الصيد فى مصر - فكرة للقضاء على البلطجيه فى كل مكان

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - فكرة للقضاء على البلطجيه فى كل مكان (http://www.egyhunt.net/showthread.php?t=11903)

esshak

11-07-07 01:54 PM

فكرة للقضاء على البلطجيه فى كل مكان

انا اسف لو حد اعترض بس مجرد فكرة منى وانا اول واحد مستعد للتفيذ بيه

يعنى لو فى بمنطقتك بلطجى وانت خايف تواجه لوحدك وطبعا لو ضربته او عملتله حاجه هيبقى عارفك وعارف بيتك وشغالنه كده بس ايه رايك ان كلنا نجيللك ونقف معاك ونواجهه كلنا وهو طبعا مش عارف احنا مين او بيوتنا فين ويوم عندك ويوم عندى ويوم عند غيرك ونضف البلد وازاى كانوا عمله رابطيه علينا احنا كمان نعمل مجموعه جامده من خمسين واحد مثلا او اكتر على حسب اللى عاوز يجى ونظبط الكلام معاهم واهما اساسا اجبن من الجبن نفسه

sultan

11-07-07 02:00 PM

رد: فكرة للقضاء على البلطجيه فى كل مكان

اقتباس:

المشاركة الأصلية كتبت بواسطة esshak (المشاركة 143519)

شعور جميل بس محدش متوقع الموضوع واصل لفين ممكن تلاقى بيتقبض علىنا بتهمه البلطجه منتا مش من المنطقه وهتعمل زعر اكيد وهيبقى فى ضرب بلى هههههههههههههههههه

esshak

11-07-07 02:10 PM

رد: فكرة للقضاء على البلطجيه فى كل مكان

تخيل نفسك ضعيف ولوحدك وواحد بيفرض عليك اتوة تعمل ايه

HatemAhmed

11-07-07 02:10 PM

رد: فكرة للقضاء على البلطجيه فى كل مكان

أنا عاجبنى الموضوع

abdalla nabel

11-07-07 02:14 PM

رد: فكرة للقضاء على البلطجيه فى كل مكان

ممكن الرد بقبول الفكرة او رفضها
وانا علي اتم استعداد اقف او اساعد اي حد من زميلي في المنتدي

sultan

11-07-07 02:17 PM

رد: فكرة للقضاء على البلطجيه فى كل مكان

انا مستعد اقبل الفكره لو فى حدود منطقتى يعنى حلوان مثلا وتبقى تجمعات صغيره يعنى مش هروح اتخانق فى كفر الشيخ ولا انتو مش معايا والموضوع ده يحصل لوحده بين اعضاء المنطقه الواحده بدون تكليف

esshak

11-07-07 02:30 PM

رد: فكرة للقضاء على البلطجيه فى كل مكان

يا استاذ سلطان الموضوع مش موضوع انى اتخانق او ابقا انا كمان بلطجى بس تخيل انك واقف لوحدك قدام بلطجى غير لما يكون معاك خمس رجاله معاك على الاقل البلطجى هو اللى هيخاف هيعملك حساب

sultan

11-07-07 02:34 PM

رد: فكرة للقضاء على البلطجيه فى كل مكان

اقتباس:

المشاركة الأصلية كتبت بواسطة esshak (المشاركة 143561)

معا احترامى لفكرتك هوه مفيش حد ضعيف ومفيش حد لوحده لو مكنش ليه اصحاب يبقى جران ولو مفيش يبقى قرايب ولا انتا ايه رئيك وانا لما بقول كده بقول انى ممكن اقف جنب اى حد ومش لازم يكون من المنتدى لمجرد انه مظلوم وده مش شعورى لوحدى اظن ان كلنا هنا عندنا نفس الشعور

esshak

11-07-07 02:45 PM

رد: فكرة للقضاء على البلطجيه فى كل مكان

عموما هى فكرة وعرض للمساعده ليس اكثر ويارب البلطجه تختفى من مصر كلها

moneey1975

11-07-07 03:25 PM

رد: فكرة للقضاء على البلطجيه فى كل مكان

واعتصموا بحبل الله جميعا ولا تفرقوا
الايمان بالله وبقدره اكبر حمايه من البلطجيه

pooforever_2010

11-07-07 03:46 PM

رد: فكرة للقضاء على البلطجيه فى كل مكان

انا علي اتم استعداد اقف

الأفوكاتو

11-07-07 06:53 PM

رد: فكرة للقضاء على البلطجيه فى كل مكان

انا مؤيد تماما لهذه الفكرة .. ومستعد للمساهمة فيها في اي وقت
خالص تحياتي للجميــــــــــــــــــــــــــــــع

Biso007

11-07-07 07:04 PM

رد: فكرة للقضاء على البلطجيه فى كل مكان

ممكن الفكرة دى نحولها للجان شعبية دائمة خاصة بكل منطقة و كل لجنة معاهم نمر تليفونات بعض و ممكن يتجمعوا لانقاذ او مساعدة اى حد من منطقتهم عن طريق رقم تليفون معروف لكل سكان المنطقة ... انا كنت عامل كدة ايام الثورة و كنت مسئول عن لجنة شعبية من حوالى 40 واحد و فى اقل من دقيقتين كنا بنتجمع بالاسلحة لو الامر لزم ... بس ايام الثورة كانت الظروف مختلفة و الجيش كان عارفنا و معتمد علينا و سامح اننا نهاجم اى عربية او شخص محل شك ... لكن دلوقتى مأظنش ان الحكاية دى ممكن تعدى بالساهل مهما كان الظرف.

mido	11-07-07 07:07 PM

رد: فكرة للقضاء على البلطجيه فى كل مكان

السلام عليكم
فكره عبقريه جدا وانا كمان مستعد
بس البلطجيه اللي عندي صعب الواحد يوقف قدامهم قبل الثوره كان بيخلو الحكومه يجرو منهم

واقل حاجه عندهم استخدام سلاح ابيض وبعد الثوره واللي حصل فيها مفيش حد فيهم معهوش فرد او خرطوش
واعدادهم كبيره جدا

mman2005

11-07-07 07:09 PM

رد: فكرة للقضاء على البلطجيه فى كل مكان

هى فكرة حلوة وكويسة خصوصاً وأن البلطجة عادة ضعيف أمام أى مجموعة من الناس واقفة مع بعض، بس المسألة مش بالبساطة والسهولة دى، يعنى ممكن أحد الأعضاء من المنتدى مثلا متخانق مع واحد جاره فى الشارع يروح لمم المنتدى ويروحوا يظبطه الراجل ويطلع الراجل مظلوم فى النهاية والعضو بيستغل الأعضاء، مشكلتى أنا فى منطقتى أنى ساكن أنا ومراتى وإبنى الرضيع، وتقريباً معظم الجيران مش عارفنى إلا عدد قليل ومليش أصحاب فى المنطقة لأنى ساكن فيها جديد، لكن والحمد لله مفيش حد بلطجى فى المنطقة ولو فيه حد أنا كفيل بيه لوحدى بعون الله إذا تعرض لى أو لأسرتى والله مش هسيبه غير ما أمسح بيه الشارع حتى لو معاه 5 بلطجية، أنا مجهز عصاية حديد عندى ويا روح ما بعدك روح.

mman2005

11-07-07 07:11 PM

رد: فكرة للقضاء على البلطجيه فى كل مكان

اقتباس:

المشاركة الأصلية كتبت بواسطة mido (المشاركة 143836)

أنا تخصص سنج ومطاوى، لكن ضرب نار أجبلك حموكشة الأقرع:):):)

mido	11-07-07 07:52 PM

رد: فكرة للقضاء على البلطجيه فى كل مكان

اقتباس:

المشاركة الأصلية كتبت بواسطة mman2005 (المشاركة 143840)

أنا تخصص سنج ومطاوى، لكن ضرب نار أجبلك حموكشة الأقرع:):):)

هههههههههههههههههههه
هما كانو تخصث سنج ومطاوي زمان
دلوقتي دخلو في الاسلحه اللي اتسرقت الميري والالي ومخدرات الترامادول في بؤقهم زي اللبان
دول ما ينفعش معاهم غير الجيش لانو الجيش بلا رحمه ودول اصغر واحد فيهم في اعدادي عليه
حكم في قضيه الشروع في القتل وهاربين من احكام ومسجلين خطر والواحد فيهم لما بيخش السجن
بيدخل يكون صداقات وليه اللي ياخد له حقه بره السجن

esshak

11-07-07 08:13 PM

رد: فكرة للقضاء على البلطجيه فى كل مكان

بس يا باشا اولا فى ناس معانا معاه سلاح مترخص ده لو وصل الامر لكده وبعدين هو مش هايحارب الناس كلها ولو وصل للرد بنفس الاسلوب هيحصل واحنا كرجاله ونقدر نحمى بيوتنا وبلدنا نقدر عليهم

mido	11-07-07 08:29 PM

رد: فكرة للقضاء على البلطجيه فى كل مكان

الشكله الامر مش بالسهوله دي دول مستغنين عن عمرهم بعدين دول اكتر من 50 واحد هتلاقي مولوتوف هتلاقي
رششات الي دي منطقطهم عاملين حسابهم في كل حاجه دول عندهم مخزن سلاح
في ناس اتمسكت منهم ايام الثوره لما الجيش نزل كانو سارقين هارد وخزنه من القسم والمرور لما طلعو كان زي الارانب دلوقتي تعالي اتفرج بيبعو السلاح في الشارع المخدرات ماشين بيها عادي جدا في كيس بلاستيك المخدرات
بتيجي في توكتوك ديلفري بعدين السلاح اللي محتاجه محتاج ار بي جيه قذائف هاون كانك داخل حرب عشان تخلص
عليهم واللي يعيش منهم يعيش واللي يموت منهم مالوش ديه

mman2005

11-07-07 09:12 PM

رد: فكرة للقضاء على البلطجيه فى كل مكان

اقتباس:

المشاركة الأصلية كتبت بواسطة mido (المشاركة 143889)

باشا إحنا عندنا عيال عايزين نربيها والمسامح كريم ويا بخت من قدر وعفى، والكلمة الطيبة صدقة ورمضان كريم.

mido	11-07-07 09:20 PM

رد: فكرة للقضاء على البلطجيه فى كل مكان

اقتباس:

المشاركة الأصلية كتبت بواسطة mman2005 (المشاركة 143929)

باشا إحنا عندنا عيال عايزين نربيها والمسامح كريم ويا بخت من قدر وعفى، والكلمة الطيبة صدقة ورمضان كريم.

هههههههههههههههههههههههههه انا بقول برضو الطيب احسن

هي حسبي الله ونعم الوكيل كفايه عليهم

mido	11-07-07 09:24 PM

رد: فكرة للقضاء على البلطجيه فى كل مكان

ربنا يخليلكو اولادكم ويجعلهم ذريه صالحه ان شاء الله

الساعة الآن 05:47 PM