamad (المشاركة 212258)

عاوز حاجه حجمها صغير

مسدس التونه مسدس صغير وعلى فكره ممتاز جدا وبيضرب بلى نمره 3 من غير طبه

مسدس ايكول ماجور مسدس ممتاز جدا لكن هايكون مقفول يعنى مش هايضرب بلى
الحاجه التانيه ان سعره مش هايقل عن 800 جنيه جديد

فيه عند مسدس الفولجا 9 ملى وده احسن من التونا وسعره من 600 الى 650 جديد
وهو تقريبا فى حجم التونا وبرضه بيضرب بلى نمره 3 بدون طبه
الفرق بينه وبين التونا انه 9 ملى والتونا 8 ملى

الساعة الآن 11:38 PM