الصيد فى مصر - رابط علي مصراوي يسيئ للمنتدي

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - رابط علي مصراوي يسيئ للمنتدي (http://www.egyhunt.net/showthread.php?t=16040)

S.S	11-09-23 11:40 AM

رابط علي مصراوي يسيئ للمنتدي

معرفش رأيكم بس بتهيألي الرابط ده حيسيئ للمنتدي أكثر منه دعايه
لانه مبين الموقع علي أنه لبيع الأسلحه البيضاء بس
معرفش مين اللي حطه بس بنهيالي حد من اللي عامل عروض علي أسلحه بيضاء

http://classifieds.masrawy.com/AdDet...0&CategoryID=8

sultan

11-09-23 11:52 AM

رد: رابط علي مصراوي يسيئ للمنتدي

ده واحد عايز يخرب المنتدى اكتر ما هوه مخروب وقاصد وعارف هوه بيعمل ايه بيلفت نظر الحكومه على المنتدى ميعرفش ان المنتدى اكيد متراقب من زمان

mazenger

11-09-23 12:04 PM

رد: رابط علي مصراوي يسيئ للمنتدي

شكرا للتنويه

محمد فودة

11-09-23 12:06 PM

رد: رابط علي مصراوي يسيئ للمنتدي

0176640455
دة تليفون المعلن وهو من حلوان يا ريت حد يكلمة يخلية يشيل الاعلان

gamopt80

11-09-23 12:31 PM

رد: رابط علي مصراوي يسيئ للمنتدي

حركة بايخه بصراحه

ahmedalim

11-09-23 08:33 PM

رد: رابط علي مصراوي يسيئ للمنتدي

حركة بايخه بصراحه

omar oz

11-09-23 08:55 PM

رد: رابط علي مصراوي يسيئ للمنتدي

يا رجاله الكل يدخل علي الاعلان ويعمل :

أبلغ عن الاعلان للمشرف

وعلم علي اي سبب يخلي الاعلان يتقفل .

za2r2lel

11-09-23 09:42 PM

رد: رابط علي مصراوي يسيئ للمنتدي

شوفتوا دى كمان يا نهار ابيض كده قه فى الخطوره على المنتدى

http://classifieds.masrawy.com/AdDet...2&CategoryID=8

ده تشويهه لان طريقة كتابة الاعلان طريقه خاطئه وترويج خاطئ المقصد من التشويه ليس الترويج للمنتدى

S.S	11-09-23 09:49 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة za2r2lel (المشاركة 205110)

بس ده عبيط شويه لأنه كاتب الموقع غلط :rolleyes:

Consul

11-09-23 09:53 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة za2r2lel (المشاركة 205110)

شوفتوا دى كمان يا نهار ابيض كده قه فى الخطوره على المنتدى

http://classifieds.masrawy.com/addet...2&categoryid=8

ده تشويهه لان طريقة كتابة الاعلان طريقه خاطئه وترويج خاطئ المقصد من التشويه ليس الترويج للمنتدى

بارك الله فيك أخي الحبيب...بالفعل أنا دحلت وأرسلت رسالة للمشرف بما يفيد أنه يسيئ لمنتدانا وفيه تحريض لأعمال منافية ومخالفة للقانون...وأرجو من الجميع أن يدخل ويرسل رسالة إعتراض للمشرف...خالص تحياتي...

Consul

11-09-23 09:58 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة s.s (المشاركة 204886)

بارك الله فيك أخي الحبيب...وتم إرسال رسالة للمشرف وأرجو من الجميع الدخول وإرسال رسالة للمشرف...خالص تحياتي...

adel152

11-09-23 10:02 PM

رد: رابط علي مصراوي يسيئ للمنتدي

صاحب الاعلان عضو فى المنتدى وبيبيع ويشترى اسلحة بيضاء من المنتدى وكل اللى عمله هو مجرد اعلان حقيقى للاسلحة البيضاء التى يتم بيعها وشرائها يوميا داخل المنتدى.
فين المشكلة؟

Sultan
مش الاعلان ده اللى حيلفت النظر للمنتدى وحضرتك عارف كويس ايه اللى حيلفت النظر للمنتدى.

محمد فودة
تفتكر لو حد كلمه حيشيل الاعلان؟

gamopt80 - ahmedalim
الاعلان عن المنتدى على منتدى أخر اللى بايخ ولا مضمون الاعلان؟

omar oz
عند البلاغ للمشرف لقفل الاعلان حنقول ايه اعلان كاذب؟

ياريت ياجماعة قبل ماتردوا على اسألتى تفكروا شوية فى اجابة السؤال وزى ماقلت لكم صاحب الاعلان عضو فى المنتدى.
تحياتى للجميع.

Consul

11-09-23 10:21 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة adel152 (المشاركة 205124)

صاحب الاعلان عضو فى المنتدى وبيبيع ويشترى اسلحة بيضاء من المنتدى وكل اللى عمله هو مجرد اعلان حقيقى للاسلحة البيضاء التى يتم بيعها وشرائها يوميا داخل المنتدى.
فين المشكلة؟

sultan
مش الاعلان ده اللى حيلفت النظر للمنتدى وحضرتك عارف كويس ايه اللى حيلفت النظر للمنتدى.

محمد فودة
تفتكر لو حد كلمه حيشيل الاعلان؟

gamopt80 - ahmedalim
الاعلان عن المنتدى على منتدى أخر اللى بايخ ولا مضمون الاعلان؟

omar oz
عند البلاغ للمشرف لقفل الاعلان حنقول ايه اعلان كاذب؟

ياريت ياجماعة قبل ماتردوا على اسألتى تفكروا شوية فى اجابة السؤال وزى ماقلت لكم صاحب الاعلان عضو فى المنتدى.
تحياتى للجميع.

بارك الله فيك أخي الحبيب...طبعا صاحب الإعلان حر يعلن في أي مكان على أي بضاعة وبالإسلوب إللي هوا عايزة...لكن بإسمه وبياناته هو الخاصة وعلى مسئوليته الشخصية...هذا المنتدى لنا جميعا وليس عنواب بريد إلكتروني لأي أحد يعبث به على مزاجه وعلى هواه...ويسيئ لنا جميعا...وأنا عن نفسي لو أعرفه وبيدي الأمر هألفت نظره وأحذره وأطالبه بتغيير إعلانه...ولو تكرر الموضوع مرة أخرى سأوقف عضويته لما قد يسبب لنا جميعا من ضرر وأذى بالغ...نحن لا نوافق ولا نشجع أي أعمال مخالفة للقانون أو خارجة على الذوق العام...كل إنسان مسئول عن أفعاله وتصرفاته ويتحمل تبعاتها ووزرها...لكن لا يورطنا معه كمنتدى وأعضاء في المنتدى في إعلانات ومشاكل وأعمال مخالفة يجرمها القانون...خالص تحياتي...

adel152

11-09-23 10:27 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة consul (المشاركة 205134)

اخى العزيز المحترم استاذى الاستاذ جمال
بعد التحية
للعلم اخر 3 مشاركات قبل مشاركتى كتبت اثناء كتابتى للرد. ردى على المشاركات التى فى بداية الموضوع.
طبعا مع حضرتك بالنسبة %100 بالنسبة للأعلان الثانى واستغلال موقع المنتدى كموقع خاص لشخص.
بالنسبة للمخالفات التى يجرمها القانون فى المنتدى فلا تعليق!
خالص تحياتى

أميجو

11-09-23 10:49 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة omar oz (المشاركة 205091)

يا رجاله الكل يدخل علي الاعلان ويعمل :

أبلغ عن الاعلان للمشرف

وعلم علي اي سبب يخلي الاعلان يتقفل .

تفكير إيجابى وقد إتبعت الفكرة وأبلغت المشرف
أصل الموضوع سخيف والحكاية مش ناقصة .
مش كفاية كل شويه غاره

gamopt80

11-09-23 10:56 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة adel152 (المشاركة 205124)

سيادة القنصل رد على حضرتك
والي قصدته ببايخ هو انه يعرض اعلان باسم الموقع, كان يقدر يعرض اعلانه بنفسه وببياناته الشخصيه!!, باي حق هو يعمل اعلان للمنتدى هنا؟معتقدش ان في حد من الادارة وكله انه يعلن باسم المنتدى
بنسبه لبيع الخناجر والاسلحه البيضاء بشكل عام انا مش شايف فيها حاجه ما دام في ايطار الاقتناء وفي حدود الناس المعروفين في المنتدى وعلى فكره لما بيكون عضو جديد مبتلاقيش حد بيبعله حجات زي كده,وكمان واعتقد ان اغلب الي بيحبوا يقتنوا الاسلحه البيضاء بتكون حجات غاليه جدا وانواع معروفه مش معقول ايل هيجيب خنجر ب200 و300 جنيه واكتر , هيبقى بلطجي !!

sadaany

11-09-23 11:04 PM

رد: رابط علي مصراوي يسيئ للمنتدي

ممكن كلنا ندخل على العلان وتعمل بلاغ بمشاركه مسيئه

adel152

11-09-23 11:16 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة gamopt80 (المشاركة 205150)

استاذ gamopt80
وانا رديت على سيادة القنصل.
لو الاعلان كان عن وجود بنادق رش بسعر مميز بدل الاسلحة البيضاء السيوف والمطاوى والخناجر كنا برده حنهاجم الموضوع لانه عرض اعلان فيه اسم الموقع؟

gamopt80

11-09-23 11:46 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة adel152 (المشاركة 205168)

انا عن نفسي شايف انه مش من حقه يعمل الاعلان حتى لو كان للبنادق او اين كانت السلعه.
والاسلحه البيضاء بشكل خاص لان معروف انها ممنوعه في القانون , احنا هنا بينا عارفين بتتباع ليه وفين ولمين لكن الي هيشوف الاعلان هناك هيفهم غلط ودا هيسبب للمنتدى مشاكل

adel152

11-09-23 11:50 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة gamopt80 (المشاركة 205192)

شكرا على رد حضرتك.
وفى النهاية الاختلاف فى الرأى لايفسد للود قضية.
خالص تحياتى

Consul

11-09-24 12:23 AM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة adel152 (المشاركة 205168)

بارك الله فيك أخي الحبيب...طبعا هيا هيا ونفس الموضوع...لأن الأصل حتى في الإعلان على منتدانا الحبيب بيكون بإسم وبيانات صاحب الموضوع وعلى مسئوليته الشخصية...وليس بإسم المنتدى...المنتدى لا يبيع ولا يشتري وليس طرفا في أي صفقة تتم...وعلى المشترى أيضا مسئولية أن يتأكد مما يشتريه ومناسبة سعره...ويعاينه جيدا المعاينة النافية للجهالة حتى لا يشتري سمك في الماء ويتعرض للنصب والإحتيال...المنتدى ينحصر دوره فقط في أنه يوفر الأرضية الخصبة كخدمة لأعضائه ومجال للتعارف وتبادل المعلومات والخبرات والتجارب وممارسة هواية الصيد فيما بينهم...المنتدى إطار عام يجمعنا كلنا ولا يحق لأي أحد أن يحتكره لحسابه ويعتبره دكانه الخاص...من يريد أن يبيع أو يشتري له مطلق الحرية ( فيما لا يخالف القانون والعرف والذوق العام ) ولكن ببياناته هو وعلى مسئوليته الشخصية...أعذروني حبايب قلبي أرجو ألا يطول الموضوع ويأخذ أكبر من حجمه...هذا من الأمور المسلم بها ويعتبر بروتوكول عام وإتفاق وإلتزام أدبي غير مكتوب وغير مرئي بين الأعضاء بعضهم وبعض والمنتدى والمفروض أن الكل يعرفه ويلتزم به...خالص تحياتي وتقديري وإحترامي لإخواني وأبنائي الأعزاء...

