الصيد فى مصر - اول ضحايا قانون الطوارئ

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - اول ضحايا قانون الطوارئ (http://www.egyhunt.net/showthread.php?t=15770)

kiko_2015

11-09-19 02:33 AM

اول ضحايا قانون الطوارئ

هذه الام..و ابنها الشاب اول ضحايا الطوارئ..

بعد ما الاحراز بتاعة قتل المتظاهرين طلعت دباديب و فيلم الباشا تلميذ

اقدملكم فيلم عودة الندل...حسني راجع اقسم بالله..ومصر هتفضل طول عمرها متأخره..وعمر ما بلدنا هتتحرك خطوه ادام..يعلم الله كم انا حزين علي بلدي.....خلينا نتفرج و خلاص..نعيش بنتفرج..ونموت بنتفرج

YouTube

YouTube

تيتو المحلاوى

11-09-19 02:43 AM

رد: اول ضحايا قانون الطوارئ

ربنا يستر علينا عشان كدة عملت موضوع هام لكل الاعضاء

لكى الله يامصر

jhoncarbntr

11-09-19 03:28 AM

رد: اول ضحايا قانون الطوارئ

الاخ كيكو بتقسم بالله ليه ان حسنى راجع موش حرام تقسم كدب ......
ثم الفيديو ده موش معروف مصدره وبيعرض وجهة نظر واحدة بس الأم المسكينة
اللى فعلا ابنها ممكن يكون مجرم او بلطجى الله اعلم
وكمان مقلناش ان الجيش او الشرطة الموجودة حاليا كلهم ملائكة والاخطاء واردة الحدوث

gamopt80

11-09-19 05:00 AM

رد: اول ضحايا قانون الطوارئ

اقتباس:

المشاركة الأصلية كتبت بواسطة jhoncarbntr (المشاركة 201945)

1++++++++++

قناص الظلم

11-09-19 05:30 AM

رد: اول ضحايا قانون الطوارئ

الشرطه ما زالت تتعامل بسياسه القبيله ويعز عليهم ما لاقوه من زل وهوان لزلك هم يريدون قمع هزا الشعب والجيش متواطىء معهم فى الخفاء لمصالحه الخاصه يا اخوانى الشرطه والجيش فى البلاد المتقدمه الديمقراطيه رواتبهم قليله جدا بالنسبه لغيرهم لان الجنديه شرف اما فى بلادنا فهى سلطه وقدنجحوا فى الفرقه بين افراد الشعب للاسف والان البلطجيه يخرجون من السجون ليقتلو المتظاهرين والثوار يتم حبسهم كبلطجيه

حسام	11-09-19 08:02 AM

رد: اول ضحايا قانون الطوارئ

يا عم كيكو الله يبارك فيك اقرأ الكلمتين دول
تفائلوا بالخير تجدوه
من قال هلك الناس فهو اهلكهم
انت تحب تبقى من اصحاب الأمل والهمة العالية اللى تهد جبال الحواجز ولا تحب تبقى من اللى بيشاركوا فى ان مصر تفضل طول عمرها متأخرة
يا أخى اذا كنت بتتفرج على اليوتيوب دور على العقيد ابراهيم بخيت وشوف رجالة الشرطة شكلهم ايه واذا مكنتش عارف البلطجية عملوا ايه فى البلد من غير قانون الطوارىء اعمل موضوع واطلب من الناس على منتدانا ان كل واحد يعرف حالات سرقة سيارات ومحلات يخش على الموضوع ويقولك علشان تعرف
متقوليش بقى انا ماليش دعوة بالكلام ده وانا ليا الفيلم حقولك الفيلم ده مش دليل على اى حاجة ومش داخل دماغى اصلا واذا كنت انت شخصيا عايز تعمل واحد انقح منه حتعمله و بعدين متحكمش على حاجة الا لما تحضرها وبعدين وزارة الداخلية اللى اتولع فيها دى ولعت لوحدها يعنى ولا ايه يا استاذ مترميش ودانك لأى كلام

kiko_2015

11-09-19 08:55 AM

رد: اول ضحايا قانون الطوارئ

وبالنسبه للدباديب و الافلام اللي لقوها في الاحراز في المحاكمه...ايه تعليقكم ؟؟

kiko_2015

11-09-19 08:57 AM

رد: اول ضحايا قانون الطوارئ

علي العموم علي رايكم...اسكت احسن...هوجع دماغي ليه

mzkader

11-09-19 10:05 AM

رد: اول ضحايا قانون الطوارئ

اقتباس:

