|
السيكترما والخلفيه
السلام عليكم
انهارده وانا بكلم احد اعز اصحابى عن الصيد قلتله كلمه سيكترما فسالنى عنها وشرحتهاله وقلت لازم اشحرها لباقى الناس (اللى متعرفهاش ) السيكترما او (الرشه ترد) معناه: ان الرشايه لما تتضرب تخبط فى سطح عاكس وترد فى اتجاه اخر بمعنى اكن الرشه شعاع ضوء بيسقط على مرايه وبيتعكس فى اتجاه اخر السيكترما تحكم بكذا عامل اولهم قوه البندقيه ثانيهم طبيعه السطح العاكس ثالثهم زاويه الضرب على السطح العاكس واخيرا نوع الرشايه المضروبه كمثال.... انا لما كنت بضرب بالرمسيس على حيطه (سطح عاكس) كانت السيكترما ليها بتقع قدام الحيطهبكام سم انما لما ضربت ببندقيه قويه زى الهانتر 440 عملت سيكترما قويه جدا لدرجه ان الرشه كسرت ازاز منور (اول مره واخر مره فى حياتى اؤذى حد او شئ) علشان تفهم اكتر معنى سيكترما هات حته حديد مربعه واضرب عليها ويفضل بزاويه جانبيه علشان الرشه تتزحلق ع السطح العاكس الرشايه هاتضرب فى الحديده وترد وتكمل اكنها شعاع ضوء على مرايه السيكترما ليها منافع واضرار ونتكلم على اضرارها الاول لانها شائعه اولها انك تكون بتضرب هدف ارضى ببندقيه قويه ووراه عربيه او شخص يبعد 30 متر ..... الرشايه لو مجتش فى الهدف هاتخبط فى الارض وترد وتكمل تخبط فى الشخص او الشئ اللى وراها ولو الكلام ده فى البنادق الناريه السيكترما بتكون اسرع من قوه المقذوف وبتستمر لعده امتار كثيره مثال اخر لو بتضرب على منشر او يمامه وراها حيطه دايما بص على شعاع الرشايه لو خبط فى الحيطه هايروح فين؟؟؟ وحط اسوأ الاحتمالات علشان ميحصلش اى خطأ وانت اصلا مش بتنشن غلط وخاصه اللى عندهم بنادق ضعيفه علشان لما يمسكو بنادق قويه(ان شاء الله) يعرفو يتحكمو فى السكترما طبعا لو ضربت عمودى ع الحيطه السيكترما بتكون ضعيفه جدا بسبب ان الرشايه بالكامل بتصطدم بالحيطه وبتفرغ كل طاقتها فيها بس احذر مع الاسطح المعدنيه يعنى هى حاجه ممكن ما تكونش فاهمها اوى غير لما تجرب وهى سبب كبير فى الاصابات من البنادق الرش لان فيه ناس كتر مش بتاخد بالها من السيكترما ديه بالرغم انها بتحصل مع كل الصيادين بلا استثناء نيجى بقى للخلفيه........:: الخلفيه هى الشخص اللى كان واقف ورا الهدف ب30 متر بمعنى وانت بتضرب على هدف ايه اللى وراه؟؟ ايه خلفيته؟؟ يعنى مثلا لو بتضرب على يمامه على شجره فى منطقه سكنيه اقف فى مكان يكون مناسب للضرب بحيث يكون ورا اليمامه(على امتداد شعاع الرشايه) حيطه فاضيه او سما ويفضل ان يكون وراها سما وفراغ علشان ايه؟؟؟ (علشان السيكترما) وكذلك ما تستبعدش مسافه الخلفيه يعنى لو بتضرب ببندقيه زى الديانا 54 ايركينج على شجره وانت بينك وبين مصنع ورا الشجره 60 متر والمصنع مثلا ازاز او فيه خطر عليه لازم تاخد زاويه مناسبه لان الرشايه حتى لو سرقت الهدف ممكن تكمل تروح تخبط حاجه فى المصنع ده اى كانت مسافته (طبعا ما تقوليش مبنى على مسافه 200 متر يبقى اخر زاويه ضرب لالا هى حاجات تقديريه وبالخبره هاتعرف امتى تضرب عادى وامتى تاخد زاويه) ديه تقريبا كل معلوماتى ع الخلفيه والسيكترما وفيه مهارات تانيه للصيد بس مش متذكرها لانى بعملها طبيعى فى الصيد وصديقى اللى كنت بكلمه هو اللى لفت نظرى لحكايه السيكترما والخلفيه فقلت افيدكم بيها بما انه استفاد هو كمان ان شاء الله لو فيه اى مهارات اخر هاكتبهالكو واجمعلكو كل مهارات الصيدفى البيئات المختلفه وطبعا ارجو مساعده اخوانى الصيادين للوصول الى اقصى درجه من الصحه ونقل الخبره ارجو انى اكون افدتكم وعرفت اشرح وفهمتونى سلام عليكم |
رد: السيكترما والخلفيه
اقتباس:
|
رد: السيكترما والخلفيه
تسلم ايدك يا محمود باشا و الله موضوع جامد اوي و المفروض يتثبت
|
رد: السيكترما والخلفيه
مشكور يا حوكا معلومات جميلة
|
رد: السيكترما والخلفيه
معلومات جميلة يا حوكا و تهم كل صياد
تحياتى |
رد: السيكترما والخلفيه
كلام جميل وصح 100 100 واللى يعرف الكلام دة اخواننا ضباط المدفعية والمدرعات لان ساعات المتمكن فيهم بيضرب الدانة بطريقى السيكترما عشان سرعتها تزيد
|
رد: السيكترما والخلفيه
ممتااااااااااااااااز موضوع جميل جداً يا حوكا و يستحق التقدير.
