اي حد من المنصورة
 

بقالي 3 اسابيع نفسي اصطاد بس المشكلة ان البندقية الكرال بتاعتي سوستتها اتكسرت و مش لاقي سوستة ...حد يقولي اجيبها منين انا من المنصورة وياريت لو اعرف سعرها و كام حلقة ...وهل تركيبها سهل يعني ممكن انا اركبها ....مع الشكر

رد: اي حد من المنصورة
 

السلام عليكم يا ابو عزة
فى اثنين اصحابى حصل لهم نفس مشكلتك
الاول جاب سوسته عادية تقريبا 33 حلقة فى حدود 30 الى 50 ج
والتانى ركب سوسته تل مجرى 2 سوستة فى بعض ب 50ج تقريبا
البنادق مش هتصدق ايه الى حصل لها بتطلع نار بجد
بس السوسته التل المجرى بتركب فى الكرال من غير دليل
وعالعموم لى صديق سأستفسر منه بالتفصيل وابلغ حضرتك

رد: اي حد من المنصورة
 

فى واحد فى اخر السكة الجديدة اسمه طارق والمحل بتاعة فى الميدان امام محطه القطر بين كافتيريا أم كلثوم وعصير الحارث(المحل اللى خلف عصير الحارث مباشرة) ان شاء الله تلاقيها عندة او يديك اى سوسته تركب عليها وممكن يركبهالك وممكن انت تركبها فى البيت بنفسك وفى المنتدى هنا شرح لفك الكرال وتركيبها ممكن ترجع له والموضوع سهل جدا

رد: اي حد من المنصورة
 

الف شكر يا استاذ سامي و الاستاذ فكري علي النصائح الجميلة و ان شاء الله البندقية تتظبط معايا و حيكون الفضل لله ثم ليكم

رد: اي حد من المنصورة
 

أنا من المنصوره و بكره إن شاء الله مسافر القاهره و هقابل الأستاذ ياسر كفافى .
لو عايز حاجه أجيبهالك من هناك انا معنديش مانع يا جميل .

رد: اي حد من المنصورة
 

على فكره أنا نفسى أتعرف على الناس الى من المنصوره وبيشركونى نفس الهوايه وفى واحد من المنصوره ايسمه جمعه للاسلحه ده رقم تلفونه 0113342403

رد: اي حد من المنصورة
 

حضرتك انا من المنصوره بدل متسافر دا رقم تلفوني 0145564536 شوف انت عايز اي وانزل انا معاك بكره واجبلك الي انت عايزه انا اسمي محمد الهنداوي

رد: اي حد من المنصورة
 

أهلا برجال المنصورة
اية رايكم نجمع بعض
ونعمل رابطة ونسميها ((رابطة المنصورة))
فى انتظار رأيكم

رد: اي حد من المنصورة
 

ما شاء الله رجاله المنصوره منورين المنتدى .
و يا رين نكون رابطه زى ما أخونا سامى ما قال .
بس المهم حد يساعد أبو عزه .

رد: اي حد من المنصورة
 

الاخ ابو عزة امامك حل من ثلاثة :
1- ان تذهب للاخ مصطفى صاحب محل الاسلحة اللى فى اخر شارع السكه الجديدة كما وضح المهندس فكرى فى المشاركة رقم 3 وتطلب منه سوسته للكرال بس هو ممكن يكون بيبالغ فى الاسعار شويه خد بالك واذا لم تجد سوسته الكرال اطلب سوسته التل المجرى الاثنين فى بعض فى منها عادية بحوالى 50ج كان صاحبى شاريها من المحلة وفى منها الاصلى بحوالى 100ج وتركبها بنفسك او تخليه يركبها لك ولكن لو ركبتها بنفسك افضل وهى عملية سهلة وهتوفر كتير
2- ان تذهب للاستاذ شريف فى القاهرة عنوانه 100ش شبرا روض الفرج او اى صديق يذهب مكانك
والاستاذ شريف هيعمل معاك احلى واجب وانا على استعداد لهذه المهمة مع العلم ان مقر شركتى فى القاهرة وبسافر بصفة دورية
3- فى احد اصدقائى معه سوسته تل مجرى اصلية بحوالى 100ج تشتريها منه ويركبها لك من غير دليل مع العلم انه ركب السوستة التل المجرى العادية فى بندقية كرال لواحد صاحبنا اقسم بالله البندقية بقت موس وبطلع شرارة نار لو ضربت فاضية
شوف اللى يناسبك ولو احتاجت اى استفسار انا تحت امر حضرتك

رد: اي حد من المنصورة
 

ياريت بعد الموافقة على انشاء الرابطة
نحدد سويا اهداف عملية للرابطة
مثل المساعدة فى حل مشاكل اعضاء الرابطة
تنظيم رحلات صيد بصفة دورية فى مناطق مختلفة
المساهمة بموضوعات جديدة مفيدة للرابطة
ومن يجد اى جديد يضيفة للافادة