الصيد فى مصر

الصيد فى مصر (http://www.egyhunt.net/index.php)
-   الورشة (http://www.egyhunt.net/forumdisplay.php?f=63)
-   -   سوستة البام 21 اتكسرت ... (http://www.egyhunt.net/showthread.php?t=13002)

BASiC 11-07-29 07:17 PM
سوستة البام 21 اتكسرت ...
 
اخواني الكرام ,,,,, الحمد لله على كل حال ,,
سوستة البندقية البام بتاعتي اتكسرت انهاردة فجأة واكتشفت ده بعد ما لقيت البندقية متلقطش تعمير وأفتكرت ان الزناد هوة اللي فيه المشكلة وأنا بفتح لقيت السوستة حتتين ....

دلوقتي يا ريت لو حد يعرف اجيب سوستة للبندقية منين بس تكون مضمونة و أصلي

وكنت سمعت عن نوع سوست اسمه Jim macciri أو حاجة مقاربة يا ريت لو حد عنده معلومة يفيدني بيها أكون شاكر جدا ....

أحمد سعد

يهاء 11-07-29 07:56 PM
رد: سوستة البام 21 اتكسرت ...
 
بسم الله امرك لله اذهب محل فتح الله والحمد لله انها جت فى السوستة

BASiC 11-07-30 08:28 AM
رد: سوستة البام 21 اتكسرت ...
 
شكرا ليك أ/ بهاء بس يا ريت لو حضرتك تعرف أي معلومات عنها يعني السعر , ازاي أعرف انها اصليه وكده يعني ؟؟

وشكرا ليك مرة تانية

يهاء 11-07-30 08:41 AM
رد: سوستة البام 21 اتكسرت ...
 
بسم الله احى الحبيب محمد فتح الله غالى ومعاملتهم جافة ولكن هو من اوائل مستوردى البام وكل نواقص البنادق على مستوى المحلات بتكون عندة ودة مايمنعش انك تاخد الاصلية معاك وانتا بتشترى وطابقها عليها وربنا يوفق لما فية الصالح وتقبل تحياتى وكل سنة وانت طيب

Android man 11-07-30 10:46 AM
رد: سوستة البام 21 اتكسرت ...
 
هات لها سوستة الديانا احسن ليك

BASiC 11-07-30 09:45 PM
رد: سوستة البام 21 اتكسرت ...
 
اقتباس:
المشاركة الأصلية كتبت بواسطة يهاء (المشاركة 160931)
بسم الله احى الحبيب محمد فتح الله غالى ومعاملتهم جافة ولكن هو من اوائل مستوردى البام وكل نواقص البنادق على مستوى المحلات بتكون عندة ودة مايمنعش انك تاخد الاصلية معاك وانتا بتشترى وطابقها عليها وربنا يوفق لما فية الصالح وتقبل تحياتى وكل سنة وانت طيب
انا شاكر جدا لإهتمامك وفعلا فتح الله مع انه محل كبير وقوي في المهنة بس معملتهم زي متكون بتشحت منهم

اقتباس:
المشاركة الأصلية كتبت بواسطة android man (المشاركة 160962)
هات لها سوستة الديانا احسن ليك
هل فعلا الديانا افضل ؟؟؟؟؟ وانهي سوستة ديانا 52 ولا 48 ولا ايه عشان انا قريت ان البام دي تقليد ال 52 وفي اماكن تانية 48

Peace Missile 11-07-30 09:55 PM
رد: سوستة البام 21 اتكسرت ...
 
السلام عليكم .. اخى الكريم ..
ربنا ان شاء الله يرزقك بسوستة ديانا 52 ..بدلا من السوستة القديمة ... ويرزقنى انا كمان معاك لان لسه النهاردة بندقيتى بردة اعتقد ان سوستها اتكسرت وانا للاسف اول مرة سوسته تتكسر معايا ... الكرال معملتهاش .. وانا لسه جايب البندقية جديدة من فتح الله .. اللى حصل انى وانا بعمر بالعتلة العتله مش بترجع للاخر ولما بضغط على الامان عشان ارجع العتله العتله بترجع بشدة لو سبتها ممكن تبهدل ايدى .. وشحمت البندقية وزييت وشويه تتعمر عادى وتشتغل كويس جدا وشويه تقف .. احد الزملاء قالى ان السوسته اتكسرت .. هل دة نفس اللى حصل معاك ؟؟؟ ولا ايه ؟؟ وهل بندقية حضرتك بام 21 ( اقصد مكتوب عليها Bam ) ولا Pioneer xs super max ???

تحياتى

BASiC 11-07-31 09:22 AM
رد: سوستة البام 21 اتكسرت ...
 
اقتباس:
المشاركة الأصلية كتبت بواسطة Peace Missile (المشاركة 161365)
السلام عليكم .. اخى الكريم ..
ربنا ان شاء الله يرزقك بسوستة ديانا 52 ..بدلا من السوستة القديمة ... ويرزقنى انا كمان معاك لان لسه النهاردة بندقيتى بردة اعتقد ان سوستها اتكسرت وانا للاسف اول مرة سوسته تتكسر معايا ... الكرال معملتهاش .. وانا لسه جايب البندقية جديدة من فتح الله .. اللى حصل انى وانا بعمر بالعتلة العتله مش بترجع للاخر ولما بضغط على الامان عشان ارجع العتله العتله بترجع بشدة لو سبتها ممكن تبهدل ايدى .. وشحمت البندقية وزييت وشويه تتعمر عادى وتشتغل كويس جدا وشويه تقف .. احد الزملاء قالى ان السوسته اتكسرت .. هل دة نفس اللى حصل معاك ؟؟؟ ولا ايه ؟؟ وهل بندقية حضرتك بام 21 ( اقصد مكتوب عليها Bam ) ولا Pioneer xs super max ???

تحياتى

اخي Peace Missile

إلي حصل معاية ان وانا بعمر الزناد مبيلقطش تعمير خالص يعني زي ما حصل مع حضرتك كده اني لما بعمر العتلة بترجع تاني بنفس قوتها وده معناه انك معمرتش وأظن ان ده بيحصل كمان لو ركبت سوستة أقصر من السوستة بتاعت البندقية ,,
انا كنت فاكر في الأول إن المشكلة في الزناد بس وانا بفتح البندقية لقيت السوستة حتتين والصدمة بقى ؟؟؟؟ بس طبعا الحمد لله لعى كل شئ ؟

وربنا يرزقنا احنا الإتنين بحد يدلنا على مكان السوتة الأصلي أو السوستة الديانا .....

وشكرا...


الساعة الآن 08:07 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir