الصوت المعدل/الاليكتريك/السيلف ( العقوبات)

[mero1x]

فى الفترة الاخيرة والتى بدأت منذ الثورة 25/ينايز
وما واكبها من انفلات امنى وتهريب المساجين والمسجلين وسرقة الاسلحة من مخازن الداخلية والاقسام .

مما اتبعها من جرائم ( سرقة بالاكراة وخطف واغتصاب وتصفية حسابات قديمة اما بالقتل العمد او الاعتداء على الممتلكات الخاصة والعامة و ما الى ذلك من افعال مجرمة)

تسبب ذلك فى افراز حالة لم يمر بها المصريين من قبل الا وهى (الاحساس بعدم الامان) حتى لو فى منزلك !
مما دفع الكثيرون الى محاولة اقتناء كل ما هو راضع يستطيع بة حماية نفسة وممتلكاتة .
من:
شومة خشب
اسلحة بيضاء (سكينة مطبخ - مطواة - خنجر - سنكى - سنجة -زمبك- اسياخ مدببة او مسنونة)

اسلحة نارية
1- طبنجة
ا- بترخيص
ب- بدون ترخيص (ميرى مسروقة - سلاح جريمة- مهربة من الخارج)
2-بنادق (خرطوش- الى)
3- فرد خرطوش مصنع (تحت السلم - مصانع)

مسدسات صوت (عادية او مفتوحة بتضرب بلى)

اليكترك شوك

سيلف ديفنس

واصبح كل ما سبق من اسلحة يباع على الملاء وفى المنتديات والمواقع الاليكترونية وفى الشارع)

حد فكر بعد لما الاوضاع تستقر مصير الحجات دى اية ؟؟
هل هتبقى مطمن على نفسك وانت عارف ان جارك كان معاة فرد خطوش ايام القلق ؟
وهل القانون المصرى هيدرجها فى جدول خامس جديد للأسلحة ولا اية ؟؟
وهل هيطبق الترخيص على بنادق الرش كمان ؟؟؟؟؟؟؟؟؟؟

واسئلة كتيرة ..

الخلاصة

ان كل من
الصوت المعدل والاليكتريك والسيلف مجرمين ضمنياً فى قانون الاسلحة المادة 25 مكرر من قانون 95 لسنة 45 المعدل بالقانون 97 لسنة 92 جرمت إحراز أي أسلحة أو أدوات مما تستخدم للاعتداء علي الأشخاص بغير مسوغ من الضرورة الحرفية أو الشخصية مما تشكل معها إحدي جرائم أمن الدولة طوارئ (ولا يوجد فيها استئناف علي الحكم) والعقوبة بالحبس والغرامة لا تزيد علي سنة وبالغرامة لاتقل عن 50 جنيها وتكون الأحكام مشددة في حالة استخدامها بدور العبادة.

طبعاً عذرنا دلوقتى القلق اللى البلد بتمر بية بس لو الحكومة سيطرت على البلطجية بقبضة من حديد فى الحالة دى لو اى حد اتمسك بأى حاجة من شأنها الاضرار والتعدى على نفس الاخر هيدخل فى عقوبة مشددة.

نصيحة

بلاش اعلان طرق تعديل الصوت الى بلى والكلام دة لأن فى غيرك ممكن يستخدمة غلط
وياريت
الحد من اقتناء تلك الاشياء (كفاية حاجة فى البيت وحاجة فى العربية) مش لازم فرح اسلحة وربنا يعدى الايام على خير .
وفى النهاية
الله خير حافظاً وهو ارحم الرحمين

امير سعد
ارجو التثبيت

[m777md62]

شكرا جدا لموضوعك الجميل ده . وكلامك القيم , وفعلا الكلام ده سليم 100% ,, تحياتى لك ,, وتقبل مرورى ...

[smsmn8888]

كلام 100 100 فعلا كلام واقعي جدااا بس في نقطة وحدة الاوضاع تستقر ؟؟؟؟ تا مش هيحصل احنا امامنااا ولا سنتين تلاتا تاني للاسف وممكن تذيد لية لان الشرطة مش هتنزل الا لم يكون فى رئيس تحمية ويحميها تا مبدا عند الشرطة علشان كدا ربنا يعدي الفترة دي علي خير يارب

[mero1x]

والله يا سمسم انا مش عايز احبط الناس
انت كلامك صح مش قبل سنتين
دة كمان فى حالة
ان الناس تهتم بشغلها
ان الشعب يتفق على الرئيس الجديد (عمرها ما هتحصل بعد اول شهر هتلاقى مظاهرات ضدة)
ان الحكومة تهتم بالشئوون الداخلية وتسيبها من الشحاتة الدولية
ان الناس متمشيش ورا مخرجين الافلام المثيرة فى المظاهرات(خ.ى)
ان الاعلام يبطل يفرض علينا ناس هبلة تكلمنا على السياسة ومصلحة البلد
ان الشعب المصرى يحترم نفسة ويهتم بشغلة وتربية اولادة تربية صح و نعامل بعض بحب من القلب

وبعد كدا برضو على رأيك مش اقل من سنتين عبال ما نستقر.

وتقبل تحياتى

[Hany Ekram]

تحياتي لكل الاعضاء

و تحية لصاحب الموضوع كلامك صح 100 في. ال 100 بس بالنسبة للآخ العزيز اللي فاكر ان احنا قدمنا سنة أو اثنين بعد اللي حصل في البلد و اللي أنا ب اشوفه و أسمعه من جرائم ، أنا اعتقد ان احنا قدمنا 100 سنة ضوئية ، يمكن بعد الاعضاء يعتقدون اين غير متشاءم و لكن هذا بالفعل أنا غير متفاءل علي الإطلاق بعد أحداث يناير و ما حدث بداية من يوم 25 حتي يومنا هذا اتلقى لم اتلق أري أي بارقة أمل ، شباب يتحدثون و يتحدثون في القنوات الفضائية علي ما يبدو انهم سعداء بظهورهم علي الشاشات الذين يسمون أنفسهم ب اءتلاف الشباب الذين اتلقى لم اتلق يخولهم أحد بالتحدث عن لسان الشعب أساسا و يأخذوا قرارات نيابة عن الشعب أساسا لأنهم ابتدءوا شيء لا يعرفون شيئا عنه أساسا ، لا هم ذوي خبرة و دراسات كل منهم ديكتاتور بذاته كل ما يحدث شيء لا يعجبهم ينزلون ميدان التحرير و يعطلون مصالح الأفراد أقصد المحال الموجودة بالتحرير عشان لا أحد يقول انهم بينزلوا يوم الجمعة ، حالة الهرج المرج التي انتشرت بفصلهم و لم تكن موجودة من قبل ، و للأسف أنا غير مقتنع بما حدث من هوجة 25 يناير يمكن رأي لن يعجب بعض الاعضاء لأني اعتقد اننا لو أردنا ان نسميها ثورة فلابد من وجود قاءد يحمل لواء البلد أين هو ؟ الاجابة لا يوجد .........
لكم جزيل الشكر يا شباب الاءتلاف ، لو نظرنا في التاريخ سنجد /حمد عرابي مصطفي كامل ، ثورة 23 يوليو العظيمة و التي لم يحدث بعدها ما يحدث في مصر الآن ، فهذه ليست ثورة علي الإطلاق التي نشأت علي الكذب و ادمن خالد سعيد و البرادعي و الأحداث التي حدثت في الحوار الوطني و الرغبة في طرد بعض الشخصيات التي كانت موجود بالحوار الوطني و كانت منتمية للحزب الوطني الديموقراطي منتهي الديموقراطية من الشباب لا احترام للسن و لا المقام ، و لهذا أنا غير مقتنع بهم علي الإطلاق مهما عملوا فلقد اثر هذا علي حياة أولادي بالخوف و الفزع من كل شيء و من الاصوات و من التزاحم بالشوارع شكرا ي اءتلاف الشباب علي رأي القذافي من انتم..... من انتم و إلي آخر ما قال.
أسف علي الإطالة و شكرا علي تحملكم

