الصيد فى مصر - اول مره اضرب نار بالطبنجه

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - اول مره اضرب نار بالطبنجه (http://www.egyhunt.net/showthread.php?t=14003)

bodygard 34

11-08-16 02:51 AM

اول مره اضرب نار بالطبنجه

النهارده كان اول لقاء لى مع طبنجتى الجديده التانفوليو فى تبه ضرب النار بأحد مراكز التدريب على الرمايه وبصراحه كان شعور غريب لكن توافق مع اتجاهاتى السلميه فى الحياه فعلى الرغم من انى بأضرب على هدف عباره عن صوره ارهابى او بلطجى تقريبا على حامل خشب الا انى بصراحه كنت خايف مش عارف ليه لكن الحمد لله كان معايا مدرب اكتر من محترف افادنى جدا والله لدرجة انى فى الاخر كنت بأصيب اجزاء من الوجه زى العين الشمال او اليمين بس ده بعد كذا طلقه وبعد تنفيذ تعليمات المدرب بشكل سليم والحمد لله الطبنجه كانت رائعه وسلسه جدا ادعو الله انى ماحتاجش اعمل كده فى الحقيقه ... ياترى كل الناس اول مره تضرب كانت خايفه زيى؟؟؟

أميجو

11-08-16 02:53 AM

رد: اول مره اضرب نار بالطبنجه

مبرووووووووووووووووووووووووووووووووووووووووووووك

أحمد عطاالله إبراهيم

11-08-16 02:54 AM

رد: اول مره اضرب نار بالطبنجه

الله ينور عليك يا باشا .. بجد استاذ .. وبداية تمام جدا .. شوقتنى اشوف المدرب ههههههههههههههههههه

ومبروك عليك المسدس مرة تانية ههههههه

عادل عبده

11-08-16 02:55 AM

رد: اول مره اضرب نار بالطبنجه

ياباشا مبروووووووووووووووووووووووووك والف مليون مبروك وربنا يكفيك شرها وبصراحه لسه مجربتش اضرب نار فى الحقيقه

smsm saber

11-08-16 03:02 AM

رد: اول مره اضرب نار بالطبنجه

مبرووووووووووووووك نفسى مرة اضرب نار ان شاء الله قريب

bodygard 34

11-08-16 03:06 AM

رد: اول مره اضرب نار بالطبنجه

ياجماعه والله مش سهله ومسكة الطبنجه لها قواعد والا مش حاتصيب هدفك بسهوله كمان صوتها مرعب هو جاب لى سدادة الودان اللى عامله زى السماعات بس حسيت انى معزول عن اللى حوالى فخلعتها وكانت غلطه لأن ودانى قعدت تصفر ييجى ساعه بعدها.. انا ضربت نار وانا صغير فى الجيش على الآلى بس متهيألى كان اسهل من الطبنجه.. الكلام ده من 28 سنه انا عندى 50 سنه دلوقت اكيد السنين غيرت فى الواحد كتير

سيدخالد

11-08-16 04:01 AM

رد: اول مره اضرب نار بالطبنجه

الف مليون مبروك ......................وعقبال المزيد

Seiko

11-08-16 04:41 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة bodygard 34 (المشاركة 175430)

ربنا يديك طول العمر و الصحة الجيدة

sadaany

11-08-16 06:08 AM

رد: اول مره اضرب نار بالطبنجه

مبروك على الطبنجه وربنا يديك البركه فى العمر والصحه ياريت تكلمنا عن الطبنجه شويه وصور ليها وسعرها

fidodido

11-08-16 06:52 AM

رد: اول مره اضرب نار بالطبنجه

حضرتك تدربت فيين ؟

hogan

11-08-16 10:21 AM

رد: اول مره اضرب نار بالطبنجه

http://www.3br.cc/forum/imgcache/1/8663br.gif

bodygard 34

11-08-16 03:30 PM

رد: اول مره اضرب نار بالطبنجه

الله يبارك فيكم ويعافيكم من اى سوء... بالنسبه لمكان التدريب فأعتذر لأن المكان رسمى جدا والتدريب تم ودى جدا وهى تبه ضرب نار مغلقه ... اما بخصوص الاخ اللى بيسأل عن الطبنجه فهى تانفوليو at 380بتضرب 9 قصير خزنتها 7+1 الصناعه ايطالى وسبق انى نزلت صورتها لكن حانزلها تانى