المشاركة الأصلية كتبت بواسطة kiko_2015 (المشاركة 202023)

علي العموم علي رايكم...اسكت احسن...هوجع دماغي ليه

هو أنت لسه عايش

desperado2

11-09-19 10:16 AM

رد: اول ضحايا قانون الطوارئ

ربنا يعدى الازمة دى على خير ويحفظك يا مصر من كل اذى

msa_79

11-09-19 11:02 AM

رد: اول ضحايا قانون الطوارئ

ياجماعة حسني مش راجع لانه خلاص اصبح كارت محروق
اللي راجع يكمل دوره هما الاخوان المسلمين اللي بيخدعوا الناس بالكلام الامعسول وبيلعبو علي كل لون وعلي حسب الريح ما يودي الريح هما ماشيين معاه

قلة قليلة من الشعب ولكن منظمين جداااا هايسيطروا علي الاغلبية الغير منظمة والمشتته وساعتها كأنك يابو زيد ما غزيت

loot-ait

11-09-19 11:48 AM

رد: اول ضحايا قانون الطوارئ

اقتباس:

المشاركة الأصلية كتبت بواسطة jhoncarbntr (المشاركة 201945)

الله ينور على الكلام لاكن زى مقولت فى الأول فى ناس معينة منتشرة فى المنتديات الى فيها نسبة مشاهدة عالية و مشتركين كتير تقعد نبث اخبار زى الى الأخ كيكو كاتبها بدون اى سند او اثبات طب منا ممكن اقعد اعيط قدام كاميرا و اقول ان واحد ضابط ضربنى و بهدلنى.طب ايه الى يثبت؟؟!!!مفيش للأسف هو ده زمن "الرويبضة"

mzkader

11-09-19 12:15 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة msa_79 (المشاركة 202057)

صعب جدا نقارن حسنى بالأخوان و لكن لو الأخوان مش عجبينك من حقق تبدى رأيك و ماتنتخبهمش أنا عن نفسى مقتنع بيهم و هانتخبهم وتقبل تحياتى

mzkader

11-09-19 12:17 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة loot-ait (المشاركة 202076)

مع أحترامى لرأي حضرتك بس كيكو الــ هو أبو سيف راجل محترم جدا و بعيد كل البعد عن الرويبضة

loot-ait

11-09-19 12:53 PM

رد: اول ضحايا قانون الطوارئ

طب معلش حضرتك تفسر بأيه ان معظم المواضيع الى بيشترك بيها هى من نفس النوعية ديه الى بتحاول تقليب الرأى العام على الجيش و الشرطة؟؟؟ّّّّّ!!!!!!

mzkader

11-09-19 01:49 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة loot-ait (المشاركة 202107)

و الله أنا مش متابع كل المواضيع ممكن حضرتك تبعتلى اللينكات بتاعت المواضيع ده بس صدقنى أنا أعرف الراجل ده و الله محترم و طيب جدا

ابو مروان

11-09-19 02:14 PM

رد: اول ضحايا قانون الطوارئ

دباديب اية يا محترم دى متركبة اوعى تكون صدقت ان الاحراز فيها دباديب_هههههههه

kiko_2015

11-09-19 03:30 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة loot-ait (المشاركة 202076)

حضرتك بتقول اني بجيب حاجات من غير دليل....طيب..وانت ايه دليلك علي انك تقول اني انا من ناس منتشره ف المنتديات و مش عارف ايه ؟؟ مش كلامك بردو من غير دليل ولا ايه؟؟

علي العموم الكاميرا دي هي اللي بتخليك تعرف ايه اللي بيدور حوليك..لو انت مش مقتنع بوسائل الاعلام خلاص متتفرجش انت حر

يا جماعه ياريت النقاش يبقي ف حدود الادب والا اطلب غلق الموضوع..
عمرنا ما اتعلمنا نتناقش بحريه و نسمع رأي الغير..لازم التعصب يطغي

kiko_2015

11-09-19 03:33 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة loot-ait (المشاركة 202076)

وبعدين ناس ايه اللي مشتركه ف المنتديات اللي فيها نسبة مشاهده..انت محسسني ان انا من الفلول ..
انت اصلا يعتبر معندكش مشاركات..شوف تاريخ اشتراكي امتي و اسأل علي محمد ابو سيف

kiko_2015

11-09-19 03:35 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة mzkader (المشاركة 202158)

يا عم محمد الله يباركلك..سيبك سيبك متشتغلش دماغك..اولا انا حر اعمل المواضيع اللي انا عايزها وقت ما انا عاوز..بدام في حدود الادب...متضيعش وقتك مع حد في كلام يابو حميد

kiko_2015

11-09-19 03:40 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة jhoncarbntr (المشاركة 201945)

حضرتك بتقول ان قسم حسني راجع حرام عشان قسم كدب؟؟
اولا انا مقولتش حسني راجع رئيس جمهوريه
المقصود هنا ان عصر حسني راجع..ومفيش حاجه هتتغير الا الاسماء

زي مثلا لما تقول الاسلام راجع..معنا ها ان عصر مجد الاسلام راجع..كده يعني

بالنسبه للمحاكمات العسكريه للمدنيين انا غلطان..مفيش محاكمات عسكريه للمدنيين ولا حاجه و الدنيا زي الفل

kiko_2015

11-09-19 03:44 PM

رد: اول ضحايا قانون الطوارئ

http://www.akhbarak.net/articleview.php?id=2777094

mzkader

11-09-19 03:58 PM

رد: اول ضحايا قانون الطوارئ

[QUOTE=kiko_2015;202245]يا عم محمد الله يباركلك..سيبك سيبك متشتغلش دماغك..اولا انا حر اعمل المواضيع اللي انا عايزها وقت ما انا عاوز..بدام في حدود الادب...متضيعش وقتك مع حد في كلام يابو حميد[/QUOTE
و الله يا ابو سيف أنا كنت برد غيبتك مش أكثر عشان أنا عارفك كويس و بينا عيش و ملح بس الناس فهمتك غلط و ده وارد أنو يحصل زى كده لما أنا يبقى رأى فى حد سلبى و أكلمك عنه فا أنت تقولى لا و الله الراجل ده محترم فا عشان أنا عارفك ممكن أغير رأيى فيه على العموم مش عيزين الموضوع يروح لسكة فيها شد و جذب و كلنا أخوات وياريت نشيل الحدة من أسلوبنا مع بعض و كل واحد حر فى رأيه مادام فى حدود اللياقة و وحدوا الله يا رجالة :)

msa_79

11-09-19 04:22 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة mzkader (المشاركة 202089)

للاسف هما منظمين جداااا وبوقل للاسف لانهم مستخبيين ورا عباءة الدين مع انهم تقريبا تنازلو عن كل حاجه في الدين غير الاسم

mzkader

11-09-19 04:31 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة msa_79 (المشاركة 202284)

ممكن أسأل حضترك كام سؤال و ترد على بمنتهى الصراحة؟
هل حضرت ندوة أو مؤتمر أو ورشة عمل للأخوان؟
هل تعرف أحد من الأخوان علاقة شخصية؟
هل قرأت اللائحتان العامة والعالمية لجماعة الإخوان المسلمين؟
هل لديك من الدلائل الموثقة على أنهم مستخبيين ورا عباءة الدين؟
بعدين بتأسف على تنظيمهم ليه هى ده حاجة تضايق؟

sam	11-09-19 08:15 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة msa_79 (المشاركة 202057)

الأخوان تجار دين بدليل انهم حلفاء الشيعة ( ايران ) والي مش مصدق ممكن يخش علي جوجل ويكتب فضائح حماس ( الأبن الأصغر للأخوان ) علي فكرة اللي يعارض حماس في القطاع ولو كان
من الأسلامين بيسحلوا اللي جابوه شكرا لكل من سينتخبهم لأنهم اول مايوصلوا مش هيسموا ع اللي انتخبهم واللي منتخبهمش وهي المرة الأولي والأخيرة شوفوا حماس وانتوا تفهموا يا امة بكت من ذكائها الامم

HANINIE

11-09-19 08:27 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة sam (المشاركة 202448)

لا طبعا احنا لازم ننتخب العلمانين او كما يسمون انفسهم اللبرالين حتى ينتشر الفساد والزنا اكثر واكثر وتكون دولة حرة فى كل شىء حتى الفساد وايذاء الأخرين باى شكل ما هوا دا اللى بنأملوا

YouTube

sam	11-09-19 08:40 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة kiko_2015 (المشاركة 201923)

واالله انا كنت عارف انه مفيش ثورة ولا بطيخ هما مشين بنفس السياسة القديمة طوارئ تلفيق تهم وهلم جرا وعلي فكرة لا حرية بدون شعب يحميها ومفيش فايدة من الكلام بدون عمل لازم كل واحد يكون فاهم ايه اللي بحصل ويتابع علشان يفهم شكرا يا ابو سيف انت رجل كريم وانا اعرفك ابراهيم شكر لنا فيك كثير وتقبل مروري

sam	11-09-19 08:49 PM

رد: اول ضحايا قانون الطوارئ

اقتباس:

المشاركة الأصلية كتبت بواسطة HANINIE (المشاركة 202459)

لا طبعا احنا لازم ننتخب العلمانين او كما يسمون انفسهم اللبرالين حتى ينتشر الفساد والزنا اكثر واكثر وتكون دولة حرة فى كل شىء حتى الفساد وايذاء الأخرين باى شكل ما هوا دا اللى بنأملوا
http://www.youtube.com/watch?v=Q5tJcEwyBRg

ليه هذه المعادلة الغريبة ( اختاروا الأخوان او العلمانيه ) اختاروا ( حسني او البرادعي ) اختاروا ( الحرية او الأستقرار ) ليه هذه المعادلة المشوههة يعني منختارش يا اما من يتاجر بالدين او من يضيع الدين الأثنين بيضيعوا الدين فيه ناس كويسة كتير ومين قال ان الأخوان هما ممثلين الأسلام يا ناس كفاية شوفوا حماس ضربت المساجد ب اربجي في غزة واللي مش مصدق يكتب في جوجل تمدير مسجد ابن تيمية في غزة وحماس هذه ابن الأخوان الصغير فما بالك بالكبير
اتفرج علي انصار الروافض يدمرون المساجد

YouTube

kiko_2015

11-09-20 01:57 AM

رد: اول ضحايا قانون الطوارئ

اخواني الاعزاء...انا عملت الموضوع ده عشان كلنا نبقي ايد واحده ضد الظلم..

ليه الموضوع بقي صراعات افكار و احزاب؟؟ يا ريت نبقي كلنا مصريين بس الايام دي

اخواني ليبرالي اشتراكي مسلم مسيحي = مصري

و عاوزكم تعرفو ان الفرقه لا تقود الا للهزيمه...

هفكركم بغزوة احد..لما ايقن المسلمين النصر و انشغلو بتوزيع الغنائم..فلم يكن مصيرهم الا الهزيمه

رغم ان كان فيهم رسول الله اشرف الخلق و خاتم المرسلين

يارب ننتبه لمصلحة الجماعه..حتي يتحقق النصر باذن الله..في حرب شرسه شغاله واحنا مش واخدين بالنا

ربي يستر و يكتبلنا الخير حيث كان

وبالنسبه لحضراتكم..مختلفين بين اخوان و ليبراليين

احب اقولكم ان الثوره نجحت بيهم هما الاتنين مع بعض

6 ابريل هما اللي بدأو الثوره و سيذكر التاريخ هذا...و الاخوان بعد ذلك هم من قام بجماية الثوره و سيذكر التاريخ ذلك..

كونوا يد واحده يا مصريين

نور المسلم

11-09-20 02:24 AM

رد: اول ضحايا قانون الطوارئ

لا اله الا الله محمد رسول الله
كلنا اخوة
وكلنا ايد واحده رب يعدي مصر من الازمة دي علي خير

الساعة الآن 08:51 PM