|
بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
أدوات الموضوع | إبحث في الموضوع | انواع عرض الموضوع |
13-11-20, 05:28 PM | #1 |
صياد نشيط
تاريخ التسجيل: Feb 2013
المشاركات: 324
معدل تقييم المستوى: 6 |
موضوع مهم لكل محبى البنادق
احب ابتدى بطريقة تحديد قوة البندقية. معظم بنادق بيكون مكتوب معاها السرعة الأبتدائية للطلقة بالقدم او المتر فى الثانية. ده اسلوب تجارى مش دقيق. الشركات بتستعمل طلقات خفيفة جدا لتحقيق اعلى سرعة, لكن عند استعمال طلقات عادية السرعة بتنخفض. لذلك النظام الأسلم و المعتمد فى القانون الأوروبي هو الطاقة الابتدائية او ال muzzle energy. طريقة حسابها هى السرعة بالقدم مربعة فى وزن الطلقة مقسومة على 450240. فمثلا الديانا 52 و 48 و 54 نمرة 2 سرتها الأبتداية 755 قدم\ثانية بطلقة RWS Hobby وزنها 12 جراين فتكون قوتها = 755x755 x12 مقسومة على 450240 = 15 fpe القانون بيستعمل المقياس ده. فى بريطانا الحد الاقصى لقوة البندقية الرش التى يمكن امتلاكها بدون رخصة هو 12 fpe و فى المانيا 5.3 fpe و فى الولايات المتحدة مافيش اى حد اقصى. فى بنادق الرماية مش مطلوب قوة كبيرة لان الغرض عمل ثقب فى ورقة الهدف على بعد 10 متر ولذلك بنادق الرماية غالبا قوتها فى حدود 6 fpe. دى صورة بندقيىه رماية اوليمبية This image has been resized. Click this bar to view the full image. The original image is sized 1000x283. في الصيد الطاقة المطلوبى بتكون اعلى و على الأقل 10 fpe لصيد الطيور على مسافات قريبة و 15 fpe فما فوق لصيد الأرانب و الحيوانات الصغيرة. للفنص عى المسافات البعيدة يفضل الطلقات الأثقل وزنا لأنها بتحتفظ بالسرعة افضل بسبب الكثافة المقطعية. الطلىقة الخفيفة لها سرعة ابتدائية عالية و لكن تفقد السرعة بسهولة. لو كورت ورقة و رميتها اخرها 5 متر بس لو زلطة بنفس الحجم هاتبعد كتير. الكثافة و الوزن بتعطى قدرة للمقذوف على الاحتفاظ بالطاقة الحركية kinetic energy و اختراق مقاومة الهواء انواع الاسلحه الرش 4 تقسيمات اساسية 1 السوستة spring power 2 الهواء المخزون pneumatic / PCP pre-charged pneumatic 3 السوستة الغازية GAS RAM 4 البروكوك BROCOCK 5 ثانى اوكسيد الكربون السوستة دى الأبسط و الارخص و الأكثر انتشارا. دى بتعتمد على سوستة معدنية بتدفع كباس (بستون) فى نهايته كاوتشة لحبس الهواء و فى النهاية الهواء بيضرب الرشة و يطلقها. دى رسمه مبسطة طبعا ابسط اشكالها بنادق كسر الماسورة زى الرمسيس و فى الحالة دى الماسورة نفسها هى زراع التعمير, و فيه انواع الماسورة فيها ثابتة و لها زراع تعمير سفلى زى BSA Air Sporter او جانبية زى الديانا 48 52 مميزات بنادق السوستة ان عندها اكتفاء ذاتى و مابتحتاجش مصدر خارجى للطاقة مثل الانواع الاخرى و انها بسيطة و رخيصة. عيوبها ثقل الوزن لوجود سوستة ضخمة و بستون معدى. و رد الفعل الى بيقلل الدقة. و ان السوستة بتتعب و تحتاج تغير. و ان فيه اهتزاز بيحصل لما المعدن يخبط فى بعضه وده بيبوظ التليسكوبات الرخيصة و بيخلى التليسكوب يتزحلق للوراء القوة المتوسطة لبنادق السوستة من 9 الى 13 fpe. و اعلى من كدة ممكن بس مشاكله بتكتر. مثلا الديانا 48 52 علشان توصل لطاقة 15 او 16 حطو فيها سوستة ناشفة جدا بتتكسر