[tarekvb]

معادلة اصعب من معادلة البيضة ولا الفرخة
الناس تمسك سلاح تتمسك بيه؟؟؟ ولا متمسكش وتتقتل ويتنهش عرضهم؟؟

[Hany Ekram]

المشاركة الأصلية كتبت بواسطة tarekvb

معادلة اصعب من معادلة البيضة ولا الفرخة
الناس تمسك سلاح تتمسك بيه؟؟؟ ولا متمسكش وتتقتل ويتنهش عرضهم؟؟

وو الله كلامك صح الواحد مش عارف يعمل ايه ؟؟؟؟

[بسام سعيد]

مجهود رائع

[ahmadkader]

يا جماعة بلاش نسطح الموضوع و يا ريت ننظر فى العمق شوية ، زمان ضحكوا علينا عندما أفهمونا أن الشعب المصري بكافة طوائفة كان يريد جلاء الأنجليز، فالكثيرون – رغم حبهم لمصر – ربما كانوا يرون في وجود الأنجليز شراً لابد منه، ويرون في محاولة اجلاؤهم خطراً على الاستقرار الذي يعيشون فيه، وتهديداً لسلامة حياتهم وأبناءهم. الكثيرون أيضاً كانت أعمالهم ومصالحهم مرتبطة بالقصر والأنجليز

حينما اعتقل سعد زغلول وتم نفيه في 8 مارس 1919، بدأ طلبة جامعة القاهرة في الاحتجاج ، طبعا كثير من العقلاء انتقدوا هذه التصرفات باعتبارها مجنونة ولا طائل منها ، مش كدا و بس ، فيه كثير قالوا أن سعد زغلول شخص مدعي ويريد أن يقفز على السلطة وأنه لا يأبه لمطالب المواطنين العاديين. آباء كثيرين حبسوا أبناءهم في البيت لكي لا يخرجوا إلى المظاهرات ، بعدها بيومين انضم طلبة الأزهر للمظاهرات، وربما قال قائل من العقلاء وقتها أنهم يريدون أن يركبوا الموجة. وفي أيام قليلة، كانت الثورة قد اندلعت في كل المدن والقرى. وأنقل عن ويكيبيديا قولها : "في القاهرة قام عمال الترام بإضراب مطالبين بزيادة الأجور وتخفيض ساعات العمل وغيرها، وتم شل حركة الترام شللاً كاملا، تلا ذلك إضراب عمال السكك الحديدية، ولم يكتف هؤلاء بإعلان الإضراب، بل قاموا بإتلاف محولات حركة القطارات وابتكروا عملية قطع خطوط السكك الحديدية – التي أخذها عنهم الفلاحون وأصبحت أهم أسلحة الثورة. وأضرب سائقو التاكسي وعمال البريد والكهرباء والجمارك، تلا ذلك إضراب عمال المطابع وعمال الفنارات والورش الحكومية. وقام السكان في الأحياء الفقيرة بحفر الخنادق لمواجهة القوات البريطانية وقوات الشرطة، وقامت الجماهير بالاعتداء على بعض المحلات التجارية وممتلكات الأجانب وتدمير مركبات الترام. في حين قامت جماعات الفلاحين بقطع خطوط السكك الحديدية في قرى ومدن الوجهين القبلي والبحري، ومهاجمة أقسام البوليس في المدن. ففي منيا القمح أغار الفلاحون من القرى المجاورة على مركز الشرطة وأطلقوا سراح المعتقلين، وفي دمنهور قام الأهالي بالتظاهر وضرب رئيس المدينة بالأحذية. وفي الفيوم هاجم البدو القوات البريطاينة وقوات الشرطة عندما اعتدت هذه القوات على المتظاهرين. وفي اسيوط قام الأهالي بالهجوم على قسم البوليس والاستيلاء على السلاح، ولم يفلح قصف المدينة بطائراتين في إجبارهم على التراجع، أما في قرية دير مواس محافظة المنيا, هاجم الفلاحون قطارا للجنود الإنجليز ودارت معارك طاحنة بين الجانبين."

يا للهول – أكرر أن هذه الأحداث هي وصف لثورة 1919 وليس لأي ثورة أخرى . لم تكن مصر نسيجاً واحداً في هذه الأيام – فهناك الكثيرون التي تضررت مصالحهم بسبب هذه الأعمال "التخريبية"، وهناك الكثيرون الذين رأوا أياماً مفزعة على خلفية هروب المساجين وحرق المحلات وانقطاع المواصلات. وأكاد أقسم أن بعض المصريين وقتها كانوا لا ينامون خوفاً، وكانوا يصلون أن يكف هؤلاء الشباب الحمقى عن المطالبة بالاستقلال.

وأنقل ثانية من ويكيبيدبا: "كان رد فعل القوات البريطانية من أفظع أعمال العنف الذي لاقاه المصريون في التاريخ الحديث، فمنذ الايام الأولى كانت القوات البريطانية هي أول من أوقع الشهداء بين صفوف الطلبة أثناء المظاهرات السلمية في بداية الثورة. وعقب انتشار قطع خطوط السكك الحديد، اصدرت السلطات بيانات تهدد بإعدام كل من يساهم في ذلك، وبحرق القرى المجاورة للخطوط التي يتم قطعها. وتم تشكيل العديد من المحاكم العسكرية لمحاكمة المشاركين في الثورة. ولم تتردد قوات الأمن في حصد الأرواح بشكل لم يختلف أحيانا عن المذابح، كما حدث في الفيوم عندما تم قتل أربعمائة من البدو في يوم واحد على أيدي القوات البريطانية وقوات الشرطة المصرية. ولم تتردد القوات البريطانية في تنفيذ تهديداتها ضد القرى، كما حدث في قرى العزيزية والبدرشين والشباك وغيرها، حيث أُحرقت هذه القرى ونُهبت ممتلكات الفلاحين، وتم قتل وجلد الفلاحين واغتصاب عدد من النساء"

أتخيل أن الكثير من العائلات المحترمة الفاضلة كانت تستمع إلى كل هذه الأخبار وهم حائرون ما بين الفخر بهؤلاء الذين يقدموا أرواحهم لخلاص مصر، وما بين الحزن على وقف الحال والتساؤل إن كان الأمر يستحق كل هذه التضحيات، فسعد زغلول في النهاية الأمر ليس نبياً ولا مخلصاً، وهو شخص مُختلف عليه في أفضل الأحوال.

أدعي – وأتحمل مسئولية الادعاء – أن الغالبية العظمى من شعب مصر – رغم كراهيتهم للاستعمار – لم تكن فاعلة ولا مؤيدة لثورة 1919، وأن ما قام به هؤلاء الطلبة والوطنيون كان مخاطرة تحملوا فيها انتقاد اخوتهم من المصريين بقدر ما تحملوا من قهر الشرطة والأنجليز. وأتطاول في ادعائي لأقول أن الأغلبية العظمى من شعب مصر لم تكن لتقوم بالثورة على الملك في 1952 – برغم سعادتهم بها – إذا كانت هذه الثورة ستستدعي منهم التضحية برخاءهم وأمانهم وتلقي بهم إلى المجهول، وأن الغالبية العظمى من شعب مصر كانت ستطالب الجيش بقبول تنازلات محدودة من الملك إذا كان الأمر قد تطور إلى حالة صراع مسلح وتوتر بين الضباط الأحرار والجنود الموالين للملك. هؤلاء ليسوا خونة ولا مرتشين. هؤلاء مصريون طبيعيون يؤثرون الاستقرار والنظام على الثمن المجهول للثورة والتغيير.

إن الشعوب لا تتغير لأن 100% من المواطنين يقررون تحمل مسئولية التغيير. هذا لا يحدث لا عندنا ولا في الصين ولا تونس ولا أوكرانيا ولا في أي مكان. إن الشعوب تتكون في مجملها من غالبية مستقرة وأقلية متحركة، الأقلية المتحركة هي التي تقود المجتمع وتصنع التاريخ، والغالبية المستقرة هي التي تحمي المجتمع من انقلاب أسبوعي، لكنها أيضاً هي الأداة الأساسية التي يستخدمها أي ديكتاتور ليحافظ على حكمه. ليس الأمن هو ما يحمي الديكتاتور، ولكنه هذا الخوف والرفض من التغيير الذي يحكم الأغلبية العظمى منا.

[pooforever_2010]

شكرا جدا لموضوعك الجميل ده

[Android man]

المشاركة الأصلية كتبت بواسطة hany ekram

تحياتي لكل الاعضاء

و تحية لصاحب الموضوع كلامك صح 100 في. ال 100 بس بالنسبة للآخ العزيز اللي فاكر ان احنا قدمنا سنة أو اثنين بعد اللي حصل في البلد و اللي أنا ب اشوفه و أسمعه من جرائم ، أنا اعتقد ان احنا قدمنا 100 سنة ضوئية ، يمكن بعد الاعضاء يعتقدون اين غير متشاءم و لكن هذا بالفعل أنا غير متفاءل علي الإطلاق بعد أحداث يناير و ما حدث بداية من يوم 25 حتي يومنا هذا اتلقى لم اتلق أري أي بارقة أمل ، شباب يتحدثون و يتحدثون في القنوات الفضائية علي ما يبدو انهم سعداء بظهورهم علي الشاشات الذين يسمون أنفسهم ب اءتلاف الشباب الذين اتلقى لم اتلق يخولهم أحد بالتحدث عن لسان الشعب أساسا و يأخذوا قرارات نيابة عن الشعب أساسا لأنهم ابتدءوا شيء لا يعرفون شيئا عنه أساسا ، لا هم ذوي خبرة و دراسات كل منهم ديكتاتور بذاته كل ما يحدث شيء لا يعجبهم ينزلون ميدان التحرير و يعطلون مصالح الأفراد أقصد المحال الموجودة بالتحرير عشان لا أحد يقول انهم بينزلوا يوم الجمعة ، حالة الهرج المرج التي انتشرت بفصلهم و لم تكن موجودة من قبل ، و للأسف أنا غير مقتنع بما حدث من هوجة 25 يناير يمكن رأي لن يعجب بعض الاعضاء لأني اعتقد اننا لو أردنا ان نسميها ثورة فلابد من وجود قاءد يحمل لواء البلد أين هو ؟ الاجابة لا يوجد .........
لكم جزيل الشكر يا شباب الاءتلاف ، لو نظرنا في التاريخ سنجد /حمد عرابي مصطفي كامل ، ثورة 23 يوليو العظيمة و التي لم يحدث بعدها ما يحدث في مصر الآن ، فهذه ليست ثورة علي الإطلاق التي نشأت علي الكذب و ادمن خالد سعيد و البرادعي و الأحداث التي حدثت في الحوار الوطني و الرغبة في طرد بعض الشخصيات التي كانت موجود بالحوار الوطني و كانت منتمية للحزب الوطني الديموقراطي منتهي الديموقراطية من الشباب لا احترام للسن و لا المقام ، و لهذا أنا غير مقتنع بهم علي الإطلاق مهما عملوا فلقد اثر هذا علي حياة أولادي بالخوف و الفزع من كل شيء و من الاصوات و من التزاحم بالشوارع شكرا ي اءتلاف الشباب علي رأي القذافي من انتم..... من انتم و إلي آخر ما قال.
أسف علي الإطالة و شكرا علي تحملكم

كلامك صح بس اضيف علية جملة بسيطة
لاعمر مصر هتنظف الا لما يعدي 100 سنة من التعليم الكويس والعيشة النظييفة والشغل الي فلوسة كتير
عارف ليه لان انا وانت وكل جيلنا اتربي علي (امشي جنب الحيط يا بني مش ناقصين وجع قلب )كلمة بنسمعها من يوم ما نتولد لحد ما نموت فلازم ابني ان شاء الله اعودو علي النظام والديموقراتية والسلام
وابني بردو مش هينفع يكون زهرة الثورة
الي هيبقي زهرة الزورة وثمرتها الجيدة ابن ابني يعني هيكون مر 100 سنة
والصين علشان توصل من تحت السلم لفوق البرج اخدت 50 سنة بس وده كمان كان الشعب كلة ايد واحدة فما بالك بقي بشعب بتاع واحد طالع في المسجد وجاي علي التيلفزون بيقول (هما المسحيين دول كام مليون ؟؟؟؟6 مليون .......خلاص نموتهم ونستريح ) عايز ايه بقي من شعب متخلف (رحم الله منا لا اقصد الجميع بل اقصد من لا يشغل عقلو وده ناتج عن التربية الغلط في المقام الاول ) علشان كده بقول لازم التربية
وعلي فكرة سوزان مبارك ليها يد كبيرة في الموضوع ده ................
هتسألوني ازاي ؟؟؟؟؟اقولكم
الام عصب البيت (الام مدرسة اذا اعدتها اعدت شعبا طيب الاعراق )
وفي الوقت الي فيه نساء العالم الغربي يتقاعدون عن العمل لتربية اطفالهم كما فعلت اجدادنا الله يرحمهم
تقوم سوزان وتشجع المرأة علي التفاعل في المجتمع وانها نصف المجتمع وينزلو الشغل ويلبسو محزق اعفاكم الله ونسو اطفالهم وربوهم تربية تيك اوي علي الماشي وطلع الجيل الي احنا شايفينو دلوقتي اي حاجة تخلية يروح وراها
علي رأي المثل الشعبي (معاهم معاهم :::عليهم عليهم)
واسف ان كنت اطلت الكتابة فهذا من الي حاسس بيه وحاسس بلعار ان مصر عمرها ما هتشم النور
ففي كل انحاء الدنيا البلد تقوم فيها الثورات بتفاوت كبير مش مصر كل كام سنة ثورة وبردو مفيش تحسن ودي بردو مش هيحصل فيها حاجة وبكرة هتعرفو الحقيقة الي احنا عايشين كذبة كبيرة

[gamopt80]

هو الصح انه اي سلاح يكون في البيت او العربية فقط لا غير لكن واحد يمشي بيه ويتمظهر قدام الناس دا هبل
الا لو سلاح مرخص فا ماشي من حقه
لكن مسدس البلي مكانه البيت

[سمسم]

كلام محترم من راجل محترم يا امير باشا

[sameer]

مشكور يا استاذنا الكبير

[mero1x]

الف شكر يا رجالة على الردود

[mido axis]

موضوع جميل وكلام ا\احمد فادر اعجبنى

[عيون الصقر12]

الكلام ده سليم 100%

[osama2011]

المشاركة الأصلية كتبت بواسطة mero1x

فى الفترة الاخيرة والتى بدأت منذ الثورة 25/ينايز
وما واكبها من انفلات امنى وتهريب المساجين والمسجلين وسرقة الاسلحة من مخازن الداخلية والاقسام .