|
رد: السيكترما والخلفيه
اقتباس:
وفعلا انا لما بضرب هدف ارضى وانا مش ضامن نشانى بضربه بطريقه السيكترما وبتحس ان اليمامه بتنط وتموت كويس انك قولت كده وده يدل انك صياد بالفطره وانا نسيت اقول مميزات السيكترما وهى ان ممكن تضرب هدف بطريق غير مباشر بس محتاجه تدريب وغالبا الاكثر استخداما هى سيكترما الاهداف الارضيه شكرا يا حوده وربنا يكرمك واشوفك صياد كبيييييييييييير يا كبير اقتباس:
اقتباس:
اقتباس:
هههههههههههههههههههه قلت لاحمد اصبر هاوقعهالك صبرت شويه ودورت على زاويه لحد ما جبتها وراها سما ومكنش باين غير رقبتها وطراااااااااااااااخ وقعتها اهم شئ انك حتى لو واثق فى نشانك لازم تاخد حذرك دايما وما تستهونش فى كده فى كل مره تنزل تصطاد اقتباس:
وانا اتحكالى حايه الطلق النارى عملت سيكترما على بعد كيلو ووقعت شخص وسبحان الله يعنى كانت مضروبه من كلاشينكوف ههههههههههههههههه ربنا يزيدنا من علمه ويرزقنا حب الخير والنفع للجميع سلام عليكم |
رد: السيكترما والخلفيه
اقتباس:
بالتوفيق دائما |
رد: السيكترما والخلفيه
اقتباس:
و منتظرين المزيد من مواضيعك الهامة والمشوقة |
رد: السيكترما والخلفيه
على فكره كده مش هينفع يا عم انت
انا كده شكلى هاجى اخطفك من البيت واخدك معسكر مغلق لحد ماتعلمنى الحاجات ديه بجد بروفسيررررررررررررررررررررررررررررر يا حوكا مش دكتور وبس |
رد: السيكترما والخلفيه
اقتباس:
ربنا يجعلنا طلبه علم ويزين عقولنا بيه اقتباس:
هههههههههههههه يا عم عادل بلاش بروفيسير ديه ارجووووووووووووك انا بتعلم لسه وانت اللى بروفيسير يا عم ما انت اللى علمتنى ازاى بفك البندقيه ولا نسيت؟؟ ربنا يكرمك ويبارك فيك وان شاء الله تبقى استاذ لمدرسه الصيد والرمايه سلام عليكم |
رد: السيكترما والخلفيه
يا سيدى تعالى اخطفنى بس هاتلى بنادق بقى واعيييييييييييييش
هههههههههههههه يا عم عادل بلاش بروفيسير ديه ارجووووووووووووك انا بتعلم لسه وانت اللى بروفيسير يا عم ما انت اللى علمتنى ازاى بفك البندقيه ولا نسيت؟؟ ربنا يكرمك ويبارك فيك وان شاء الله تبقى استاذ لمدرسه الصيد والرمايه سلام عليكم[/quote] ربنا يديم المعروف ياحوكا انت انسان متواضع ومحترم وانا شايف انك هتبقى محترف كبير اوووووى وانت مثل اعلى ليا والله وربنا اللى يعلم انك انت اللى حبيبتنى فى الرمسيس ورجعتنى للهوايه ديه تانى ربنا يديم الاخوه يارب ويوفقك سلام عليوم |
رد: السيكترما والخلفيه
ربنا يخليك يا عادل ويسمع من بقك ربنا وابقى صياد فعلا وانا شرف وفخر ليا انى اكون مثل لحد بس صدقنى ما استاهلش اللقب ده واصبر لحد ما تشوف العمالقه بجد واختار منهم امثالك برااااااااااااحتك هم اساطير مش مجرد مثل اعلى وبس
