رد: فيديو للبندقيه الجديده air lord
الله يباركلك يا دكتور يسرى ياريت نعرف هل ممكن تعمل الواحدة على كام وتاخد كام؟ مقدم حجز أد اية والاستلام بعد قد اية ؟ عارف يا دكتور لو سرعتها 150 م/ث من ايدك زى العسل بالعربى كدة انا ممكن بفضل الله اجيب اى حاجة بس الى من صنع ايد ابن بلدى أغلى عليا ربنا يوفقك بس لو سمحت تحاول تاخد تصريح بالشغل حتى لو هيكلفك احنا وراك حمل التكلفة على اسعار اول خمسين حاجز واحنا سدادين يا غالى وواضح من بين السطور انت تعبت اد اية ومخمخت وحاولت وعدلت .. لحد ما وصلت لنتيجة مقبولة فلك ولمن ساعدك من الماشينست كل التحية والتقدير وبالنسبة للزملاء راغبى الحجز وانا منهم فى اقتراحين: دة زى ما شفنا نموذج مبدئى الى عاوز يحجز يتفق مع الدكتور يسرى بعد اذنة ويدفع مقدم تحت حساب التطوير ويستلم مثلا بعد تلات شهور لما يكون الدكتور ظبط وضعة القانونى و وصل للديزاين اير لورد اتنين الى بمنفاخ يدوى واير لورد 3 الى بخزنة.. مثلا والاقتراح التانى هو الحجز بدفعة مقدمة لدعم التطوير ولتكن 30% من سعر البندقية مقابل خصم نهائى15% مثلا على اجمالى السعر ساعة الإستلام. وكمان لازم يكون فى شروط لشرا البندقية منها ان الى بيشترى يكون فوق 18 سنة ويوقع على اقرار بمسؤليتة الكاملة عن استعمالها مع تحملة الكامل لتبعات اى تصرف غير قانونى ينتج عن استخدام السلاح دون وقوع ادنى مسؤلية على البائع.
|
11-09-30, 02:43 PM
المواضيع المتشابهه
العرض الشجري