مما اتبعها من جرائم ( سرقة بالاكراة وخطف واغتصاب وتصفية حسابات قديمة اما بالقتل العمد او الاعتداء على الممتلكات الخاصة والعامة و ما الى ذلك من افعال مجرمة)

تسبب ذلك فى افراز حالة لم يمر بها المصريين من قبل الا وهى (الاحساس بعدم الامان) حتى لو فى منزلك !
مما دفع الكثيرون الى محاولة اقتناء كل ما هو راضع يستطيع بة حماية نفسة وممتلكاتة .
من:
شومة خشب
اسلحة بيضاء (سكينة مطبخ - مطواة - خنجر - سنكى - سنجة -زمبك- اسياخ مدببة او مسنونة)

اسلحة نارية
1- طبنجة
ا- بترخيص
ب- بدون ترخيص (ميرى مسروقة - سلاح جريمة- مهربة من الخارج)
2-بنادق (خرطوش- الى)
3- فرد خرطوش مصنع (تحت السلم - مصانع)

مسدسات صوت (عادية او مفتوحة بتضرب بلى)

اليكترك شوك

سيلف ديفنس

واصبح كل ما سبق من اسلحة يباع على الملاء وفى المنتديات والمواقع الاليكترونية وفى الشارع)

حد فكر بعد لما الاوضاع تستقر مصير الحجات دى اية ؟؟
هل هتبقى مطمن على نفسك وانت عارف ان جارك كان معاة فرد خطوش ايام القلق ؟
وهل القانون المصرى هيدرجها فى جدول خامس جديد للأسلحة ولا اية ؟؟
وهل هيطبق الترخيص على بنادق الرش كمان ؟؟؟؟؟؟؟؟؟؟

واسئلة كتيرة ..

الخلاصة

ان كل من
الصوت المعدل والاليكتريك والسيلف مجرمين ضمنياً فى قانون الاسلحة المادة 25 مكرر من قانون 95 لسنة 45 المعدل بالقانون 97 لسنة 92 جرمت إحراز أي أسلحة أو أدوات مما تستخدم للاعتداء علي الأشخاص بغير مسوغ من الضرورة الحرفية أو الشخصية مما تشكل معها إحدي جرائم أمن الدولة طوارئ (ولا يوجد فيها استئناف علي الحكم) والعقوبة بالحبس والغرامة لا تزيد علي سنة وبالغرامة لاتقل عن 50 جنيها وتكون الأحكام مشددة في حالة استخدامها بدور العبادة.

طبعاً عذرنا دلوقتى القلق اللى البلد بتمر بية بس لو الحكومة سيطرت على البلطجية بقبضة من حديد فى الحالة دى لو اى حد اتمسك بأى حاجة من شأنها الاضرار والتعدى على نفس الاخر هيدخل فى عقوبة مشددة.

نصيحة

بلاش اعلان طرق تعديل الصوت الى بلى والكلام دة لأن فى غيرك ممكن يستخدمة غلط
وياريت
الحد من اقتناء تلك الاشياء (كفاية حاجة فى البيت وحاجة فى العربية) مش لازم فرح اسلحة وربنا يعدى الايام على خير .
وفى النهاية
الله خير حافظاً وهو ارحم الرحمين

امير سعد
ارجو التثبيت

الله ينور عليك يا أستاذ امير سعد

[the hacker]

المشاركة الأصلية كتبت بواسطة tarekvb

معادلة اصعب من معادلة البيضة ولا الفرخة
الناس تمسك سلاح تتمسك بيه؟؟؟ ولا متمسكش وتتقتل ويتنهش عرضهم؟؟

استاذ طارق كلامه صح تخيل انك بتمشى بفلوس او مش بتمشى بفلوس انهرده مثلا صديق ليا بيحكيلى ان كان فى واحد فى القطار امبارح الصبح ماسك فى ايدو مطوا و فتحها و ماسك فى الايد التانيه 3 شونط حريمى و الناس كلها خيفه منو دخل لسواق الاطر قلو متقفش فى اى محطه لحد سيدى جابر.
الناس تعمل ايه ممكن تتسبت ممكن يتقطع عليك الطريق و انت سايق بعد الشر بتوصل للقتل
ايه الحل ؟
و مش كل الناس بأمكنها ترخص بسبب شروط الترخيص

