|
البوظة على طريقة العباسى
صباح الفل
البوظة المشروب اللذيذ كلنا ينشربة من واحنا اطفال اختلف فيها الراى والكلام ناس قالت بيعملوها من العيش المعفن وناس قالت بيخمروها وبتسكر وناس قالت ما كثيرة مسكر فقليلة حرام وحرموها هنا هنكلم عن البوظة اللى لا بتسكر لا بقليل ولا كتير وبصراحة دايما بشوف الأطفال بيشربوها فى الشارع ومفيش حد فيهم بيقول انا جدع ههههههههههه كنت م زمان جدا من وانا فى 5 ابتدائى كل ما نسافر البلد والدى يبعت يشتريلنا بوظة من السوق الأسبوع بالقرية وكنت بحب طعمها اوى وفاكرة عشان كدة لما كنت بشرب البوظة اليومين دول والاقيهم حاطين عليها مكسبات طعم زى الفانيليا والمورد كنت بدايق منها بصراحة مانا خبرة هههههههههههههه شربتها كتير وانا صغير وعارف طعمها كويس والبوظة يا معلمين سر دفين يعنى مفيش مخلوق يقولك بتتعمل ازاى وكلة يتوهك يا نجم وكأنة سر حربى البوظة مشروب لذيذ قريب الشبة من الأيس كريم ولكن بدون تلج يعنى يبقا ساقع بس وممكن تشربة فى كوباية او تشترية فكيس وطبعا استخدم خيالك بقى وشوف هثشرب من الكيس ازاى هههههههههههه اخرم واشفط يا معلم لما بنروح نصطاد سمك من الصف جيزة بنعدى على راجل بيعمل بوظة قولتلة مرة انا مش من هنا وباجى لما بسافر بس ماتقولى البوظة بتتعمل ازاى عشان بنحب نشربها فى البيت والصراحة الراجل كان متعاون جدا جدا وقفل بقة ومانطقش بولا كلمة ههههههههههههههه بينى وبينكم حطيت الموضوع فى دماغى والحمد لله فى خلال اسبوعين وبالبحث والتنقيب والتجريب وصلت ل طريقة صناعة البوظة بالمقادير والتكنيك المثالى وكمان فى اسرع وقت ممكن يعنى ممكن حوالى ساعتين تكون عامل بوظة وبتشرب يا معلم يعنى لا بتلحق تخمير وسكر والكلام الفاضى دة وطبعا معروف ان السكر بيتحول لكحول بعد 3 ايام واحنا كبيرنا ساعتين باذن الله انا عمرى ما طلبت تقييم من حد على المنتدى اطلاقا لكن معلش بقا انا بجد تعبت جدا فى موضوع البوظة دة واللى مش مصدق يجرب ويقولنا بتتعمل ازاى بمقادير وتكنيك وكلة لو 20 عضو طلبوا الطريقة هقولها وطبعا ماتنسوش التقييم وهقدم الموضوع بالصور والمقادير وافضل نتيجة وتصنيع من خامات راقية جدا ونضيفة جدا جدا وطبعا محبى البوظة هيدعولى وهسيب الموضوع للمناقشة اسبوعين واقابلكم بعديها ونشوف كام واحد عاوزين البوظة ها مين عاوز يبوظ هههههههههههه |
رد: البوظة بالصور من العباسى
قائمة طالبى طريقة عمل البوظة 1- محمد حبيب 2- ابو عمرو 3- الكناس 4-ابراهيم 5- محمد محمود 6-المسيرى 7- محمد شادى 8-ابو مروان 9- هوجان 10- coyote160 11- ايميل مينا 12- نسر مصر 13-مودى كمال 14-سمارت جوست 15-كيمو 16- ايمن 17-محمد خلف 18-ابويا ههههه 19-هشام سمير 20-وكمان هشام سمير ههههههههههه طبعا بناء على طلب الجماهير والناس اللى بتعشق البوظة وانا اولهم نبدا بالصلاتوا على النبى ونقول حكايتى مع البوظة بحبها بحبها وفقلبى ساكن حبها تاتاتاتاااااا بجيبها فكيس بجيبها فكيس واشربها وحدى كلهاااااا بحبها بحبها لكن خلاص عملتها اتقنتها وهعلم الدنيا وتعمل زيهااااا بحبها بحبها ماعلينا ههههههههههههههه فكرت اعمل بوظة عم محمد المعلم بتاعى فى صيد الريم لاحظ اننا بنشترى بوظة كتير واحنا رايحين نصطاد انا بشترى بخمسة جنية وانا رايح وخمسة جنية وانا راجع قاللى ماتعملها قولتلة ازاى قاللى كيلو دقيق زيرو وكيلو بلدى وعلى الناروتتخمرها يومين وتحط السكر وتصفيها وتشرب جربت كلامة مازبطش وبهدلة تصفى بقا وشاش ومصفة ديقة اوف دخلت النت دورت ونخربت لقيت الطريقة اللى ذكرها احد الأعضاء هنا وجيت اشرب لقيت مية بليلة ودلعة كمان لا كان لازم اتصرف بدماغى انا عارف طعمها كويس جدا وكمان الطعم الأصلى وبدون اى مكسبات طعم ابتديت اجرب واطور وصولا للطعم الرائع نبدا طريقة عمل البوظة على طريقة العباسى المقادير كوب ونصف سكر كوب دقيق زيرو خمس اكواب مية من نص معلقة كبيرة خميرة لتلتين معلقة + نص كوباية مية وربع معلقة سكر نصف رغيف بلدى او نصف بلدى ويفضل يكون مبيض مش محروق الادوات مضرب سلك يدوى هاند ميكسر عمودى او خلاط بشفشق حلة كبيرة تستوعب من 3 ل 4 لتر الطريقة نقطع النص رغيق لقم صغيرة ونحطة فى الحلة ونضيف علية الخمس كوبايات مية ونسيبة يبوش حوالى 15 دقيقة وبعدين نضيف علية السكر والدقيق ونضربة بالميكسر او نضربة فى الخلاط لما نعدمة العافية وياريت نهتم بموضوع الضرب كويس عشان مايبقاش فية فتافيت عيش فى البوظة نولع النار على الحلة ونبدا نقلب تقليب مستمر بالمضرب السلك ودى خطوة مهمة جدا عشان ماتكلكعش مننا تقليب بالمعلقة نو هتكلكع منك يا برنس تقليب بالمضرب لمرحلة الغليان ودى هنسميها مرحلة النضج وعلاماتها ان الرغاوى اللى فوق هتختفى والبوظة تغمق سنة وتبقبق يعنى تطلع فقاقيع بصوت نطفى عليها بقا ونسيبها تبرد ومفيش مانع اننا نراقبها ونقلبها بالمضرب السلك من حين لأخر عشان تبرد بسرعة قبل ما البوظة تبقا دافية او فاترة ب عشر دقايق نجيب تلتين معلقة الخميرة وندوبها فى نص كوباية مية و ونضيف ربع معلقة سكر ونسيبها عشر دقايق لو بقت زى الصورة مطلعة رغاوى على الوش يبقا تمام شغالة نضيف الخميرة امتة لما البوظة تبقا دافية او فاترة طيب امتة نضيفها وهى دافية وامتة نضيفها وهى فاترة نضيفها للبوظة وهى دافية لو الجو برد ونضيفها للبوظة وهى فاترة لو الجو حر معروف طبعا ان دافية يعنى اكتر حرارة من فاترة طيب اية الأختبار الحقيقى لدرجة حرارة الحلة اختبار وحيد صادق وعملى انك تشيل الحلة على كف ايدك عشان تعرف درجة الحرارة الحقيقية مرة بوظت البوظة عشان ضفتها وهى سخنة الخميرة ماتت اهرء اهىء اهىء ههههههههههه نختبر الحلة ونلاقيها دافية بس او فاترة نضيف نص كوباية الخميرة اللى بقالها عشر دقايق بتنشط نفسها ونقلبها كويس جدا جدا جدا بالمضرب السلك نقلبها كويس جدا عشان تبقا كلها سمك واحد وماتلسعش مننا ونغطيها ونسيبها على البوتجاز لمدة ساعة فى الصيف وساعة ونص فى الشتا وبعد الساعة او الساعة ونص نفتح الحلة نلاقيها خمرت لو ما خمرتش يبقا انت جايب خميرة وحشة ولا اختبرتها ولا يحزنون وقومت مقلبها وراميها فى الحلة ومكبر دماغك وحلقت ل اصول الصنعة وهنا بقا البوظة هتردلك الصاع صاعين وهتبوظ او انك ضفتها والبوظة سخنة جدا عشان كدة الخميرة ماتت اهىء اهىء اهىء لو خمرت يبقا تمام وطبعا قولنا حلة كبيرة عشان هتخمر وتزيد تضيف ليها كوباية مية عشان هتلاقيها خمرت وجلدت وعاوزة شوية مية طبعا فية حاجة مهمة الدقيق وما ادراك ما الدقيق ساعات تعملها تلاقيها مش عاوزة كوباية المية دى وساعات عاوزة كوبايتين مش كوباية بص يا نجم بعد ما البوظة خمرت هتضيف مية حسب تفضيلك لقوام البوظة وانا برشح كوباية لكن ممكن تخالفنى وتضيف نص كوباية او كوباية ونص دا هيبقا حسب نوع الدقيق وحسب تفضيلك الشخصى وكدة تبقى البوظة تمام التمام لو حطيتها فى التلاجة هتوقف التخمر وعيش يا نجم انا ساعات بسيبها برة التلاجة ساعتين تلاتة كمانعشان بكون بنقلها من المكتب للبيت فى اى شفشق عشان لو حطيتها فى التلاجة وجيت انقلها مكان تانى هتفش ششششش وانا ببقا عاوزها قوية ههههههههههههه خبرة بقى موضوع الخميرة هتجيب خميرة بجنية هتعملك من مرتين لتلاتة اشتريتها من جنب البيت فى شبرا لخيمة عملت مرتين واشتريتها من عين شمس جنب المكتب عملت 3 مرات يعنى حسب اللى بيبعلك كمية الخميرة حوالى معلقة شاى ونص او تلتين معلقة كبيرة طبعا الخميرة حتت ومكسرة بس هتقدر تعايرها بعنيك بعد ما تبقا خبرة حفظ الخميرة مش معقول كل ما تحب تعمل بوظة تبعت تشترى انت اشترى بجنية واستعملها واحفظ الباقى فين فى الفريزر بس قطعها قبل ما تدخلها الفريزر وبكدة تبقى خميرتك فى تلاجتك يا نجم وتعملها فى اى وقت واوعا تستهون باختبار الخميرة ممكن تفسد لو طولت مدة التخزين ودى بقا الصور التوضيحية اللى عملتها فى مختبر الفوتون قصدى فى مكتبى اوعا حد يتريق على الحلة والعدة احمدوا ربنا ان عندى الأمكانيات دى فى المكتب ههههههههههههه دى بقا البوظة يا قناصين...اية رايكوا العباسى اصلى والا لا اللى شايف ان العباسى اصلى يرزع تقييم [http://img221.imageshack.us/img221/3...139399copy.jpg http://img339.imageshack.us/img339/3...013937copy.jpg http://img824.imageshack.us/img824/4...013940copy.jpg http://img827.imageshack.us/img827/3...013941copy.jpg http://img543.imageshack.us/img543/7...013943copy.jpg http://img189.imageshack.us/img189/7...013945copy.jpg http://img24.imageshack.us/img24/321...013946copy.jpg http://img14.imageshack.us/img14/182...013947copy.jpg http://img856.imageshack.us/img856/3...013948copy.jpg http://img692.imageshack.us/img692/1...013949copy.jpg http://img339.imageshack.us/img339/4...013950copy.jpg http://img203.imageshack.us/img203/6...013951copy.jpg اى حد ييواجة اى مشكلة فى التصنيع يسأل يستشير فى نفس الموضوع هنا عشان الفايدة تبقى اللجميع |
رد: البوظة على طريقة العباسى
محجوز للطريقة
|
رد: البوظة على طريقة العباسى
وانا كمان حاجز 2 طريق للبوظه وصلحو
|
رد: البوظة على طريقة العباسى
بصراحه انا كنت متشوق للموضوع من اوله ...بس لما علقت الموضوع فى الاخر زعلت منك اخى طارق ... :pleur:و دى اول مره ازعل منك لاننى من عشاق البوظه:lov: فيا ريت تبعتلى الطريقه على الخاص لاننى معنديش صبرههههههههههههه و التقييم اتبعت مقدما ههههههههه |
رد: البوظة على طريقة العباسى
اقتباس:
اقتباس:
اية هو انا جاى اقول طريقة البوظه فى منتدى محترفى صناعة البوظة والا اية ههههههههههههههه ماشى يا معلمين طيب قولوا الطريقة حاجزين لية ماشى يبقا اكيد هتصوروا الطريقة اوك مستنيين واهو كلة منافع يا نعناع هههههههههههههه وربما تعلمونى طريقة احسن بس يا ريت تنجزوا بقا قدامكوا 3 ايام واللى مش هيقول طريقة هنعتبرة اخوان ههههههههههه |
رد: البوظة على طريقة العباسى
اقتباس:
كنت عاوز طريقة دا فية 3 طرق جايين اهوة ههههههههههههه وماتقلقش عمرى ماهزعلك وبكرة تقول العباسى اصلى اصلى انا عارف ان البوظة ليها شعبية جامدة جدا وحب عارم بينا الناس وخصوصا الرجالة بينى وبينك انا كنت هجنن واعملها ههههههههههههه وتخيل دلوقتى بمنع نفسى عن عمايلها عشان مازودش وزنى بس مابقدرش اكتر من يومين هههههههههههههه بس تأكد انك هتدعيلى عارف لية علشان اخوك زابطها زبطة عسل لدرجة انى لما بعت منها لوالدى ماكنش مصدق ابدا انى انا اللى عاملها وفى البيت ووالدى بقا اوعا وشك مفطوم على البوظة منذ نعومة اظافرة ههههههههههه وكان تعليقة عليها ان هى دى البوظة الجميلة |
رد: البوظة على طريقة العباسى
على فكره انا عملت التاوتاو ...تحفه هههههههههههههه و موجود فى العربيه مع باقى العده و شنطة العربيه بقت زى سوق الجمعه هههههههههههه عدد صيد سمك على بنادق على شنط على كراسي الخ ههههههههههه بس انا بدعيلك على التاوتاو و هاحطلك صوره قريب |
رد: البوظة على طريقة العباسى
يا باشا ربنا يباركلك والله انا فعلا بقالى سنين بحاول اعرف بتتعمل ازاى مش عارف اوصل لان دلوقت الموضه الجديده بقو يحطو فانليا ومكسبات طعم احنا عاوزين البوظه اللى على قديمو اللى كنا بنخرم الكيس من تحت واسحب يا معلم زى الحلبسه كده هههههههههههههههههههههههههههههههههههههه يلا قول بقى يعم شوقتنا
|
رد: البوظة على طريقة العباسى
اقتباس:
وفعلا طريقة تعليقك للموضوع يأخى طارق زعلتنا ودا من حبنا فعلا للبوظه عموما ياريت تضم صوتى وفى إنتظارك |
رد: البوظة على طريقة العباسى
دايس معاك الله يرحمك يا جدتى كنتى مظبطانا..
|
رد: البوظة على طريقة العباسى
طارق باشا
اذا لم يتم وضع الطريقة بالصور و بالتفصيل سيتم حذف الموضوع و حذف عضويتك و غلق المنتدى و قتل صاحب المنتدى وقتل كل الاعضاء و الهروب خارج البلاد :rir::rir: يلا بقى اخلص |
رد: البوظة على طريقة العباسى
اقتباس:
|
رد: البوظة على طريقة العباسى
يا استاذ طارق ( ابوظ ) ايدك اكتب طريقه البوظه لو سمحت . هاهاهاهاهااهاااهااهاهاهاهاها
|
رد: البوظة على طريقة العباسى
بناء على طلب الاعضاء ...........اشرح بقى يا باشا............................... عموما انا البلد اللى انا فيها مشهورة جدا جدا بالبوظة.....والشرقية عموما ملوك البوظة.....وطريقة عملها تعتبر من الاسرار ولكن كسرا لذلك السر فهى تصنع من عيش ابيض مخصوص يوضعغ علية الماء والسكر والفانيليا ولة حاجة زى الخلاط كبيرة جدا بيوضع فية المزيج ويقلب حتى يصبح الخليط بالشكل الذى تراة سائلا...........دة اللى انا اعرفة بس مستنى الطريق الصحيحة
|
رد: البوظة على طريقة العباسى
هتحط الطريقه ولا استعمل اسلوبى معاك انتا عارف ثانيه واكون فى بيتك
|
رد: البوظة على طريقة العباسى
انا يا باشا والتقييم اهوه بس يلا بقي هههههههههه اتوكل يلا وحط الطريقة ولا اعمل كام اكونت تاني واقلك انا عايز هههههههههههههه
|
رد: البوظة على طريقة العباسى
:pleur::punnch::pleur:
|
رد: البوظة على طريقة العباسى
اقتباس:
انا بجد سعيد ان حضرتك استفدت من موضوع التاوتاو العباسى وياريت فعلا تصورة وتضيف صورة بمشاركة فى موضوعة الأصلى هتكون افادة كبيرة للناس وتشجيع ليهم وخصوصا انك بدأت من حيث انتهيت انا ودا معناة انك ممكن تكون طورت فية او تكون اكيد استخدمت خانات تانية بس على نفس الفكرة انا شخصيل متلهف جدا انى اشوف التاوتاو الحبيب هههههههههه خالص تحياتى يا باشا |
رد: البوظة على طريقة العباسى
اقتباس:
شكلك صاحب مزاج زيى فعلا اكتر حاجة بتعكننى انهم يضيفوا فانيليا ومكسبات طعم يا راجل دا مرة واحد حطلى عليها جوز هند وسودانى مكسر ههههههههههههه بجد بجد زهقونى فى البوظة وقليل جدا لما تلاقى حد بيعملها صح وفى الغالب بيكون فى ارياف صعيد او دلتا هم دول اللى بيعملوا الطعم الصح ويا باشا ولا يهمك ولا سنين ولا حاجة الحمد لله انا ربنا وفقنى فيها وف فترة قليلة اسبوعين من التجارب والحمد لله ظبت الكمية والمقادير والأدوات وبجد هتعيلى وماتقلقش مش هتأخر عليك كبيرها 12 يوم وهتلاقى الموضوع نزل هنا تحياتى يابو عمرو |
رد: البوظة على طريقة العباسى
اقتباس:
بس عارف موضوع البوظة بالذات ممكن يطلعلك فية ميت عفريت اللى يقولك حرااااااااام اتقوا الله يا كفرة ههههههههه مع انى زى ما قولت قبل كدة ان اطفال الحضانة بشربوها فى الشارع كل يوم الصبح وهم رايحين الحضانة وعمرى ما سمعت ان طفل فيهم بيقول انا جدع هههههههههههه وانها على طريقتى غير مسكرة لا بقليل ولا كتير فانا حبيت بس تشجيع من الناس وانى لما احط طريقتها يبقا بناء على طلب الجماهير وبجد بجد انا لو مكانك هزعل هههههههه اصلى بموت فى البوظة اكتر منكم كلكم كلكم كلكم وكنت بتزل على ما الاقى حد بيبيعها ومرة غامقة ومرة فاتحة ومراااات كتر حمضانة وكنت بشربها برضة هههههههههههههه بس انا هخليك تشرب بوظة عجب بوظة عباسى اصلى تحياتى يا باشا |
رد: البوظة على طريقة العباسى
اقتباس:
واهلا بيك يا ابراهيم.... و على فكرة انا وانتيمى فى صيد السمك فيليب عملنا بينا مسابقة نشوف مين اللى هيعمل فينا البوظة وطبعا عشان انا مثابر ومكافح وذواقة وعندى ملكة تحليل الأشياء حاولت وجربت وبوظت ورميت ههههههههههه بس كنت بعد كل مرة بجرب فيها بكتسب خبرة اكتر وبعرف ان ناقصها حاجة واعدل واكمل والحمد لله وصلت بجد وفيليب لسة بكلمة امبارح وبقولة انا وصلت للبوظة يا معلم وتمام التمام قاللى عادى مانا كمان هعملها قولتلة معاك 10 ايام لغاية ما اشوفك الجمعة الجاية اللى بعدها تعمل سوسن وتقولى اصلى كنت بعيد هههههههههههه ولا اعرفك اصلى كنت ماشى فسكة وهو كان لة تخيل تانى خالص وتخيلة غلط وطبعا هعملها وادوقهالة وبعد كدة هكتب اسمة هنا هههههههههههه عشان اكيد هيطلب الطريقة تحياتى يا ابراهيم |
رد: البوظة على طريقة العباسى
اقتباس:
وبالشرح الكافى وبتفاصيل التفاصيل عشان عاوز الناس تنبسط بجد انا بعشق البوظة ومقدر انتظاركم والله بس ماتقلقش الطريقة بالمقادير والتفاصيل والتكنيك والأدوات ممكن اى حد يعملها وادواتها موجودة فكل بيت وانشاء الله الأسبوع الجاى هشهيصكم كلكم ولاتهرب يا نجم ولا حاجة ههههههههههه وبعدين لما انت هتحذف وتحذف وتغلق وتقتل هشام سمير وتقتل الأعضاء امال هشام سمير هيعمل اية ههههههههههههههههههه والا القبطان المصرى ه هههههههههه شكلهم هيولعوا فيا ههههههههههههه موعدنا الأسبوع القادم باذن الله تحياتى يا نجم |
رد: البوظة على طريقة العباسى
اقتباس:
الله يسلمك يا نجم بقالك كام يوم مش شايفنى معلش البوظة كانت واخدة كل وقتى ههههههههههههههه لم يصلنى منك اى رسايل على الخاص مع العلم بانة يوجد مساحة فاضية ابعتها تانى لو سمحت يا نجم تحياتى |
رد: البوظة على طريقة العباسى
اقتباس:
فكرتنى بامدام لما عملت البوظة وشربت بنتى الصوغنونة جاسمين اللى عندها سنة ونص البنت حبتها قوى بحطهالها فى كوباية طويلة وبشفاطة واسعه هههههههه تقوم مراتى تقولى منك لله خليت البت بوييظة كبيرة وهى فى اللفة ههههههههههههههه بتهرج طبعا هههههههههههههه من غير بوظان ايدين يا باشا هههههههههههه الأسبوع الجاى هعملها واصورها وارفع الصور وكتب كل التفاصيل ههههههههههههه ومتخيل بعد كدة ان كل عضو هيقولى دانت حبيبى من ايام البوظة هههههههههههههه حبيبى يابو شادى |
رد: البوظة على طريقة العباسى
اقتباس:
ابو مروان ازيك يا نجم عنيا يابو مروان البوظة دة مزاج عالى قوى وفعلا انا اسمع ان الشرقية فعلا فيها بوظة عالية قوى قوى فيليب صاحبى دايما بيقولى كدة عشان كدة انا مستنى انة يدوق البوظة بتاعتى عشان اشوف راية وعمر ماحد هيقولك بتتعمل ازاى لأن دا سر اكل عيشهم وعشان انا صاحب مزاج فى البوظة وكنت متأكد ان اغلب الصيادين هتلاقيهم مدمنين بوظة قولت اقولكم يا باشا دا انا هدلعك ولو عاوز تفرش على الناصية ببوظة هتفرش وانا كمان هفرش جنبك هههههههههههههه ومكسب كل يوم مايقلش عن من 100 ل 200 جنية كمان للفرد اية رايك فى القررررر دة على بتوع البوظة هههههههههههههه ماتقلقش هتاخد مقادير وتصنيع روعة ولا اجمل من كدة استنانى الأسبوع الجاى وهتنبسط تحياتى |
رد: البوظة على طريقة العباسى
اقتباس:
طلما ان عدم قولانى هيجيبك البيت يبقا مش قايل هه ههههههههههههه احنا نطول يا عم انك تجيلنا البيت بس ماتقلقش هتنبسط وتشرب بوظة ماحصلتش تحياتى يا درش استنيتك المرة اللى فاتت لما ماتصلتش قولت يبقا ماجتش |
رد: البوظة على طريقة العباسى
اقتباس:
ومشكور لتقييمك ولوانها ماجتش من المشرفين اللى مطنشييين الا ماواحد فيهم رزع اى تقييم وكأنهم عن البوظة مستغنيين هههههههههههههه من غير ما تعمل اكونتات يا باشا قبل ما الأسبوع الجاى يخلص هتلاقى الطريقة يامعلم تحياتى |
رد: البوظة على طريقة العباسى
اقتباس:
|
رد: البوظة على طريقة العباسى
اقتباس:
حبيبي اصل انت متعرفش انا فلوسي رايحة عالبوظة وبتسلف من زمايلي معدتش بتعاطاها بالفم لأ دانا باخدها حقن في العروق ههههههههههههه تسلم يا باشا مقدما |
رد: البوظة على طريقة العباسى
اقتباس:
و اجمل تقييم علشان مخترع البوظه الكبير . هاااهاهاهاااهاهاهاهاهاهااهاهاهاه |
رد: البوظة على طريقة العباسى
ههههههههههه تصدق وتأمن بايه انا نفسي فيها بس الحاجه والدتي بتقولي بيعملوها من عيش معفن ابقي مسافر اي طريق زراعي واشوفها عيني بتفضل ع الكيس ^_^ ولا المحرومين ياعيني قولنا طريقه اصلي ياكبير وتبقي برنس برنس يعني
|
رد: البوظة على طريقة العباسى
يا عم طارق....100 و 200 جنية _ههههههههه انت ابن حلال خالص احنا عندنا هنا محلين بتوع بوظة...الايام العادية المحل يبيع بحوالى 3000 جنية.............الاعياد وشم النسيم وكدا ممكن يعدى مبيعات 7000 فى اليوم
|
رد: البوظة على طريقة العباسى
اقتباس:
|
رد: البوظة على طريقة العباسى
دى طرقه وفى انتظار طريقتك عشان نشوفها هى هى ولا مختلفه تجييب 1كوب دقيق وتضع عليه 1كوب سكر وتضع عليه3كوب ماء وتضع جميعهم سويا عالنار الى ان تصبح لاهى ماسكه ولاهى سايبه خليها بين البينين ثم اتركها تبرد قد نص ساعه ثم احضر كوب اخر فارغ ضع به ربع معلقة خميره مع ربع معلقة سكر مع معلقة ماء وقلبهم ثم افرغ هذا المحتوى على خلطة الدقيق مع السكر مع الماء بعد مايبردو ثم اخلطهم فى الخلاط وبعدماتخلطهم فرغهم فى حله كبيره لانها هاتنفش واتركها لمدة 3ساعات خارج التلاجه ثم ضعها داخل الثلاجه لتبرد وبالهنا والشفا |
رد: البوظة على طريقة العباسى
اقتباس:
|
رد: البوظة على طريقة العباسى
اقتباس:
وبرغم انها هتكون بيتى بس باذن الله هتكون احلا من اللى فى الشارع ودا لأسباب عديدة منها النضافة اول حاجة والتحكم فى زمن التخمير والسكر يعنى مش هتشربها حمضانة زى بتاعة الشارع وكمان مش هتفضى خمرها وتلاقيها بقت مية وصايصة وهتدعيلى انا بعمل فيها دلوقتى وبصورها عشان كل اعضاء المنتدى تحياتى يا مودى |
رد: البوظة على طريقة العباسى
اقتباس:
وحضرتك طبعا عاملها كوبة وبيست من منتدى فتكات وطبعا انا جربتها وماعجبنيش اوعا تكون متخيل انى هعملك كوبى وبست انا كمان هههههههههههههه خليك سمارت بقا يا عم الشبح العباسى اصلى وكويس انك ذكرت الطريقة دى علشان ابقا اذكر عيوبها وانا بكتب الموضوع تحياتى يا برنس |
رد: البوظة على طريقة العباسى
اقتباس:
على العموم هديك اهوة سر المهنة وعاوزك تجرب وتقولى تحياتى يابو مروان |
رد: البوظة على طريقة العباسى
ايه ياطارق انت هتزلنا ولا ايه ياعم وربنا اخطفلك احمد يقضي معانا شم النسيم وهنعلن الحرب على شبرا الخيمه ولا بلاش علشان خاطر محمد سعيد وحبايبنا اللي هناك
|
| الساعة الآن 05:19 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir