|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
|
أدوات الموضوع | إبحث في الموضوع | انواع عرض الموضوع |
|
12-01-28, 06:23 PM | #1 |
صياد متقدم
|
واحد بهدلنى والتانى اكرمنى
امبارح طلعت رحلة و كان الجو صعب جدا وانا ماشى لاقيت تكتك وقف قدامى وراكب فية واحد معاة بندقية ويبلى ندهلى روحتلة قالى اية الجو قلتلة ما فيش حاجة خالص ماتعرفش مكان كويس قالى تعالى اركب ركبت وفضلنا ماشيين حوالى ساعة بالتكتك والدنيا بتمطر وطبعا التكتك من غير ابواب مكشوف والشتا بهدلنى المهم وصلنل لمكان ونزلت وعايز كام يا اسطا فهو رد عليا وقالى اديلة 20 جنية عطيتة ال20 جنية وهو بعد ما نزل معايا شاورلى على شوية شجر صفصاف وقالى روح عند الشجر دة علية يمام كتير وانا كنت فاكرة هيجى معايا لاقية ركب تانى وقال للسواق يلا بينا اتارية كان واخدنى عشان ادفعلة الاجرة هههههههههههه اة والله وراح هو مكان تانى ومرضيش يخلينى اعرفة المهم روحت انا بقا عند اليمام الكتير ملاقيش حاجة خالص وفضلت ماشى فى الشتا والارض طينية سمرة وكل شوية الطينة تشد منى الشوز واتزحلق اقف اطلع الطينة من الشوز وامشى تانى وكل دة والدنيا بتشتى فوقى والريح يزقنى المهم اتبهدلت جدا وكررت انى ارجع للمكان اللى كنت فية قبل ما اقابل الاخ وفعلا رجعت وكانت رحلة العودة اسوء من الذهاب لان مافيش موصلات تطلعنى من المستنقع اللى كنت فية ومشيت كتير جدا المهم وصلت وانا ماشى قابلنى واحد تانى ههههههههههه اة والله واحد تانى وكان معلق جراب فى كتفة قالى سلام عليكم قلتلة وعليكم السلام انت رايح فين قلتلة مروح قالى طاب ما تيجى معايا ضحكت قالى مالك قولتلة لا ابدا بس انا منمتش من امبارح ونفسى اروح قالى مش هنروح بعيد وشاورلى على منطقة حواليها صور حديد وهى عبارة عن جنينة كبيرة جدا وجواها بيوت زى الفلل دور واحد وكل بيت حوالية جنينة صغيرة المهم المكان لوحدة شكلة تحفة وفية انواع شجر غريبة وجميلة جدا فانا ارتحت للمكان ودخلت معاة من البوبة وصلنا لحد اول بيت وقالى ثوانى ادخل الجراب جوة قولت ماشى بعد ما دخل استنيتة شوية لاقيتة طالع من غير البندقية قالى تعلى بوص كدة في اية يا عم قالى تعالى بس دخلت لحد ما لاقيتة موصلنى المضيفة قلى اتفضل ادخل ياعم يلا بينا قالى اقعد بس قعدت ودخل جوة وطلع شايل صنية عليها فطير فلاحى وجبنة وعسل وبيض وقشطة وطرمس شاى انا بصيت للصنية وضحكت قالى مالك قولتلة ماليش وطبعا انتو عارفين انا ضحكت على اية المهم انا فعلا كنت جعان وخرمان شاى جدا اكلت معاة لقمة وشربت شاى وقلى يلا بينا بقا وورانى شوية اماكن داخل الصور دة روعة كلهم يمام وبلاشون ودج اسمر وطير كتير جدا بس للاسف كان الوقت دخل على الظلام وانا كنت مرهق جدا لانى اصلا كنت طالع من غير نوم المهم الراجل اكرمنى جدا واتعرفت بية وادانى رقمة وقالى اى وقت تحب تيجى هنا كلمنى وانا ادخلك واتضحلى ان المكان دة ما حدش بيدخلة غير اللى ساكنين فية للاسف الحصيلة مش كتيرة نظرا للاحداث هى كانت 2يمام 1بلاشون حجم كبير وشوية بلابل وما صورتهمش لانى نسيت اقولكم ان التليفون فصل شحن منى وانا مع الاخ سالف الذكر ودى كانت رحلتى الاخيرة لتجربة الجامو رويال ونوعين من البشر واسف للاطالة والسلام عليكم ورحمة الله
|
sponsor links |
12-01-28, 06:44 PM | #2 |
صياد متفاعل
تاريخ التسجيل: May 2011
المشاركات: 95
معدل تقييم المستوى: 5 |
رد: واحد بهدلنى والتانى اكرمنى
حمد لله على سلامتك بس متزعلش منى البلد فى ظروف لا يصح معها انك تثق فى كل حد تشوقة كدة ، مش معقول كل ما حد يقولك تعالى معايا تروح ( الحظر واجب )
خد بالك يا باشا واضح انك راجل محترم جدا بس مش كل مرة تسلم الجرة .
