|
معلومات عن كل بنادق الرش المملوكة للاعضاء؟
صفحة دي لو ربنا اراد واكتملت والادارة مشكورة ثبتتها هتكون مرجع لكل واحد حابب يدخل يعرف بيانات البنادق الموجودة
وزنها وسرعتها وانتاج بلد اية ورأي مالكها فيها وبكدة هيكون للجميع مرجع جميل. والردود فقط تحتوي علي بيانات السلاح الهوائي ولو الادارة شافت انها فكرة غير جيدة ممكن مشكورة وبدون حساسيات تشيلها مع العلم ان هناك موضوع شبية بالظبط بس والله ما كنت شفته لكن نتمني عدم وضع ردود او شكر او تهنئة او ما شابهة او لو تفضل الادارة ان تقوم هيا بعمل هذا الموضوع يكون افضل لانهم اهل خبرة وستكون معلومات مميزة وغير مشكوك فيها |
رد: معلومات عن كل بنادق الرش المملوكة للاعضاء؟
بندقيتي هي : نوريكا سبورت نمرة 2
تاريخ الشراء : يوليو 2011 بلد الصنع : اسبانيا السرعة : 160 م / ث الوزن : 2.6 كيلو جرام البندقية كسر وليست عتلة نيشان فسفوري. ------------------------- البندقية رائعة جدا اولا الفنش بتاعها مميز جدا وزنها الخفيف حقيقي بيخلي الصيد متعة الرش المستخدم معاها جامو ماتش نمرة 2 رش مميز جدا ودقيق يعني من مسافة 16 م بنشل علي عود خشب عرض 2 سم ------------------------ عيوبها انها قصيرة دة من وجه نظري |
رد: معلومات عن كل بنادق الرش المملوكة للاعضاء؟
2 مرفق
لا يا باشا و الله موضوع جميل وفكرته حلوة و انا عن بنفسي انا معايا نوريكا جيت نمرة واحد سرعتها 260 متر بندقية كويسة وحلوة وجامدة بس عايزة رشاية ماتش اي حاجة جامو او ديابلو المهم تبقا رشة ماتش عشان السرقة وكدا و عيوبها ان القنطرة اللي فيها السن بلاستيك اللي هيا اصلا المفروض تحمي السن و القنطرة بتاعت الزناد برضه بلاستيك و الزناد برضه بلاستيك و اتكسر عند ناس معانا في المنتدى و اخر حاجة فتحة النشان بتاعها واسعة حبتين بس هيا غير كدة خامات و خشب ممتازة و قوتها ما شاء الله و انا مش ندمان اني اشتريتها وسعر الشراء 1800 ده السعر اللي انا اشتريت بيه ما اعرفش اتغير ولا زي ما هو
ودي صور الطلعة الاولى و الوحيدة ليها لحد دلوقتي كانت طلعة التزفير |
رد: معلومات عن كل بنادق الرش المملوكة للاعضاء؟
موضوع جامد جداااااااا ويفيد جميع الاعضاء وبذات المقبلين علي الشراء ورجاء من الاخوة الزملاء مشرفي هذا القسم تثبيت الموضوع لما لة من اهمية وياريت جميع الاعضاء تشارك مشاركات ايجابية وانا ان شاء الله بمجرد وصولي من السفر هقوم بعرض مجموعتي وعمل تقرير عن كل بندقية فيهم مواصفات وصور ...... برافو يا باشا علي اختيارك للموضوع لانة خدمي لجميع الاعضاء وتحياتي للجميع
|
رد: معلومات عن كل بنادق الرش المملوكة للاعضاء؟
الله ينور يا اخويا عصام
موضوع ممتاز جدا وده اللى منتظرينه منك دائما كان نفسى اشارك معاكم فيه بس للاسف معنديش بندقيه |
رد: معلومات عن كل بنادق الرش المملوكة للاعضاء؟
جامو900s نمرة 2 سرعتها 198م/ث طواها 110سم عذ الششخانات 12 وزنها 3,5كجم وهذه هي مشكلتها الوحيدة ثقل الوزن لكن رد فعلها يكاد.يكون معدوم بسبب قطعة صغيرة في نهاية الكانون ليس هناك أي معلومات عن البندقية على موقع شركة جامو إنما المعلومات الموجودة عن موديل 600 وهو قريب جدا من هذا الموديل إلا أنه نمرة 1 من أهم مايميز هذه البندقية النشان الحديد الخلفي الذي ليس له نظير في أكثر الموديلات الموجودة في السوق بقي أن أقول أن هذه البندقية دقيقة جدا وأنا أنصح بها كل من يريد أن يستمتع بالصيد خاصةو أنها سعرها معقول جدا بالنسبة لما هو أقل منها بمراحل مثل الكرال والمعادي والرمسيس والنوريكا سبورت سعرها عند أبوضيف 1800جنية
http://img543.imageshack.us/i/20110602220338.jpg/ |
رد: معلومات عن كل بنادق الرش المملوكة للاعضاء؟
البندقية : كرال ماجنوم بلد الصنع : تركيا نمرة : 2 السرعة : 240 م /ث الوزن : 2.9 كيلو جرام دبشك : خشب نيشان : فسفوري التعمير : كسر وليست عتلة رد الفعل : معقول بالنسبة لقوتها الرش : الرماية أو تركي السعر : 1250 جنيه علامة التاج باللون الذهبي او الفضي وفيه تقليد له نوعه رديء والدشبك غير جيد البندقية قوية جدا و خفيفة الوزن ودقيقة للغاية و صوتها عالى نسبة للبنادق الأخرى المسمارين الأماميين للدبشك بيتفكو مع الاستعمال وجود كمية كبيرة من رايش التصنيع مع زيت المصنع الزائد. بفضل حل البندقية وتنظيفها من الداخل وتشحيمها. السوسته الأصلى تنكسر تغيير السوستة بسوستة جامو 35 حلقة ، أو سوستة ديانا 35 حلقة |
| الساعة الآن 04:00 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir