سؤال للاخوة اعضاء المنتدى ... مش عارف اجابته
 

لاحظت فى المنتدى او فى محلات بيع السلاح ان اغلب المشترين بيشتروا مسدسات صوت
والحقيقة بيدفعوا فيها مبالغ بالاف الجنيات ومش عارف اي الحكمة من شراءها وهى مش هتحمى اللى بيشتريها فى حاجة
اولا صوتها غير صوت الحى
وشكلها بقى نمطى ومعروف انها صوت
ولو ضربت على هدف مش هيحصل اى اصابه للهدف وهيتعرف انه صوت
يبقى ايه فايدة الاف اللى بتدفع فيه
انا كنت فى محل البارودى اللى فى الجيزة ولاقيت واحد بيشترى رشاش صوت ودفع اودامة 5500 جنيه وماشى بيه فرحان اوى
مش حرام يا ناس يشترى لعبه ب 5500 جنيه
وكل مصر بتشيل دلوقتى السلاح المسروق وبقوا يفهموا فى السلاح الحى من الصوت
يبقى ايه الفايدة من اسلحة الصوت دى لعبه يا اخوانا
و واحد هيقولى احسن من مفيش
لا مفيش احسن لان البلطجى او قاطع الطريق مش بيهوش هتضربلوا طلقة صوت
هيخرم جسمك بالحى
وانت مكسبتش حاجة ولا حققت شىء ماشى بلعبه وفاكر انك كده بتظهر بمظهر مخيف وده طبعا مش حقيقى
اتمنى اعرف الرد من اى حد هنا فى المنتدى

رد: سؤال للاخوة اعضاء المنتدى ... مش عارف اجابته
 

أولا أهلا بحضرتك فى المنتدى و نورت ثانيا محدش حضرتك بيشترى دلوقتى المسدس الصوت لأنة صوت لا دلوقتى فى حاجة أسمها طلق بلى و دة عبارة عن طلقة صوت عادية بيركب عليها رولمان بلى حديد او صلب و هو عبارة عن عدة مقاسات 2 /3 / 4 / 5 / 6 و هكذا و بيتم ازالة الطبة الأصلية للمسدس (اللى هي بتاعه الصوت) و بتركب مكانها طبة تانية أقوى شوية علشان تستحمل و بعدين تخلى الأجزاء بتاعه المسدس تتشد أوتوماتيك و حضرتك عارف صعوبة تراخيص المسدس الى فى مصر و كمان الحصور علية و كمان غلاء سعرة فهو دة يعتبر الحل البديل و ماشى كويس فى شوية مشاكل بتقابل بعض المسدسات لكن فى أخوة فى المنتدى هنا بجهودهم الجبارة بيتغلبوا عليها أول بأول ف ان شاء الله تجيبلك واحد و خرم فى اى حد يزعلك :):):)

تحياتى .

رد: سؤال للاخوة اعضاء المنتدى ... مش عارف اجابته
 

البعض بيشتريه هوايه البعض يشتريها حمايه البعض يشتريها للافراح
اما حكاية رشاش الصوت فده تبذير جدا
وعلى فكرة مسدس الصوت لو حطيته في راس البلطجي ممكن يضربه وده من كلام اعضاء المنتدى الكرام

رد: سؤال للاخوة اعضاء المنتدى ... مش عارف اجابته
 

استاذ شهريار انت غير مقتنع بالصوت سيادتك معاك اية يا استاذى الفاضل ممكن تنصحنا ؟

رد: سؤال للاخوة اعضاء المنتدى ... مش عارف اجابته
 

اكيد معايا حى طبعا وانا شايف ان مسدس الصوت لعبه وممكن تضر اللى بيستخدمه ومينفعش يدافع بيهةعن نفسه

رد: سؤال للاخوة اعضاء المنتدى ... مش عارف اجابته
 

حضرتك مقرتش الحوادث الى قتلوا بعض بمسدس صوت بلى؟؟؟ حضرتك متعرفش ان لو مسدس الصوت ضرب فى عينك او ودانك من 20 او 30 سم كده هيطيروا الاتنين؟؟؟ معلش احنا على قدنا ولسه مطلعناش رخصة الحى فبنتمسح فى الصوت ابو بلى

رد: سؤال للاخوة اعضاء المنتدى ... مش عارف اجابته
 

الاستاذ شهريار اهلا بيك فى المنتدى وعلى فكره انا فكرت زيك كده من حوالى 15 سنه وكنت بقول ايه الناس اللى بتفع فى الصوت فلوس كتير بس مش كل الناس الىل هنا هتستخدمها فى الدفاع عن النفس لاء الاقتناء وهوايه التجميع زى اللى بيجمع عملات ممكن يشترى عمله ب 100.000 جنيه ليه لان الحاجات دى بتكون زى التحف انا هويت موضوع السلاح ده من 12 سنه بالظبط وعندى تشكيله من الخناجر والمطاوى والسلاح الناس مش بتلاقيها دلوقتى مجرد بس انك تتفرج عليها وتنضفها وتحطها عندك ده ليه احساس تانى خالاص لو تفتكر حضرتك زمان وانته واصحابك فى الشارع كان اللى عنده عجله bmx بيكون واد جامد وكل واحد بيحاول يجيب الاحسن علشان بس انته حابب ده وبعدين دلوقتى زى ما تفضل استاذ احمد على مقالك انه لو حد عايز يجيبه حمايه برده بينفع بس المنتدى هنا الهوايه اكتر من الدفاع عن النفس وياريت مكنش طولت عليك حاول تحس باستمتاع وانته بتتفرج عليهم وهما عندك وكل واحد ليه شكل وصوت واهتمامك بيه وشكرا ليك على طرح الموضوع

رد: سؤال للاخوة اعضاء المنتدى ... مش عارف اجابته
 

رد: سؤال للاخوة اعضاء المنتدى ... مش عارف اجابته
 

الحقيقة انا معرفش موضوع البلى الحديد ده انا كنت فاكر انه طلق صوت وبس لكن لو فعلا البلى هيتضرب بقوة واندفاع ممكن يعمل اصابات عن قرب وفى الحالة دى يبقى مجرم ويعرض للحبس لكن انا فهمت الغرض كده
شكرا للردود... والمعلومة وصلت