ربنا يبارك فيك وفى الرمسيس حبيبتك وحبيبتى بس حبيبتى انا اكتر بقى هههههههههههههههههههه سلام عليكم |
رد: السيكترما والخلفيه
ايه ياحوكا المواضيع الجامدة دي انت بتحط عصارة خبرتك في الصيد في المواضيع دي انت هاتعتزل ولا ايه:)
|
رد: السيكترما والخلفيه
اقتباس:
حلوه عصاره ديه بتفكرنى باعلان الليمونتين لما قاله اعصرنى!! ههههههههههههههههه ربنا يخليك ومش خبره فرديه والله انا استفدت منكم كتير اوى فى الفتره اللى دخلت فيها المنتدى واتعرفت ع الناس العظيمه ديه ياريت والله تكتبلنا مواضيع وخاصه انت ومحمود لانكو من اقدم الصيادين فى المنتدى وخبرتكو طويله اوى وكبيره مع كل حاجه من اول السلاح لحد التنضيف والشوى ياريت ان شاء الله سلام عليكم |
رد: السيكترما والخلفيه
الله ينور يا دكتور.
|
رد: السيكترما والخلفيه
معلومات مفيدة جدا با دكتور
|
رد: السيكترما والخلفيه
السلام عليكم ... يابنى انت مش هتبطل تنقل الكلام اللى بتسمعه ... ههههه... الله ينور ياصاحبى ... تحياتى .
|
رد: السيكترما والخلفيه
اقتباس:
ههههههههههههههههههه حبيبى ياروك اتحفنا بقى بمواضيعك الجامده وانا اقف فى صفوف المتفرجين (... _ ... _ ... _ ... _ ... ) |
رد: السيكترما والخلفيه
اقتباس:
اقتباس:
سلام عليكم |
رد: السيكترما والخلفيه
معلومات قيمة
جزاك الله خيرًا |
رد: السيكترما والخلفيه
معلومة مفيدة تضاف الى السجل
ربنا يزيدك من علمة وتسلم على الموضوع وحرصك على اعمام الفائدة |
رد: السيكترما والخلفيه
النقطتين مهمين جداً.
زي ماليهم مخاطر لازم الصياد ياخد باله منهم, زي ما برضه ليه منافع. يعني مثلاً السكتيرما ممكن تصطاد بسببها طير في زاوية صعبة أو مستحيل كنت تجيبها من مكانك ده. وكذلك الخلفية ممكن تعمل stacking يعني تخلي خلفية الطير طير تاني عشان لو إتسرق الأول تيجي في التاني أو تجيب الإتنين لو معاك مدفع :D تحياتي |
رد: السيكترما والخلفيه
العب بليرده وهوه يعلمك السكترم اكتر والسكترم كله مخاطر ولا يوجد له فوائد وخصوصا بوجود سلاح نارى او قوىوالاخص بذاويه من 5 الى 50 درجه تكون الخطوره عاليه اما دون ذالك فنسبة الخطوره ضعيفه وعند ال 90درجه تكاد تكون عليك انت لان الارتداد بيكون مباشر فى المصوب وهذا مع الاسلحه الضعيفه اما القويه فهى تقضى على المقذوف وتحوله الى اشلاء تقبل مرورى
|
رد: السيكترما والخلفيه
اقتباس:
اقتباس:
اقتباس:
اقتباس:
سلام عليكم |
رد: السيكترما والخلفيه
تسلم موضوع ممتاز
|
رد: السيكترما والخلفيه
.............................
|
رد: السيكترما والخلفيه
تم اخذ رابط الموضوع ووضعة فى موضوع اكاديمة الصيد والرماية بعد اذنك يا حوكا
http://www.egypthunt.net/showthread.php?t=9427 وتحياتى للجميع |
| الساعة الآن 12:15 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir