رجاء
 

اخواني ارجو عدم صيد حمام البرج لانه بيكون ملك للناس ومنهم ارمل يعملون علي تربية الايتام وجزاكم الله خيرا

رد: رجاء
 

قل من حرم زينة الله التى اخرج لعباده والطيبات من الرزق
ياباشا حمام البرج ملك لله وصاحب البرج اصطاده بطريقة بناء البرج فهو ملك له مادم فى حيز صيده او ما يتجول فى ملك الله يعود ملك لله من حق الجميع ان يصيده

رد: رجاء
 

مع احترامى لسيادتك . غلط ..

رد: رجاء
 

استاذ عوض وعم فكرى
ده رايي ومحتفظ بيه لنفسي بس هقوله للنقاش
قال رسول الله صلى اله عليه وسلم ان الحلال بين وان الحرام بين وبينهما امور مشتبهات لا يعلمهن كثير من الناس فمن اتقى الشبهات فقد استبرء لدينه وعرضه ومن قع في الشبهات وقع فى الحرام كالراعي يرعى حول الحمى يوشك ان يرتع فيه.........
لو طبقنا الحديث على الطرائد تجد الحلال البين مثل اليمام والقمري وفراخ المية
الحرام البين الجوارح الصقور والغربان والحداة وغيرهم
المشتبه فيه اي الحكم فيه غير واضح واكرر هذا رايي الخاص وغير ملزم لاحد غيري تجد الحمام ناس تقول حلال ولهم اسبابهم وناس تقول حرام وليهم اسبابهم وانا اقول ابعد يواد يابومسلم احسن لك اتقاء للشبهات احسن تقع في الحرام كفاية ذنوب
وكما نقول في المثل الفلاحي على ايه المشنة متكفتش لسه

رد: رجاء
 

ليا تعليق بسيط على جزء من كلامك الخاص بقتل الغراب والحداة
وهو ان فيه حديث يروى عن المعصوم صلى الله عليه وسلم انه خمس يقتلون فى الحل والحرم وذكر منهم الغراب والحداة
ملحوظة . الله اعلم بدرجة صحة الحديث

رد: رجاء
 

حمام البرج غالباً ما يكون مخلوط من حمام الأهالي والحمام البري والإختلاف واضح بينهما في اللون والحجم فالبري ألوانه من الأسود والرصاصي وأصغر حجماً، فإن لم تستطع التمييز فكما قال أخ أبومسلم إبعد عن الشبهات، والله أعلم ،تحياتي

رد: رجاء
 

الحديث صحيح بس كان قصدى اكلهم مش قتلهم فقتلهم حلال واكلهم حرام

رد: رجاء
 

بس اعتقد ان قضية اكلهم ليست محل خلاف بين اهل العلم ولا ايه

رد: رجاء
 

انت فهمت ايه
ما انا قلت هى من الحرام البين الذي ليس فيه شبهة

رد: رجاء
 

اقصد ان ده لا يلزمه توضيح لانه بديهى

رد: رجاء
 

لو ممكن ابدى رأيى
انا باقول ان اللى عايز حمام برى يصتاده بعيد عن الابراج عشان يخرج من دائرة الشبهة ده لو كان فيه شبهة يعنى بالنسبة لصيده من البرج .. الله اعلم
وانا عملت موضوع من قريب بسأل فيه عن اماكن تواجد الحمام البرى
فببساطة اصطاد الحمام البرى بعيد عن البرج وخلاص
او استفتى عالم فى جواز الصيد فى البرج من عدمه

رد: رجاء
 

رد: رجاء
 

أستاذ أبو مسلم .. من الآخر كده وبدون مقدمات أنت شخص مؤدب وظريف وأنا أحبك .

رد: رجاء
 

الله يخليك ويحفظك فكرى باشا وده من ذوق حضرتك بس
بس ليك ولكل الناس الحلوين فى المندى هههههههههه متقلش كدا تانى عشان خطرى اصلى مبحبش النوعية دى من الكلام