هل يوجد مسمد حلون 9مم صوت؟
سلام عليكم
هل يوجد مسدس نفس شكل الحلوان و نفس الكتابة اللي على الحي بس صوت؟؟ لان شفته مع احد الاشخاص و لما هزت معاه و خوفته اني هبلغ اهله قالي دا صوت بس انا مش مقتنع؟ |
رد: هل يوجد مسمد حلون 9مم صوت؟
الحلوان انتاج مصانع حربية و بالعقل كده هل مصنع حربى بينتج و يطور اسلحة هينتج اسلحة صوت و لو فرضنا ان ده حصل هل انتجوه فى السر مافيش سلاح اتوجد فى ارض مصر الا و كل الناس عرفاه
باختصار لا يوجد مسدس صوت "حلوان" مصرى |
رد: هل يوجد مسمد حلون 9مم صوت؟
5 مرفق
فيه فعلا مسدس صوت ايطالي شبه الحلوان المصري الحي بالملي واسمه Kimar Brigadier وبيتباع عادي من غير ترخيص يعني الراجل ماضحكش عليك ولا حاجة ومافيش داعي تبلغ اهله يا عم (ده شغل عيال) وانت مش كدة ، ودي صورة السلاح
خالص تحياتي للجميــــــــــــــــــــــــــــــــــــــع |
رد: هل يوجد مسمد حلون 9مم صوت؟
اقتباس:
خالص تحياتي للجميـــــــــــــــــــــــــــــع |
رد: هل يوجد مسمد حلون 9مم صوت؟
اقتباس:
|
رد: هل يوجد مسمد حلون 9مم صوت؟
ان طبعا مش هبلغ عنه ولا حاجه ختي لو حقيقي دي حرية شخصية طالما هو مش بياذي بيه حد ولا انسان وحش
بس هو مكتوب عليه حلون و صنع في مصر و كل حاجة يبقى هو حقيقي فعلا الف شكر ليكم |
رد: هل يوجد مسمد حلون 9مم صوت؟
يا كبير انا عارف طبعا انك خبرة مش محتاجة كلام دي بس يمكن هو يقصد بالكتابة (الحفر مثلا اللي علي الأجزاء) ومش نفس الكتابة يعني ، ولا ايه يا عم يا صحاب الموضوع انت فين (هاتلي الواد ده وانا هاقول انا لأهله واخد المسدس ليا ) اهو الكيمار بردو مسدس شديد وهيبة كدة ههههههههه
خالص تحياتي للجميـــــــــــــع |
رد: هل يوجد مسمد حلون 9مم صوت؟
اقتباس:
خالص تحياتي للجميــــــــــــــــع |
رد: هل يوجد مسمد حلون 9مم صوت؟
صباح الفل حبايب قلبي...إنتوا الإثنين كلامكم صحيح...كان في مسدس صوت نسخة من البريتا والحلوان القديم من إنتاج ورش فتح الله بالإسكندرية...ولم يلقي رواجا لسوء خامته وتفنيشه...لكن المصانع الحربية لا تصنع مسدسات صوت...بتصنع طلقات فشنك ( صوت ) لزوم عمليات المناورات والتدريبات ولإستخدامها مع البنادق التي يركب عليها رأس قاذف لقنابل الدخان والصوت والغازات وكذلك القنابل اليدوية...خالص تحياتي...
|
رد: هل يوجد مسمد حلون 9مم صوت؟
واناشفت المسدس الى قال علية سيادة القنصل فى محل بالجيزة بجوارالكبرى بس من فترة طويلة وهو فعلان شبة الحلوان ولما سالت علية الراجل البياع قلى حلوان صوت
|
رد: هل يوجد مسمد حلون 9مم صوت؟
اقتباس:
حضرتك فاكر مسدس فتح الله مكنش مكتوب عليه حلوان طبعا المسدس دة حى وانا شايف ان الموضوع بدون تهريج لو هو صديقك وخايف عليه بلغ اهله لأنه طالما خايف يبقى المسدس مش مرخص طبعا وممكن يكون مسروق فى الأحداث الأخيرة ويجيب لنفسه بلوة ومصيبة ويدخل السجن لا قدر الله لو بتحبه خليه يسلمه للشرطة او بلغ اهله تحياتى |
رد: هل يوجد مسمد حلون 9مم صوت؟
1 مرفق
المسدس ده مش مسدس حلوان أصلاً لكن الشبة كبير بينهما
|
رد: هل يوجد مسمد حلون 9مم صوت؟
الاخوة الاعزاء.. فعلا فيه مسدس صوت انتاج مصنع حلوان الحربى وهو Walther P88 وهو 8mm وليس 9mm ومحفور على الماسورة made in ARE أنا لا أعلم بالتحديد متى بدأ انتاجه - أنا عندى واحد فى مجموعتى :) - حصلت عليه من أحد المهندسين العاملين فى المصنع صورته فى الرابط ده - ده كان اعلان من واحد بيبيعه -
http://kulshe.com/-2/ads-12/133/127915.html |
رد: هل يوجد مسمد حلون 9مم صوت؟
الاخ العزيز بالنسبة للمسدس الولتر المصري انا معايا واحد وشارية من نفس الراجل تقريبا ( جسر السويس 0 محمود) وهو من انتاج مصانع فتح الله وليس المصانع الحربية انا كنت فاكلر زيك بالظبط لكن انا اتاكدت من موضوع المصنع
وبالنسبة للمسدس الصوت الحلون 9 م في حاجة بس نادرة من انتاج شركة كيمار الايطالية اسمه جرادير وهي نسخة طبق الاصل من المسدس الحلوان 920 وموجوده عند احمد منسي لسة شايفها النهارده ب 3400 بس حرام السعر ده تقبل مروري |
رد: هل يوجد مسمد حلون 9مم صوت؟
بصراحة أنا لم أتمكن من التحقق من موضوع مصنع حلوان أو لأ - أولا لأنى لم أشك فى ان الراجل كذاب ثانيا ان ليس لى خبرة بما تنتجه المصانع الحربية ثالثا المسدس كان جديد - لكن مش عارف انتاج حديث ولا لأ -
لكن هل فتح الله كان بيصنع بترخيص من شركة مثل Walther ؟ على العموم أنا سوف أبحث أكثر فى الموضوع |
الساعة الآن 02:39 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir