ساعدونى بسرعه
 

انا اشتريت نوريكا جيت 2 وعليها اسكوب جامو 32*4 وضربت اول رشاية جبت يمامة من الرقبة مع انى كنت منشن على المنتصب (بالصليبة بتاعة الاسكوب ) وبعدين ضربت 3 يمامات ولا واحدة جت
والاسكوب العدسة الامامية بتلف وعليها من اول 10 ياردة وبعدين m وبعدين 15 20 لحد 100 ومش عارف اظبطه واليمام الى ضربته مكنش من مسافات وانا خدت التلسكوب على انه مظبط بميزان مية وملعبتش فيه خالص غير بلفف العدسة الامامية ومش عارف اظبطه فياريت المساعدة من الخبراء بدل مطفش اليمام على الفاضى

رد: ساعدونى بسرعه
 

العدسة الأمامية ده خاصة بضبط وضوح الصورة (بمعنى ضبط ال focus) و غالباً مكتوب عليها المسافات بالياردة و هي المسافة بين المنظار و الطريدة و ممكن تثبته في مكان معين على حسب انت بتضرب من بعيد أو من قريب و ممكن تعرف المسافة التقريبية بالياردة بينك و بين الطريدة من القراءة
و في أيضا العدسة العينية اللي بتبص منها بتلف أيضا و ده لضبط وضوح الشعار

رد: ساعدونى بسرعه
 

يا استاذى الصورة واضحة والشعار واصح بس الاسكوب مش مظبوط

رد: ساعدونى بسرعه
 

اولا مبروك عل المدفع الجت والاسكوب ....

بص يا استاذى الفاضل اتاكد ان الاسكوب مثبت جيدا ع البندقية من ناحية القاعدة وجسم البندقية ومن ناحية الاسكوب مع القاعدة ويكون الخط الافقى بتاع الصليبة موازى تماما مع البندقية وهى عدلة ف اتجاة الضرب لاملى يمن ولا شمال وتجيب ورقة نشان وتثبتها ع بعد مش اقل من 15- 20 متر فى مستوى ايدك وانت واقف وتحط الصليبة اللى ف الاسكوب عاللى ف ورقة النشان مع ملاحظة انى يكون تكبير الاسكوب ع رقم 3 اقل تكبير والفوكاس الامامى تظبطة لاوضح صورة وتسمى اللّة وتضرب وتشوف الرضربة جت فين من مركز الصليبة تحت او فوق او يمين او شمال مثلا جت تحت يمين تعلى مفتاح الاسكوب العلوى ف اتجاة الفك عكس دوران عقارب الساعة للتعلية
والمفتاح الجانبى للسكوب لليمين والشمال الرشة جت يمن يبقى تلفة يمين ف اتجاة دوران عقاب الساعة للاتجاة ناحية اليسار تكر داة لغاية متظبط الكروس ع الكروس بالضبط وبالتوفيق ان شاء اللّة

رد: ساعدونى بسرعه
 

بص يا باشا انا مستعملتش اسكوب غير النهارده بس والاستاذ مومو كان مظبطه بميزانين مية
عشان كده خايف اقربله بس انا لاحضت انى لما بلف العدسه الامامية للمسافة الصح بينى وبين اليمامة بتيجى انا لسه جايب وحدة دلوقتى ههههه بس لما المسافى بتختلف الطلقة مش بتيجى فى اليمامة فهل دى مسئلة تظبيط مسافات ولا ايه مع العلم ان الاسكوب سابت تماما على جسم البندقية ؟؟؟؟؟؟؟

رد: ساعدونى بسرعه
 

ساعدونى يا جماعة لانى زهقت وشكلى هشيل الاسكوب

رد: ساعدونى بسرعه
 

المفروض اقل مسافة تضرب بيها بسكوب 15 متر اقل من كدة مش هتيجى ف الهدف خاصة اذا كان هدف ارضى او عالى ومع التعود هتلاحظ دا وطبيعى هتخلص 50 رشاية على ما تتعود علية انما الفوكاس الامامى ملوش علاقة غير وضوح الصورة وصفاء الرؤيةفقط .

رد: ساعدونى بسرعه
 

الف شكر يا استاذ احمد لانك فدتنى بجد
ومعنى كلام حضرتك انى ملعبش فى حاجه وانشن عادى على اى مسافة اكبر من 15 متر وهتيجى ؟؟؟؟؟؟؟؟؟؟؟؟؟؟؟؟؟