bodygard 34

11-08-16 03:34 PM

رد: اول مره اضرب نار بالطبنجه

1 مرفق

دى صورتها للأخ اللى بيسأل

اسلام_وى

11-08-16 05:28 PM

رد: اول مره اضرب نار بالطبنجه

مبروكككككككككككككككك

خالد أبو الفتوح

11-08-16 06:11 PM

رد: اول مره اضرب نار بالطبنجه

تعيش وتضرب الف مرة

كريم الشامي

11-08-16 09:14 PM

رد: اول مره اضرب نار بالطبنجه

الف مبروك............

صقر ابوحسانين

11-08-16 09:21 PM

رد: اول مره اضرب نار بالطبنجه

مبرك لحضرتك المسدس الرائع ده بس عاوز اعلمك حاجه انت لو بتضرب هاوى وغاوى لازم تسمع لصوت الطلقه بعد الضرب وهى بتشرخ الهواء بتعملك ادمان ومزاج عالى ولا الكابتشينو ههههههههههههه كل سنه ومعاليك طيب

bodygard 34

11-08-16 10:28 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة صقر ابوحسانين (المشاركة 175983)

ياراجل يا طيب هو صوت الطلقه بيعمل مزاج عالى ده مرعب والله ودانى فضلت تصفر يمكن اكتر من ساعه... فعلا الناس فى مايعشقون مذاهب... وانت طيب وكل الناس طيبين ومصر كلها طيبه وربنا يحفظها من كل سوء آمين ..آمين..آمين

محمد حسام

11-08-18 12:32 AM

رد: اول مره اضرب نار بالطبنجه

الف مبروك يباشا ونتيجه حلوه ةو بدايه رائعه اول مره بيبقى ليها طعم معين الاستغراب
والهفه ولكن مع الوقت حتلاقى الامر اصبح عادى ولكنى احب ان اقول لك شيئ هام
صاحب السلاح يحبك ويديك اغلى انت عايزه وكون حظر مع السلاح ودائما خونه
مهما كانت اجرائات التامين الخاصه بالطبنجه وشكرا

bodygard 34

11-08-18 02:44 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة محمد حسام (المشاركة 176851)

الف شكر على المرور ومليون شكر على النصيحه

القناص2010

11-08-18 02:49 AM

رد: اول مره اضرب نار بالطبنجه

الف مبروك وياريت معالك تفيدنا بالنصائح الغالية الى قالها المدرب حتى تعم الفائدة على الجميع وشكرا .

جنرال

11-08-18 02:52 AM

رد: اول مره اضرب نار بالطبنجه

عادي يا باشا الخوف حيروح مع الوقت. مبروك

bodygard 34

11-08-18 03:25 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة القناص2010 (المشاركة 176998)

الف مبروك وياريت معالك تفيدنا بالنصائح الغالية الى قالها المدرب حتى تعم الفائدة على الجميع وشكرا .

نظرآ لأنى حديث العهد بالضرب بالطبنجه (انا ضربت بالآلى من 28 سنه وانا فى الجيش ) بس انا فاكر انناكنا بنضرب من الوضع راقدا زى ما بيقولوا وكمان الدبشك لازم يكون فى تجويف الكتف وكمان ايديك بتبقى مسنوده على الارض او على شوال رمل فبيكون الضرب اسهل لأن كل جسمك بيكون فى حالة ثبات فعلى اما الضرب بالطبنجه فبيكون مختلف تماما لأنك بتبقى واقف يبقى لازم توزن نفسك كويس جدا بفتح القدمين بمسافه تسمح لك بالثبات ده اول هام ثانيا (ده كلام المدرب)القبض على الطبنجه بشكل قوى بكف ايدك اليمين والكف الشمال قابض على الكف اليمين تمامابحيث تشعر انك حاكم الطبنجه تماما .. ممنوع لمس التتك او الزناد يعنى قبل ماتطبق قاعدة التنشين المتعارف عليها(سن نملة الدبانه فى منتصف فتحة الناشينكاه مع خط البصر من العين المفتوحه كل ده على خط واحد)فى ملحوظه ودى حصلت لى انا يمكن عشان السن ان دراعاتى الاتنين فى الاول كانوا بيتهزوا كل مابرفع الطبنجه فدى محتاجه شوية هدوء عشان يثبتوا وعضلات دراعاتك يستقروا وما يتوتروش والا عمرك ما حاتجيب الطلقه فى الهدف ابدا . لما كل الامور دى تتظبط تبدأفى عملية التنشين بعدها صابعك على التتك وتعصر مش تضرب لأنك لو ضربت فجأه حركة صابعك المفاجأه حتهز ايدك اما العصر فبيخلى الموضوع سلس والطلقه فى الغالب بتروح ماطرح مانت عايز ..ده بالنسبه للرمايه على اهداف ثابته اتعشم ماكونش نسيت حاجه

Seiko

11-08-18 04:13 AM

رد: اول مره اضرب نار بالطبنجه

كل ما تبقى بطىء فى الاول كل ما تبقى اسرع فى الاخر

احمد العوضى

11-08-18 05:23 AM

رد: اول مره اضرب نار بالطبنجه

الرماي بالمسدس من امتع انواع الرياضات التى لا يمل منها الانسان واهم ما يحدد دقة الرمايه الامساك الصحيح بالسلاح بمعنا الامساك بالاربع اصابع الخامس حر 2 عند مرور شعاع البصر فى اى وقت يكون السلاح و الذراع والعين على استقامه واحده حتى يكون همك هو البحس عن الهدف وهذا ياتى من امساكك بالسلاح فارغ ووضعه فى يدك واغماض عينك ورفع السلاه فى وضع الرمايع المناسب لك ثم فتح عينك ان كان فتحة الشيذ والدبانه على استقامه واحده فالامساك صح وان كان خاطئ عدل الامساك حتى تصل الى الامساك الصحيح وبعد درب يدك على وضع السلاح بالطريقه السليمه فى يدك حتى تصل انك عند الامساك بالسلاح تكون مسكه تمام اما الاهتذاذ ضع ثقل حول المعصم وانت تتمرن به فارغ لانك عندما تمسك السلاح بعد هذا بدون ثقل لن تحس به فى يدك اما موضوع العصر و النتش فده بيجى مع التدريب المستمر لان الضرب بيكون ببطن الصابع مش بالطرف مبرك وخد بالك الطبنجه اسمها الغداره اعمل لها حساب لانها بتموت الى يامن لها ربنا يستر

bodygard 34

11-08-18 06:37 PM

رد: اول مره اضرب نار بالطبنجه

واضح ان معانا ناس كتير خبره ... ايوه كده طلعوا اللى عندكوا خلونا نستفيد.. لزمته ايه البخل..سبق وقلت الحديث عن الرسول صلى الله عليه وسلم (خيركم من تعلم العلم وعلمه) وده فى كل شئ مش فى القرآن بس وكمان الرمايه من المهارات المحببه للمسلم ووصى بها الرسول عليه الصلاة والسلام ووصى بها بعده سيدنا عمر بن الخطاب فى مقولته الشهيره (علموا اولادكم السباحه والرمايه وركوب الخيل) ومش عيب ان الواحد يتعلم وهو كبير حتى لو كان اللى بيعلمه اصغر منه .فأنا فى انتظار المزيد من العلم ...هل من مزيد

A.Seif

11-08-18 07:10 PM

رد: اول مره اضرب نار بالطبنجه

مبروكه عليك الطبنجه و ربى يعطيك خيرها و خير ما جعلت له و يكفيك شرها و شر ماجعلت له
انا كنت من سنتين اروح للقطاميه ادور على السلعوه(حيوان شبه الكلب مع الفارق فى الطباع) علشان ارمى عليه لو وجدته وكتير جدا مكنتش بلاقى سلعوه و كنت اضرب على اهداف ثابته فى الصحراء..والموضوع قلب ادمان ولولا ان اسعار الطلقات زادت و الوضع بالبلد لكانت بقت حكايه...الطلقه ب 17 جنيه ؟؟!!؟؟
انا كنت بضرب على طبنجه الغلابه و طبعا هى ال حلوااان العظيمه :)

bodygard 34

11-08-18 10:30 PM

رد: اول مره اضرب نار بالطبنجه

عزيزى المحترم الاستاذ/ سيف شكرا على مرورك الكريم وكل سنه وانت طيب .. الطلقه بتجيبها ب 17 جنيه انا بجيب ال 9 القصير ب 25 جنيه بعد بوس الايادى واذا لم يتعطف على احد الاصدقاء من ذوى الثراء بطلقتين تلاته زى ماحصل معايا ماكانش ممكن افرط فى طلقه من اللى شاريهم وربنا يعدل الامور ..ياترى مش ممكن الاسعار تتراجع لمعدلها القديم؟؟؟؟؟

A.Seif

11-08-18 10:40 PM

رد: اول مره اضرب نار بالطبنجه

ممكن كل شئ و لا يوجد مستحيل ..اخر 25 طلقه 9 مم طويل fnاشتريتهم كانوا ب 250 جنيه و بعد كده
الاسعار اتجننت و بقت الطلقه ب 17 جنيه و طبعا مفيش احتياج لشراءها ابدا
بنعوض الهوايه بمسدس رش غاز لحد ما ربنا يفرجها و الامور ترجع لطبيعتها و اكيد الاسعار بالتبعيه
تقبل تحياتى وتقديرى و كل عام وانت و اسرتك و حبايبك بكل خير و هنا

هشام سيد

11-08-18 10:47 PM

رد: اول مره اضرب نار بالطبنجه

الف مبروك ربنا يديك خيرها ويكفيك شرها انت شوقتنا للموضوع ادعولى الترخيص يتم على خير وان شاء الله اخوض نفس التجربة او مايخلص هجرى على التبه ههههههه

bodygard 34

11-08-18 11:22 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة هشام سيد (المشاركة 177565)

ربنا يصلح لك الحال وييسر لك امرك ويكون حظك فى الاسعار افضل منى وتلاقى حته لقطه تفرح بيها

Seiko

11-08-19 04:46 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة a.seif (المشاركة 177427)

انا بقيت اطلع مرة واحدة فى الاسبوع ,3 خزن ب 45 طلقة .
قبل الثورة كان 3 مرات فى الاسبوع , لحد مزهق.
انا عندى ذخيرة كتير من قبل الثورة و فعلا مش عارف لما تخلص اعمل ايه بأسعار دلوقتى دى خصوصا ان اللى عندى مستورد و مستحيل تعويضه الان بس اعمل ايه ...... انه فعلا ادمان :)

BOB20102008

11-08-19 02:56 PM

رد: اول مره اضرب نار بالطبنجه

الف الف الف مبروك

ربنايديك خيرها ويكفيك شرها

ضرب النــــــــــــــــــــــــــنار

احساس ملوش حل نهائى

خصطن لو كان خرطوش فظيع

bodygard 34

11-08-19 10:52 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة bob20102008 (المشاركة 178249)

الف شكر على مرورك الكريم والدعوه الجميله ياأستاذ بوب

بدر	11-08-19 11:25 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة bodygard 34 (المشاركة 178547)

الف شكر على مرورك الكريم والدعوه الجميله ياأستاذ بوب

ماشاء الله ربنا يبارك لحضرتك فيها ويكفيك شرها
واجمل متعه بعد متع الدنيا التلات ضرب النار وسماع صوت ضرب النار وترجع تلاقى ودانك ماانتش سامع حاجة ههههههههههه
بس اخوك ضرب بالحلوان فى الجيش حاجة كدة تخليك تكرة نفسك ههههههههه
بس اكيد اى حاجة غير الحلوان القديم بتاع الجيش متعه
تحياتى ومبروك ع الرخصة والسلاح

dr_mohasan

11-08-19 11:29 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة بدر (المشاركة 178568)

والله زمان يا أبو بدر , والله منور

بدر	11-08-19 11:30 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة dr_mohasan (المشاركة 178571)

والله زمان يا أبو بدر

ههههههههههه لا متحسسنيش انى كنت فى العراق من سنتين
حبيبى يا دكتور اخبار معاليك اية واخبار المنتدى واخبار الحذف ههههههههههه
تحياتى

dr_mohasan

11-08-19 11:32 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة بدر (المشاركة 178573)

كله تمام , بس انت انسى موضوع الحذف وكله هايبقى كويس

وحمداً لله على السلامة .... من العراق

koktal

11-08-19 11:32 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة بدر (المشاركة 178573)

الحذف شعال على ودنه يا كبير
بس اللى يلحق هههههههههه

بدر	11-08-19 11:34 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة koktal (المشاركة 178576)

الحذف شعال على ودنه يا كبير
بس اللى يلحق هههههههههه

منور يا فندم اخبار سعادتك واحب اتشرف باسم سيادتك
تحياتى

koktal

11-08-19 11:37 PM

رد: اول مره اضرب نار بالطبنجه

تمام الحمد لله .. يا بدر بيه جنابك اللى منور .. أخبار معاليك إيه؟

أخوك محمد

بدر	11-08-19 11:39 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة koktal (المشاركة 178582)

تمام الحمد لله .. يا بدر بيه جنابك اللى منور .. أخبار معاليك إيه؟

أخوك محمد

تشرفت بيك استاذ محمد كلة تمام والحمد لله
تحياتى لشخصكم الكريم

smsmn8888

11-08-19 11:42 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة بدر (المشاركة 178573)

الللللللللاااا مرحب بالعودة الكريمة يا اباشا معلش الادمان وحش هههههههههههه لازم تيجي بكرة ضرورى

koktal

11-08-19 11:42 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة بدر (المشاركة 178584)

تشرفت بيك استاذ محمد كلة تمام والحمد لله
تحياتى لشخصكم الكريم

الشرف لى يا فندم ..
خالص تحياتى لك ..

بدر	11-08-19 11:47 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة smsmn8888 (المشاركة 178588)

الللللللللاااا مرحب بالعودة الكريمة يا اباشا معلش الادمان وحش هههههههههههه لازم تيجي بكرة ضرورى

سمسم باشا اخبارك اية ومعلش انى خذلتك فى موضوع الادارة بس عرضهم ماكنش مغرى يعنى الفيلا بتاعت الساحل الشمالى كانت صف تانى والفرش قديم هههههههههههه
دة غير الصرفية بتاعتهم الدورة دى مش ولا بد ههههههههه
تحياتى
وبالنسبة للفطار هحاول طبعا

doos99

11-08-19 11:49 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة بدر (المشاركة 178596)

واحشنى يا ابو بدر عامل ايه

بدر	11-08-19 11:51 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة doos99 (المشاركة 178599)

واحشنى يا ابو بدر عامل ايه

الحمد لله كلة تمام والله ليكو واحشة يا رجاله ههههههههههه
تحياتى

adel152

11-08-19 11:59 PM

رد: اول مره اضرب نار بالطبنجه

منوووووووووووووووووووووووووووووووووووووووووووووووو وور المنتدى كله ياابوبدر. هل هلالك........

بدر	11-08-20 12:03 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة adel152 (المشاركة 178615)

منوووووووووووووووووووووووووووووووووووووووووووووووو وور المنتدى كله ياابوبدر. هل هلالك........