__________________
انا تمرة الاحباب حنظلة العدا انا غصة فى حلق من عادانى |
12-01-28, 06:52 PM | #3 |
صياد متقدم
|
رد: واحد بهدلنى والتانى اكرمنى
كلامك صح بس المشكلة فى الموضوع واللى انا مرتضش اقولها ان الاخ الاولانى بلدياتى للاسف وعشان كدة روحت معاة وعموما العلام مش ببلاش وانا بفرح لما الاقى حد يمشى معايا لانى بطلع لوحدى واللى كان بيطلع معايا مشار برة ربنا يجيبة بالسلامة وشكرا لمرورك الكريم
|
12-01-28, 06:49 PM | #4 |
صياد قديم
|
رد: واحد بهدلنى والتانى اكرمنى
قصه جميله اوى هههه والحمد لله انا ربنا عوضك بالأخ
الفاضل صاحب الكرم ويكفى انك تتعرف بشخص اصيل زى ده مش زى الاخ الاولانى الله يسامحه هههه . تحياتى
__________________
. قـبـــل أن تحـكــم علـى إنــسـان .. . إسـمــع منـهُ ... و لا تســمـع عنــهُ .... رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا
|
12-01-28, 06:54 PM | #5 |
صياد متقدم
|
رد: واحد بهدلنى والتانى اكرمنى
اة والله اجمل ما فى الرحلة دى انة اتعرفت براجل بمعنى الكلمة مع انى شب مش كبير فى السن انما حسيت انة واحد من الناس القديمة اهل الكرم والواجب وشكرا لمرورك الكريم
التعديل الأخير تم بواسطة فوزى السيد ; 12-01-28 الساعة 06:57 PM سبب آخر: كلمة خطاء |
12-01-28, 06:55 PM | #6 |
صياد متقدم
|
رد: واحد بهدلنى والتانى اكرمنى
اة والله اجمل ما فى الرحلة دى انة اتعرفت براجل بمعنى الكلمة مع انة شب مش كبير فى السن انما حسيت انة واحد من الناس القديمة اهل الكرم والواجب وشكرا لمرورك الكريم
|
12-01-28, 08:00 PM | #7 |
صياد قديم
|
رد: واحد بهدلنى والتانى اكرمنى
حمد الله على سلامتك ياااستاذ فوزى
والحمد لله عدت على خير وربنا يسترها معاك فى اى طلعة يارب
__________________
الطيبة ليست غباء
انما نعمة فقدها الاغبياء |
12-01-28, 08:05 PM | #8 |
صياد متقدم
|
رد: واحد بهدلنى والتانى اكرمنى
|
12-01-28, 08:11 PM | #9 |
صياد متفاعل
تاريخ التسجيل: Jan 2010
المدينه: مدينة نصر
المشاركات: 120
معدل تقييم المستوى: 6 |
رد: واحد بهدلنى والتانى اكرمنى
الرجال معادن
|
12-01-28, 08:21 PM | #10 |
صياد متقدم
|
رد: واحد بهدلنى والتانى اكرمنى
|
12-02-16, 01:39 PM | #11 |
صياد جديد
تاريخ التسجيل: Feb 2011
المشاركات: 26
معدل تقييم المستوى: 5 |
رد: واحد بهدلنى والتانى اكرمنى
بجد قصة جميلة جدا و الحمدلله إنو ربنا رزقك بإبن الحلال
|
12-01-29, 12:13 AM | #12 |
صياد نشيط
تاريخ التسجيل: Nov 2009
المدينه: إسكندرية والبحيرة
المشاركات: 283
معدل تقييم المستوى: 7 |
رد: واحد بهدلنى والتانى اكرمنى
واضح ان حضرتك بني آدم حسن النيه عشان كده ربنا عوضك وصدقني اللي بيكسب اللي نيته سليمه مش اللي بيعامل الناس علي سوء نيه وربنا يصحح نوايانا جميعا
__________________
(وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِبُ) |
12-01-29, 10:36 AM | #13 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: واحد بهدلنى والتانى اكرمنى
والمكان ده فيييين ؟؟؟ وحضرتك اصلا منين ؟؟ مقولتلناش ... وربنا برده عوضك كفاية البلشون ده حكاية لوحده
|
12-01-29, 10:46 AM | #14 |
صياد نشيط
تاريخ التسجيل: Nov 2011
المدينه: الاسكندرية ( حاليا دمياط )
المشاركات: 459
معدل تقييم المستوى: 7 |
رد: واحد بهدلنى والتانى اكرمنى
ياعم زى الفل تتعوض المرة اللى جاية
__________________
سبحان الله وبحمده ******* سبحان الله العظيم |
12-01-29, 11:07 AM | #15 |
صياد متقدم
تاريخ التسجيل: Sep 2011
المدينه: القاهرة - عين شمس
المشاركات: 976
معدل تقييم المستوى: 106 |
رد: واحد بهدلنى والتانى اكرمنى
خلى بالك ومتثقش فى الناس اوى كده ربنا يسترها عليك وعلينا
__________________
قال الله تعالى فى اواخر سورة الكهف ( قُل هَل نُنَبِّئُكُم بِالأَخسَرينَ أَعمالًا ﴿103﴾ الَّذينَ ضَلَّ سَعيُهُم فِي الحَياةِ الدُّنيا وَهُم يَحسَبونَ أَنَّهُم يُحسِنونَ صُنعًا ﴿104﴾ أُولـئِكَ الَّذينَ كَفَروا بِآياتِ رَبِّهِم وَلِقائِهِ فَحَبِطَت أَعمالُهُم فَلا نُقيمُ لَهُم يَومَ القِيامَةِ وَزنًا ) صدق الله العظيم محمد مصطفى ( فضيل ) |
12-01-29, 12:40 PM | #16 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: واحد بهدلنى والتانى اكرمنى
يا باشا حمد الله على السلامة ونصيحة من اخوك لا تثق فى اى شخص_يعنى موش اى حد يقوللك تعالى معايا انا عارف مكان يمام وحمام تروح معاة على طول وانتة ما تعرفوش وخصوصا وانت لوحدك موش عشان تصتاد تعرض نفسك للخطر ويفضل الصحبة فى الصيد لو هاتروح مكان بعيد _الونس حلو لا قدر الله يحصل اى ظرف تلاقى حد يساعدك او تساعد حد_جت سليمة المرة دى ورب ضارة نافعة بمعرفتك بالشخص ابن الناس المحترم اللى قابلتة
|
12-01-29, 12:48 PM | #17 |
صياد متقدم
تاريخ التسجيل: Jul 2011
المشاركات: 952
معدل تقييم المستوى: 9 |
رد: واحد بهدلنى والتانى اكرمنى
انت باين عليك يا فوزى راجل طيب وربنا عوضك خير
__________________
سبحان الله وبحمده سبحان الله العظيم |
12-01-29, 03:26 PM | #18 |
صياد متقدم
تاريخ التسجيل: Feb 2011
المدينه: cairo-nasr city
المشاركات: 837
معدل تقييم المستوى: 13 |
رد: واحد بهدلنى والتانى اكرمنى
ههههههههههههههههههههههههه موضوع جميل يا فوزي باشا بجد و ان شاء الله تتهنى بيها .. تقبل تحياتي
__________________
محاسب قانوني و خبير ضرائب "إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ " اشهد ان لا إله إلا الله و ان محمد رسول الله |
12-01-29, 03:56 PM | #19 |
صياد نشيط
تاريخ التسجيل: Nov 2011
المدينه: الهرم
المشاركات: 362
معدل تقييم المستوى: 6 |
رد: واحد بهدلنى والتانى اكرمنى
معلش متزعلش الناس معادن منهم من يبرق فى الشمس وتحسبه ذهب ولكنه نحاس.. أما الذهب والماس فلا يوجد الا فى باطن الأرض
__________________
أذا لم تعرف أين تذهب فكل الطرق تفى بالغرض |
12-01-29, 04:06 PM | #20 |
صياد متقدم
تاريخ التسجيل: Feb 2011
المدينه: cairo-nasr city
المشاركات: 837
معدل تقييم المستوى: 13 |
رد: واحد بهدلنى والتانى اكرمنى
الله ينور علييييييييييييييييييييييك بجد
__________________
محاسب قانوني و خبير ضرائب "إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ " اشهد ان لا إله إلا الله و ان محمد رسول الله |
12-01-29, 06:36 PM | #21 |
صياد متقدم
|
رد: واحد بهدلنى والتانى اكرمنى
اخوانى الكرام شكرا جزيلا لمشاركاتم ونصائحكم الغالية وانا فعلا عندى سلامة نية من نحية الناس كلها وعشان كدة ربنا بيسترها معايا والحمد لله على كل حال وكفايا عليا انى فى اليوم الصعب دة عرفت راجل محترم بمعنى الكلمة وما يتخيرش عنكم جميعا وشكر جزيلا للمشاركات الرائعة
|
12-01-29, 10:09 PM | #22 |
صياد متقدم
|
رد: واحد بهدلنى والتانى اكرمنى
ههههههههههههههههههههه
ههههههههههههههههه طبعا انتم عارفين بضحك ليه
__________________
amr2006_2007942000@yahoo.comاموت محبوبا خير لي من أن أعيش مكروها |
12-01-29, 10:55 PM | #23 |
صياد متفاعل
|
رد: واحد بهدلنى والتانى اكرمنى
حمد الله على السلامة المهم ان انت روحت بالسلامة
__________________
والصيد مد الريش والصقر حــــاديه***** يبغى النجاه ولحقه الصقرممداه
وحولبه القرناس من فوق فــــاريه***** الريش طار وقامت الريح تـــــذراه والجمر شب وفوقه الصيد نشويه***** هاذي طرات العمر وهاذي حلاياه |
12-01-30, 01:08 AM | #24 |
صياد قديم
|
رد: واحد بهدلنى والتانى اكرمنى
حمد لله على سلامتك و اهم حاجه انك رجعتلنا
__________________
اذا اكتمل العقل قل الكلام خلقنا باذنين و فم واحد لنسمع اكثر ما نتكلم مصطفى
|
12-02-01, 01:47 PM | #25 |
صياد متقدم
تاريخ التسجيل: Dec 2011
المدينه: المعادي-القاهرة.
المشاركات: 729
معدل تقييم المستوى: 9 |
رد: واحد بهدلنى والتانى اكرمنى
هههههههه دي مغامرات
حمدا لله على السلامة
__________________
قرأ رسول الله صلى الله عليه وسلم على المنبر :
{وأعدوا لهم ما استطعتم من قوة ومن رباط الخيل} فقال : ألا إن القوة الرمي ، ألا إن القوة الرمي, ألا إن القوة الرمي )) صدق رسول الله صلى الله عليه وسلم أخرجه الإمام مسلم. |
12-02-17, 06:18 PM | #26 |
صياد متفاعل
تاريخ التسجيل: Apr 2011
المدينه: القاهرة
المشاركات: 157
معدل تقييم المستوى: 5 |
رد: واحد بهدلنى والتانى اكرمنى
حمد الله على سلامتك يا استاذ فوزى والمهم انك رجعت بالسلام وكسبت معرفة شخصية محترمة
|
12-02-23, 12:01 AM | #27 |
صياد نشيط
تاريخ التسجيل: Sep 2011
المدينه: القاهرة
المشاركات: 252
معدل تقييم المستوى: 6 |
رد: واحد بهدلنى والتانى اكرمنى
عسى أن تكرهوا شيىء وهو خير لكم .. سبحان الله لولا قابلت هذا الخبيث الأول ما كنت تعرفت على الكريم الثانى .. ولهذا قال أهل العلم أن الله عز وجل لا يأتى منه إلا الخير .. حتى وإن كان الحدث شر من وجهة نظرك للوهلة الأولى ، ولكن بعلم الله هو خير على المدى البعيد ، أو على الأقل هذا الشر الذى تراه قد دفع الله به شر أكبر كان سيحدث ..
حمد الله على السلامة
__________________
قال عبد الله بن المبارك رحمه الله :
رأيت الذنوب تميت القلوب * و قد يورث الذل إدمانها و ترك الذنوب حياة القلوب * و خير لنفسك عصيانها وقال بن القيم رحمه الله : دافع الخطرة .. فإن لم تفعل "صارت فكرة" فدافع الفكرة .. فإن لم تفعل "صارت شهوة" فحاربها .. فإن لم تفعل "صارت عزيمة وهمة" فإن لم تتدافعها .. "صارت فعلا ً " فإن لم تتداركه بضده .. "صارت عادة" |
12-02-23, 09:01 PM | #28 | |
صياد متقدم
|
رد: واحد بهدلنى والتانى اكرمنى
اقتباس:
__________________
[خذ القناعة من دنياك وارضَ بها.... لو لم يكن لك إلا راحة البدن يا نفس كفي عن العصيان... واكتسبي فعلا جميلا لعل الله يرحمني يانفسُ ويحكِ توبي واعملي حسنا... عسى تُجازين بعد الموت بالحسنِ |
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
بخصوص الفرز الأول والتاني في الجاكال | fesal | محدثات الصوت | 8 | 11-10-17 01:36 AM |
عايزين واحد يخترعلنا واحد زى دة | AHMED IS MAHMOUD | الصيد العام | 5 | 11-09-06 06:32 PM |
انا نفسى اعيش واخد الراجل دة بالحضن .. أرجل واحد فيكى يا مصر | elexlns1 | الصيد العام | 40 | 11-05-30 04:19 AM |
في ناس بتقول كرال في منها صيني و في منها تركي ازاي افرأ بنهم و بعدين إيه موضوع الفرز الاول والثاني | صياد جديد جداً | سوق المنتدى | 1 | 11-03-28 10:50 PM |
في ناس بتقول كرال في منها صيني و في منها تركي ازاي افرأ بنهم و بعدين إيه موضوع الفرز الاول والثاني | صياد جديد جداً | الصيد العام | 0 | 11-03-28 10:25 PM |