بسهولة لو البندقية ضربت بدون طلقة فى الماسورة. برضو النوريكا جيت فيها سوستة مبالغ فيها و النتيجة اهتزاز و رد فعل عالى بيخلى التنشين الدقيق بيها صعب. اقوى بندقة سوستة فى العالم هى بندقية صناعة يدوى انجليزى اسمها Whiscombe المهندس الى بيصنعها اسمه جون ويسكمب انا قابلته و اتكلمت معاه و كان نفسى اشترى واحدة بس خفت ماعرفش ادخلها مصر. دي صورتها البندقية دى قوتها 29 fpe ودى اعلى قوة لبندقية سوسته فى العالم. ميزة البندقية دى ان فيها 2 كباس فى ماسوره كبيرة تحت الماسورة العدية. ال2 كباس دول بيتحركوا عكس بعض و يخبطوا فى بعض فى النص و الهوا المحبوس بينهم يطلع فوق على الماسورة العادية و يطلع الطلقة. بخلاف ان النظام ده بيولد قوة مضاعفة, البندقية دى مالهاش رد فعل لأن البستن الأولانى بيخلى البندقية عايزة تقفز للخلف, و البستن التانى الى بيتحرك عكسه بيخليها عايزة تقفز للامام و بكدة بيلغوا بعض و النتيجة بندقية بدون رد فعل. اختراع عبقرى بس مشكلته ان وزن البندقية عالى جدا فيه بنادق سوستة تانية مالهاش رد فعل زى الديانا 54 و فيها الجزء المعدنى محمل على مجرى و لما يتحرك للوراء بيجرى على المجرى و يضيع بدون الوصول لكتفك. عيبها طبعا لو عينك قريبة من التليسكوب هاتاخد خبطة تمام زى ما حصللى وانا صغير و والدى شاف عينى المزرقة و افتكرنى اتضربت فى المدرسة ] البندقية السوستة الأفخم و الأرقى فى العالم و دى كانت حلم حياتى بس كالعادة مابتتباعش فى مصر و مكانش فيه طريقة ادخلها من غير ماتتبهدل. دى انجليزى ماركة Air Arms و اسمها برو سبورت pro-sport دى قوتها 15-16 fpe و مصنوعة بدقة و مواد اعلى من المستخدمة عادة فى بنادق ضغط الهواء و فيها ماسورة من مصنع لوثار والتر و نظام زناد بجودة الرش الأولمبية. الشركة بترفض تحط لها نشنكان مفتوح علشان مايبوظش شكلها الجمالى و بوجه عام بتعتبرالرولز رويس بتاعة اسلحة ضغط الهواء اخيرا اشهر بنادق السوستة و اكثرها نجاحا هى الفالك Falke و ال BSA AIR SPORTER و الفايروخ 77 و الفايروخ 80 الهواء المخزون دى بنادق منتشرة اكثر فى البلاد الغنية لأرتفاع اسعارها. فى النوع ده مافيش سوستة ولا كباس. بيبقى فيها مخزن هواء بيتملى بمنفاخ او كمبرسور او انبوبة غطس و يخرج الهواء شوية شوية مع كل طلقة. حركة التعمير فى البندقيه دى بتكون بسيطة زى بنادق الرصاص و معظمها بيكون فيه مخزن بيشيل 10-12 طلقة لسرعة الاطلاق بشد الأجزء فقط. مخزن الهواء بيبقى نوعين. نوع بيبقى انبوبة ثابتة تحت الماسورة زى الصورةدى This image has been resized. Click this bar to view the full image. The original image is sized 844x260. او الخزان بيكون زجاجة بتنفصل عن البندقية و يعاد تركيبها زى الصورة التالية الأنبوبة الثابتة سعتها اكبر و شكلها اجمل بس لما تملاها و تطلع تصطاد يومك هاينتهى بنهاية الهواء المخزون. اما الزجاجة المنفصلة فهى شكلها عبيط و سعتها اصغر, بس ممكن تاخد معاك 2 او 3 قزايز مليانة و لما واحدة تفضى تفكها و تركب واحدة تانية و تكمل صيد ميزة بنادق الهواء المخزون ان مافيهاش سوستة او معدن بيخبط و لذلك مالهاش ر فعل اطلاقا و التنشين الدقيق بيها اسهل بكتير من بنادق السوستة. و ميزة اكبر ان قوتها اعلى بكتير فمعظمها بيولد 30 fpe وبتوصلل ارقام طاقة مهولة اقوى بكتير من المسدسات الحى و العيارات النارية الصغيرة مثل .22 و اكبر ميزة هى سرعة توالى الطلقات لأنك بتضرب و بعدين تشد الاجزاء بسهولة و تضرب تانى و هكذا حتى تفرغ خزنة الطلقات. البنادق الجيدة قادرة على اطلاق 60 او 70 طلقة فى كل ملية لخزان الهواء. اخر ميزة انك ممكن تعمرها و تفضل مستنى الهدف او الطريدة ساعت و مايحصلش حاجة. فى بنادق السوستة تركا معمرة لوقت طويل يضعف السوستة. عيوب سلاح ضغط الهواء المخزون انك محتاج مصدر خارجى لمليها بعد كل 60 او 70 طلقة, انها غالية, ان شكلها و طريقة شد الأجزاء قريبة من الاسلحه النارية الحى مما قد يسبب مشاكل, وان صوتها عالى نتيجة ان الطلقات بتكون اسرع من الصوت فى الاسلحه الاقوى وده بيعمل فرقعة ناتجة عن كسر حاجز الصوت. لما كنت فى انجلترا استعملتها بكاتم صوت و كانت متعة لايمكن توصف و لكن للأسف كاتم الصوت ممنوع قانونا فى معظم دول العالم حتى امريكا. الدولة الوحيدة الى زرتها الى كواتم الصوت فيها مسموحة هى انجلترا بنادق الهواء المخزون بتوفر مساحة كبيرة للأختراع. مثلا فيه بنادق فيها عداد بيعرفك فاضل فيها هواء قد ايه و فيه بنادق تانية فيها زناد الكترونى و تحكم بقوة الطلقة كأنه كمبيوتر. فممكن الطريده تكون قريبة فتدخل للشاشة انك عاوز طلقة بقوة 15 fpe فقط وتضرب و بعدين تلمح هدف على بعد 150 متر فتقوم مدخل للشاشة انك عايز قوة 50 fpe وتقوم بقنصه. مثال فى الصورة التالية [This image has been resized. Click this bar to view the full image. The original image is sized 900x465. اقوى بنادق الهواء المخزون غير معروفة لوجود عدد غير محدود من المصنعين الكبار و الورش الصغيرة ولكن انا شخصيا استعملت بندقية Barnes Pneumatic قوتها 830 fbe يعنى اقوى من الديانا 52 بخمسة و خمسين ضعف!! ارقى و افخم الاسلحه من النوع ده عليها خلاف بس اغلب الناس بيعتبروا Daystate تحفة فى التصنيع و جمال المواد. صناعة انجليزى و الدبشك ايطالى اشهر و انجح هى air arms s410 , فايروخ HW100 , بي اس ايه سوبر 10, و Sam Yang وهى صناعة كورية ملحوظة سريعة: يوجد نوع من هذه به منفاخ متصل بالبندقية. فى هذا النوع تقوم بكبس الهواء 8 او 10 مرات ثم تطلق الطلقة ثم تكبس الهواء من جديد لتطلق طلقة اخرى. النوع ده متعب و بطيئ علشان كدة شبه منقرض. مثال فى الصورة التالية البروكوك ده نوع من بنادق و مسدسات ضغط الهواء اخترعته شركة Brocock الأنجليزية و كان اختراع مدهش. فى نظام البروكوك عندك طلقة نحاس شبه الطلقه الحيىة بالظبط. الطلقة النحاس دى بتملاها هواء بمنفاخ و بعدين تركب عليها طلقة رش عادية و تقفلها و كدة بقى معاك رصاصة زى الحى بس بدل البارود فيه هواء مضغوط. الصور دى بتوضح تركيب الطلقة بعد ما تجهز الطلقات بتحطها فى خزنة زى الرصاص الحى بالظبط و تدخلها فى البندقية البروكوك و ابرة ضرب النار بتطلق الهواء المخزون و بعدين تشد الأجزاء ترمى الطلقة الفاضية و تسحب الى بعدها. دى صورة بندقيىة brocock predator ]This image has been resized. Click this bar to view the full image. The original image is sized 1000x750. مميزاتها ان البندقة خفيفى جدا لان مافيش سوست و لا مكبس و لا مخزن و لازجاجة هواء. و سهلة جدا فكها و تزييتها زى اى بندقية ماوزر حى. و تقدر تعبى الف طلقة و تاخدهم معاك و انت رايح تصطاد. النوع ده الوحيد الى مالوش عيوب للأسف الحكومة البريطانية قررت انها تغير القانون و تمنع البروكوك لسهولة تحويلها لحى بواسطة المجرمين و طلبت من المواطنين تسليم البنادق و المسدسات لشراؤها منهم او اعطابها ثم ترجيعها للمالك للأحتفاظ بيها. دى كانت ضربة قاضية للشركة و دلوقتى شركة بروكوك بتعمل بنادق خزان هواء عادية خايبة و ماحدش بيشتريها و التصميم الأصلى شركات صينية اشترته بس انتاجها ردئ و فيه خطورة على الصياد علشان كدة ممنوع استيراده فى الدول المتحضرة بيتباع فى بعض دول العالم الثالث ثانى اوكسيد الكربون وده نوع معظمنا عارفه. بيبقى عبارة عن انبوبة انى اكسيد كربون متبرشمة بتشتريها و تركبها على البندقية او المسدس و بتكسر البرشام ولما تفضى ترميها. فيه الأنبوبة الصغيرة المعروفة و فيه انبوبة اكبر بتولد قوة اكبر النوع ده قوته محدودة حوالى 10 fpe. مميزانه خفة الوزن و سرعة تتالى الطلقات, عيوبه سعر الأنابيب و ان الأداء مش ثابت لأن ثانى اكسيد الكربون السائل فى الانبوبة بيتأثر بتغير درجة الحرارة. البنادقدى بتعتبر اساسا للتنشين على الكانز و التسلية و نادرا انها تستخدم فى الصيد. انجحها Benjamin Buccaneer السوستة الغازية النوع ده مطابق للسوستة العادية بس بدل السوستة المعدن فيه مكبس مزنوق فيه هواء او غاز ولما المكبس بينضغط الغاز بيبقى عايز بتفرد تانى زى السوستة المعدنية بالظبط. صورة السوستة الغازية النوع ده له نفس مميزات السوستة العادية بس بدون 2 من عيوبها: اولا مابيضعفش زى السوستة المعدنية لأنه غاز. ثانيا ممكن يفضل متعمر ساعات و ايام بدون مشاكل. شركة واحدة بتنتجه اسمها Theoben فى انجلترا و شركات تانية بتبيعة باسمها زى Beeman فى امريكا. النوع ده قوى جدا و بينتج 30 fpe بس تعميره صعب و رد فعله قوى جدا على الكتف. دى صورة
THEOEBN ELIMINATOR |
sponsor links |
13-11-20, 06:14 PM | #2 |
صياد قديم
تاريخ التسجيل: Mar 2011
المشاركات: 295
معدل تقييم المستوى: 8 |
رد: موضوع مهم لكل محبى البنادق
الله ينور عليك موضوع جميل جدا بالتوفيق
__________________
|
13-11-20, 06:15 PM | #3 |
صياد جديد
تاريخ التسجيل: Jun 2013
المشاركات: 49
معدل تقييم المستوى: 10 |
رد: موضوع مهم لكل محبى البنادق
موضوع جميل و شيق
|
13-11-20, 07:09 PM | #4 |
قنـــاص من الدرجه الاولى
|
رد: موضوع مهم لكل محبى البنادق
اقل ما يقال عنه انه من اروع المواضيع تسلم ايدك يا محمد بك
|
13-11-21, 03:01 PM | #5 |
اداري
تاريخ التسجيل: Jun 2013
المشاركات: 258
معدل تقييم المستوى: 6 |
رد: موضوع مهم لكل محبى البنادق
يا عينى على المواضيع الحلوه بجد يستحق التثبيت
|
13-11-22, 02:37 PM | #6 |
صياد نشيط
تاريخ التسجيل: Feb 2013
المشاركات: 324
معدل تقييم المستوى: 6 |
رد: موضوع مهم لكل محبى البنادق
|
13-11-22, 02:38 PM | #7 |
صياد نشيط
تاريخ التسجيل: Feb 2013
المشاركات: 324
معدل تقييم المستوى: 6 |
رد: موضوع مهم لكل محبى البنادق
|
13-11-22, 02:47 PM | #8 |
صياد نشيط
تاريخ التسجيل: Feb 2013
المشاركات: 324
معدل تقييم المستوى: 6 |
رد: موضوع مهم لكل محبى البنادق
|
13-11-22, 02:49 PM | #9 |
صياد نشيط
تاريخ التسجيل: Feb 2013
المشاركات: 324
معدل تقييم المستوى: 6 |
رد: موضوع مهم لكل محبى البنادق
|
13-11-22, 03:06 PM | #10 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: موضوع مهم لكل محبى البنادق
موضوع ولا اروع من ذلك يستحق التثبيت .....شكرا على المجهود المميز الرائع....اعلى تقييم
|
13-11-22, 08:27 PM | #11 |
صياد قديم
تاريخ التسجيل: Nov 2011
المدينه: تحت الارض
المشاركات: 1,854
معدل تقييم المستوى: 63 |
رد: موضوع مهم لكل محبى البنادق
ده لازم يتثبت موضوع اكثر من راااااااااااااااااااااااااااااااااااااااااااااائع
__________________
القوة الحقيقية في العقل وليس في العضلات |
13-11-22, 09:56 PM | #12 |
مشرف الاقسام العامه&القسم الاسلامى
|
رد: موضوع مهم لكل محبى البنادق
تسلم ايدك يا كبير
برجاء التثبيت للاهميه |
13-11-25, 08:38 PM | #13 |
صياد متفاعل
تاريخ التسجيل: Sep 2013
المدينه: مصر_الاسكندريه
المشاركات: 54
معدل تقييم المستوى: 4 |
رد: موضوع مهم لكل محبى البنادق
الله ينور علييييييييك
|
13-12-13, 11:13 PM | #14 |
صياد نشيط
تاريخ التسجيل: Jun 2012
المشاركات: 299
معدل تقييم المستوى: 6 |
رد: موضوع مهم لكل محبى البنادق
موضوع مميز جزاك الله خيراااااااااااااااا
|
14-01-20, 12:47 AM | #15 |
صياد قديم
تاريخ التسجيل: Nov 2011
المدينه: تحت الارض
المشاركات: 1,854
معدل تقييم المستوى: 63 |
رد: موضوع مهم لكل محبى البنادق
تجديد الموضووووووع
__________________
القوة الحقيقية في العقل وليس في العضلات |
14-01-20, 09:08 AM | #16 |
صياد متفاعل
تاريخ التسجيل: Oct 2011
المشاركات: 128
معدل تقييم المستوى: 5 |
رد: موضوع مهم لكل محبى البنادق
انا قليل الكلام و ليس من المشجعين للعبة الحلوة . بس هذا الموضوع رائع و يستحق الشكر . فعلا الموضوع قوى جدا و اختياره اكثر من ممتاز .
جزاك الله كل خير محمد اسماعيل |
14-01-20, 06:21 PM | #17 |
صياد جديد
تاريخ التسجيل: Jan 2014
المدينه: القاهرة
المشاركات: 9
معدل تقييم المستوى: 0 |
رد: موضوع مهم لكل محبى البنادق
موضوع رائع يستحق التقييم وخمس نجوم... ..الله ينور يا استاذ محمد
|
14-01-20, 07:14 PM | #18 |
صياد نشيط
|
Re: موضوع مهم لكل محبى البنادق
موضوع جميل جدا بالتوفيق
__________________
01001699105 اللهم لا تجعلنا ممن ضل سعيهم في الحياة الدنيا وهم يحسبون انهم يحسنون صنعا |
14-02-02, 08:33 AM | #19 |
صياد متفاعل
تاريخ التسجيل: Mar 2011
المدينه: الجيزة
المشاركات: 188
معدل تقييم المستوى: 11 |
رد: موضوع مهم لكل محبى البنادق
الله ينوريا باشا ولا اقول هندسة
طبعا انا مهندس و سهل افهم كلامك دا و لكن بساطة عرضك للمعلومات ممتازة ربنا يوفقك و يجازيك خير و تقييييم |
14-02-02, 01:12 PM | #20 |
صياد قديم
تاريخ التسجيل: Feb 2013
المدينه: القاهرة
المشاركات: 1,133
معدل تقييم المستوى: 80 |
رد: موضوع مهم لكل محبى البنادق
ايه الكلام الجامد ده ما شأء الله ولا قوه الا بالله
|
14-02-05, 12:23 AM | #21 |
اداري
تاريخ التسجيل: Jun 2013
المشاركات: 258
معدل تقييم المستوى: 6 |
رد: موضوع مهم لكل محبى البنادق
الاخ محمد بعد الموضوع دا اختفى تماماً
|
14-02-20, 07:13 PM | #22 |
صياد نشيط
تاريخ التسجيل: Apr 2012
المشاركات: 412
معدل تقييم المستوى: 9 |
رد: موضوع مهم لكل محبى البنادق
تسلم إيدك موضوع جميل جدا جدا وياريت يتثبت لأهميته
__________________
لا إله إلا الله محمد رسول الله |
14-02-20, 08:35 PM | #23 |
صياد جديد
تاريخ التسجيل: Mar 2013
المشاركات: 37
معدل تقييم المستوى: 5 |
رد: موضوع مهم لكل محبى البنادق
انا كتير جدا بقرأ الموضوعات وبكسل اعلق لكن الموضوع دا خلانى اعلق غصب عنى ^_^ الله ينور عليك يا اساذ محمد
|
14-03-21, 02:32 PM | #24 |
صياد نشيط
تاريخ التسجيل: Jun 2012
المشاركات: 299
معدل تقييم المستوى: 6 |
رد: موضوع مهم لكل محبى البنادق
موضوع رائع جداااااااااااااااااااااااااااااااااااااااااا
|
14-03-29, 03:43 AM | #25 |
صياد جديد
تاريخ التسجيل: Dec 2013
المشاركات: 11
معدل تقييم المستوى: 4 |
رد: موضوع مهم لكل محبى البنادق
الله ينور عليك
والف شكر على هذا المجهود |
15-06-08, 09:41 PM | #26 |
مشرف قسم الاسلحه
تاريخ التسجيل: Sep 2014
المشاركات: 957
معدل تقييم المستوى: 8 |
رد: موضوع مهم لكل محبى البنادق
بقالى كتير مسجل فى المنتدى بس اول مرة اقراء الموضوع ده
اقل ما يقال انه مرجع حقيقى ويستحق التثبيت اعلى تقييم
__________________
اللهم احفظ مصر وجيشها وارحم شهدائها الابرار |
15-06-08, 11:22 PM | #27 |
منتدى الصيد فى مصر
تاريخ التسجيل: Oct 2007
المشاركات: 436
معدل تقييم المستوى: 13 |
رد: موضوع مهم لكل محبى البنادق
فين المواضيع دى
|
15-06-09, 04:42 PM | #28 |
صياد نشيط
تاريخ التسجيل: Feb 2013
المشاركات: 324
معدل تقييم المستوى: 6 |
رد: موضوع مهم لكل محبى البنادق
ما هو لو فيه تفاعل هنزل مواضيع كتيييره
|
15-06-09, 05:28 PM | #29 |
مشرف قسم الاسلحه
تاريخ التسجيل: Sep 2014
المشاركات: 957
معدل تقييم المستوى: 8 |
رد: موضوع مهم لكل محبى البنادق
يا سيدى ادينا بنتفاعل اهو
اعمل بقى مواضيع مغذية زى كدة والله انا لو عندى الخبرة الكافية كنت هتعامل على طول
__________________
اللهم احفظ مصر وجيشها وارحم شهدائها الابرار |
15-06-09, 06:26 PM | #30 |
مشرف قسم الاسلحه
تاريخ التسجيل: Sep 2014
المشاركات: 957
معدل تقييم المستوى: 8 |
رد: موضوع مهم لكل محبى البنادق
استاذ محمد لك رساله على الخاص ارجوا الرد
__________________
اللهم احفظ مصر وجيشها وارحم شهدائها الابرار |
15-06-10, 06:37 PM | #31 |
صياد نشيط
تاريخ التسجيل: Feb 2013
المشاركات: 324
معدل تقييم المستوى: 6 |
رد: موضوع مهم لكل محبى البنادق
تم الرد يا استاذ عاطف
|
15-06-14, 05:24 PM | #32 |
صياد متفاعل
تاريخ التسجيل: May 2011
المشاركات: 175
معدل تقييم المستوى: 18 |
رد: موضوع مهم لكل محبى البنادق
موضووووع قيم جداً جداً
|
15-06-16, 08:41 PM | #33 |
المشرف العام
تاريخ التسجيل: Mar 2012
المدينه: مدينة بدر البحيرة
المشاركات: 819
معدل تقييم المستوى: 20 |
رد: موضوع مهم لكل محبى البنادق
بالنسبة للنوع البروكوك ليه الناس تقلبه حي هو كده زي الحي
حاجة تانية الكبسولة اللي كانت بتضرب الطلقة هى بتتغير كل مرة زي الحى ولا كانت بتشتغل ازاي ولو موجود منه في العالم الثالث طيب ما احنا اهو هو فين عايزين منه
__________________
انك لن تصل الى شئ فى الدنيا بغير الله فكيف تصل الى الله بغير الله 01010713004 |
sponsor links |
|
|