دة نووووووووووووووووووووووووووووووووووووووووووووووووو ووووووووووووووووورك يا استاذ عادل
حبيبى وظهرى فى المنتدى

adel152

11-08-20 12:04 AM

رد: اول مره اضرب نار بالطبنجه

والله المنتدى من غيركم مالوش طعم خالص وسايبينى لايص هنا لوحدى ده كلام برده؟

بدر	11-08-20 12:11 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة adel152 (المشاركة 178624)

والله المنتدى من غيركم مالوش طعم خالص وسايبينى لايص هنا لوحدى ده كلام برده؟

يا فندم مقدرش انا معاك وبعدين بس ما عليك غير انك تقول ياجزر هههههههههههه

adel152

11-08-20 12:15 AM

رد: اول مره اضرب نار بالطبنجه

ياباشا انا مستعد أنادى على انواع الكوكتيلات كلها مش الجزر بس. بس خليك منورنا كده على طول.

bodygard 34

11-08-20 01:01 AM

رد: اول مره اضرب نار بالطبنجه

واضح تماما ان الاخ بدر له كاريزما خاصه جدا وبالتالى فأنا لى الشرف انه مر عندى فى الموضوع بتاعى وبالتالى حبايبه كلهم اجتمعوا ...كل عام وانتم جميعا بخير اخوكم الحاج محمد عزت

بدر	11-08-20 01:07 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة bodygard 34 (المشاركة 178720)

يا فندم الشرف ليا واعذرنى على الحوار مع الاعضاء خارج نطاق الموضوع الاصلى
وكل عام وسيادتك بخير

bodygard 34

11-08-20 01:16 AM

رد: اول مره اضرب نار بالطبنجه

وانتم جميعا بخير وسعيد انى اتعرف هنا على ناس محترمه وبتجمعهم هوايه راقيه وشريفه زى الرمايه

adel152

11-08-20 12:22 PM

رد: اول مره اضرب نار بالطبنجه

كل سنة وحضرتك بألف خير ياحاج محمد.
والف مبروك على الحته الايطالى وربنا يكفيك شرها يارب.
خالص تحياتى

bodygard 34

11-08-20 07:14 PM

رد: اول مره اضرب نار بالطبنجه

اقتباس:

المشاركة الأصلية كتبت بواسطة adel152 (المشاركة 179185)

كل سنة وحضرتك بألف خير ياحاج محمد.
والف مبروك على الحته الايطالى وربنا يكفيك شرها يارب.
خالص تحياتى

الله يبارك فيك وانت بألف صحه يا أستاذ عادل

Mohamed Arafa

11-08-21 04:30 PM

رد: اول مره اضرب نار بالطبنجه

ان كانت خايف وانا بضرب خرطوش
والف مبروك

كفافى1

11-08-21 06:16 PM

رد: اول مره اضرب نار بالطبنجه

الف مبروك على الطبنجة الجديدة والرماية الجيدة
تحياتى ......................

hema777h

11-08-21 06:36 PM

رد: اول مره اضرب نار بالطبنجه

الف مبرررررررروك وبصراحة ضرب النار مزاج وادمان في بعض الاحيان بس الاسعار تهدا شوية

bodygard 34

11-08-22 12:41 AM

رد: اول مره اضرب نار بالطبنجه

[QUOTE=hema777h;180274][b]الف مبرررررررروك وبصراحة ضرب النار مزاج وادمان في بعض الاحيان بس الاسعار تهدا شوية [/ b][/QUOTبمناسبة الاسعار اتعرض على فى التليفون علبه 50 طلقه 9 قصير النهارده بسعر 12 جنيه .. افلح ان صدق

bodygard 34

11-08-22 12:43 AM

رد: اول مره اضرب نار بالطبنجه

اقتباس:

المشاركة الأصلية كتبت بواسطة hema777h (المشاركة 180274)

الف مبرررررررروك وبصراحة ضرب النار مزاج وادمان في بعض الاحيان بس الاسعار تهدا شوية

اسف الامور دخلت فى بعضها وانا باكتب ..اتعرض على 50 طلقه 9 قصير النهارده بس فى التليفون ماشوفتش بعينى على سعر 12 جنيه الطلقه... ميعاده معايا بكره ..افلح ان صدق

الساعة الآن 11:22 PM