ahmedmh_ali

11-09-24 12:49 AM

رد: رابط علي مصراوي يسيئ للمنتدي

+++++++++++++++++++++1

يهاء	11-09-24 12:51 AM

رد: رابط علي مصراوي يسيئ للمنتدي

بسم الله اللهم اهدى الحال الدنيا الى زوال نتوسل اليك ياربى راحة البال والبعد عن القيل والقال اللهم اهدنا جميعا واجعلى نصيب من هداك ياالله

marwan

11-09-24 12:51 AM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة ahmedmh_ali (المشاركة 205211)

+++++++++++++++++++++1

نفسي اعرف معني الكلمه دي ممكن تقولي

adel152

11-09-24 01:34 AM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة consul (المشاركة 205202)

اخى العزيز
حضرتك وفرت عليا كلام كتير وياريت باقى الاعضاء يقرءوا رد حضرتك الذى يفيد عدم مسؤلية المنتدى من اى سلعة تعرض للبيع والشراء.
اما فيما يخص وده كلام حضرتك (من يريد أن يبيع أو يشتري له مطلق الحرية ( فيما لا يخالف القانون والعرف والذوق العام ) ولكن ببياناته هو وعلى مسئوليته الشخصية)هل عرض بيع المطاوى والخناجر والسيوف والطلقات الحية اصبح مقنن فى مصر؟ وهل جميع الاعضاء على علم بالمسؤلية القانونية المحددة فى اول شرط من شروط الكتابة فى قسم السوق وهى:
1- قبل ان تقوم بكتابه اي موضوع فى هذا القسم تاكد من انك تتحمل المسئوليه القانونيه بمفردك اذا كنت تبيع ماهو مخالف لقوانين جمهورية مصر العربيه .. يجب على العضو الرجوع للقانون للاطلاع على المنتجات المحظوره قانوناً .
اخى الفاضل يوجد فى هذا المنتدى الكثير من الاعضاء الذين هم فى عمر ابنائنا ويجب علينا توعيتهم والحفاظ عليهم.
لقد كتبت ما يمليه على ضميرى وهذا نابع من خوفى على كل عضو فى هذا المنتدى وانا على علم بان البعض سيتفهم كلامى والبعض الاخر سيرفضه وانهى هذا النقاش بقول واحد
اللهم بلغت اللهم فاشهد.

kiko_2015

11-09-24 01:48 AM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة sultan (المشاركة 204889)

كلامك مظبوط يا سلطان

sadaany

11-09-24 03:47 AM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة marwan (المشاركة 205217)

نفسي اعرف معني الكلمه دي ممكن تقولي

بعد اذن الاستاذ احمد معنى الرموز دى هيا الموافقه ودعم الرأى الذى يسبقها يعنى الاستاذ احمد بيأكد ويشارك سياده القنصل فيما قال

kurado

11-09-24 04:01 AM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة marwan (المشاركة 205217)

نفسي اعرف معني الكلمه دي ممكن تقولي

معناها انة مع الاجابة دى و يويدها مية فى المية او زى مبيقولك كدة عشرة على عشرة فهوة بيديها +1 يعنى نمرة واحد اجابة من الاخر يعنى :d

hema777h

11-09-24 04:54 AM

رد: رابط علي مصراوي يسيئ للمنتدي

انا بلغت عن الاعلان للمشرف وكل الاعضاء تخش تبلغ انو تحريض علي انشطة غير مشروعة

ahmadkader

11-09-24 09:35 AM

رد: رابط علي مصراوي يسيئ للمنتدي

تم الإبلاغ للمشرف تحت مسمى " محتوى الاعلان غير لائق أو يحرض على الأنشطة الغير مشروعة "

sayedlabib

11-09-24 09:51 AM

رد: رابط علي مصراوي يسيئ للمنتدي

1 مرفق

معلش انا مختلف مع اى عضو يقول ان المعلن من حقه يعمل اعلان براحته وهو مغلطش والغلط من المنتدى

اولا لو الراجل ده بيعمل اعلان لنفسه مش ممكن ابدا يحط اسم المنتدى اللى فيه اصلا تجار ممكن ينافسوه فى شغله

الحاجه التانية طريقة وضع الاعلان التانى سيئه جدا وصريحة جدا وللعلم الحمد لله مافيش فى المنتدى حد بيحول الصوت لحى ولو وجد موضوع بهذا الشكل الادارة لا تتردد فى انها تحذفه وده بيحصل فعلا

اما موضوع البلى فالموقع برئ منه كما اكدت الادارة فى اكثر من مشاركة وموضوع يعنى اولا واخير الاخ اللى عمل الاعلان بيسئ لنفسه قبل اى شئ اخر

وارجو من ادارة المنتدى وضع موضوع مثبت بكل الاقسام بعنوان ان المنتدى غير مسئول عن اى منتج يعلن داخله من اى فرد

مثل مصراوى .

وان كان هناك مسائلة فيجب مسائلة ادارة مصراوى عن الموفقه على اعلان بهذا الخطورة وليس محاسبة المنتدى عن هذه الاساءة التى فعلها المعلن والواضح من اسمه انه مصطفى صاحب اعلان الشقة فى الصورة المرفقة والمقيم بحلوان كما نوه زميلى بالمنتدى

وده رابط فيه معلومات عنه برضه http://classifieds.masrawy.com/AdDet...x?AdID=1559027

تيتو المحلاوى

11-09-24 03:13 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة محمد فودة (المشاركة 204897)

0176640455
دة تليفون المعلن وهو من حلوان يا ريت حد يكلمة يخلية يشيل الاعلان

وحضرتك عرفتوه ازاى وعرفت رقمه كمان
ياريت حضرتك تكون متاكد لان ممكن حد يكلمه ويدخل فية شمال ع طول ويكون رقم غلط وتبقى حصل مشكلة اكتر مااتحلت

تيتو المحلاوى

11-09-24 03:16 PM

رد: رابط علي مصراوي يسيئ للمنتدي

انا خلاص عرفت جبت الرقم منين
ودةاميلةtataeg@yahoo.com
ودة رقمة 0176640455
هو حاططتهم ع اعلان لبيع بيت تبعة ع مصراوى برضة

تيتو المحلاوى

11-09-24 03:23 PM

رد: رابط علي مصراوي يسيئ للمنتدي

انا بعت رسالة للمشرف واظن ان كدة المفروض اكتر من بلاغ عن سوء الاعلان يبقى الاعلان يتحذف
ولالا لو الادارة ف مصراوى عايزة تساعدة فكدة

hema777h

11-09-24 03:40 PM

رد: رابط علي مصراوي يسيئ للمنتدي

انا اتصلت بية وهو هيحزف الاعلان يا جماعة هو بيقول ان مش هو الي كان عملو

Consul

11-09-24 06:44 PM

رد: رابط علي مصراوي يسيئ للمنتدي

اقتباس:

المشاركة الأصلية كتبت بواسطة hema777h (المشاركة 205532)

انا اتصلت بية وهو هيحزف الاعلان يا جماعة هو بيقول ان مش هو الي كان عملو

بارك الله فيك أخي الحبيب...أكثر الله من خيراتك ومشكور على مجهودك حبيب قلبي...بس الراجل ده بيقوللك كلام مش مظبوط...لا يملك التعديل في الإعلان سواء بالإضافة أو الحذف إلا من قام بكتابته أول مرة...لأن الأكونت ( الحساب ) بإسمه ولا يستطيع أن يدخل حسابه إلا بإسم المستخدم وكلمة المرور...فكيف بالله عليكم يقول إن مش هوا إللي كان عامله والآن يقول أنه هيحزف الإعلان...ولا إيه رأيكم؟!...وكما ترون في مشاركاتنا لا يملك التعديل سواء بالحذف أو الإضافة إلا كاتب المشاركة...إلا طبعا إذا كان المشرف أو أحدا من طاقم الإدارة المخول لهم الصلاحيات بالتعديل والحذف...خالص تحياتي...

hema777h

11-09-24 07:40 PM

رد: رابط علي مصراوي يسيئ للمنتدي

تم حزف الاعلان من علي الموقع

الساعة الآن 10:48 PM