[ahmadkader]

المشاركة الأصلية كتبت بواسطة mido axis

موضوع جميل وكلام ا\احمد فادر اعجبنى

أشكرك على تعقيبك اللطيف ، أنا على فكرة إسمى الحقيقى هو " أحمد عبد القادر"

[ahmadkader]

المشاركة الأصلية كتبت بواسطة the hacker

استاذ طارق كلامه صح تخيل انك بتمشى بفلوس او مش بتمشى بفلوس انهرده مثلا صديق ليا بيحكيلى ان كان فى واحد فى القطار امبارح الصبح ماسك فى ايدو مطوا و فتحها و ماسك فى الايد التانيه 3 شونط حريمى و الناس كلها خيفه منو دخل لسواق الاطر قلو متقفش فى اى محطه لحد سيدى جابر. الناس تعمل ايه ممكن تتسبت ممكن يتقطع عليك الطريق و انت سايق بعد الشر بتوصل للقتل ايه الحل ؟ و مش كل الناس بأمكنها ترخص بسبب شروط الترخيص

طيب عايز أسأل حضرتك سؤال : لو معاك ساعتها مسدس 9 ميللى مرخص كنت هتعمل إيه ؟ كنت هتضرب نار وسط الناس فى القطر عادى كدا ؟ و اللا كنت هتهوش بيه ؟ طيب كنت هتعمل إيه لو خاف منك و راح واخد رهينة طفل مثلا من جوا القطر و راح حاطط المطوة على رقبته و قالك إرمى المسدس ، عارف ساعتها كان هيحصل إيه ؟ الحرامى مكانش هيبقى معاه مطوة بس ، كان هيبقى معاه مطوة و مسدس !! تخيل كان إيه اللى ممكن يحصل لو كام كمان مخبى معاه مسدس و كان حصل تبادل إطلاق نار جوا قطر محمل بالركاب ،، يا سيدى الفاضل مش دايما الموقف بيحتمل إنك تستعمل أقصى قوة ممكنة ، لأن ده ممكن يضر الأبرياء أكثر من الجناة

[Mohamed Arafa]

والله انا قلت كده
محمد عرفه

[شبرا]

احمد قادر كلامك منتهى العقل والحكمة ومظبوط 100% بس لازم ماننساش أن البلطجى أو اللي على باطل جبان بطبعه فلو هو فاهم أو شاف أن فيه ناس أقوى منه حيلم نفسه ويمكن كان رمى الشنط اساسا وهرب أو ماسرقهمش اصلا.مع أحترامي

[ahmadkader]

المشاركة الأصلية كتبت بواسطة شبرا

احمد قادر كلامك منتهى العقل والحكمة ومظبوط 100% بس لازم ماننساش أن البلطجى أو اللي على باطل جبان بطبعه فلو هو فاهم أو شاف أن فيه ناس أقوى منه حيلم نفسه ويمكن كان رمى الشنط اساسا وهرب أو ماسرقهمش اصلا.مع أحترامي

الحل الوحيد لإنهاء ظاهرة البلطجة هو إن الناس كلها تبقى يد واحدة ، إيد لوحدها ماتسقفش ، لو كل حرامى عرف إن الناس كلها هتجتمع عليه هيفكر ألف مرة قبل ما يحاول يسرق ، و خلى بالك الجبان بتبقى ضربته غشيمة أكتر من المحترف ، و ربنا يحرسنا كلنا

[أبو سلطان]

أستاذ أحمد عبد القادر
كلامك عقلانى جدا جدا بس تقريبا صعب التنفيذ لكنه ليس بمستحيل
وفعلا لو كل واحد فينا عمل اللى عليه خلاص انتهت المشكلة
لكن صعب يحصل الكلام ده

[سرسور]

كلام جميل
جزاكم الله خيرًا